ياخي الكريم فكرة الموضوع واضحه
ياسر كان سيء لكن لاعب من ضمن قائمة منتخب كلها سيئة
لكن النقد اللي شفناهـ لـ ياسر كأنه 11 لاعب وليس لاعب واحد
انتقد ياسر بس نقد منطقي مثله مثل غيرهـ من اللاعبين
مهوب منطق اللي صاير وياسر وياسر وياسر
وهذا بس مجرد توضيح لهم

خلو عنكم الدرعمة وقبل تردون اقرأ الموضوع كامل

قسم بالله ماله داعي ياسر هذا

و اللي خلاني أكرهــه زيادة خطأهـ بمباراة الأردن أجل مهوب كان يسولف مع الحارس و الحارس كان يبي يروح لياسر و جت سقوطية من فوق الحارس

بس هدف اليابان الأول اليوم خطأ واضح من ياسر لعدم التغطية يوم زحلط الحارس


عوافي قاسم

ههههههههههههههههههههههههه


كل شي قالو ياسر

انهزم قالو ياسر

فاز قالوو ياسر

جا خطا قالو ياسر


صدق ياسر مسبب لهم نفسيه الله يشفيهم ههههههههههه


كفوو ياسر

مفروض كل اللعيبه يعتزلون ويضفون وجيههم
......

اية اصلآ مافي المنتخب الا ياسر



وبعدين ياسر يجلس موسم كامل مايسجل للهلآل بس يصنع


بس اللهم الثلآث مباريات الآخيرة سجل فيهآ


وبعدين هو وش ذنبة اذا الهلآل عنده نآس يعرفون يصنعون اهدآف




انا امعكم ان ياسر ماقدم في المبآرآتين كلها

لكن



ورآ ماتحآسبون نآيف وهو من هدآفين الدوري الحين !!


نآصر الشمرآني وش سوآ !


ولآ بس ياسر اللي تحآسبونه عند الخسآرة



وتقولون ليش منتخبنآ نآزل مستوآه , وهو اصلآ كل ما خسر صآر ياسر هو السبب


وربي كل المحللين والاعلآم صآر كلآمهم معروف لما يخسر المنتخب يحطون الآسبآب في 3


الحكم


أو


المدرب


أو


يآسر



ترآ الكورة تغيرت ماعاد صارت تعتمد على لآعب واحد
وانتم الين الحين يآسر و يآسر ,


لآ والمشلة لو كانو محققين هذه البطولة , اتحدآ واحد من الآعلآميين يقول ان ياسر هو السبب






ياسر صآر هدآف المنتخب في تصفيآت كأس العآلم مع المنتخب عآم 2006


وحصل على هدآف خليجي وأفضل لآعب في خليجي مع المنتخب السعودي


وحصل على هدآف اسيآ وافضل لآعب في بطولة اسيآ وافضل لآعب في قارة اسيآ مع المنتخب السعودي



عشآن بطولة وحده صآر ماعنده وطنية !



وبعدين ترآ طريقة الآعلآم هذه اهي اللي تنزل مستوآ المنتخب اكثر واكثر


نفسي مره وحده يخسر المنتخب فيهآ القى الجمهور يتكلم


عن الوسط النآيم


او الدفآع الضآيع


او حتى على الهجوم كلة


بسس ياسر !!!!!!!!!!!!!


على فكرة ياسر اللي تقولون ماعنده وطنية


هو اكثر لآعب سجل للمنتخب السعودي على مر التآيخ في ( بطولة اسيآ ) !

اوك ياسر ماقدم بامبارتين الاولى بس ترى مو هو الي يلعب لحاله بامنتخب
وليش مانقول ان مافيه صانعين العاب بامنتخب مع احترامي
اوك
طيب ياسر اتهموه بامنشطات وقبل هذي اشياء كثيره اتهموه فيها ليش هو مو بشر مايحس مايسمع مايشوف
اذا كان دفاااعنا عن ياسر تطبيل على قولتكم خلوه تطبيل اذا كنت بدافع عن لاعب يلعب للزعيم ويحاول يخلص له

هههههههههههههههههههههههههههههههههههههههههههههههههههههههههههههههههههههههههههههه

كاتب الموضوع تسلم يدينك وفكرتك واضحه ورائعه

برايفت للمشرفين
الي يحبون يصيدون الجراذي قصدي الجرابيع النصراوية والاتهادية
الموضوع هذا ملياااان شدوا حيلكم الله يقويكم قبل لاننشغل بالدوري

لن أطبل ولن أدافع لياسر
ولكن بما أن ياسر المهاجم الأول في السعوديه في الوقت الحالي وكان قائد المنتخب في البطوله الآسيويه وكان يحمل على عاتقه أمال أكثر من 23 مليون سعودي كونه مهاجم ومهمته التسجيل بالتأكيد وبالإضافه أنه كان القائد .. طبيعي بأن يكون النقد موجه له .. ولكن من غير الطبيعي أن يحمل ياسر خروج المنتخب بالإضافه إلى المستوى الفني المتواضع للاعبين في البطوله ..
ياسر لم يظهر بمستوى مشرف ولم يكن في الموعد في البطوله ولا قبل البطوله وصحيح بأن أيام ياسر مع المنتخب انتهت منذ ولوج هدف محمد يونس في مرمى منتخبنا في نهائي 2007 وصحيح بأن ياسر لا يستحق أن يعد من أساطير المنتخب كماجد وسامي وغيرهم من الأساطير ولكن أحاول أن أوضح محتوى الموضوع لبعض أصحاب الردود بأن القصد بأن ياسر لم يقدم شيء مثله مثل زملاءه اللاعبين في المنتخب يستحقوا فيه أن ينافسوا على البطوله بالإضافه للإعداد السيء والمدرب المقال الأسوأ (( بسيرو )) فلذلك يجب أن يكون النقد موجه لجميع اللاعبين والمدرب السابق المقال والجهاز الإداري وليس ياسر من يتحمل وحده النتائج !!!!!!!!
تحياتي لك ..

إقتباس الرسالة الأصلية كتبت بواسطة نوونه الهلاليه اوك ياسر ماقدم بامبارتين الاولى بس ترى مو هو الي يلعب لحاله بامنتخب وليش مانقول ان مافيه صانعين العاب بامنتخب مع احترامي اوك طيب ياسر اتهموه بامنشطات وقبل هذي اشياء كثيره اتهموه فيها ليش هو مو بشر مايحس مايسمع مايشوف اذا كان دفاااعنا عن ياسر تطبيل على قولتكم خلوه تطبيل اذا كنت بدافع عن لاعب يلعب للزعيم ويحاول يخلص له

كلامك منطقي اخوي قاسم البر مشكور

نعم انا اوافقك الراي بأن الحارس ياسر القحطاني كان المتسبب الاكبر في الهزيمة ولاتنسى ان الحكم ياسر القحطاني تجاهل كثير من خشونة منتخب اليابان وكذلك رجل الخط ياسر القحطاني ( الحكم المساعد ) تجاهل تسلل واضح مما تسبب في الهدف الثاني والذي استطاع المدافع ياسر القحطاني ضبط التسلل فيه .

يا أخوان المنتخب كله اللي ظهر في آسيا مجامله كامله ......

و المنتخب إنهزم وش المشكله

وليد عبدالله أخطى الحينوش قلنا بعد الخطأ السعوديه خسرت ما نحمل الخطأ للاعب واحد لو حملناه للاعب واحد فهو تخلف كامل

ياصاحب الموضوع حسستني ان ياسر 11 لاعب

مع احترامي الشديد لك لكن نقدك غبيييي ~

لآبغيت تنتقد انتقد نقد منطقي لو سمحت ,