أرسنالي مميز أفضل كاتب بقسم الرياضة العالمية لشهر فبراير
تاريخ التسجيل: 08/04/2007
المكان: َّ فَي المُلحق ~
مشاركات: 8,872
لهجتي , وكلام ديرتي هي : لُـغـتـي
لهجتي , وكلام ديرتي هي : لُـغـتـي
مدخل { وإنطفى كهرب بيتنا ورقينا السطح وولعنآ السراج وجبنا الكنابل بعد ما لفحَنا البراد وصرنا نحتسي عن سوالف زمان ..
مسآء الخير جميعاً , بمآ إن مزآجي في فورمه عآليه من الروقآن ., قلت بنزل موضوع بسيط
من زمآن عنكم وتستآهلون يـ رآعين المجلس
فكرة الموضوع : تعرفون أنا من سكآن الخرج وبالتحديد الدلم
فـعندنآ بالديرة " مُعجم مختلف من الكلمات " عن المنآطق الأخرى في الدولة السعودية الثالثة ,
فجمعت 42 كلمة تخص ديرتي وأعرفكم على معآنيهآ يمكن بعض الكلمات عند بعض الديآر
ويمكن تكون نفس الكلمة بس المعنى مختلف , عموماً خلونآ نبدأ بالكلمآت بسم الله :
1 - تـيّـــتـــه تعني : إمسكهُ بقوه ,
مثال : محمد تّيت خالد لا يروح
2 - إزبره تعني : إملئهُ
مثال , صديقك بيصب لك ببسي ويسألك تبي نص ولا أملآه لك تقول انت : لا إزبره
3 - تعتموآ تعني : إسهروآ
مثال عيال خالتك تعشوآ عندكم وبيرحون تجي تقول لهم : إجلسوآ تعتموآ عندنا ,
4 - كتر تعني : زاوية أو جهه
مثال : يبه وين أودي الآغراض يقول لك : حطهآ في ذآك الكتر
5 - حيالة تعني : مزرعه أو ساحه أو مثل مآ يقولون بـ الآنجليزي : playground
وليست حيّالة بشد اليآء لا تنطق عآدية
مثال : جالسين تلعبون فـ وسط البيت يجي ابوك ويقول : لا تلعبون هنآ آظهروآ في الحيالة
6 - صيّف , صيّفوآ تعني : تأخروا
مثال : وشفي ربعك صيّفوا عليك .
7 - ريّض تعني : بيطول
مثال نفس لي قبل شوي يسألونك وشفي ربعك صيّفوآ عليك
تجآوب وتقول : الظآهر إنهم ريّضين
8 - بَحَل تعني : تورط
نُطقهآ قرَيب لـِ بحل الوآجب , لكن عندنآ لهآ معنى ثآني .,
مثال وآحد مشغول وجاه ضيوف وتورط معهم ويتصلون عليه ربعه ويرد عليهم
ويقول : يآخي جاني ضيوف و بَحَلت بهم ,
9 - كوزه تعني : حاجه مجمعه في مكان واحد
مثال : يسألك وآحد في الدوآم عطني قلم !
ترد : عندك كوزه في مكتبك
10 - لهط تعني : سرق , أخذ بخِفيه أو عيني عنك
مثال : شفت الأتصالآت لهطوآ رصيدي لهط
11 - هج تعني : أفتح مثال : هج الباب ! يآخي البآب مهجوج
12 - يعثور تعني : حاجه زي الغبره والدخآن , مثال : النآرتعثور أو ركب سيارته وأسرع في الردميه وعثور على النآس
13 - حزّره تعني : ريحه خآيس مثال : مآ تشمون ريحة حزّره
14 - ملغدم تعني : زعلآن ومطلع برآطمه من الزعل
مثال : الحين وش فيك ملغدم علينآ مآ جآزلك وضعنآ طق براسك الجدار
15 - تعنقط تعني : أمسك بهِ مثال : محمد تعنقط في رقبة أبوه
16 - يردح تعني : تنكس يرقص مثال : مآ يحتآج مثال معروف التنكس والرقص
17 - يرطرط تعني : مدري بس يمكن في المثال توضح مثال : محمد لا تقعد ترطرط بالمآء , وتجي بمعنى آخر وهي : يتكلم بسرعه ,
18 - يرطن تعني : يتكلم بطلآقه , مثال : مآ يحتآج مثال معروف
19 - ييزي تعني : يكفي , مثال : رشود ييزي مقابل النت رح أرقد
20 - يلفحك تعني : يدخل فيك أو يصفعك مثال : كان لبست جآكيت لا يلفحك البرآد
21 - طنقس تعني : شقلب أو تدربى مثال :/ مدري وشلون أشرحهآ بس أعتقد معروفه
22 - حفلت تعني : شاركت , مثال : هآه يـ أم محمد حفلتوآ في عرس بنت أم خالد لآ والله مآ حفلنا
23 - تسلآبينك تعني : أصدقآئك اللي مآ فيهم خير طبعاً حسب مُعجم أمي مثال : رشود خذ خوآتك للسوق , أنـآ : يمه أنا مشغول مع ربعي , أمي : بس جيد(ن) لـ تسلآبينك لو قالو مشينآ منآ ولا منآ طرت معهم
24 - منصّل تعني : مائل ًطبعاً بشد الصآء , مثال : تشرب مويه وآنت منسدح , ويجي أبوك ويقول : وررآك تشرب وأنت منصّل
25 - إمِرح تعني : نوم طبعاً بكسر الميم مثال عيال خالتك تعشوآ عندكم وتعتموآ وبيرحون تجي تقول لهم : إمرحوآ عند اليوم
26 - الحوي تعني : المنزل أو وسط البيت مآ يحتآج مثال معروفة الكلمة ,
27 - يحرول تعني : يقصب أو يكسر مثال : جعلك تحرول إذآ رحت لـ المراقص
28 - مدّهر تعني : مدري وش معنآهآ بالظبط لكن المثال يمكن يوضح مثال : عندكم عزيمه في بيتكم وأنت تروح وتجي وتصب القهوة والشاهي هذي الحالة تسمى مدّهر
29 - مقنزع تعني : قصير مثال : ترى ثوبك مقنزع مره
30 - إيه لا لا تعني : مستحيل أو إيه هين , مثال يجيك واحد يقول النصر بيأخذ الدوري !
تقول له : إيه لا لا ,
31 - مزدد تعني : حاجه تتغير في الوجه مع البكآء أو الضحك مثال : شوفوآ أحمد مزدد من العبرة
32 - تحومي تعني : تدور , تتمشى مثال : أبوك يصارخ عليك : قايلك لا تحومي تالي الليل مآ تفهم أنت
33 - دفش تعني : حآجه في الآخلآق مثال : ياخي كلام محمد دفش , بمعنى يجرح
34 - زناج تعني : مرض في العظام مثال : أجعلك الزناج َاللي يدخل فيك !
35 - عايره تعني : زاوية مثال : لا تجلس في العايره عند اللي يدخنون
36 - قرنة تعني : زاوية أيضاّ مثال : جالسين عند قرنة المسجد نسولف
37 - عتش تعني : خشن , عدوآني مثال : لا تلعبون معهم ترآهم عتشين
38 - دبج تعني : ضرب مثال : إدبجه مع ظهره ,
39 - مسفهل تعني : مستآنس , مثال : وش عنده رشود مسفهل اليوم , > مستلم المكأفأة
40 - أفّل تعني : لم يتركه طبعاً يشد الفآء , مثال : أمي مآ أفّلت بالمكيف القديم
41 - التابعية تعني : دفتر العائلة , مآ يحتآج مثال ,
42 - بلاكآش تعني : الخشب اللي على السرير ويكون تحت الفرآش عآدة ,
وبكذا نكون خلصنآ وهذآ اللي قدرت عليه وتذكرته ,
يمكن فيه كلمآت نآسيهآ واللي عنده يضيفهآ ,
وياليت الآخوآن في الديآر والمنآطق الثآنية يثقفوننآ
في الكلمآت والمصطلحات اللي عندهم بودنآ نستفيد
الموضوع متآح للجميع ,
مخرج { وصرخت أمي علينآ وقالت : يا مال الضارب قرب الفجر وإنتوآ مآ رقدتوآ ؟
هلا .. اخوي المعاتب
..
الصراحه ,, ماعرفت إلا الكلمات التاليه :
6 - صيّف , صيّفوآ تعني : تأخروا
مثال : وشفي ربعك صيّفوا عليك .
.........
7 - ريّض تعني : بيطول
مثال نفس لي قبل شوي يسألونك وشفي ربعك صيّفوآ عليك
تجآوب وتقول : الظآهر إنهم ريّضين
............
8 - بَحَل تعني : تورط
نُطقهآ قرَيب لـِ بحل الوآجب , لكن عندنآ لهآ معنى ثآني .,
مثال وآحد مشغول وجاه ضيوف وتورط معهم ويتصلون عليه ربعه ويرد عليهم
ويقول : يآخي جاني ضيوف و بَحَلت بهم ,
..............
10 - لهط تعني : سرق , أخذ بخِفيه أو عيني عنك
مثال : شفت الأتصالآت لهطوآ رصيدي لهط
.................
11هج تعني : أفتح مثال : هج الباب ! يآخي البآب مهجوج
................ 18 - يرطن تعني : يتكلم بطلآقه , مثال : مآ يحتآج مثال معروف
........................ 20 - يلفحك تعني : يدخل فيك أو يصفعك
................. 25 - إمِرح تعني : نوم طبعاً بكسر الميم مثال عيال خالتك تعشوآ عندكم وتعتموآ وبيرحون تجي تقول لهم : إمرحوآ عند اليوم
.............. 28 - مدّهر تعني : مدري وش معنآهآ بالظبط لكن المثال يمكن يوضح مثال : عندكم عزيمه في بيتكم وأنت تروح وتجي وتصب القهوة والشاهي هذي الحالة تسمى مدّهر
.............. 32 - تحومي تعني : تدور , تتمشى مثال : أبوك يصارخ عليك : قايلك لا تحومي تالي الليل مآ تفهم أنت
................ 33 - دفش تعني : حآجه في الآخلآق مثال : ياخي كلام محمد دفش , بمعنى يجرح
..................
....................
امم أنا عندي كلمات بس مشكلتي ماعرف اشرح
مثل :
أذكر جدتي الله يحفظها يارب ..
تقولي روحي جيبي اللي ف البزه .. ااممم مثلا صحن فيه مكان رفيع زي كذا (شرح )
مشكور اخوي ع موضوعك ربي يعافيك أختك .. بالتوفيق