الله يرحم ايامنا بس.. اذكر اجتمعن علينا القياس والتحصيلي واسئلة الوزارة(اخر سنة) ومع هذا ما احد تشكى ولا قال شي وبالعكس
الحمدلله اكثر الطلاب اللي زاملتهم معي اعرفهم ماشاء الله اللي بالهندسة واللي بالطب واللي تخصصه رياضيات اوفيزياء.....
ولا احد يزعل مني ^_^ لكنكم مدلعين يا هالجيل كل شوي يوم مفتوح ومهرجان وطلعات وروحات
والأسئلة من مدرس المادة.. ما بقيتوا شي! يعني حتى هالقياس تبونه على كيفكم!!! <<< منقهر ^_^

على العموم هالنظام هذا مطبقينه في امريكا من سنوااااااات طوييييييييلة حتى سوو له فيلم
اسمه ذا بيرفيكت سكور..
وكان يتكلم عن معاناتهم مع هالاختبار وقاموا يخططون يسرقون نسخة من الأسئلة واذكر البطلة هي الممثلة سكارليت جوهانسون ما تابعت الفيلم الا عشان هالطخمه <<<<مسك خط
الزبدة شدوا حيلكم ومن بغى الدح قال اح.. مو معقول الواحد يتسدح عند النت والفضائيات وبالاخير
يبي وظيفة وراتب و..الخ.. نبيكم تشدون حيلكم ترا الوضع تغير مب زي اول..
قبل سنوات كانوا يتشحذون الطلاب يجون لكلياتهم اما الحين السنة الواحدة يتخرج من الثانوي عشرات
الالاف بدون اي مبالغة.. فلازم يفلترونهم شوي.. فاللي مهتم يبي يشد حيله وترا الفرص ما انتهت..

والله يوفق الجميع

يـآشيخ كلينـآها

وجـآء دورك لازم تـآكلـها

بالعكس فله القدرات

انا مريحه بالي بثاني وثالث وانواع الفله ونسبتي خايسه

دخلت الاختبار وشغلت مخي والحمدلله
والحين دخلت الجامعه واطلق قسم والحمدلله


يعني ريحوآ بالثانوي انتم كذا ولاكذا ماتستفيدون شي صح ولا؟

اخوي صراحة فكرة الاختبار حلوة جدا وثقافة عامة
لكن في بعض الاسئلة يبيلها شوي لو يركزون على هالجانب
لكن اختبار يحدد المصير
لان صراحة اشوف حقين الاهليات 99% ولا يدرسون
وانا 90%
واخوي صدقني الي يبي الشيء يقدر يوصل له
شد حيلك شوي وش يضرك
شف اليابان اختبار قبول جامعة طوكيو
يدروسون قبلها بكم شهر عشان يقبلون
شد حيلك وابشر بالخير
وان شاء الله ما يروح تعبك
لان الله عادل

إقتباس معليش حبيبي اختبارات القياس من اهم الركائز لمعرفة مستوى الفرد الذي يطمح بأن يكون شاغلا لوظيفة حكومية او شركات . نحن بحاجة لموظفين على مستوى عال من الثقافة والاطلاع وصفاء الذهن وهي العوامل التي يركز عليها اختبار القياس . الى متى ونحن امام موظفين لايعرفون التعامل مع المراجعين الى متى ونحن امام كم هائل من موظفين لايجيدون تسيير المهام الملقاة على عاتقهم . الى متى ونحن امام جمع من الموظفين لو قيمت مستوى (دلاختهم) لحصلوا على شهادات تفوق . كل هذا عزيزي بسبب ضعف التمكن وضعف الاطلاع والثقافة وعدم العيش داخل اطار التطور العلمي والثقافي والذهني . لاتنسى انك امام عدد هائل من طلاب متقدمون للجامعات وضعف كبير في مستو الاستحداث الوظيفي .. فليس من المعقول ان نخرج كل هؤلاء بدون معايير او اختبارات . منهجية اختبارات القياس منهجية رائعة نوعا ما . فإذا ماتم التعديل على بعض الأسس في هذا الاختبار من ابرزها ازالة الرسوم التي تلقى على عاتق الطلاب فسيكون البرنامج مهما وقادرا على تخريج نموذج راقي من طلاب سيكونوا دعامة للوطن . القاكم

إقتباس لا بأس أخي الفاضل .. نطالب بالسماح لعبور كل متقدم على جامعة أو وظيفة دون وضع معايير تحدد مستوياتهم .. لأ بأس .. سنخرج لك موظفين على شاكلة موظفوا وزارة الخدمة المدنية في كل أنحاء المملكة .. سنخرج لك موظفين نسخة كربونية من موظفي أمانة جدة والرياض !! .. سنخرج لك موظفين على مستوى عال من الانحطاط الأخلاقي والعلمي . ثم ليس شرطا أن تبدع في دراستك الثانوية فالتعليم لدينا لم يعد كما في السابق .. قم بجولة ( بسيطة ) على مدارس الثانوية .. وقبل أن تشاهد الطلاب شاهد من يربي الطلاب !! نعم هؤلاء من يبني الأجيال .. قل لي بربك .. وشاهد مافي المدارس وأنواع ( الدفدفة ) للحصول على أعلى النسب !! والمجال التعليمي ( والذي يعتبر حجر الأساس لبناء وطن بأكمله ) سواء كان ذلك من معلمون أو طلاب لم يعودوا مثل الجيل السابق الذي تحدثت عنه في تعقيبك .. فالذين بالسابق على الرغم من صفاء تعليمهم والذيي كان يسيره معلمون متصفون بالهييبة والحزم عندما يراهم الطلاب ارتعدت جوانبهم .. نعم هؤلاء من تخرجوا وأصبحوا في دوائر حكومية ومع ذلك نسبة واضحة منهم تجده بتخلف في التعامل والعلم !! .. إذا : وش ترجي من طلاب مسيرون بـ ( طبطبة ) على الكتف وفي عصر ومثل جيل كجيلنا الحالي ؟؟ فكر بعقلك ودع العاطفة وانظر للمستقبل .

إقتباس الله يرحم ايامنا بس.. اذكر اجتمعن علينا القياس والتحصيلي واسئلة الوزارة(اخر سنة) ومع هذا ما احد تشكى ولا قال شي وبالعكس الحمدلله اكثر الطلاب اللي زاملتهم معي اعرفهم ماشاء الله اللي بالهندسة واللي بالطب واللي تخصصه رياضيات اوفيزياء..... ولا احد يزعل مني ^_^ لكنكم مدلعين يا هالجيل كل شوي يوم مفتوح ومهرجان وطلعات وروحات والأسئلة من مدرس المادة.. ما بقيتوا شي! يعني حتى هالقياس تبونه على كيفكم!!! <<< منقهر ^_^ على العموم هالنظام هذا مطبقينه في امريكا من سنوااااااات طوييييييييلة حتى سوو له فيلم اسمه ذا بيرفيكت سكور.. وكان يتكلم عن معاناتهم مع هالاختبار وقاموا يخططون يسرقون نسخة من الأسئلة واذكر البطلة هي الممثلة سكارليت جوهانسون ما تابعت الفيلم الا عشان هالطخمه <<<<مسك خط الزبدة شدوا حيلكم ومن بغى الدح قال اح.. مو معقول الواحد يتسدح عند النت والفضائيات وبالاخير يبي وظيفة وراتب و..الخ.. نبيكم تشدون حيلكم ترا الوضع تغير مب زي اول.. قبل سنوات كانوا يتشحذون الطلاب يجون لكلياتهم اما الحين السنة الواحدة يتخرج من الثانوي عشرات الالاف بدون اي مبالغة.. فلازم يفلترونهم شوي.. فاللي مهتم يبي يشد حيله وترا الفرص ما انتهت.. والله يوفق الجميع

اقسم بالله تعليق الاخوان هذا خرطي ولا يسوا شي وهذا مادمر الشعب وسبب في تزايد البطاله لان هذا يؤدي الى رفض الجامعات القبول قال ايش نسبة القدرات مع تجاهل تام لنسبة الثانويه ويلا يا الي على قد حالك روح لك شوف سوق اشتغل فيه والا انضم لعصابة بعد ماكان الطموح في الجامعه والحصول على وظيفه او يتم تحويله على اقسام فاشله مالها مستقبل كا نوع من االتخدير وفي اشخاص اللي رازقهم الله او عندهم واسطات وهذا اكثر شي قد يخرج برا يكمل تعليمه او يدخل جامعه اهليه وغيرها ومن يضيع فيها الي على قد حاله اصبحت القدرات حجر عثره في وجه كل شخص مايحصل فيها على درجه عاليه بالله طالب يدرس 12 سنه وبالاخير اختبار كم ساعه يحدد مستقبله وربي شي مسخره وماهو مقياس ممكن طالب غبي يحصل في الثانويه على نسبه منخفظه ويختبر قدرات ويحصل على درجة قياس عاليه في ظرف ساعات
وطالب ذكي يحدث معه العكس ويتدمر مستقبله

ماقول الا مايحس بالنار الا رجل واطيها ... عموما اتمنى ما احد من الاخوان يزعل وهذي الحقيقه ممكن اكون على خطئ وممكن اكون على صح لاكن علينا ان ننظر الي السلبيات والايجابيات الي تسبب فيها نظام القدرات وعليها نحكم

الله يعين

انا نسبتي بالثانويه 67 والقياس 65 يعني متقاربه من بعض ههههههههههه

والله ياخوي الواسطه لازم في كل شي الدراسه الجامعه الوظيفه

ياخي اقسم بالله لو نفتك من هـ الاجانب اللي في كل مكان تلقاهم
ويستلمون اعلى الرواتب وعندهم شركات !!
بالنسبة للقياس مافيه امل يلغون هـ النظام
الله يكون بعونك

إقتباس الرسالة الأصلية كتبت بواسطة mushary الله يرحم ايامنا بس.. اذكر اجتمعن علينا القياس والتحصيلي واسئلة الوزارة(اخر سنة) ومع هذا ما احد تشكى ولا قال شي وبالعكس الحمدلله اكثر الطلاب اللي زاملتهم معي اعرفهم ماشاء الله اللي بالهندسة واللي بالطب واللي تخصصه رياضيات اوفيزياء..... ولا احد يزعل مني ^_^ لكنكم مدلعين يا هالجيل كل شوي يوم مفتوح ومهرجان وطلعات وروحات والأسئلة من مدرس المادة.. ما بقيتوا شي! يعني حتى هالقياس تبونه على كيفكم!!! <<< منقهر ^_^ على العموم هالنظام هذا مطبقينه في امريكا من سنوااااااات طوييييييييلة حتى سوو له فيلم اسمه ذا بيرفيكت سكور.. وكان يتكلم عن معاناتهم مع هالاختبار وقاموا يخططون يسرقون نسخة من الأسئلة واذكر البطلة هي الممثلة سكارليت جوهانسون ما تابعت الفيلم الا عشان هالطخمه <<<<مسك خط الزبدة شدوا حيلكم ومن بغى الدح قال اح.. مو معقول الواحد يتسدح عند النت والفضائيات وبالاخير يبي وظيفة وراتب و..الخ.. نبيكم تشدون حيلكم ترا الوضع تغير مب زي اول.. قبل سنوات كانوا يتشحذون الطلاب يجون لكلياتهم اما الحين السنة الواحدة يتخرج من الثانوي عشرات الالاف بدون اي مبالغة.. فلازم يفلترونهم شوي.. فاللي مهتم يبي يشد حيله وترا الفرص ما انتهت.. والله يوفق الجميع

يالغلا لا تقارنا بامريكا كمستوى تعليمي !!
شوف المناهج في امريكا كيف بسس !! ( والمشكلة بعض المدارس بالرياض طبقت النظام الامريكي اظن ولو تشوف الترجمة قسم بالله تنلحس
وشف مناهجنا كيف ضعيفة !
حبيت اعطيك معلومة بسيطة ..
في امريكا الطالب في بداية دراسته يدربونه على القدرات
عرفت الفرق بين التعليم اللي عندنا وعندهم ؟!

انا من اشد الناس المطالبين بالابقاء على النظام هذا لكن بشيء مقبول يعني حرام الواحد يتعب 12 سنه في النهايه تكون النسبه المؤخذه في المعدل العام متساويه في القياس والمدرسه مع العلم قد تكون هناك زياده للقياس كما هو في جامعه البترول 30% قدرات 50% تحصيلي 20%مدرسه

اخوي اختلف معك في كم نقطه ..
اول شي انا طالب توني مخلص ثانوي وجديد في التحضيريه (سعود)يعني مجرب القياس والتحصيلي
لكن خلني اشرح لك فكره القياس وراح فعلآ تقتنع ..
اول ع نظام اختبارات الوزاره .. صدقني الظلم كبير وكبير جدآ .. تقول ليه ؟؟
مدرسه حكوميه في مدينه الرياض معروفه بالتزمها .. انت تستاهل 99 بتاخذها .. تستاهل 90 تاخذها ..
كل واحد وجهده ..
اوك هنا صار في عدل بين طلاب المدراس الحكوميه ..
لكن رح شف المدراس الاهليه (الاغلب) ومدراس القرى والهجر ..
المدارس الاهليه : عارفين النظام .. ظبطني واظبطك ..
مدراس القرى والهجر : عيال عم ونمون ع بعض ..(طبعا مو الكل )
ما كان فيه قياس .. فتروح انت ياللي تعبت ع 88 مثلآ وماخذها بكل استحقاق
ويروح طالب ثاني من مدرسه اهليه اخذ 99 وهو نايم بالبيت ..
ويروح طالب ثالث من مدرسه في قريه اخذ 99 وهو مايدري وش الكتب ..
من راح يقبلون .. كلكم سواسيه .. وراح تطلع انت اوت ..
صحيح انت فاهم اكثر بسس ليه ؟؟؟؟ معدلك اقل منهم ..
يعني الي يسستاهل المقعد طلع برآ واخذه واحد مايستاهله ..
فهمت الفكره ..
عششان كذا لازم يسوون اختبار موحد .. لكل الطلاب ويشوفون من الي قعلآ يسستاهل المقعد ..
ونفس الكلام ع التحصيلي .. اذا انت فاهم منهج الثانوي راح تمشي وانت مرتاح ..
بس اتفق معك ان طريقه تنفيذهم للاختبار فيها عششوائيه وتقدر تقول غباء ..
يعني المفروض يطورون طريقه الاختبار ويخلونه بشكل افضل من طريقه الاربع ساعات .. الي ممكن تتدخل فيها الظروف
وتخليك تنقص غصب ..
هذا رايي ..
الف شكر لك خيوو ..واذا بغيت اي استفسار انا في الخدمه ..

اجل وشوله ندرس حنا 13 سنة واختبارر مدته 5 ساعات يحدد مستقبلك

اقوول هو بس القيااس اللي مانبيه الله يعين بس