الله يعين يا معين .. والله مشكلة عويصة (( للشباب فقط )) الرجاء عدم اصطحاب المغاتير !! - نادي الهلال السعودي - شبكة الزعيم

عاشق الهلال 79 · #1 01/02/2011, 06:25 PM

السلام عليكم ..

في وسط معمعت الإنقلابات .. وبين جنبات المظاهرات .. وأمام الحشود المعارضة ..
وبين أحشاء الحقيقة .. وكبد الواقع .. ومرارة المستقبل .. نظهر نحن !!
>>>> وش اللي مدخلك بين ذولا كلهم ؟؟

نعم نظهر نحن يا معشر العزوبية بكامل زينتنا .. وبجمال بسمتنا >> لو تشوفه يبتسم تسخف عليه

هههههآآي
نعم نظهر نحن أمام الملأ نطالب بحريتنا >> ماكنه تهور ؟؟
لا نريد سوى العدالة .. والعدالة فقط .. لا نريد سوى المساواة بيننا وبين معشر النساء
من حيث أماكن الترفيه وركزوا على أماكن الترفيه >> مالقا له مكان يطبه هههههههآآي

عن الفلسفة واللغة و الخرابيط اللي فوق وخلونا نتكلم جد مهي سالفة قسم بالله كل ما جيت
مكان قضبني الباب وقال ورني عرض أكتافك عوائل فقط صارت أمنية حياتي أقرأ لوحة
مكتوب عليها (( للشباب فقط )) يا شيخ لأروح و أصور معها من الوناسة >> مو مصدق ههههههآآآي
آخر الصدمات كانت أمس .. كان فيه مقهى بلياردو وشيشة ولنشات على البحر وفللله ووناسة
المهم متعود انا كل يوم اروح له وآخذ لي قيم بلياردو .. جيت له امس ولقيت كاتب لوحة على الباب
(( للعوائل فقط )) أصدق أكذب يا ولد يمكن إني مضيع ارجع أتأكد ماهي هي !!
المهم سألت العامل (( هلا معين ايش القصة ليه عوائل .. قال روح مافيه يدخل هدا عائلة بس انتا مافيه ))
(( ليه يا معين من زين لعبهن هالحين )) (( قال عائلة يدفع فلوس كثير انتا بس قيم واحد بعدين كلاس ))
المهم قضبني معين الباب ورحت للبحر أشكي الحال مالي غيرهـ هو الوحيد اللي مو حكر على أحد ..
يعني مو معقول (( الأسواق - الملاهي - الحدائق العامة - جلسات المطاعم ))
أتوقع بكرة حتى السيارات بخلونها للعوئل فقط تبي رح على رجليك والا اقعد !!
والله مرة اضطريت اني اطلب وحدة واقفه عند السوق تدخلني عشان آصل لمحل ضروري ابيه ولا له فرع ثاني !!
يعني قسم بالله منظرنا مو حلو تقل تماسيح متبطحين قدام الأسواق والله حسيت إننا وحوش ..
ولا يجلسون يهايطون ويقولون (( كله سببكم .. انتم اللي جنيتم على أنفسكم ومدري ايش وخرابيط ))
يقصدون إننا بسبب مغازلنا إنطردنا وقضبونا الباب .. وأنا أرد عليهم و أقول وبالإثبات والتقارير ..
اتحداكم تلقون شاب يغازل وحدة مستترهـ وماشيه بحالها .. والله الشباب يخافون بس لما يحصلون وحدة
تلمح لهم أكيد بيلحقون وراها يعني هي اللي تبي الشباب يجونها وش ذنب الشباب يعني ...؟

باسمي وباسم معشر العزوبية نطالب بمساواتنا بالمرأة وعدم التفريق بيننا بالمعاملة !

::: سقراطيات :::

** مليت مطاعم .. مليت طبخ عزاب اي كلام .. لدرجة اني أكلت من كل المطاعم عندنا ..
** الساعة 12 بالليل .. كل واحد راح يكلم له بزاوية .. مشكلة والله شبابنا كلهم رومانسية ههههههآآي ..
** أعتقد كل مشاكلنا تنتهي بنكته حلوة اسمها ( الزواج ) حاجة يقولون عنها كثير بس صعب ناصلها بحكم انها صارت صعبة بالحيل ..
** أتمنى كل شخص يكتب له موقف صار له مع الطردات هذي ..!
** في ظل سقوط رئأسة تونس .. وإنقلاب الشعب على مصر .. ومناوشات الحوثية .. الله يستر لا تكمل المصائب ويجيب النصر بطولة ههههههههآآآي

دمتم بود

سقراط العرب

المشجع الوفي · #2 01/02/2011, 06:57 PM

بصرآآحه و أنا أخوك هذا موضوع تم طرحه كثيراً و لطن لا حياة لمن تنادي...

يعني قسم بالله ....
((المولات - المطآآعم - المنتزهآآت - الشواطئ و الآن طالعين طلعه الكافيهات عوائل..))
كلها عوآآئل

ما باقي إلا الشوآآآرع و بيوتنا يحولووون عوائل.

و تكمل كذا حنا صير زي الهواء لا طعم لا رائحه لا لون ما حد يشوفه....

بس يا رجآآل مو كانك طرحت الموضع في وقت النا س حتى ما راح تفكر فيه ما تشوف العالم
شنهو صاير فيه..

ياليت تنسخه عندكو تأجله علشان الناس تلتفت شوي

إقتباس


	الحجز للشباب فقط .. العوائل تكتب او توكل ... خلونا نفرض قوتنا هنا ههههههههآآي

وش رايك تخلي المووضع للشباب .. هههه

علشان لا أحد يطلع فيها و يوقل نوادي السيارات و الكوره و ما أدري شنهو....

خخخخخ
ولله يعني هذه الاماكن هي الحجه لكل مره طرحنا هذا الموضوع..

و ياليتها أماكن تستاهل ..

إقتباس


	اخوي الحل بسيط .... تزوج و روح مع العائلة

ياليته ولله بهذه البساطه..

لكن القول هو البسيط و لكن أين الذين يطبقون و يسهلون الوضع علينا,,,

إقتباس


	ثـآني شـي يـآ بنـآت بـ خصـوص مهوركـم اللـي تبـي 70 و اللي تبـي 80 تضـنون الشبـآب كلهـم عيـآل الرآجحـي ..!!

إقتباس

آطـآلب بـ صنـدوق ضمـآن عزوبـي لـ صرف إعـآنـآت لـ الشبـآب
\

هذا الصحيح وينكم وين هذا الصندووق <<< ما تضننات تمادينا شوي خلينا نرجع للواقع .. و لا تفكر نفسك مصري مسوي مظاهرة..

إقتباس

البـنت صـآرت محـرم لـ الرجـآل

أجمل و أكثر التعابير تمثيلاً لوضعنا فعلاً صحيح..
أهنيك ع الجمله هذه خيوو

جار الزعيم مميز · #3 01/02/2011, 07:25 PM

فك الحجز
سلام
آسمحلي آخي والله العظيم آن فيه امـاكن كثـيرهـ تقـدر تروح لها يعني ضاقت الا تروح للبلياردو
يآخي رح لموقع قيمزر وخلاص

لاوالله فيه بعض العـيال يعانون من هذه النقطة

بس بيني وبينكـ لو تبي يفتحوون مثلا بعض المراكز التجاريه ولا المقاهي يعني للشباب وش تخلي للبنات
آنا ارى ان البنات اولى لآن
البنات ممنوعاات
من الملعب
وممنوعــأت من المقبرهـ

مالها دخل بس يالله((قصدي ممنوعات من دخول المقبرهـ مو لاماتو ممنوعات نفرض لو ماتن نص اللي بالشبكة اكيد يبي يدفنونهن ))
المـهـم
الصـلاهـ ثم الصـلاهـ ثم الصـلاهـ

حافضوا عليها

عاشق الهلال 79 · #4 01/02/2011, 07:57 PM

الحجز للشباب فقط ..
العوائل تكتب او توكل ...
خلونا نفرض قوتنا هنا ههههههههآآي

حروف الغلا · #5 01/02/2011, 08:26 PM

شو سالفة الشباب كلهم حجز و لا حد رايح يجيب العائلة

اخوي الحل بسيط .... تزوج و روح مع العائلة

PRINCE.MU · #6 01/02/2011, 08:48 PM

أذكـر مـرة كنـت رآيـح مـع شبـآب مجمـع
كـآن ذآ اليـوم عوآيـل و آحنـآ نبـي نتعشـى فـي مطـعم فـيه
المـهم مآ دخلـونآ السكرتيـة الـى أن جـآء المشـرف ترجيـنآه و آنذلـينآ بـ كـل برآءه
رضـى بعـد طلعـت الروح دخلـنآ سيـدآ علـى المطـآعم و آحنـآ فـي السلـم نرقـى و البسـمة علـى شفـآهنـآ
ألآ نشـوف ذآك بو شـرطتيـن يقـولنـآ المطـآعم عوآيـل
فـي هـذي اللحـظه تمنيـت انـي لآبـس حزآم نـآسف و أفجّـر المجمـع بـ اللي فيـه

ثـآني شـي يـآ بنـآت بـ خصـوص مهوركـم اللـي تبـي 70 و اللي تبـي 80 تضـنون الشبـآب كلهـم عيـآل الرآجحـي ..!!

آطـآلب بـ صنـدوق ضمـآن عزوبـي لـ صرف إعـآنـآت لـ الشبـآب

البـنت صـآرت محـرم لـ الرجـآل

بلو كادي · #7 01/02/2011, 09:16 PM

والله ياأن موضوعك يبيله قعده اصبر لي بااك إن شاء الله
رجعت ولله الحمد

وعليكم السلام ورحمة الله وبركاته
نجي للموضوع

إقتباس

الرسالة الأصلية كتبت بواسطة عاشق الهلال 79


	السلام عليكم .. [يعني مو معقول (( الأسواق - الملاهي - الحدائق العامة - جلسات المطاعم )) [COLOR=blue]أتوقع بكرة حتى السيارات بخلونها للعوئل فقط تبي رح على رجليك والا اقعد !!

ههههههههه ياحليلك وانت مسوي متأزم

يعني انت فكر
معقوله بنات بيروحون إستراحه

ولا بيروحون الثمامة يدقونها تخييم 5 ايام

يعني مالهم الاالملاهي والمنتزهات
بالعكس احس عندنا بدولتنا ولله الحمد كل جنس وله حقه مافيه إنحياز لأحد من غير
الثاني

إقتباس

الرسالة الأصلية كتبت بواسطة عاشق الهلال 79


	[يعني قسم بالله منظرنا مو حلو تقل تماسيح متبطحين قدام الأسواق والله حسيت إننا وحوش .. ولا يجلسون يهايطون ويقولون (( كله سببكم .. انتم اللي جنيتم على أنفسكم ومدري ايش وخرابيط )) يقصدون إننا بسبب مغازلنا إنطردنا وقضبونا الباب .. وأنا أرد عليهم و أقول وبالإثبات والتقارير .. اتحداكم تلقون شاب يغازل وحدة مستترهـ وماشيه بحالها .. والله الشباب يخافون بس لما يحصلون وحدة تلمح لهم أكيد بيلحقون وراها يعني هي اللي تبي الشباب يجونها وش ذنب الشباب يعني ...؟

يالله بريء

والله وانا أختك اصابعك مو سوا والله فيه عيال مايخلون احد في حاله ووآآجدين هالنوعيه بعد
لامتغطيه متستره ولا فاتشه وجهها

إقتباس

الرسالة الأصلية كتبت بواسطة عاشق الهلال 79


	[ باسمي وباسم معشر العزوبية نطالب بمساواتنا بالمرأة وعدم التفريق بيننا بالمعاملة !

والله ماينعرف لكم طالعين حريم يطالبون بالمساواة والرجاجيل الحين يطالبون بالمساواة

بالله وش السوات؟؟؟

إقتباس

الرسالة الأصلية كتبت بواسطة عاشق الهلال 79


	[ مليت مطاعم .. مليت طبخ عزاب اي كلام .. لدرجة اني أكلت من كل المطاعم عندنا .. الساعة 12 بالليل .. كل واحد راح يكلم له بزاوية .. مشكلة والله شبابنا كلهم رومانسية ههههههآآي .. ** أعتقد كل مشاكلنا تنتهي بنكته حلوة اسمها ( الزواج ) حاجة يقولون عنها كثير بس صعب ناصلها بحكم انها صارت صعبة بالحيل ..

قل آمين
الله يرزقك بوحده تضفك عن أكل هالمطاعم وعن الأزمة اللي انت فيها وكل عزوبي مسلم على وجهه الأرض

إقتباس

الرسالة الأصلية كتبت بواسطة عاشق الهلال 79


	[** في ظل سقوط رئأسة تونس .. وإنقلاب الشعب على مصر .. ومناوشات الحوثية .. الله يستر لا تكمل المصائب ويجيب النصر بطولة ههههههههآآآي

إقتباس

الرسالة الأصلية كتبت بواسطة عاشق الهلال 79

مايمدحون الهزوى هاه
الله يطمنهم بالأمن ويهديهم لمافيه خير يآآرب ويصلح احوالهم

تحياتي

عاشق الهلال 79 · #8 01/02/2011, 10:15 PM

إقتباس

الرسالة الأصلية كتبت بواسطة حروف الغلا


	شو سالفة الشباب كلهم حجز و لا حد رايح يجيب العائلة اخوي الحل بسيط .... تزوج و روح مع العائلة

ههههههههههههآآآي ابتعدووووا سأتشقلب ضحكا ههههههآآآي

أبشر بسعدك اخوي والله انك فكرت الله يثيبك ..
أبد عطني 100 ألف وشقة ووظيفة وأبشر بسعدك لو تبي أتزوج هالحين ..

حنا أساسيات الحياة ماهي متواجدة فينا لا وظيفة ولا سكن وتبي نتزوج
ليه تبيني أظلم بنت الناس معي .. بنت الناس هاللي ماترضا بأقل من 40 ألف
ولاترضى بأقل من قصر يسوى وشقة عليها الكلام و ... و.... و... .

الله يعين من جد صدق أخوي اللي يقول صارن محرم لنا ههههههآآآي

اموره تلعب كوره · #9 01/02/2011, 11:57 PM

إقتباس

الرسالة الأصلية كتبت بواسطة PRINCE.MU


	أذكـر مـرة كنـت رآيـح مـع شبـآب مجمـع كـآن ذآ اليـوم عوآيـل و آحنـآ نبـي نتعشـى فـي مطـعم فـيه المـهم مآ دخلـونآ السكرتيـة الـى أن جـآء المشـرف ترجيـنآه و آنذلـينآ بـ كـل برآءه رضـى بعـد طلعـت الروح دخلـنآ سيـدآ علـى المطـآعم و آحنـآ فـي السلـم نرقـى و البسـمة علـى شفـآهنـآ ألآ نشـوف ذآك بو شـرطتيـن يقـولنـآ المطـآعم عوآيـل فـي هـذي اللحـظه تمنيـت انـي لآبـس حزآم نـآسف و أفجّـر المجمـع بـ اللي فيـه ثـآني شـي يـآ بنـآت بـ خصـوص مهوركـم اللـي تبـي 70 و اللي تبـي 80 تضـنون الشبـآب كلهـم عيـآل الرآجحـي ..!! آطـآلب بـ صنـدوق ضمـآن عزوبـي لـ صرف إعـآنـآت لـ الشبـآب البـنت صـآرت محـرم لـ الرجـآل

بصرآحه أمرك غريب مع أحترامي لكً ...!!
الحين خليت الموضوع كله والنقاش بعدة أمور
وتجي تقول تضنون الشباب كلهم عيآل الرآجحي .....؟!
ليييه مآفيه أحد بآالدنيا عندهـ فلوس الآ عيال الرآجحي
يعدين خل الناس بحآله ترى الرزاق الله

المعذرهـ يآصاحب الموضوع بس حبيت أعلق ع هالنقطه ..

تحيآأإتي

عاشق الهلال 79 · #10 02/02/2011, 12:13 AM

إقتباس

الرسالة الأصلية كتبت بواسطة اموره تلعب كوره


	بصرآحه أمرك غريب مع أحترامي لكً ...!! الحين خليت الموضوع كله والنقاش بعدة أمور وتجي تقول تضنون الشباب كلهم عيآل الرآجحي .....؟! ليييه مآفيه أحد بآالدنيا عندهـ فلوس الآ عيال الرآجحي يعدين خل الناس بحآله ترى الرزاق الله المعذرهـ يآصاحب الموضوع بس حبيت أعلق ع هالنقطه .. تحيآأإتي

^^^^^^^ شكلها بنت الراجحي

>> هههههههههههههههههههآآآي

أول شئ حياكي أختي وخوذي راحتك وكان ودي تعلقين
على الموضوع وتتركين المسكين هذا

اللي حب يضرب
مثل للبنات وقصدهـ من ورى هالمثل انو مو كل الشباب أغنياء
والراجحي الله يزيده بالعكس من أفضل رجال الأعمال الصالحين
لكن يعتبر علم يضرب به المثل وهذا شرف للراجحي مو مذمة بحقه
أو حسد أتمنى إني وضحت الصورة >> يا بنت الراجحي هههههآآي

صـمـت · #11 02/02/2011, 12:14 AM

طيب هاجرو لليابان.......

محبة الرحمن · #12 02/02/2011, 12:21 AM

أهلآ وسهلآ بك اخي الفآضل ..

اراء اخواني يعآنون من هالمشكلة كثير ..
بس صعبة نخلي بعض الاماكن اختلآط ..يعني كلن يدخل ..مثل المطاعم واماكن الترفيه ..

بعض الشبآب الله يهديه يلاحق البنآت وماادري ايش ..
اوك لآحد يجي يقولي هم السبب هم الي يبوننا نلاحقهم ..
البنات مانقدر نصحح اعتقآدآتهم وافعآلهم ..
لو نبي نصحح ونفهمهم انه غلط كم بنت بنصحح عقلهآ .. وحدة .. ثنين .. عشر .. مئة ..
شئ حلو طيب بآقي الف بنت يمشون ع هالخطى ..!
واذا جاء مجموعة من الشباب وقالو مارآح نلف ونلعب ..
بآقي مجموعآت تبي تلف وتلعب ..
نمنع هالشئ من الاسآس أفضل للجميع ..
فية حدآئق عآمة .. فية مقآهي ..فية ملآعب ..فية الثمامة .. فية سآحآت الرآليات ..
ترا لكم اماكن بس انتو مليتو وماتبونهآ
تبون اسوآق .. تبون اماكن ترفهية خاصة بكم ..
دقيقة ليش حنآ يحطون لنا اماكن خآصة ..!
لآننا بنات ..انتو فآهمين اننا بنات ..
يعني مانطلع الا بالعبأة .. فيحطون هالاماكن عشان نآخذ رآحتنا ..
بس انتو وشو تاخذون رآحتكم فية ..!
ماشآء الله كل شئ عادي .. ماتلبسون عبأة .. ماتتغطون عشان نحط لكم اماكن خاصة محد بشوفكم ..
انا معكم انتو مظلومين في بعض الاماكن ..
بس انتو تطالبون بااماكن موجودة ..

والي يقول يتكلم عن المهر ..!
انت يالولد بتأخذني .. انت فاهم الي اقول اكيد ..بطلع من بيت اهلي .. بعيش معك طول عمري ..
يعني مانبي برخيصة عشان تاخذني بمبلغ رخيص ..
ترا الزواج مو يالله هآذي زوجتك والله معك ..
لآ .. طالبو بشئ معقول ..

الله يهدينآ ويآكم ..

دمتو بحفظ الرحمن

عاشق الهلال 79 · #13 02/02/2011, 12:37 AM

أشكرك أختي محبة ويشرفني مرورك ..

من ناحية الأماكن كل مكان ندخله يدخلونه البنات ..
ما بقي لنا غير الملاعب بس .. اما باقي الأماكن دخلتوها معنا ..
( الثمامة - المخططات - الاسواق - المطاعم - الكفيهات - الحدائق - الملاهي - البحر - البر - حتى الشيشة ))
والله ما اذكر مكان كله شباب الا الملعب وشقتنا

ومن ناحية المغازل ما اذكر ما اذكر ما اذكر واحد غازل وحدة مستترة سواء كان داشر او كان عاقل ..
المشكلة من البنات أنفسهن يعني عشان البنات موراضيات ينضبطن حنا ننحرم من حياتنا ونخليهن يعيشن ..
والله اني ادعي لكل بنت مستترة بالرزق والتوفيق دائما وبالعكس طبعا للغير

من ناحية المهور فأتمنى إنكم تفهمون إن المهر مو معناهـ قيمة البنت لا بالعكس البنت ما تقدر بثمن ..
القصد من المهر هو تحسين وضعها قبل الزواج أو كهدية تقدم لها .. أذكر إن الرسول
زوج إثنين بمهر خاتم من حديد وأولم بشاهـ فقط ..
المهم هو الزواج والستر للإثنين أما المبالغة بالأسعار والتكاليف فهذا حرااام ومن الإسراف الزايد ..

أشكرك مرة أخرى ..
دمتم بود

Vicente14 · #14 02/02/2011, 12:38 AM

إقتباس


	أهلآ وسهلآ بك اخي الفآضل .. اراء اخواني يعآنون من هالمشكلة كثير ..

إقتباس


	بس صعبة نخلي بعض الاماكن اختلآط ..يعني كلن يدخل ..مثل المطاعم واماكن الترفيه ..

و أماكن اللي فيها بس عوائل ، ما فيها اختلاط ؟! ، العوائل بس بنات ؟!

إقتباس


	والي يقول يتكلم عن المهر ..!

إقتباس


	انت يالولد بتأخذني .. انت فاهم الي اقول اكيد ..بطلع من بيت اهلي .. بعيش معك طول عمري .. يعني مانبي برخيصة عشان تاخذني بمبلغ رخيص .. ترا الزواج مو يالله هآذي زوجتك والله معك .. لآ .. طالبو بشئ معقول ..

يعني لو واحد يبي يتزوجك ، و طلبتي أنتي 100 ألف ، هل معناها قيمتك 100 ألف ؟! ، ترى الكامري الفل صارت بـ 100 ألف ..!

ما عمر البنت صارت قيمتها بقيمة المهر ، و مو معناها اللي مهرها 100 ألف أفضل من البنت اللي مهرها 60 ألف ...

بشكل عام ، حنا مفروض نشيل الكلفة و نتأقلم مع ظروف الحياة ، الحين نادرا نشوف واحد شباب بعمر 24 سنة يبي يتزوج و يقدر يدفع مهر و يستأجر شقة و يأثثها و يدفع إيجارها ، بالإضافة إلى إنه بيدفع مصاريف العرس من صالة أفراح و مصاريف عشاء و ... و ...

يعني لو صار مهر البنت 30 ألف ، هل هذا يعني إنها رخيصة ؟! ، هل لو رضت البنت بحفلة صغيرة و صالة أفراح على قد الزوج ، بتصير رخيصة ؟! ، خل لو رضت البنت بشقة بسيطة ، بتصير رخيصة ؟!

لازم نبسط الأمور ، عشان نقدر نحل بعض الصعوبات

...

كل هالكلفة اللي حطيناها على أنفسنا ، انقلبت علينا ، و أول من انقلبت عليه البنات أنفسهم ، زادت العنوسة ، و بالنسبة للشباب ، صار الواحد يطق الـ 30 و هو ما تزوج ، هالأمور كلها تفتح أبواب شر للشباب و البنات ...

عاشق الهلال 79 · #15 02/02/2011, 12:52 AM

^^^^ كفو يالذيب بيض الله وجهك ألجمتهم ..

>> تحمس هههههههههههههآآآي