حاشي مراهق قصة حلوه

يكثر في فياض الصمان الابل لكبر المساحه وحسن المرعى وكثرة الربيع وقت الامطار(الله يجيب السيل) وايضاً وجود الدحول التي تختزن الماء في الصيف (الدحول : جمع دحل وهي الحفر العميقة الملتوية في الأرض وتكون في اماكن منخفضة من الأرض تنحدر السيول فيها اثناء موسم الامطار)
من هذه الابل حاشي مراهق ممشوق القوام ابيض اللون كثيف الشعر على الرقبة والحلق والرأس وذروة السنام يمشي متبختراً بجماله (ولا رامي عيّاش) كل همه يتندح بين هالنياق الصغار خاصة (البكار) ويضمنها لا هيئة ولا شرطة ، المهم مرّت الايام وهو على هالحال همه أكل وشرب وغزل في هالنياق


يوم جا ذاك اليوم على عادته الى هاك الناقه واردة الماء وتبي تشرب وماقدرت قال هذي فرصتك وقم وافتح لها حنفية الوايت كلها قال: اشربي لعن ابو الفقر لا تروحين للدحل وانا فيه على غير اهلها ماتجيب راس مالها. شربت لين رويت ومسحت شفايفها بمنديل عشان مايتلعوط الروج وقالت الله يعطيك الف عافيه توني زملة من نزلة هالدحل وعلي هالخف الكعب يزلّّق

قال الحاشي

على شانك تحملت الصعايب ** اذوق المر لأجل رضاك حالي

ابتسمت الناقه وصكّته بذيك النظره اللي بغت تجيب اجله


تنهّد وقال

الله اكبر كيف يجرحن العيون ** كيف مايبرى صويب العين ابد
احسب أن الرمش لا سلهم حنون ** واثر رمش العين ماياوي لاحد
يوم روّح لي نظر عينه بهون ** فزّ له قلبي وصفّق وارتعد


ضحكت الناقه ودرت انها لعبت في سستمه عطته وراها ومشت على هونها وهي تومي بذيلها يمنة ويسره وقلبه يروح يمين ويسار قال

آآآآآآه وانعطف هاك الشعر فوق المتون ** وانثنى عوده وقفى وابتعد


طال الليل على خوينا الحاشي متى يجي الصبح؟ كل شوي يطالع في ساعته الريموندويل ماصدق اانه يسمع صوت الراعي يذّن طمر من محلّه وراح يدور عند الشبك وهو يطقق خفوفه طبعاً ماله أصابع ويروح ويجي لين طلع النور وجاالراعي وفتح لهم هو يقاله صغير والا الأبل مايصّك عليها ماصدق خبر وراح عند الوايت يحتريها تشرب جا الراعي قال : خير انشاالله وش جايبك انت وخشّتك كل ذا ضما؟؟ تلعثم الحاشي
قال : هاه لااا أبد مافيه شي بس طاح كبكي امس هنا وجيت ادوره
قال الراعي : اقول بلا استهبال كبك وانت عليك ثوب ساده يالله ظف وجهك مع البعارين لا ألكمك


لٌقّط وجهه خوينا وراح قال: خيره انها ماسمعت وش قال لي الراعي كان طحت من عينها ولا عطتني وجه المهم وهو يكلم نفسه الا هذي رفيقته تقابله يوم شهق من الفرح ( أمّا بعير يشهق كثّر منها) وقال

كفاني عذاب الله يجازيك بافعالك ** جرحت الضمير ولا طرالك تداويني


ضحكت الناقه ذيك الضحكة اللي شلعت قلبه وقالت


ياعل قلب ماشكا الحب والتاع ** تنهار من فوقه محاني ضلوعه
ياما نهيت القلب لا شك ماطاع ** ماطاع يدله والليالي تلوعه
أثر الموّلع دمعته تجرح القاع ** والى ذكر مافات هلت دموعه


الحين تاكد الحاشي انها تبادله نفس الشعورارتاح خاطره واسفهلّ وماعاد خذته الدنيا. مرّت الايام وكبروا وكبر حبهم معهم ،يلتقون كل يوم ويتبادلون المشاعر والاحاسيس

وفي يوم من الايام وهم قاعدين على ذاك الطعس الا يوم مرت ذيك الناقه العفراء طيّّر عيونه رفيقنا مشبّّه عليها مهوب قصده شي! انتبهت له الناقه خويته وطمرت من محلها قالت خلها تنفعك الله يمّليك بركتها انتبه خوينا انه اخطأ ولحقها وقال: وّقفي اشرح لك الموضوع التفتت عليه وقالت

مدام قلبي لك شفوق وميلاف ** وراك ياخلي قليل المروفه
قلّي عسى مابه على الخاطر خلاف ** عسى حبيبي ماقصر دون شوفه
لا لا تعسر القلب في كل محراف ** واحذر يجي عقب الموده حسوفه
دوك الدموع بحاجرالعين وقّاف ** لاانت بماسكها ولاهي ذروفه


تحسّف ابو الشباب ودرى انه غلطان وانه حسّها رد عليها وقال


لك حق تزعل ثم لك حق نرضيك ** مااقوى زعل حبيب قلبي وعيني
مدام قلبي ياريش العين مغليك ** اطلب ولك روحي ومافي يديني
يوم الله احسن صورتك خصّني فيك ** فيك الجمال وصادق الحب فيني


وقفت وتبسمت وارتاح خاطرها وهو تنهد قال هاه طاح الحطب ؟ قالت اه ياااني لو كنت أأدر اسيبك (شويكار مهيب ناقه) وعاشوا في سبات وتبات وخلفوا حواشي وناقات


ولكم تحياتي


__________________

لووووووووووووووووووول

حللللللللوه يالعنووود

الله اكبر كيف يجرحن العيون ** كيف مايبرى صويب العين ابد
احسب أن الرمش لا سلهم حنون ** واثر رمش العين ماياوي لاحد
يوم روّح لي نظر عينه بهون ** فزّ له قلبي وصفّق وارتعد

اييييييييييه والله الحاشي الصايع

مشكوووره

اكثر من رائع يارائعه وخاصة الابيات كلها جميل .

مشكووووووووووره...

حتى الحيوانات عندهم غزل

هههههههههههههههههههههههههههه


تسلمين والله يالعنود

العرفج:-

لووووووووووووووول بس مايصك على مسنجرك اللي نزلوه موضوع بالمنتدى

بس من قلب صايع وقلبه اخضر هالحاشي..يالله وللحواشي حظوظ..


------------------------

الزعيم بوخالد:-

ياهلا فيك والاكثر من رائع اردك..مشكوووور وحياك الله

المجمعاوي:-

لوووووووووووول شفت هذا اخر الزمان..لابعد لهم عقووول<<--]عني جايبه معلومه جديده


هذا حاشي اخر زمن..امسدح النياق لقبه..

وياهلا فيك

إقتباس يكثر في فياض الصمان الابل لكبر المساحه وحسن المرعى وكثرة الربيع وقت الامطار

أجل وش قالوا لك
الربيع مايكثر الا وقت الأمطار أحد قال انه في الجفاف والصيف

إقتباس وايضاً وجود الدحول التي تختزن الماء في الصيف (الدحول : جمع دحل وهي الحفر العميقة الملتوية في الأرض وتكون في اماكن منخفضة من الأرض تنحدر السيول فيها اثناء موسم الامطار)

مااشاء الله عليك بدوية أصيلة
أشوى انك مو مدرسة جغرافيا

إقتباس من هذه الابل حاشي مراهق ممشوق

أموت وأعرف من وين جبتي هالكلمة (ممشوق) ياشيخة الشين
الا وش معناتها ؟؟؟؟
يعني لو قلت اب الذهب ممشوق القوام ؟؟ وش تعني ؟؟

إقتباس زملة من نزلة هالدحل

أتحدى اذا احد فهم شي من هالجملة
زملة من نزلة
حتى في هروجك شينة

إقتباس ضحكت الناقه ودرت انها لعبت في سستمه

أحلى مافي السالفة كلها سستمة
من الدحول والنياق وزملة من نزلة الى الانجليزي

الزبدة الدنماركية

تسلم ايدينك على الموضوع وياكثرهم النياق والبعارين اللي على شاكلة هالبعير الثور

والزعل مرفوووووع

وعلامة رفعه البسمة الظاهرة على فمه

كنزووووووه:-

((أجل وش قالوا لك الربيع مايكثر الا وقت الأمطار أحد قال انه في الجفاف والصيف ))..

لووووووووول لايعني اعلمك..لانه الذكرى تنفع المؤمنين..اقول لاتدقق على الكلام واجد اخاف يقل نظرك..


((مااشاء الله عليك بدوية أصيلة
أشوى انك مو مدرسة جغرافيا )).

وماخفي اعظم

((أموت وأعرف من وين جبتي هالكلمة (ممشوق) ياشيخة الشين
الا وش معناتها ؟؟؟؟ ))..

لوووووووووول اقول عجل ماراح اقولك علشان تموتوبعدين لاتقول شيخه الشين فلو سمحت شيخه الجكر ولوماعليك امر

((يعني لو قلت اب الذهب ممشوق القوام ؟؟ وش تعني ؟؟)).

ماشالله عليك تفهم؟؟..عزالله ونعم الجمله مبتدا وخبر ..لايكون انت مدرس عربي ونحو وصرف..
اقول وبهذي الجمله فسرت معناها عاد اذا شاطر قولها..


((أتحدى اذا احد فهم شي من هالجملة زملة من نزلة ))

يالله شباب بدا التحدي من يعرف وله مليون دينار او اريال او دولار والفلوس عند كنزوووه<<-والله لااوهقك


((حتى في هروجك شينة)).

الله كريم شسوي يقولون طالعه عليك...

((أحلى مافي السالفة كلها سستمة
من الدحول والنياق وزملة من نزلة الى الانجليزي ))..

ياعيني على المثقف ماشالله عليك تعرف تكتب فرنسي..

((الزبدة الدنماركية ))..
عزالله غست يديني من ردك من شفت الزبده ادخلت الموضووووع..بس هذي زبده البعير مو الدنمارك..يعني علشان نمشيها مع الموضوووع ولاتخرب الزبدات علينا..



((تسلم ايدينك على الموضوع وياكثرهم النياق والبعارين اللي على شاكلة هالبعير الثور))..

لوووووووول كنزووووووه اسكت لاتفتن على نفسك انك منهم..الستر على نفسك وتراني ماعلمت..العلامه واضحه عليهم كوضوووووح الجكر في وجه شموخ..


((والزعل مرفوووووع ))..

اشدعوى قايمه الحرب..يعني ابسكتلك بس خلني ازهب العده....

((وعلامة رفعه البسمة الظاهرة على فمه ))<<--علامه الجوده..اقول انت ودعايتك الاسنان حلاتك ساكت


والزعل مرفووووض

الله يالعنود ذكرتيني بالمسلسلات البدوية

إقتباس لك حق تزعل ثم لك حق نرضيك ** مااقوى زعل حبيب قلبي وعيني

كني سامع عبدالله الرويشد مغنيها‍‍‍!!! لايكون سارقها من الحاشي المراهق

صدق انه حاشي مراهق !!!!

بس غريبه ما رمى الرقم

قرقاص:-

((الله يالعنود ذكرتيني بالمسلسلات البدوية))..

وانت الصاج ماغير حمد وجواهر..

((كني سامع عبدالله الرويشد مغنيها‍‍‍!!! لايكون سارقها من الحاشي المراهق))..

لوووووووووول لاوانت الصاج نبيل شعيل...بس لاتعلم انه الحاشي سارقها علشان ماتطلع عيوبه عند الناقه عاد هو موناقص..



----------------------


الحاتمي:-

((صدق انه حاشي مراهق !!!!))

واللي يقولك كاذبه عليك..اكيد كل هذا ومومراهق الا قلبه اخضر..لوووووووول

((بس غريبه ما رمى الرقم))..

لوووووووول ومن قالك ماسواها....اكيد هذي اول مراحل التغازال..


------

وحياكم الله

اقول العنود هذا اخرت اللى يتابع مسلسلات مدبلجه

إقتباس قالت اه ياااني لو كنت أأدر اسيبك

اقطع يدى اذا هالناقه خليجيه

إقتباس إقتباس من مشاركة العرفج لووووووووووووووووووول حللللللللوه يالعنووود الله اكبر كيف يجرحن العيون ** كيف مايبرى صويب العين ابد احسب أن الرمش لا سلهم حنون ** واثر رمش العين ماياوي لاحد يوم روّح لي نظر عينه بهون ** فزّ له قلبي وصفّق وارتعد اييييييييييه والله الحاشي الصايع مشكوووره

وش اخبار نهاية الغزل..... هل تم الزواج؟ مَن المدعوين؟ وش كانت الذبيحه؟

سرد قصصي رائع والأروع اختيار الأبيات

تسلمين ياعنود الصيد

إقتباس إقتباس من مشاركة ابو الذهب اقول العنود هذا اخرت اللى يتابع مسلسلات مدبلجه اقطع يدى اذا هالناقه خليجيه

لووووووووووووووووووووووووووووووووووووووووووووووووووووول