دخولك للموضوع يعني السماح لي .. وكنك تقولي ( تفضل وهات ماعندك )

المواضيع المنقطه .. افضل من المعبيه ..

لذلك بعطيكم النقاط المهمة :

* رادوي أخطاء ولازم يتعاقب ... لكنة من وجهة نظري الشخصية إنتصر لكرامته .. أبسطهالكم ؟ يعني تخيل تلعب بلوت واللى جنبك يصفقك بمزمزية الشاهي يكسر ظروسك .. وتسامحة .. وبعدها يصفقك ببيالة الشاهي على جبهتك ويصب دم وينثر الشاهي على ثوبك .. وتسكت .. والثالثه يمد رجلة ويحطها في بطنك .. وتحس إنه موذي .. مالك إلا ترمي الورقه وتقوم تتوطى بطنة .

* اللجان غريبه لو انصفت الهلال .. بالعكس قراراتها لم تفاجئني بصراحة .. مشكلت جمهور الزعيم وإدارته ينسون الماضي وهذا يدل على طيبتهم .. رغم مافي الماضي من إساءات .. نسيتو النعيمه ؟؟ وإلا معاقبة سامي .. وقبله يوسف الثنيان وسالفة الإيقاف .. او ياسر القحطاني .. او الفريدي .. او حتى عزوز الدوسري والطرد من قبل حسين عبدالغني !! اللجنة مانشك في نزاهتها .. إلا متأكدين في خبثها وتعصبها ..

لكن : الهلال على هالحال من مده طويلة وهو مظلوم .. بس.. وهالموسم ماراح نرضى بأقل من بطولتين .. ( بإذن الواحد الاحد )

* انا مع إدارة الهلال والجمهور في المطالبة بأخذ حق الزعيم وطلب التحقيقات في الموضوع هذا وفي كل موضوع يمس الهلال من بعيد او قريب .. لكن لاتشغلنا هالمطالبات عن المباريات القادمة .. يعني تخيل تاخذ حقك من الأإستئناف ومن اللجنة وذلك بالمطالبة .. وبنفس الوقت تاخذ حقك في الملعب من خلال الفوز على الاهلي والفرق الى رادوي موقف فيها .. هذا الرد القاسي والمؤلم .. والموجع لكل من هتف بإيقاف الهلال .. قصدي إيقاف رادوي

* ماودي أقول وين اللجنة من فلان .. وعلان .. وين معاقبة رئيس هالنادي .. او هالإداري .. لأنه الكلام مايفيد .. الكلام والعلم الحين عند الجمهور واللاعبين في حرث الملعب .. والفوز بكم هائل من الأأهدف .. واحس إن خمسة الأهلي قربت وهم اللى جابوها لأنفسهم

* إدارة رائعه .. جمهور أروع ... نادي ولااحلى ... شريك ولا اجمل ... خلكم واقعيين شوي ترى الوضع محرج بالنسبة للاندية الباقية تتفرج وهالزعيم مكوش على الكل ..!

* جمهور الهلال كبير ... وإعلام الإصفرين منتشر في كل مكان مثله مثل النامس والذبابين
شفت أحدى المواضيع اللى فيها أرقام وإيميلات البرامج الرياضيه .. لابد من إيصال صوت الجمهور الهلالي والمشاركة .. لكن بهدوء .. وبثقة .. لأن الصراخ يضعف الحجة ..

* علينا مراسلة الجولة ( الفراج ) ومراسلة مج كورة ( تركي العجمه ) ومراسلة القناة الرياضيه ( مااعرفه ) وبتال القوس .. وصدى الملاعب .. نراسلهم ونتحدث عن الظلم الواقع علينا بالادلة دون الإساءه لأحد .. صحيح إن كل اللى ذكرتهم نصراويين .. بس وش نسوي !؟ >> ويقولون الإعلام الهلالي مضيق علينا ؟!

* تكفون ..الدوري نبيه .. وكاس ولي العهد نبيه .. لاتحبطون من عزيمة اللاعبين بفقدان رادوي .. نعم رادوي كبير بس ياما أخذنا البطولات بدونه .. وعزيز والحمد الله رجع وهو قادر على الرد في الملعب

* أمر الله من سعة ... إذا خلص الإيقاف وخلصت مباراة الأهلي .. نلتفت للجنة واعضاءها والمطالبه بمحاسبتهم وعلينا ان نستكمل كل مالدينا من ادلة مقاطع .. تصاريح .. اخبار .. للإستشهاد بها والإعتماد عليها وحتى قد تكون مصدر للإدارة للرجوع إليها ..

* المباراة بكرا .. والأهلي مثل الإتحاد يوم يزعل من التأجيل وبالأخير تعادل ومستوى مثل وجهة .. والاهلي الحين طالب بإقاف رادوي .. وبإذن الله يفوز الهلال بالخمسه .. بعدها ورنا وجهة يافهد بن خالد !!

* تخيلوا يفوز الهلال بكرا .. وبعدها البرامج الرياضيه تظهر .. ودنا نشوف وجية كل من ( فهد بن خالد .. فيصل بن تركي .. عدنان جستنية .. فرحان الفرحان ... الدويش .. محمد البكيري .. هتان ...<< بغيت أغير إسمه بس إستحيت منكم والله .. أحمد الشمراني >>( عزت ألقاله لون هالمتلون ) ... فهد الهريفي ... ... يعني ذيك الليله لو فاز الهلال بإذن الله صدقوني راح تكون حفلة بالفضائيات



أخوكم الصغير ابو طلال