انا اخوي شغال في اتحاد عذيب قسم الثابت والنت وعندي الجواب الشافي الكافي بس جويع اللحين
لي باك ابن ستين كلب
باااااااااااااااااك
شوف ياصاحبي انا قد اكون اضلع واحد في هالقضيه مما لاحظته على اخوي في هالموضوع ...
اخوي مهندس نظم وفي قسم النت والثابت ...
طبعا رخصه الثاتب هذي ما سمحت بها الاس تي سي الا بشق الانفس وطلبات وواسطات ....
لكنها من ظلمها منعت المد الارضي ...
يعني شوف تقول لاتحاد عذيب تبين نت ما فيه مشكله تبين ثابت برضوا ما فيه مشكلة بس ارضي لا ...
طبعا تستغربون اجل كيف يكون ثابت والا نت بدون ارضي ....
يقول المثل وين اذنك ياجحا قال هذي هي (طبعا لف بيده جحا من هناك عارفين المثل
)
قالوا الاس تي سي تسوي نت بالابراج زي الجوال والثابت برضوا ابراج جوالات ....
يعني كنك يابو زيد ما غزيت ...
اتحاد عذيب قال حنا رخصتنا ثابت ونت مو جوال ورفضت الشي ذا وبدت تسوي حفرياتها والفايبر قلاص لكن الاس تي سي بدت تلعب من تحت لتحت وهددت اي شركه مقاولات تتعاون مع اتحاد عذيب انها ما راح تتعاون معها ...
فراح اتحاد عذيب وطلع رخصه لشركه مقاولات على حسابه لكن الاس تي سي اخرت المعاملات ونشبت لهم ...
اتحاد عذيب في الاخير توقف لمدة اشهر ما يقدم اي خدمات وراحت وعوده في الهواء وبدأ ينقص من رواتب موظفيه ..
اخوي طبعا ما عنده ولاء للشركه الفتيه وولاءه لجيبه قال لعذيب تردون الراتب زي ما كان والا غيرت الشركه ...
قالت عذيب والله ما نقدر خسارة وانت شايف ....
اخوي اللحين مقدم على شركه اخرى وموظفين عذيب بدو يتخلون عنها وخسايرها بالملايين والبركه بالاس تي سي ....
ارجو ان ديوان المظالم ينظر في حال شركة الاتصالات الوطنيه ويوقفها عن حدها كفايه ياخي وربي كفايه الحياة صايره اصعب وربي ....
اسف صديقي على الاطاله بس فيني حماس هاليومين ...