11/02/2011, 06:21 PM
|
| شاعر هلالي | | تاريخ التسجيل: 22/11/2003 المكان: قــصـ(الـهــلال)يدة
مشاركات: 4,103
| |
|
ماني مبــارك على عــرشه ولا انتي مصـــر
اللهم صلي وسلم على سيدنا محمد
وعلى اله وصحبه اجمعين
ـــــــــــــــــــــــــــــــــــــــــــــــــــــــــــــــ
/
/
/
/
/
وش فيك كل الطرق في ساحتـِك مقفله
كني مبارك على عرشه/ وكنك مصر
اصبح تفاوض (صدى نبضي) معك مشكله
والمشكله ان وضعي/ يامصر/ في خطر
انا انتـــظر طـــيف يصدر منك/ واحلله
والنــــاس تحليــــلها /يوحي بنية غدر
شربت نيلك وعذب النيل من منهله
واكلت سكر قصب سينا وحلو الثمر
شعرك/ على كيفي/ اسرحه /واجدله
وياما تنفست من صدرك عبير العطر
رسمت (عصفور جايع ) ينتظر سنبله
كتبت كل السطور ولابقي لي سطر
كنت اجمع الخوف بعيونك حطب واهمله
الين تسترسل عيونك بخوفك شجر
وكنتي على راحتي بالجد والمهزله
وانتي تعانين من جور المرض والفقر
ياما نسجت المراجل / مرجله / مرجله
لين اصبح اسمي فلان العاشق المنتصر
دوري معك كم تعبت احفظه وامثله
ودورك معي قد تحول من يسر للعسر
والبارحه :
:
البارحه كنت اقودك قود بالسلسله
واليوم لاترحمين ولاتعيدي النظر
ثورة شرايين قلبك سببت معضله
واستعطفت في مشاعرها قلوب البشر
الكون يقرا وجوه العالم الخامله
والناس تفهم بانك /مابقي لك صبر
وان كان غيري فهم للرمز/ والفاصله
مانيب فاهم مضامين الخبر والعِــبر
ياراس مالي وياعمري ومستقبله
ويارسمي اللي نقشته فوق وجه الحجر
هذا العدم يرتقي مجدي ويستسهله
وهذا القدر اااااااه كم قلنا قضاء وقدر
وان كان نزفك من الاعماق كيف اغسله
واذا تعدى الصبر/جرحك فـكيف العذر؟
من كثر مالك من التقدير والمنزله
ماودي النور يسقي وجنتك بالفجر
حتى حنانك على الميدان باسيله
ماعاد يبقى لغيري من حنانك اثر
ماعاد به درب واضح للقدم ترحله
والعمر ينقص بدونك مايزيد العمر
يافاتنه
/
ياقمر
/
ياعطر
/
يامذهله
/
هاتي القصايد هنا / يافاتنه ياقمر
قومي وردي على الهاجس ومايرسله
بعض الرسايل تضيق اوراقها بالحبر
لكن !! لاتكثرين/ اللعب /والبهلله
مانيب حسني على عرشه/ ولا انتي مصر
|
ماشاء الله 
الله يعطيك العوآفي ياارب
الوضع العادي
