عبد الرحمن بن سعود وسكوت الهلاليين عليه - نادي الهلال السعودي - شبكة الزعيم

الشبح الهلالي15 · #1 19/02/2001, 11:54 AM

مساكم الله بالخير...
والله في البدايه انا متضايق مرة من حال الادارة الهلالية واعضاء مجلس الادارة .
هالحين عبد الرحمن بن سعود جالس يحذف كلام يمين ويسار وسب في الهلال ...
ومن اقواله:- الهلال كالرجل العقيم الي كل شهر يبشر بولد...

وجالس يتبلى على الهلال..
ومافي اي احد يسكته ولايرد عليه وش السالفه..
لا وبعد حتى سليمان المطيويع ماانفك من لسانه مسمي برنامجه الرائع برنامج ( كل الهلال )...... والله حاله

حتى رئيس لجنة الحكام شالوه عشان سواد عيونه وحطوا واحد بداله لا ومهب عاجبه بعد، والله اني احن على الحكام والله هبلبهم
والله مدري وش يبي عبدالرحمن بن سعود الي يمشي على قاعدة (( ان لم تكن معي فانتا ضدي))....
وسلامتكم

عاشق البحر · #2 19/02/2001, 12:01 PM

والله الخاله هذي ما ينسكت عليها

و لازم الاداره الهلاليه تتحرك شوي و تشوف الحل مع هذي الاهانات الصريحه

#3 19/02/2001, 12:51 PM

يقولون رفع القلم عن ثلاثه ...وذكر منهم المجنون
ويقول الشاعر
صاحبي لايشغلك تزميرهم..لي نبح كلب نوكله الحصا

الشبح الهلالي15 · #4 19/02/2001, 12:58 PM

بس والله يالشاطر...
فاضخ مرارتي سكوتنا عليه..

البلى انحالتنا هذي مالها الى تفسيرين....
يااننا خايفين منه، اوان كلامه صح.
وهذا اخس والعن....

هلاليوووو · #5 19/02/2001, 01:12 PM

هذا الانسان مهوب قاضي كلامه ابد..!!

وبعدين هو يتكلم في الكل مهوب بس الهلال..!!

عشان كذا الهلاليين ماودهم يطولون السالفه معاه..فخلوه يتكلم والناس تضحك..!!

الشبح الهلالي15 · #6 19/02/2001, 01:57 PM

والله انك صادق ياهلاليوووو....
وصحيح انه يتكلم بالهلال وغيره بس الهلال زعيم مايقبل الاهانات
لازم ينرد عليه هذي مهيب حاله والله.

عزاي ...قول الشاعر:-

اذا اتتك مذمتي من ناقص فهي الشهادة لي باني كامل
[عدلت بواسطة الشبح الهلالي15 التاريخ:19-02-2001 الساعة: 02:00 PM]

ابويزيد · #7 19/02/2001, 02:26 PM

الاخوة الهلالين الاعزاء
"هذه ميزة الهلال ورجال الهلال شغلهم الشاغل عشقهم الكبير (الهلال) وتاركين للاخرين مناقشة الامور السطحية والدليل الاخر هذا الموقع اللذي تدور فية مناقشات عن الهلال بنسبة كبيرة ويتم مناقشة بعض مايمس الكيان الكبير من الاخرين...............
وهولا هم الكبار منشغلون بانفسهم وبالتخطيط لمستقبل الهلال...........................

اسير الزعيم · #8 19/02/2001, 03:25 PM

السلام عليكم ...مساكم الله بالخير جميعا
ياجماعه الخير الهلال كبير برجاله و دائما يكون رده القاسى فى الملعب وخير دليل على كلاامي هذا بطوله العرب الاخيره و ماصاحبها من تصريحات قبل النهائ و لكن الهلال كما شاهد الجميع كان رده القاسي عليهم في الملعب بنيله الكاس بكل استحقاق و جداره. ان هذا الكلاام المخجل الذي يردده صاحب الثمامه ليس الا غطاء ساتر على عيون جماهير ناديه لعل و عسى ينسيهم احزانهم و فشلهم في تحقيق بطوله واحده . الان دع رجال الهلال يعملون فى صمت نحو البطولات كعادتهم. .....وشكرا

العيار · #9 19/02/2001, 03:36 PM

يأخي سفيه ولو يردون على السفهاء صاروا مثلهم

هلالي القصيم · #10 19/02/2001, 03:43 PM

هذا ما خلا أحد إلا وسبه وهي ما وقفت على الهلال بس كل الأندية أخذت حقها من السب والتهجم .

الرائد · #11 19/02/2001, 03:58 PM

إذا نطق ال........فلا تجبه
فخير من إجابته الســــكوت

إذا كلمته فرجت عنـــــــه
وإن تركته كمدا يمــــــوت

لبن · #12 19/02/2001, 04:21 PM

انتم ماشفتوه يوم يقابلون معه في برنامج الكره 2000
يقول انا من المعجبين ببرنامج الكره 1421 هـ

يعني لا يهمكم تراه ينطل كلام من القهر ولا يدري وش يقول

مخاوي الهلال · #13 19/02/2001, 09:33 PM

ياخوي ياشبح الهلالي.....
اذا كانوا النصراويين انفسهم كارهينه وكارهين كلامه وش تبي بعد اكثر من كذا لكن الله يخلي الواسطه ...........لكن سمعت انه بيقدم استقالته صحيح.

الحب المستحيل · #14 19/02/2001, 10:18 PM

انا اتمنى انه ما يسكت ابد لأنه طول ماهو يتكلم انا على مبسوط لأنه وهذي قاعده على من يجهلون هذه الشخصيه الخارقه كل ما زاد الكلام وكل ما زات التجريح للهلال قتأكد اخي الهلالي انه مرتفع ضغطه صدقوني اذا تكلم فهو يتكلم من القهر والحره

الشبح الهلالي15 · #15 19/02/2001, 11:57 PM

في هاذي معك حق يالحب المستحيل....

يا اخ مخاوي الهلال ما اضن النصراويين كارهينه الا يبونه لان ماعندهم لسان وماعندهم صحافه مسكته مثل الزعيم والا لو يقدم استقالته عبد الرحمن كان راحو وطي...
والله ليتني شايف البرنامج يالبن... والله شي..
ويا اخ رائد صح لسانك كفو والله