س: ليه تحب سامي الجابر - صفحة رقم 3 - نادي الهلال السعودي - شبكة الزعيم

هلال السماء · #31 20/02/2001, 04:47 AM

لانه مثقف

ذيب نجد · #32 20/02/2001, 08:50 AM

بيض الله وجيهكم ياشباب ماقصرتوا الصراحه كل واحد حط اللي براسه من اعجاب والذيب تراه يستاهل كل خير بس الحقيقه الى الان مافيه جواب مقنع كل اللي ذكرتوها صحيحه 100% لكن فيه شي اكيد اقوى واوضح
ودمتم,,,,,

فالح · #33 20/02/2001, 09:26 AM

بصراح وبكل بساطه :
احب سامي لانه يلعب في الهلال واي لاعب في الهلال او منتمي له انا احبه.

(سموني قديم او غير متطور لاكن انا احب لكيان الهلالي سواء فيه سامي او غيره)
[عدلت بواسطة فالح التاريخ:20-02-2001 الساعة: 09:36 AM]

جابر عثرات الهلال · #34 20/02/2001, 09:56 AM

طلع من نادي كبير ...
وصار الكبير ...
وفي لعبه وفنه خطير ...
لا تسلم له سلاحك ...
يشقق شباكك ...
ويبهذل دفاعك ...
ولا تدري ...
ليلك من نهارك ...
في لعبه سامي ...
وأسمه سامي ...
لو ما سرق حبي ...
كان قلت والله حرامي ...
جابر العثرات ...
في كل البطولات ...
قاهرهم ...
محطمهم ...
وبعض الأحيان ملهمهم ...
يقلب أحزانك مسرات ...
ترسانة مهارات ...
ومن غيره يحسم نهائي ...
سامي ...
يختفي أيام ...
ويجي في يوم الختام ...
معه هدف ...
يسوى ألفين من أهداف الأنام ...
ويحقق الأحلام ...
كنه سحر ...
وكله فخر ...
أحلى انجاز في العمر ...
والمهزوم وده ينتحر ...
ويبقى قاهرهم ...
ومشرفهم ...
وهو في عمره صغير ...
نجم كبير ...
رجل النهائي ...
ســـــــــــــامـــــــي .....
-----------------------
تحياتي واشواقي============> هل عرفت الان؟؟

ذيب نجد · #35 20/02/2001, 03:54 PM

الاخ جابر العثرات اعتقد ان الكلام اللي قلته نصف الصواب ليس كله ولكن علنا نجد الشخص اللي بيحل هالغز المحير
شكراً لمن شارك ولمن شاهد ولم يشارك

ودمتم......

الإمبراطور · #36 20/02/2001, 04:27 PM

انا ما اقدر اقول لك اكثر من اللي يقوله اخونا الكاتب المبدع

<<<سـ9ــامــ9ــي>>>

بس والله اني مااقصدك بهالكلام ولا تفمني غلط...بس لأن جملته تعجبني..

سأل وش رايك بسامي...سؤال أهبل!!!...أحد يسأل بعز القيظ...هو الماء زين ياالظامي...........

صنع وأبدع...ضرب وأوجع...شبع وأشبع...ومخلابه قبل دامي...ولا يغرس هزيل الصيد...ولا

يهرول عبث سامي

زيزو · #37 20/02/2001, 04:52 PM

اول نشكر الاخ على لفته لهذا الموضوع
اولا احب انبه الاخوان الكرام والجمهور الهلالي العزيز بالذات
ان سامي كابتن ومدرب داخل الملعب او خارجه
وهذا بشهادت كثير من الوسط الرياضي والبذات
المدرب الكبير الوطني ناصر الجوهر
فهذي شهاده يعتز فيها سامي
ونعتز فيها حنا كاهلاليون
وفي الختام احب اهدي تحياتي لكل اعضاء النتدى وزواره

وكل سامي وانتم بخير
زيــــــزو

khlloodi · #38 20/02/2001, 04:55 PM

هذا سامي

اللي يلومني فيه جعله يلامي

هذا سامي

يا ناس هذا مصدر الهامي

هذا سامي

صريح جدا · #39 20/02/2001, 08:17 PM

اخوي المفروض يكون السؤال ويش الي في سامي ماينحب لان الحقيقه سامي
والحمدالله جميع خصاله حميده لاعب فنان خلوق مثقف متواضع وغير هذا كثير

هلالي شقراوي · #40 20/02/2001, 08:30 PM

دام انك سألت هالسؤال .. انا باسألك بعد .....
وش اللّي ما تحصّله في سامي..... عشان تعشقه ؟؟؟؟؟؟؟

الكمال لله سبحانه ....

اللورد سامي9 · #41 20/02/2001, 08:43 PM

هي يبيلها كلام!!!!!!111اسمحلي يالاخ سفر المرزوقي بان استعين بكلماتك:
قال وش رايك بسامي؟!سؤال أهبل !!!أحد يسأل بعز القيظ؟هو الماء زين يالظامي...صنع وأبدع ...ضرب وأوجع ...شبع وأشبع...ومخالبه قبل دامي...ما يعرف هزيل الصيد ...ولا يهرول عبث سامي...

واتأسف للاخ الامبراطورة بانه ذكر الكلام او الشعر من قبل وما اقول الا الله يعينك يا سفر
[عدلت بواسطة اللورد سامي9 التاريخ:20-02-2001 الساعة: 08:48 PM]

ذيب نجد · #42 21/02/2001, 02:41 PM

اشكركم من كل قلبي على مشاركاتكم وماقصرتوا ياابناء الزعيم
فعلا سامي ولو كثرت اسامي

انزاغي اليوفي · #43 10/03/2001, 05:27 PM

هذا سؤال .. أصلحك الله ..

عبودي · #44 10/03/2001, 06:07 PM

ليه أحب سامي ؟!
أترك الرد لسامي في الملعب ...

مجنون الهلال الدولي · #45 10/03/2001, 06:44 PM

لانه لاعب فنه راقي واخلاق رياضية واهداف خياليةو تسحيبات كوباريه...