مخترع القص واللزق محظوظ جدا وأكثر واحد كتابنا بما فيهم اللي في الجرائد رياضيه أو غيرها يدعون له بالرحمه ومبسوطين من الاختراع العظيم هذا .
اللي خلاني أقول الكلام هذا إن صحافتنا وكتابنا (فششششششش) وفي رواية أخرى ماعندك احد إلا القليل منهم .

وأنا أقولكم ليه .خلونا نتكلم عن الكتاب الرياضيين بالذات .بعض الكتاب الله لايهينهم (كتاب القص واللزق) قبل مايكتب له أي موضوع يجلس يقرى كل الجرائد ويتابع التلفزيون وهه كلمه من هنا ومن هناك ولا يشوف له مقال حلو ويسويله بس بعض التعديلات البسيطة في الكلمات والمعاني وطربق من بكره حاجز له زاوية في الجريدة وراز صورته فوق المقال والقراء مساكيين(ياالللللللللللللله مره الكاتب هذا مواضيعه شيقه) وتبي تكشفهم صح شوف إذا جاء لقاء مع واحد منهم في التلفزيون وتعال اضحك لا ثقافه لا انتقاء للمفردات وبعضهم مو عارف أسماء الاعبين والأمثله كثيره على كذا .

كلنا سمعنا قبل فتره بالقضيه اللي كانت وجبه دسمه بالنسبه للجرائد اللي هي قصة هلال الطويرقي مع سامي الجابر يوم قال انه ثروة وطنيه يجب المحافظه عليها (إلا منجم ذهب وانت الصادق) وطبعا حبايبنا الكتاب ماقصروا اشبعوا الموضوع شرح ونقد وأنا قرأت عن الموضوع هذا بالذات أكثر من عشرين مقال في عموم الجرائد وقلت استفيد بما أني اقرأ لناقد وكاتب رياضي استفيد منه انا يالمتلقي العادي واشوف نظرته للأمور كيف لكن وبعد ماتنفخت عيوني من مطالعة هالمقالات خرجت بفائده مقدارها عدديا يساوي (0) والسبب إن الشباب كلهم يدورون على دوار واحد (دوار واحد=حلقه مفرغه) وكلهم يقولون نفس الكلام ليه قال الكلام هذا ويش يقصد ولماذا وهل وكيف وفي النهايه مالقيت أحد أعطاني اجابه أو تفسير مقنع .اللي باقي إلى الحين مقهور من الصحفيين وماهو عارف ليه كان الكلام هذا أقوله ترى نادي الاتفاق في الشرقية اتصل بس واطلب الطويرقي واسأله بنفسك .يعني مافيه ولا واحد منهم قال إن الطويرقي إنسان رياضي عاقل ومتفهم ويقدر المواهب الكروية وماادري ليه يضمرون النيه السيئة ولا هو موضوع بس للحجز في الجريدة .

وأما موضوعهم هاليومين اللي مشغلينا فيه حسين عبد الغني وإيقافه يعني مدري ويش اللي يبون يوصلون له
لاعب غلط ويستاهل جزاءه اللي جاه وأتمنى نفس العقوبه تطبق حتى لو كان لاعب هلالي .واللي أتمناه صراحه أن يعاقب اللي فتحوا المجال علينا اللي هم الناس الكباريه اللي مايبيلهم إيقاف بس إلا شطب ونفي إلى جزيره نائيه .

*** لما يفوز الهلال على النصر فأن المباراة تحسب على انها مباراة عاديه مثلها مثل أي مباراة في الدوري لكن إذا فاز النصر تشوف الاحتفالات والفرح والأشاده بالتحكيم وكأنهم حققوا بطوله وتبون الصراحه معاهم حق الفوز على الهلال بحد ذاته بطوله (بطوله معنويه فقط) لكن أنا أقول لهم جمعوا من هالبطولات المعنويه وحاولوا إذا قدرتم تجمعون اكبر عدد منها لأني سمعت إنهم بيطبقون نظام جديد وهو (اجمع عشر بطولات معنويه تحصل على بطوله حسيه واحده) فحاولوا تشدون حيلكم شوي وخلوا الهلال مع بطولات الذهب ولا غير الذهب .

*** قرأت قبل فتره في الرياضية مقال عن حياة وتاريخ يوسف الثنيان ومن ضمن ماقرأت التالي (يقر ويجزم أحد المشجعين أنه رأى جواز سفر الثنيان وقد كتب عند خانة المهنة :- مسحب أظهره !!!)
وأنا خايف يالربع يوم ولا ابو يعقوب مستدعينه الحقوق المدنيه ويجي ويحصل ضحاياه ذولي قدامه ورافعين عليه دعوى تعويض عن العاهات اللي لحقتهم من كسور وانسلاخات في الأرجل وعقد نفسيه .أيضا المشرفين على موقع يوسف الثنيان خلوكم منتبهين ترى الموقع فيه ادانات وأدله على أبو يعقوب يعني إذا سمعتوا بالقضيه حاولوا على طول تخفون الأدلة .

؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟

هلا بالقانوني ..

دائما يحاولون أن يثيروا الزوابع حول الهلال .. أو نجومه .. فلولا الله ثم الهلال لما رأيتهم كالكتلة الواحدة ضده .. و لكن هيهات من يجابه الهلال .. ...

مقال جميل ..و أسلوب ساخر .. استمتعت كثيراً بكتابتك .. أتمنى أن تستمر ..

تحياتي ..

؟؟؟؟؟؟؟؟؟؟؟؟؟؟ القافلة نسبر والنثر ... ؟؟؟ مـا يحتج اكمل

الهلالي محمد شكرا لأشادتك وانشاء الله القادم أحلى

هلال الخير مشكور ووصل المثل

غاوي بطولات ؟؟؟ شكرا لمرورك

اللي اقدر اقوله الله يرحم فيصل بن فهد ولا كان شفنا امور ثانيه واولها اللي مسوين يتكلمون وطايله السنتهم شوي ماهجدهم الاهو
الله يرحمه
الله يرحمه
الله يرحــــــــــــــــــــــــــــــــــــــــــــمــــــه

الله يعطيك العافيه...كلام جميل

إقتباس إقتباس من مشاركة القانوني *** قرأت قبل فتره في الرياضية مقال عن حياة وتاريخ يوسف الثنيان ومن ضمن ماقرأت التالي (يقر ويجزم أحد المشجعين أنه رأى جواز سفر الثنيان وقد كتب عند خانة المهنة :- مسحب أظهره !!!) وأنا خايف يالربع يوم ولا ابو يعقوب مستدعينه الحقوق المدنيه ويجي ويحصل ضحاياه ذولي قدامه ورافعين عليه دعوى تعويض عن العاهات اللي لحقتهم من كسور وانسلاخات في الأرجل وعقد نفسيه .أيضا المشرفين على موقع يوسف الثنيان خلوكم منتبهين ترى الموقع فيه ادانات وأدله على أبو يعقوب يعني إذا سمعتوا بالقضيه حاولوا على طول تخفون الأدلة .

الف شكر وتحياتي لك .

هههههههههههههههههه تراي ضحكت وانا نص فاهم

السلام عليكم ..

إقتباس إقتباس من مشاركة القانوني .يعني مافيه ولا واحد منهم قال إن الطويرقي إنسان رياضي عاقل ومتفهم ويقدر المواهب الكروية وماادري ليه يضمرون النيه السيئة ولا هو موضوع بس للحجز في الجريدة .

أغلب النقاشات والمواضيع كانت تؤكد صحة كلامه ولكن تحذر من نواياه الخبيثة فكيف تقول عنه أنه انسان عاقل ومتفهم وهو يشكك في الإنجازات السعودية ويقدح في الكرة السعودية وينسب البطولات الى التحكيم وحتى وهو يقدر سامي في المنتخب أجمل مستوياته كان يذكر أنه نقطة ضعف

إقتباس إقتباس من مشاركة القانوني وأما موضوعهم هاليومين اللي مشغلينا فيه حسين عبد الغني وإيقافه يعني مدري ويش اللي يبون يوصلون له لاعب غلط ويستاهل جزاءه اللي جاه وأتمنى نفس العقوبه تطبق حتى لو كان لاعب هلالي .

كلام صحيح وأتوقع أنها من أجل التغطية على مستوياتهم السيئة ( اسلوب الحليف النصراوي ) أو من أجل السماح له بالمشاركة العربية . بعدين كلمة لو هلالي ... من دون لو صايره يعني صايرة العقوبات

إقتباس إقتباس من مشاركة القانوني قرأت قبل فتره في الرياضية مقال عن حياة وتاريخ يوسف الثنيان ومن ضمن ماقرأت التالي (يقر ويجزم أحد المشجعين أنه رأى جواز سفر الثنيان وقد كتب عند خانة المهنة :- مسحب أظهره !!!) وأنا خايف يالربع يوم ولا ابو يعقوب مستدعينه الحقوق المدنيه ويجي ويحصل ضحاياه ذولي قدامه ورافعين عليه دعوى تعويض عن العاهات اللي لحقتهم من كسور وانسلاخات في الأرجل وعقد نفسيه .أيضا المشرفين على موقع يوسف الثنيان خلوكم منتبهين ترى الموقع فيه ادانات وأدله على أبو يعقوب يعني إذا سمعتوا بالقضيه حاولوا على طول تخفون الأدلة .

حلوووة بس كل زمن له دولة ورجال يا يوسف !!

كوكتيل

محتار 666 الف شكر لك
ولد النعمه الله يعافيك
فهد 15 العفو حبيبي
ابراهيم ماودي تطلع وانت نص فاهم (من جد ازعل والله ) ارجع وفحط في الكلام لين تعرف
كوكتيل انا قلت الكلام هذا لأن الناس لهم الضاهر ولاندري عن النوايا الخفيه وانا معك ان البعض ممكن تجد كلامه جميل ولكن يدس داخل اسلوبه السلس الغاز خبيثه لكن الوقت كفيل بأن يكشف أمثالهم
اما عقوبات الهلال والله انك صادق انها طايلتنا بس قلتها للتذكير بأني سأكون راضي اذا طبقت عقوبه على لاعب هلالي وهو يستحقها
لكل زمان لاعب لكن الله بلانا بحب شيء اسمه الثيان (حكمة الله ) وبكلمه اخرى ماهي بلوى الا نعمه اننا هلالين وعندنا لاعب اسمه يوسف الثنيان نعشقه حد الجنون .

يخوي هذولا يبون الشهره ,,, ومالهم الا عن طريق الهلال ليه ؟ لأنه وبكل بساطة زعيم نصف الكره الأرضيه !

ومسحب أظهره قليله في حق ابو يعقوب


تحياتي

؟؟؟؟؟؟؟؟؟؟؟؟؟؟ القافلة نسبر؟؟؟؟؟؟؟؟؟؟؟؟؟؟ القافلة نسبر والنثر ... ؟؟؟ مـا يحتج اكمل والنثر ... ؟؟؟ مـا يحتج اكمل

اسلوب اكثر من رائع اخوي يعطيك العافية