#1  
قديم 16/02/2011, 11:53 AM
الصورة الرمزية الخاصة بـ |~ ولـد عنـيزة ~|
زعيــم متألــق
تاريخ التسجيل: 09/05/2008
المكان: ..’’عـنـد دوآآر السـآآعـه’’..
مشاركات: 1,362
مـفردآت آلقـصمآآن ..~"

آلسلآم عليـكم ورحمـة الله وبركـآته

وآنـآ رجـعت لكم بـعد الحآدث طبـعآ اكـتب بيد وحـده ..

شـفت لـي موضوع عن لـهجـآت آهل آلدلم

وآزيدكم من الشـعر بيت آلقصمآن ماتفهم شي

وهذي منها

اجحد :انفي واكذب

(مثل اذا سـوا خويك مشكله بالمدرسه وقالك خويك اذا جآك آلمدير وسألك اجحد )



عطه من الرخيص:اكذب عليه يعني مشه


جآك اخوك الكبير ونشبلك الا تعلم وش قالك ابوك قله اي كلام وخله يفارقك



لايكثر:اسكت بس


مثلا انت صا لك حادث بسيط بسيارتك والمشكله معك اخوك الصغير ويقول قله كذا ولا تسوي كذا وسوالك قلق قله لآيكثر بس



اروح ملح :اذوب(وتقال في حالة المغازله)


مو راعين هالحكي ..!

الدبج:الضرب


تتمازح انت وعيال عمك مزح الصعايده ينفع انك تدبجه بقووه

خقاق :مايمسك هرجه


يعني النصاب يجيك كلام اليوم وبكرا كلام

بقريح : يعني بكيفهم مالي دخل فيهم


مثلا جاك خويك وقال العزبه راحو لسوق وانت ماودك ..الخ

تقول بقريح يعني بحريقتهم




سقها :ضف وجهك او انقلع



معروفه والكلمه ذي انتشرت لكن اصلها من القصيم
ختات:بعض المرات



يعني شفت نقطه تفتيش وانت مامعك رخصه وخويك يقول وش تبي نقولهم انت تقول ختات يمشونا
ازبدها:قل خلاصة الكلام



يعني يجيك واحد ويقول السالفه من البدايه ومطول

تقله جب الي صار وبس - آخوي كذا -


صرفه:مشه


حتى ذي يعني انت نقيب ودخلو عليك شله شباب وقالو هذولا مفحطين وانت تقول صرفهم يعني مشهم مسامحينهم

روقنا :خلنا في حالنا


يجيك خويك وانت مهموم ويسولف ويظحك وهو عارف ينفع تقوله خلاص روقنا



مقلع:وصل اعلى مستويات الدشره

يعني انت بثالث ثنوي وتشوف واحد باول ثنوي المدرسين متعذبين منه تقدر تقوله مقلع


فيه لفه:مهبول



يجيك بعض الايام خويك فيه رجه تحسه مو طبيعي مرجوج
وحنا نقول فيه لفه




وخزياه : تقال عند المخجل والأستحياء


يحوم الكبد : تقال عند رؤية شئ قبيح




والكوبه : تطلق على الرجل الذي ليس فيه خير



درعم : إذهب بسرعة


الأمور كلها دردبيس : الأمور كلها سيئة


الأكل مطاريس اومحاويق : طبخ الأكل ليس جيداً


وقنينه : تدليع للطفل الصغير


إسعندود : صغير


فلان رقله : غير كامل العقل


ماأوحي : لاأسمع


انشده : اساله


ينغر : يحسد


إتسعه : إصفعه على وجهه


يتدودل : يكاد يسقط


إمحش خشك : أي امسح فمك





هذي لكم

وذذي بعد

وبعد ذي

واخر وحده

شكرا لكم

اضافة رد مع اقتباس
  #2  
قديم 16/02/2011, 11:56 AM
زعيــم مميــز
تاريخ التسجيل: 29/12/2007
مشاركات: 2,189
يعطيك العافية اخوي لكن الكلام اللي انت تقوله كل الناس ينطقونه مو بس اهل القصيم ،،
تحياتي لك
اضافة رد مع اقتباس
  #3  
قديم 16/02/2011, 12:01 PM
الصورة الرمزية الخاصة بـ |~ ولـد عنـيزة ~|
زعيــم متألــق
تاريخ التسجيل: 09/05/2008
المكان: ..’’عـنـد دوآآر السـآآعـه’’..
مشاركات: 1,362
آشووف اكثر القصمآن يقولونها زرت الشرقيه ولا يقولونها وزرت الحجاز ونفس الكلام ورحت ابها نفس الكلام

بسس الي يستعملونها اهل حايل ..
اضافة رد مع اقتباس
  #4  
قديم 16/02/2011, 12:11 PM
الصورة الرمزية الخاصة بـ sam6.200
زعيــم فعــال
تاريخ التسجيل: 22/07/2009
المكان: تاج القصيم-بريدة
مشاركات: 254
ههههههههههههه

أحترم نفسك ياولد عنيزة لاتقول أشياء غلط

حنا في بريدة مو كذا مفردات لغتنا

حنا بعض مفرداتناشو بدك.تؤبرني حبيبي.شوهيدا)

هههههههههههههههههه جحدهم


شكرا على المواضيع المميزة
اضافة رد مع اقتباس
  #5  
قديم 16/02/2011, 12:34 PM
الصورة الرمزية الخاصة بـ |~ ولـد عنـيزة ~|
زعيــم متألــق
تاريخ التسجيل: 09/05/2008
المكان: ..’’عـنـد دوآآر السـآآعـه’’..
مشاركات: 1,362
تسلموون على المرور ..!

وشكرا

بس شي محيرني وش قصه الولد الي بتوقيعك ..!
اضافة رد مع اقتباس
  #6  
قديم 16/02/2011, 12:34 PM
مشرف سابق في منتدى الجمهور الهلالي
تاريخ التسجيل: 03/10/2008
المكان: الله كريم يمد الخير / و يساعد ..!!
مشاركات: 4,180
نفسسسسسسسسسسس كلآمنا بالضبط

بسس فيه كلمة ودي لو أعرف مصدرها الرسمي اللي هي ( يتدودل ) صحيح نقولها بكل طلاقة بسسس هالششششيبان أول من وين مخترعينه


مششششششششششششششكور أخوي و ألف الحمد لله على سلآمتك
اضافة رد مع اقتباس
  #7  
قديم 16/02/2011, 12:38 PM
الصورة الرمزية الخاصة بـ فَيْلَـسُــ زَمَانَهُ ـــوفْ
مشرف منتدى المجلس العام
وعضو تحرير مجلة الزعيم
تاريخ التسجيل: 06/04/2008
المكان: رمآد خلفته نآر الشوق .!!
مشاركات: 6,707
يآسبحآن الله هالقصيم بأي كوكب .!؟

والله أنآ لامني طلعت بالحوش اسمع صوت من جهة الجيرآن تقولي عبود تأبرني تعآل لعندي لك أنآ وحدي ملل

وانا اقول بسم الله الرحمن الرحيم لك شو هيدآ من وين هالصوت

الله يحفظك حلوآ إننآ نعرف لهجآت الكوآكب الأخرى .!؟

أو المنآطق الأخرى .!!

بس يآليت تقولي القصيم وينهآ فيه بالظبط .!؟

لأني الصرآحة أول مره أعرفهآ

أو أسمعهآ
اضافة رد مع اقتباس
  #8  
قديم 16/02/2011, 12:54 PM
عضو تحرير مجلة الزعيم
تاريخ التسجيل: 21/08/2009
المكان: الرياض
مشاركات: 2,438
طيب أإتحداكم تجيبون معنا هالكلمة
ذب الدرج = .......
ترا ماعرفتها الا بعد شرح ..
لان الي إأعرفه أن ذب يعني أرمه .. احذفه
بس هالكلمة غريبه شوي ..

مع أني مو من القصيم بس دائم نسمع ونقول هالكليمات ..

يعطيك العافية .. شكرا لك ..

دمت في حفظ الرحمن
اضافة رد مع اقتباس
  #9  
قديم 16/02/2011, 12:56 PM
الصورة الرمزية الخاصة بـ |~ ولـد عنـيزة ~|
زعيــم متألــق
تاريخ التسجيل: 09/05/2008
المكان: ..’’عـنـد دوآآر السـآآعـه’’..
مشاركات: 1,362
شكـرا على المرور.!

ويافيلسوف كثر منها انك ماسمعتها ابد انا اسمع كلمه القصيم اكثر من صرآخ اخوي ..!
اضافة رد مع اقتباس
  #10  
قديم 16/02/2011, 01:58 PM
زعيــم مميــز
تاريخ التسجيل: 10/05/2010
المكان: بريدهـ
مشاركات: 3,979
وعليكم السلام والرحمه ..
ايه الله يعافيك ع الكلمات ..
يحوم الكبد : تقال عند رؤية شئ قبيح ...لايكثر:اسكت بس
: .. معرفه بهن ..
ختات:بعض المرات .. خقاق :مايمسك هرجه
بس ذولي لن اعرفهم .
أشكرك .. أختك .. بالتوفيق
اضافة رد مع اقتباس
  #11  
قديم 16/02/2011, 02:06 PM
زعيــم مميــز
تاريخ التسجيل: 23/12/2008
مشاركات: 2,654
فيه بعض الكلمات ليست بالقصيمية

مثل : روقنا

بس مشكور على الموضوع
اضافة رد مع اقتباس
  #12  
قديم 16/02/2011, 02:06 PM
الصورة الرمزية الخاصة بـ Juventini
عضو اللجنة الإعلاميه للرياضة العالمية
محرر رابطة يوفنتوس
تاريخ التسجيل: 13/05/2007
المكان: الرياض
مشاركات: 2,278
يعطيك العافية

بس اكثرهم ما يقولون يحوم الكبد يقولون يحوم التسبد

ههههههههههههههههههههههههه
اضافة رد مع اقتباس
  #13  
قديم 16/02/2011, 02:11 PM
الصورة الرمزية الخاصة بـ الأسطورة الجابرية
زعيــم متألــق
تاريخ التسجيل: 20/10/2008
المكان: Riyadh
مشاركات: 1,325
,


ههههههههههههههههههه
في بعض الكلمات يستعملها الكل مو بس قصمان
اضافة رد مع اقتباس
  #14  
قديم 16/02/2011, 02:33 PM
زعيــم نشيــط
تاريخ التسجيل: 03/11/2009
المكان: فــلسطين
مشاركات: 684
الكبد تنطق هكذا : التسبد
صدق تنطق : صدز

وأهم جمله عند القصمان( ماتبي توت )
وهي إذا واحد رافع ضغطكـ قله ماتبي توت ...تسليكـ يعني ...
اضافة رد مع اقتباس
  #15  
قديم 16/02/2011, 03:27 PM
زعيــم متواصــل
تاريخ التسجيل: 09/11/2010
المكان: في قلب من يحبني ..
مشاركات: 77
إسعندود : صغير

^ يآآكثر مآآقولهآآ وآنآ ريآضي بححته ..
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 01:54 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2020, Jelsoft Enterprises Ltd

Google Plus   Facebook  twitter  youtube