السلام عليكم

ياناس ابي اعرف وش الزين بالتطعيس دق علي خويي من صباح الله خير قم الجو روووعة وانا اقول بنفسي ياليل هالسعوديين ماقد شافوا سحاب <<<<يبي يعلمكم انه مولود بالريف الفرنسي

المهم طلعت معهم واخرتها ع طعوس ع طريق الدلم كل دداسن الخرج واي سيارة لها صندوق(حوض) تلقاها هناك وبرررد ومطر واا قاعد اطالع هالسيارات اللي ترقى وتتزل وسيارات تغرز

الله يصلح اخوي اللي مزعجني ع التطعيس ومطامر من ديرة لديرة عشان هالتطعيس


المهم هي هوايات واذواق مثل مافي ناس صوفية ماتحب الكووورة في ناس ماتت ع الكورة

المهم خلني اتكلم بموضوعي اللي بالعنوان

كان قبل سنتين في واحد من عيال حارتنا تقاعد ابوه ونقلوا للرياض عااد حنا لنا سنتين تقريبا ماشفناه من يوم نقل

جاا واحد من اخوياي اللي بحارتنا القديمة قال علاوي تذكر خوينا فلان قلت اي صحيبك قال اي قال انت عندك شي الخميس عاادي اطلع معك بسيارتك للرياض

قلت اووك نو بروبلام انا بشوف اهلي ان ماكان يبون مني شيء ثم بعلمك

جا الخميس وخلصت مشاوير اهلي وكلمته قلت هاا بينا نطلع له قال يلا
قلت كلمه شف وين ساكن قال طيب رحت اصلي العشا
يوم طلعت كلمت واحد من اخوياي - اعز اخوياي- قلت بطلع بعد شوي مع فلان للرياض يبي يشوف صقيق له يعزه واجد له سنتين ماشافه

قال لنا صقيقي مالك دااعي ليه انت تعطي فلان وجه كنسل الطلعة فلان مايستاهل ومافيه خير
والله ذا اللي تسويه له ماراح يفيدك هو بشيء
قلت ولو انا وعدت الولد وان شاء الله ماراح نطوول قال شف انا حذرتك وقلت لك والله مايستاهل تسوي له شيء
قلت له شف انا ماابي ازعلك بس ماراح اطول برجع بدرري وابي قابلك واتكلم معك

الولد عصب وسكر -سبحان الله صدق احساسه-

مريت خويي وطلعنا لخويه للروضة قال وقفوا سيارتكم ومشينا بسيارتي

طلعنا وتعشينا ولفينا ومن هالسوالف ثم شوووي بدا يدخل بحواري اول مرة اشوفها بحياتي مدري وش والتفت علي صقيقي قال نبي نشتري حشيش الا الثاني قال يلا كم معك ياعلاوي

ياولد ياهوووه وش حشيش وش هالحتسي فكوني

قالوا والله مايسوي شيء وفلة ومحدن داري هذا انا اللي امشي معك اغلب الايام تشك اني محشش لا هاذني احشش ومستانس

فكوني ياعيال انا مامعي الا اللي لحاجتي ومانيب دافع شي ولو معي ماراح ادفع

قالوا ليه وراك صاااير بزر يااخي عاتي وحدة ماتسوي شيء

المهم تهاوشت معهم وخليتهم يرجعوني لسيارتي وعلطول ع الخرج وكرهت الساعة اللي وديت الولد فيها ولا مشيت معه

واللي قاهرني اكثر اني كذا مرة يغلط علي وانا بقلبي امشيها له واقول مافي احد مايغلط الين بغيت اكلها ع راسي بالاخير

طبعا يوم علمت خويي عن السالفة قال لي انا قايل لك لاتمشي معه وهو مايستاهل تضيع وقتك وتمشي معه بس انت ماتاخذ الامور بجدية وع نياتك وهالشيء في هالوقت نساه هالوقت مافيه خير وكل الناس مصالح

طبعا وهو يتكلم لي وينصحني

جا ببالي ولد خالي

ع نياته ومايذي احد ولو تطلب ايش سواه لك والعيال هنااك مستغلينه استغلال غير طبيعي

لاجاا قالوا له يافلان والله اننا جوعانين وش رايك تباشر لنا بعشا يقول يلا مشينا ويعشيهم بالمئات
ومن يوم يلقيهم ظهره والله ياه يتكلمون فيه ويضحكون عليه لين تتقطع بطونهم من الضحك

السؤال هنا
1- هل طيبة القلب هـ الزمن تعتبر دلاخة ؟
2-وش اللي يخلي الناس في هالزمن زي الوحوش تاكلك وان صرت ماراح تنفعهم بشيء رموك ولا التفتوا عليك ؟
3-ليه اللي لسانه طوويل او فلوسه واجد هو الحلو واحسن انسان بالارض وماجابت مثله الامهات واللي ع نياته او فقير لاابوه لا ابو من جابه لدرجة ان بعض الناس تقول انه سبب خروج المنتخب السعودي من اسيا ؟


لي عودة مع ردودكم ان شاء الله

إقتباس الرسالة الأصلية كتبت بواسطة صـمـت من فيه قلبه طيب هالايام...؟؟ هالزمن زمن شك و حسد و غيره و العياذ بالله برب

إقتباس واللي قاهرني اكثر اني كذا مرة يغلط علي وانا بقلبي امشيها له واقول مافي احد مايغلط الين بغيت اكلها ع راسي بالاخير طبعا يوم علمت خويي عن السالفة قال لي انا قايل لك لاتمشي معه وهو مايستاهل تضيع وقتك وتمشي معه بس انت ماتاخذ الامور بجدية وع نياتك وهالشيء في هالوقت نساه هالوقت مافيه خير وكل الناس مصالح

1- هل طيبة القلب هـ الزمن تعتبر دلاخة ؟

ايه ياخوي اكبر دلاخه بس ماتكون بزياده مثل ولد خالتك
2-وش اللي يخلي الناس في هالزمن زي الوحوش تاكلك وان صرت ماراح تنفعهم بشيء رموك ولا التفتوا عليك ؟ لان ها الزمن زمن الحسد والعين اذامعك قرش تصير فوق واذا مامعك تصير...
3-ليه اللي لسانه طوويل او فلوسه واجد هو الحلو واحسن انسان بالارض وماجابت مثله الامهات واللي ع نياته او فقير لاابوه لا ابو من جابه لدرجة ان بعض الناس تقول انه سبب خروج المنتخب السعودي من اسيا ؟
[/COLOR]هاذا الزمن وعلى فكره صايره معي مثل ها المشكله بس وش نقول

لي عودة مع ردودكم ان شاء الله [/QUOTE]

مشكور اخوي على موضوعك المتميز
بس انتبه اخوي علي من هاالاشكال اللي تمشي معهم لاتفكر في نفسك فكر بامك المسكينه وابوك المسكين
احرص اخوي انك تماشي الرفقه الصالحه تقبل ها النصيحه من اختك

إقتباس الرسالة الأصلية كتبت بواسطة ابوريناد السؤال هنا 1- هل طيبة القلب هـ الزمن تعتبر دلاخة ؟ أيه دلاخـة والمشكلة إني دلخ مثلك لكن مانقول إلا عسى الله يخلف علينا. 2-وش اللي يخلي الناس في هالزمن زي الوحوش تاكلك وان صرت ماراح تنفعهم بشيء رموك ولا التفتوا عليك ؟ يقولك المثل : إذا لك حاجة عند ... .. قله ياسيدي وهذا المثل دارج ويطبقونه بحذافيره ياعمي المشكلة لو تسوي كل شئ لأحد ومنعت أو اعتذرت عن شئ قالك مافيك خير ونسى كل شئ سويته له . ذكرتني بسالفة واحد صراحة الشهادة لله ولا هي منة ولا شئ خدمته بكل شئ خصوصا أيام الدراسة في الثانوي الولد يتيم الأب ومسكين وحيد أمه المهم أن أمه تعرفني زين ودقت علي وقالت انتبه للولد وخله يكون معك دايم تخبرني ياعلاوي إني دافورر المهم معدل الولد في ثاني ثانوي 76 وبثالث ثانوي الترم الأول كل يوم معي بالمدرسة بالفصل وفي العصرية لين العشاء عندي بالبيت صار ياكل ويشرب معي بالبيت وربي عن حسن نية كل اللي أسويه وجت نتائج الترم الأول ولله الحمد جاب 98 وعليها طبعا انبسط الولد وفرحوا أهله الترم الثاني قليل الحيا سبب لي مشاكل مايعلم فيها إلا ربي ليــه مدري؟؟!! تدري إنه كسر لي السيارة وسرق جوالي غير كذا موصي ناس كل ماطلعت من المدرسة ألقى كفر السيارة مبنشر ومن الحقارة كاتب على الكفر تستاهل يا أحمد تخيل بالله هههههههههه وأنا عن طيب نفس تركته ولا سويت له شئ وحتى بعض المدرسين كانوا يقولون لي اتركك منه وانتبه لنفسك ودراستك لدرجة إنه سبب لي مشكلة كبيرة مرة بس وقتها كنت بعزاءجدتي أم الوالدة الله يرحمها ولا فضيت له.. كلمني واحد من المدرسين وقالي الله يمهل ولا يهمل مرت الأيام وبعد سنة قلت بدق عليه ردت أمه على الثابت قالت لي مسافر وبعد يومين أدق قالت أنت أحمد قلت ايه قالت فلان في السجن وهي تبكي استغربت ليه قالت جوا المباحث وشالوه لأنه سرق سيارة لكزس وفيها لاب توب وخمسة الالاف ريال ومنتظرين المحكمة وش تقرر سبحان الله تذكرت كلمة المدرس اللي كلمني فقلت له أي خدمة أي شئ ياخالة أنا موجود فسبحان الله ربي يحاسب كلن على عمله أنت سو خير ولا تنتظر من أحد أي جزاء والأجر عند ربي. وغيرها كثييييييييييييييييير من المواقف تصير لي بس مابي أطول بالكلام عليكم واترك المايك لأخواني يثرونا بتجاربهم 3-ليه اللي لسانه طوويل او فلوسه واجد هو الحلو واحسن انسان بالارض وماجابت مثله الامهات واللي ع نياته او فقير لاابوه لا ابو من جابه لدرجة ان بعض الناس تقول انه سبب خروج المنتخب السعودي من اسيا ؟ ذكرتني بفهد الهريفي يوم يقول سبب خروج المنتخب السعودي تأجيل مباراة الهلال والإتحاد في الدوري هههههه وعلى طاري الفلوس يقول المثل المصري معاك قنيـه تسوى قنية مامعكش ماتسواش الله يرزقنا بس.. الطيبة بالقلب وأنا أخوك مو بالفلوس والمناصب والكشخة. قبل أختم كلامي بالنسبة لأخوياك دلني عليهم عشان أبلغ عنهم لأني للحين ماترقيت ويمكن إذا علمت عليهم يرقوني مرتين هههههههههه << نظامك أشكرك على موضوعك وسعة صدرك لكلامي الطويل. والله يرزقنا الطيبة ومساعدة الناس .

هلا والله بالغالي احمد

والله وانا اخوك اللي انت سويته لهالولد ورده عليك مايبين منه الا شيء واحد الا وهو طيب اصلك وتربية الماما والبابا لك

وبعض الناس والله مايستاهلون من يكلمهم وع باله مدري من
الله لا يبلانا بس

اوماا مسألة الترقية توسط لي اول وابشر باللي ينكب عفش اخوياه كلهم <<<هنا النذالة

إقتباس الرسالة الأصلية كتبت بواسطة صـمـت وانا بسألك سؤال اعتبره هجمه مرتده.. من فيه قلبه طيب هالايام...؟؟ هالزمن زمن شك و حسد و غيره و العياذ بالله برب

اختي او اخوي صمت والله يانا احس انك فاقد الامل بالناس كلهم ترا الدنيا مازال فيها خير والدليل ع ذلك
اقرا رد اخوي احمد

تيت يالغلا

إقتباس الرسالة الأصلية كتبت بواسطة خـيـالـيـه هلا آخوي محب الجنة >> الله يرزقك الجنة والمسلمين آجمعين الانسان الطيب مب انسان غبي ولا دلخ بس المجتمع اللي حطهم بهالصورة وآمي دآيم تقول لي: الله يعطي كلّ على نيّته >> وكلّ على نيته يلقى توافيقه وبالعكس الانسان الطيب يلقى ثمار طيبته بالمستقبل وولد خالك اللي تقول عنه،، هالناس اللي مستغلينه ربي يسلط عليهم ناس يستغلونهم بشكل اكبر وآفظع وآشنع من استغلالهم لهارجال الطيب وغير كذ1 ربي يرزقه وويوفقه بدنياه عشان طيبته وآنا شفت ثمار هالطيبه على نآآس وآآجدين ومن هاللي شفت قررت آكون مثلهم والله يرزقني على قد نيتي عوافي على الطرح وكلمات مره رائعة وتقبل مروري

والله يااختي خياليه الواحد من كثر مايشوف نكران الناس لجميله وطيبته مع الناس صاار يخاف انه يصير انسان بلا عقل

والله يسمع منك وكل واحد قلبه طيب يشوف ثمارات فعله

مشكورة ع المرور

إقتباس الرسالة الأصلية كتبت بواسطة حاتم اتووقع القلـب الطيب هو سبب هذه المشاكل الا حنا فيها حاليا تثق بالوواحد لحد الموت واخر شي يقدر فيك ويمشي اتووقع لزم الواحد ينسى شي اسمة طيبة قلب ولــكــن تبغى الصداقة والأخوة شي ثااني وحنا عندنا طيبة القلب يعني استقلال ضحك على الأخرين مشكووور

كلامك ماقتنعت فيه يااخوي حاتم مو كل الناس نجسه ومافيها خير

الدنيا مازالت بخير
بس لازم نشيل هالتوقع من عقلنا

شكرا ع مرورك يالغالي

إقتباس الرسالة الأصلية كتبت بواسطة بطلة أناااااااااااااااااااااااا يااستاز ** سنعود بعد قليل ,, ماقرات الموضوع بس قرات رد بعض الناس [/CENTER]

حطي عينك بعيني اشوووف

حلووة الثقة

تيت ننتظر اتمام لقراءة الموضوع

شكرا لمرورك ع موضوعي

المشكله عندك هنا في المجتمع اذا صار طيب يعني دلخ
يعني لازم الواحد ينفخ عمره ويأذي خلق الله ويطول لسانه عشان يصير موب دلخ

الطيبه مطلوبه لكن اذا وصلت للاستغلال على ناس ماتستاهل اوتقدر فهذا اللي يسمى ضعف ودلاخه..
وتلقى ناس طيبين بس رجال تحطهم على يمناك..

الرسول اللهم صلي وسلم عليه كان اطيب الخلق
واقوى الخلق واحكمهم فهل يعتبر هذا دلاخه؟!
سؤال موجه للجميع

عالعموم الطيب في النهايه اجره على الله
كلن بيعطيه الله على قد نيته

جزاااك الله خير ياخوي الله يعطيك على قد نيتك
والطيبين امثالي

خيو محب الجنه الخرج <<<< اسأل الله بمنه وكرمه ان يرزقني واياك اعالي الجنان وجميع الاحباب والاصحاب

ياحبي لك وكأن لسان حالك في موقفك الذي ذكرته يقول ::

أكبر عيوبي بالزمن طيبت القلب ... في مجتمع خاين وجاحد وجافي !!!

شوف حبيبي طيبة القلب ليست بدلاخه بقدر ماهي احسان الى الناس .. بعدين احنا مجتمع مسلم لابد ان تكون

نظرتنا الى اعلى من كذا .. يعني اذا عاملت انسان بكل طيبه واحسنت اليه اخلص النيه لله ولاتنتظر رد جميل

او اي شي من هذا القبيل .. فأن الله سيجزيك ويرفع مكانتك وكفى بذلك شرفا قوله سبحانه { وإن الله لمع المحسنين }

يعني بالله تخيل لو كل واحد عمل مثل ما قلت انت رمى بالطيبه عرض الحائط .. تتخيل كيف راح يكون مجتمعنا

كيف بيكون تعاملنا مع بعضنا البعض وكيف وكيف وكيف ؟؟؟؟؟؟

طبعا هذا كله مو معناها ان الطيبه تخليني اصير ساذج عند الناس ينضحك علي بالراحه واصير اضحوكه عندهم

لا بالعكس الواحد يكون مثل ماقال المثل لاتصير قاسي تنكسر ولا تصير لين تنعصر .. لان الطيبه لها حدود مثلها

مثل اي امر من امور الدنيا ..

بعدين ياحبيبي الدنيا لايزال فيها الخير وسيظل الى قيام الساعه فلنجاهد انفسنا لنكن منهم ..

لك مني ارق واعذب التحايا

من ناحية هل تعتبر طيبة القلب دلاخة؟ فـ نعم الناس صاروا يعتبرونها دلاخة ..
لكن في الحقيقة هل هي دلاخة؟

طبعاً لأ !

بس المشكلة وبصراحة =$ .. لما الواحد يكون ( فاهي ) ويعزو ذلك لطيبة القلب :@ !

شيء حلو لما الواحد يكون قلبه طيب وحليل. وأحلى لما يكون قلبه طيب وفطين وذهين.


ملاحظك ياعلي مشاكلك كثير مع الناس =$ .. ترا مهوب دايم يكونون غلط