جخيران يغير العالم

تقديم
(الرواية عبارة عن قدحات في المخيخ ، أحببت ان اشارككم إياها، وستكون في عدة حلقات ، ردودك ستكون الدافع الاول لاكمالها لذا لا تحرمونا إياها)



الفصل الأول

صديق نفسه


جلس يتأمل خشته عند المرآة ، وفي لحظة صفاء ، قال للمرآة "أخبريني يامرآتي ..هل رأيتي أجمل مني ؟" تفلت في وجهه المرآة وقالت " لا والله لكن قد شفت أشين منك يا كويحه" فقال " أفا وانا ابو فارس !!" وحطم المرآة ..نعم حطمها ...حطم آخر صديق له وجلس يندب حظه .....

جخيران


إننا نتكلم عن شاب سعودي يعيش في الرياض عمره 17 عاماً يشجع النصر السعودي (اسمعوا يالربع بالنسبه لعمر الصبي ما راح يتغير ابد طول القصه حتى لو قلت ومرت سنين ومدري وش ... الرجال عمره 17 طول القصه ولا تقولون ما يصلح... كبتن ماجد وموكلي وسندباد والطقه ما تغيرت اعمارهم للحين )


المرآة بعد أن حطمها جخيران


تخرج هذا الشاب من المتوسط ولم يكمل دراسته بعدها لانه وجد نفسه اعلى بكثير من المناهج الموضوعة ، وإختار حياة التأمل والتفكر ، لم يكن له أصدقاء الا تلك المرآة الصغيرة التي اشتراها له ابوة في سن مبكرة من سوق ابو ريالين ، كان ينظر في الاخبار والعربية وجيرة الشرق الأوسط ويرى مشاكل العالم والشعوب ، وكان يمني نفسه بحلها جميعا حين يكون له الامر ، ولكن لا أحد يلتفت اليه والى مواهبه ، والجميع ساحب على ام امه وما طقوا له خبر ، لذلك سحب على بني البشر ومشاكلهم ،وإختار ان يحل جميع مشاكل الحيوانات من حوله ، شيئا فشيئا ، تطور طموحه وأصبح هاجسه حل جميع مشاكل الحيوانات في المعمورة ، وعزم الأمر على أن يبدأ من حيث إنتهى الأخرون ، وبعد أن بحث وبحث وبحث ، جاه العلم بان حكيم الهند كومار الساكن في البطحاء لديه القدرة في جعله مصلح الشؤون الحيوانية في كوكبنا الأزرق ، فعقد العزم على الرحيل اليه ، ومسك طريق الدائري الغربي ثم منه إلى شارع البطحاء حتى رسى به باص خط البلده عند عمارة كومار الحكيم الهندي ، وهنا تبدأ رحلة النجاح لصاحبنا المسمى "جخيران".


باص خط البلدة الذي أوصل جخيران لكومار



كومار الحكيم الهندي


كومار رجل هندي حكيم ، جاء للسعوديه بفيزة مزارع ، ولكنه يعمل في غسيل المواتر عند مستشفى الأمير سلمان ، كان بيطريا ثم أصبح طبيب نفسي للحيوانات إلى ان اصبح استشاري في علم الحيوانات وشؤونها ، وضع كتب كثيره تظهر حكمته وبراعة صنعته ، وهو صاحب المقوله المشهورة "كل نفر حيوان ، وكل حيوان نفر" ، قاد ثورة حيوانيه في الهند ،أدت الى نفيه عن الديار الهنديه الى صحراء شبه الجزيرة ، ومن حينها لم يمارس أي نشاطات في مجاله وكان يتستر بغسيل المواتر عن البوح بما يكنه من علم وحكمه ، حتى اخرجه من ذلك الستر الشاب السعودي "جخيران"....


سيكل كومار


إنها الساعة التاسعة صباحا ، وكومار عند عمارته يفك سلسلة سيكلة الاسود، ويربط سطل الغسيل مع الصابون والمنشفة الحمراء في السيكل حتى طب عليه جخيران ....
"كيف حال صديق " يقولها جخيران ، " السلام عليكم " يرد كومار ، استحى جخيران حيث انه نسي ان يحيي كومار بتحية الاسلام ، فقال " السلام عليكم " قال كومار " كيف حال صديق " خفق قلب جخيران بقوه لانه اول مره يسمع احداً يناديه بصديق في حياته ، وارتاح كثيراً لكومار الحكيم الهندي ...


كومار الحكيم الهندي



إختبار القدرات



لم يمهل جخيران كومار حتى اخبره بحاله وما وصل اليه من الحزن ، فرق له كومار وقال "وصلت خير يا جخيران ، لقد كنت أنتظرك من زمان ، ولقد اخبرتني الفيلة الحكيمه في الهند انك سوف تأتي الي ، وقد كنت في إنتظارك " ، أحس جخيران بالدفء وأحس لاول مره في حياته بانه مهم ، وقال لكومار " يعني راح تعلمني كل شي " ، تبسم كومار وأخرج دخان "قولد ليف" هندي وقال له " نعم انا راح علم انتا كل شي بس لازم اول انا سوي انتا اختبار إذا انتا ذيب وينجح انا علم انتا باقي اذا انت دجاجه ما فيه انجح اقضب الباص ولا عاد اشوف وجهك اتفقنا ؟؟" ، نظر جخيران فيه وقال " تم " فقال له كومار " تعال اخبرك بمهامك الاولى لارى ان كنت رجلا" فذهبا الى غرفة كومار وكانت معفوسه وكلها كراتين فاضيه ومن بين الكراتين تلك اخرج كومار زولية صفراء جديده بقراطيسها وجلس عليها هو وجخيران واشعلوا قليلا من الند الهندي وقال له كومار " شوف صديق هذا فيه ثلاث مهمات لازم سوى اول " قال جخيران " هاتها وانا ابو فارس " قال كومار "ابغاك تجيب لي إجابات عن الثلاث الاسئلة ذي :

• كيف يأكل البطريق الكبسه وهو لا يمتلك أصابع؟
• كيف يحك الكنغر ظهره ويده قصيرة؟
• كيف تحسب لمسة اليد للنمل حينما يلعب كورة؟

اذا علمت هذه الاجابات أنهلتك من علمي ما انت أهل له .."
تفكر جخيران قليلا وقال " كيف لي أن اعرف ما قلت وأنا لا أستطيع مغادرة العريجا الا في باص خط البلده "
قال كومار" هذا البساط الذي نحن عليه يوديك وين ما تبغى ، وانتبه من ساهر " فرد جخيران " قبلت المهمه " وتوادعا وبدأت حياة جخيران الحافلة .




الفصل الثاني


المهمة الأولى


جلس جخيران في سطح بيته ، وقال في نفسه " الحين باسافر القطب الشمالي واعرف كيف ياكل البطريق الكبسه وهو ما معه اصابع " ودخل وشغل البساط يحمي لين يلبس ، ولبس فروته واخذ ربع كبسه بخاري معه وركب البساط ، وعطى البساط الاول وتوجه للقطب الشمال هناك...
حينما وصل جخيران الى القطب الشمالي كان هناك بردا صاقعا وقامت ضورس جخيران تتصاقع تصاقعا مدوي فتجمعت البطاريق عليه وعلمهم انه من طرف كومار ، فاحتفت به ، وقلطوه ، وحينما جاء العشاء صلى جخيران

البطاريق تستقبل جخيران في القطي الشمالي

وكان البطاريق مسوين عشاء كرامة لجخيران ، فقلط جخيران على مفطح سوشي ، وحينما اكل وشبع جلس مع شيخ البطاريق المدعو بطيقس ، وقال له شيخ البطاريق :" هات علمك يا جخيران ، وش حاجتك من مرابعنا " فامتثل جخيران شعرا وقال :


"ياشيخ البطاريق يا أطلق واحد
جيتك وانا من زود همي معاند


أبغى جواب لي في إختباري
وعليك دون الناس وقع اختياري


ابغى اسالك شلون تاكلون كبسه
وشلون تضربون في الرز بالخمسه


هذا سؤالي لك وانت العروفي
بالله جاوبني وابعد لي خوفي"


قفال الشيخ بطيقس:


"حياك الله وحيا والله علمك
ابشر ابا ابعد عنك اليوم همك


الكبسة اللي تدعي في كلامك
ما شفتها عمري وش هي علامك؟"


رد جخيران :


"الكبسه هذي اختارعن سعودي
رز وعلى هالرز لحمن قدودي


فيه منها مندي وأحمر وشعبي
وفيه منها مضغوط وفيه منها مظبي"


قال بطقيس" كفيت ووفيت بس هل عندك منها شي ؟" قام جخيران واخرج ربع البخاري اللي معه ، وذهب احد البطاريق بالربع بخاري ووضعه في الميكرويف حتى سخن ، وقدمت الى الشيخ ودنق الشيخ بمنقاره واكل يقمة منها ، وقال " وااااو وربي شي هالكبسه ، علمنا كيف نسويها ونعلمك كيف نآكلها " ، فاخذ جخيران وقطع البصل والطماط ووضعها في قدر واضاف الصلصة والبهارات حتى كشنت ثم اضاف الدجاج وخلاه شوي لين يغلي خمس دقايق ثم كبس الرز عليها ، وحين وضعت الكبسه في الصحون احتارت البطاريق كيف تأكلها ، وجائوا الى الشيخ وقالوا " انت شيخنا واعلمنا كيف ناكل هذا الطعام الشهي"

شيخ البطاريق "بطيقس"

قال الشيخ " اخبرنا يا جخيران " رد جخيران بعصبيه " لوني داري ما دقيتها مشوار من الرياض انت ووجهك ، انت شيخ انت؟،وربي انك ولا بريال !!" فغضب الشيخ من كلامه وقال" انك والله مفهي ودجاجه واني غاسل منك يوم انك تسمع كلام الهندي " وتشاد الكلام بينهم ، حتى اتت بطريقه خقاق ، اجمل بطاريق القطب وقالت لهم :


" ياشيخنا ياللي على الثلج راسي
اسمع كلامي يابعد كل ناسي


هذا رسول وضيف له كل كرامه
ما ينفع انا نتعبه بالملامه


والكبسه اللي جابها من بلاده
عندي طريقه لاكلها والسعاده


نرصها في قالب الثلج ترصيص
وتصير لقمتها كواعب وترعيص


وناكلها لقمه لقمتن لين نشبع
هذي الطريقه اللي ياشيخ تنفع"


اعجب الشيخ بكلام البطريقه اللي اسمها كان "بطراقف" ، ولكن جخيران لم يعجب بكلامها ، بل اعجب بها وبجمالها ، وسد الطرفان على ان يكون غدا هو يوم رحيل جخيران بعد ان يجربوا طريقه بطراقف في اكل الكبسه ، وفي الغد تعشى الجميع على كبسه بطراقف وقال جخيران بعد ان شبع " تسلم يمينك يابطراقف " ووقعت كلمه جخيران في قلب بطراقف البارد وتبادلا نظرات الاعجاب ولكن الشيخ قال له " خلاص لقد علمت الجواب ، يمكنك الان ان تضف وجهك للرياض انت وفروتك " ورحل جخيران عن بلاد البطاريق في القطب الشمالي وهو فرحان بعد ان نجح في الاختبار الاول ، وتوجه الى قارة استراليا ليعلم كيف يحك الكنغر ظهره ويده قصيرة .........

البطريقة "بطراقف"



:::
:::
:::
:::




في الحلقة القادمة

جخيران يواجه الغزو الكنغوري في اول يوم له في استراليا .
احدى الكناغر تعجب بخشة جخيران وتطلب القرب منه وجخيران لم يكذب خبراً
جخيران يفغص احد الكناغر الصغيره بالخطا يواجه محكمه كنغوريه عادلة .
النمل يبدأ دوري المحترفين بمباركة جخيران .
إعتارض تحكيمي شديد وتصريحات لاذعه وإقالة رئيس اتحاد كرة النمل .
منتخب نمل افريقيا يخرج من دوري المجموعات في تصفية قارات الغابات الافريقية.

إقتباس الرسالة الأصلية كتبت بواسطة مـوت ومـيـلآد ! ههههههههههههههههههههههههههههههههههههههههههههههههههههههههههههه ههههههههههههههههههههههههههههههههههههههههههههههههههههههههههههههههه أجل اسسمه جخيران , احسس حلقي يعورني إذآ نطقت أسسمه ! لآ واللي أجمل مافي القصصه , البطريقه "بطراقف" , يآحيآتي يا هي ! ششوفوآ ششوفوآ الانثى ـأإ كيف هي ذربه ! لآ جد والله , قصصصه اهنيك عليهآإ , عندك خيآل وآإسسع رهيب ! بعدين ليش مافيه ولآ فيسس بموضوعك , أحسسس كذآ مااقدر اتعايش مع موضوع إلآ ولازم فيه فيسسآت ! تبيني اتبرع لك , ترى ـإآ عندي وآإجد وقسسسم ! المهم , بآلجزء الثآني كبر الصور وحط فيسسآإت ! بالتوووفيق , ولا تتأخر علينآ بتنزيل البآإرت الجآي !

ههههههههههههههههههههههههههههههههههه

يا انتي تحطين فيسات بشكل ههههههههههههههههههههههههه

خلاص ابشري نكبر الصور ونحط فيسات المره القادمة

حياك اختي

إقتباس الرسالة الأصلية كتبت بواسطة ازعاج اهنيييييييييييك ع الخيال الي تعيشه لكن بجد القصه حلووه وتحمست معها بانتظاااار الحلقه الثانيه ولاتبطي علينا

الله يسلمك اخوي

اهم شي تحمست

والحلقه الثانيه ما راح انزلها لين تاخذ الحلقة الاولى حقها من المشاهده

حياك اخوي

هههههههههههههههههههههههههه

والله حلووووووووووووه

اتمنى يطلع عليها جخيران<-- عليه اسم

ههههههههههههههههههههههههههههههههههه
اهنيك على خيالك الواسع ماشاء الله عليك
والقصه خطنطر روووووعه
بانتضار الحلقه القادمه عاد فيها نمل ودوري اوم الحماس صدق ههههههههه

إقتباس الرسالة الأصلية كتبت بواسطة @هلالي القصيم@ هههههههههههههههههههههههههه والله حلووووووووووووه اتمنى يطلع عليها جخيران<-- عليه اسم

انت الاحلى طال عمرك

وبعدين الاسماء لا تعلل ياذيب

حياك اخوي

إقتباس الرسالة الأصلية كتبت بواسطة عاشقة الشلهوووووب ههههههههههههههههههههههههههههههههههه اهنيك على خيالك الواسع ماشاء الله عليك والقصه خطنطر روووووعه بانتضار الحلقه القادمه عاد فيها نمل ودوري اوم الحماس صدق ههههههههه

اووووه عاد الحلقة الجايه اخطر شي

يلا ما ودي اخربها عليكم

حياك اختي

ههههههههههههههههههههههه
عليك خياااااال ولا خيال ابو هنود

الوكاد يا حبني لصديق نفسه صراااحتن احبهم حبن فالله

بس لا تطول االاجزاء الثاانية ايها الفتى ..

موضوع قمة في الروعة وخيال واسع وجميل

انتظر البارت التاني بفارغ الصبر .. بس لو بعد الإختبارات ..

مشكووور الله يعطيك العافية

إقتباس الرسالة الأصلية كتبت بواسطة داق لطمة ههههههههههههههههههههههه عليك خياااااال ولا خيال ابو هنود الوكاد يا حبني لصديق نفسه صراااحتن احبهم حبن فالله بس لا تطول االاجزاء الثاانية ايها الفتى ..

اوما ايها الفتى

لا تخاف الجزء الثاني بينزل بس قريبا

منور اخوي

إقتباس الرسالة الأصلية كتبت بواسطة * أنا * موضوع قمة في الروعة وخيال واسع وجميل انتظر البارت التاني بفارغ الصبر .. بس لو بعد الإختبارات .. مشكووور الله يعطيك العافية

يا رحمي للي عندهم اختبارات

مشكور على المرور اخوي

حياك

إقتباس يا رحمي للي عندهم اختبارات مشكور على المرور اخوي حياك

انا مشكور على المرور (( أختاااه )) ولست اخوي
وحياكي مو حياك

إقتباس الرسالة الأصلية كتبت بواسطة * أنا * انا مشكور على المرور (( أختاااه )) ولست اخوي وحياكي مو حياك

بالله كيف ادري انت رجال والا بنت

لان كلمة انا ما تكفي .. ولو اخذتها على لفظتها الاولى فاول من قال انا ابليس

لكني مشكورة على التنبية اختاااااااااااااااااااااااااااااااااااااااااااااه

وحياكــــــــــــــــــــــــــــــــــــــــــــــ(ي)