اولاً نحمد الله على فوز الزعيم وحصد النقاط الثلاثه ومواصلت الصدارة وان شاءالله نحسم البطوله قبل نهاية الدوري بأربع اسابيع او خمسه .. دائم الزعيم صاحب انجازات تعجيزيه
اما الموضوع عن رادوي وماحصل منه هذا لانرضاه من لاعب محترف وقائد فريق لكن ماهو سبب فقد رادوي لاعصابه ؟! ومن هو خلف استفزازات رادوي؟؟!!
كل مباراه نلاحظ ان هناك لاعب من الفريق المقابل يستفز رادوي ويخاشنه ونحن نعرف رادوي روماني يعني ماعنده لعب على طول احد يتمحرش فيه يعطيه كف على وجه
اللي جلست اضحك منه رئيس الأهلي الامير فهد بن خالد يقول رادوي ما يلعب نبيه يتوقف مباراتنا الجايه مع الهلال ومن حقي اطلب ايقافه . وكلام هالشخص الخواف اللي نسى وش سوى لاعبه الجزاوي وغيره من لاعبين الطحالب .. فعلاً اذا لم تستحي فأصنع ماشئت؟ نبعد عن هذا الشخص والكلام فيه لان ما نبي نعطيه اكبر من حجمه
اما بخصوص برنامج الجوله وفيه ناس تقول ان البرنامج يهتف او يبي يثير الموضوع بصراحه يا اخوان انا من متابعين هالبرنامج وحبيته هالبرنامج تعرفون ليه لان نادي الفقر مقاطعينه صرت اتابع البرنامج وان عارف اني ما راح اسمع صوت او تصريحات خبيلان ابو نفسيه نسال الله السلامه
برنامج الجوله قال وجاب اللي صار وكان وليد الفراج يدور مبرر لارادوي . اكيد ما يبي يخسر الزعيم وادراته من البرنامج ولا راح يفشل. بس عتبي على البرنامج انهم جابوا اللاعب المغربي بنادي الوحده وقال كلام اعتقد وانا اقول اعتقد ان احد اعطاه كم جمله يقولها لاكن الفوده قال انا ما راح احكم على كلام لاعب او من طرف واحد عندنا لقطه وحده بس وهي الموجوده!
يا زعماء لاتكبرون الموضوع ترى ان غاب رادوي فيه عزيز وربما ضاره نافعه والاداره الهلاليه راح تعاقب رادوي وهذا لابد منه .. اما بخصوص العقاب من لجنة الانضباط اعتقد ان فيه مباراه بين الفيصلي والاتحاد وصار ركل ورفس من لاعبين الاتحاد اسامه المولد وكريري اعتقد وكان على مرى من المشاهدين ولم يتأخذ اي عقاب عليهم والسبب كما ورد من لجنة الانضباط ان الحكم لم يدون شي او اي احداث يعني!!
والبارح فالجوله يقول وليد ان الحكم اكتفى بالكرت الاحمر بس يعني ماكتب شي . ونفرض ان تعاقب ماهي نهائة العالم الزعيم في كل مكان وزمان
واتمنى من جميع جمهور الزعيم الحضور يوم الاربعاء نبيهاااااا فل نبي نهز الملعب وان شاءالله نضيف الاهلي فالقائمه الخماسيه الجديد وموعدنا الاربعاء ان شاءالله
الله يعطيك العافية على هذا الموضوع الجميل برضو لابد من تهديت رادوي لن المتربصين كثيرين واولهم رئيس نادي الطحالب والفقراوية والتشاديين انظروا ايها الزعماء سوف تعلو ابواق النشاز على رادوي لمدة طويلة تذكرو كلامي
الحقيقة ما قام به رادوي تصرف غير مقبول الى جانب انفعال العتيبي غير المبرر هذه الحركات الطفولية لا تليق بلاعبي الزعيم لكنها قد تكون شبه مقبولة من غيرهم للبون الشاسع بين ابجديات الزعيم والاندية الاخرى الا انني اجزم تماما ان رادوي وابو علي ليسو ملائكة بل هم بشر يخطئون ويصيبون لا تقلقوا ايها الزعماء فان غاب رادوي ففي الملعب 11 ردادوي ستلجم افواه مقتنصي الفرص والمتربصين بهذا الكيان العظيم لا تقسوا على رادوي فقد قدم للهلال الكثير يغيب محارب ويحضر مقاتل من طراز اخر الهلال لا يتوقف على نجم فقط تفاءلوا ، وفالكم البطولات تقبل مروري اخي الكريم
مشكووور أخوي ع طرحك للموضووع المميز بس أنا أشوووف رآدوي تمآدى وبقووة وهذآ كبتن الهلال انا أشوووف أفضل حل له
ان الادآرة توقفه مبآرآتين وتخصم من رآتبه لو 30%
اتمنى من جميع جمهور الزعيم الحضور يوم الاربعاء نبيهاااااا فل نبي نهز الملعب وان شاءالله نضيف الاهلي فالقائمه الخماسيه الجديد وموعدنا الاربعاء ان شاءالله
الحاله العصبيه والتشنجات التي يتعامل بها رادوي مع لاعبي الفرق الأخرى وخصوصا من يستفزونه ويحتكون به ما هي إلا إنعكاس طبيعي للنفخ والتطبيل الذي يتلقاه رادوي من جماهير الزعيم وكأنه النجم الأوحد بالفريق.
___________________________________________
الهلال غاب عنه نجوم من العيار الثقيل ولم يتأثر وتعرضوا نجومه للإستفزازفي كل مكان وتحملوا وتجاوزوا المحن بالصبر والروح التي منبعها حب الهلال ككيان.
___________________________________________
لابد أن يعي رادوي وغيره أن الهلال فوق الجميع ومن لا يستطيع تحمل مسؤولية شعار الزعيم فليرحل غير مأسوف عليه ,,,,, وللجميع تحياتي وبالتوفيق للزعيم