قبل اقفال فترة التسجيل والبكاء على اللبن المسكوب!!! - نادي الهلال السعودي - شبكة الزعيم

EPSON · #1 14/01/2011, 05:37 PM

السلام عليكم ...... هذه الاراء تمثل وجهة نظري الشخصيه ... @ تفريط الاداره بنيفيز وعدم جلب بديل له بمنتصف الملعب سيحدث ضعف بالمنتصف .. واتركو العواطف على جنب الي يبي يعوض نيفيز هو الشلهوب والشلهوب شوفت حالكم مع المنتخب ومع الهلال @عدم جلب لاعبين محليين لمغالاة الانديه الاخرى !! كذبه تتكرر كل سنه ومع الاسف تنطوي على الجماهير .. بالبدايه بشهراني الفادسيه وبلغيث الفيصلي وبالاخير يقولون سنطرح الثقه بلاعبي الاولمبي !!! اذا لاعبي الاولمبي ماشالو الاولمبي يبي يشيلو الاول وارجعو لمباريات الاولمبي لتعرفو الحال بهذا الفريق @ اخشى مااخشاه ان مفاوضة الارجنتيني بوسيلي مراوغه لضم المصري احمد علي !!! مع كامل احترامي لاحمد علي طموحنا اكبر منه ... تاركين مهاجمي مصر الكبار ويفاوضون لاعب غير معروف !!! @ الحمله الشرسه التي تقودها الجماهير الصفراء ضد ياسر القحطاني نجحت وبمعاونه هلاليه من بعض الجماهير الزرقاء بكل اسف !!! ياسر لاعبنا وياما فرحنا وجاب لنا بطولات فلابد من الوقوف معه لكي يعود الكاسر الذي نعرفه ... واتمنى من بعض الجماهير الهلاليه التي انطلت عليها هذه الحمله ان تحكم الى العقل .. هل من المنطق والعقل انهم يبحثون عن مصلحة ياسر !!! الجواب الله ماشفناه بالعقل عرفناه @@@ بالنهايه الاراء السابقه شخصيه و اتمنى ان لانبكي على اللبن المسكوب مره اخرى

Nawaf2014 · #2 14/01/2011, 07:52 PM

مانفكر بالوسط قدر مانفكر بالهجوم اهم شيء نجيب مهاجم مجنون بدال ياسر اللي طفشنا في كل مباراة سيء المستوى كأن عمرة 40

3bdulslam · #3 14/01/2011, 07:54 PM

احنا نبي هجوووووووم
يارب نجيب مهاجم اجنبي اهم شي يااارب
والباقيه ان شاء الله
محلوله

™ṂṒḤĂṂṂĂĐ · #4 14/01/2011, 08:05 PM

وشفيك انت معصب هدي هدي ‍!!

ويعني لاعبين الوسط موب عاجبينك !!

واحمد علي لازم يصير مشهور عشان يصير قوي !!

صر مدرب افضل لك !!

عندما يموت الحب · #5 14/01/2011, 08:21 PM

الله يكتب اللي به خير للهلال

شكرا لك على جهدك

ABDULAZIZ9 · #6 14/01/2011, 09:48 PM

وشفيك انت معصب هدي هدي ‍!!

ويعني لاعبين الوسط موب عاجبينك !!

واحمد علي لازم يصير مشهور عشان يصير قوي !!

صر مدرب افضل لك !!

ذgق · #7 14/01/2011, 09:55 PM

الله يكتب اللي فيه خيــــــــــــــــــــــــــــر

ابوعبدالله 2028 · #8 14/01/2011, 11:36 PM

ياشباب انا كنت رافض التعاقد مع المصري احمد علي ورفضي لان عقده 800 الف يورو يعني 4مليون ريال لمدة 6 شهور غالي جدا لكن اذا رئيس النادي ونائبه والجهاز الاداري والفني مقتنعين بالاعب فشوركم وهداية الله تعاقدوا معه وحنا كجمهور نوعدكم راح ندعمه ونصبر عليه بس جيبوه عشان يستفيد من دورة دبي ويتجانس مع الفريق
جمهور الزعيم احس فيه اعضاء من المنتدى مدسوس من الجار يجب علينا احتوى لعيبة المنتخب من الهلاليين وياما فرحونا فلا نكون ناكرين لهم مادام كل موسم يجيبون بطوله فالحمدلله لاتكونون طماعين شوفو الجار كيف يدعمون السهلاي او ريان اللهم لاشماته

al_doesry · #9 15/01/2011, 02:36 AM

الله يكتب اللي به خير للهلال

شكرا لك على جهدك

STS2005 · #10 15/01/2011, 03:38 AM

طيب انا عندي لك حل شجع اي فريق غير الهلال واللي سوا صفقة في هذي الفترة لحد ما تجي فترة التسجيل الثانيه وكذا بترتاح .

لكن انك تزعل عشان الهلال ما شرا لاعب فهذا مو منطق على الاقل عطنا اسم لاعب يستحق ان يحمل شعار الهلال ويصنع لنا الفارق اما ان نشتري لاعب ونقول نصبر عليه ونجربه فهذي لا تسمى صفقة بل مقلب وش الفايدة اشتري لاعب وفي الاخير اصبر عليه ؟

يعطيك العافيه .

يغارالحلا · #11 15/01/2011, 03:55 AM

احمد علي لاعب جيد وانا متابعه الدوري المصري .. ان شاء الله انه يجي عشان يثبت نفسه اكثر .. اما يجيك واحد مشهور ومايلعب لان ماعاد له طموح وغير كذا بيقولك مهما صار ابقى كبير .. فكروا فيها وراح تفهمون قصدي

مدمنه الزعيم · #12 15/01/2011, 04:01 AM

ههههههههههه واله ماضيع لعيتنا الاهالملايين الي تكب عليهم صارو يلعبون بغرور وتعالي

ياسر الشهراني لو جاء الهلال بالمبلغ المذكور صدقني ماراح ينجح ومتأكده مليون بالميه

abohamad55 · #13 15/01/2011, 04:10 AM

صدقني لايوجد لاعب سعودي بالفتره الحاليه ممكن يفيد الفريق وافضل الاعتماد على الفئات السنيه والاولمبي لتكوين جيل جديد قادر على المنافسه و على قول سامي اذا اللاعب وصل عمره 17-18 سنه وما مثل الفريق الاول متى بيمثله وانا ارى كم اسم بارزه بالفئات السنيه و الاولمبي يجب استغلالهم بدل مانجيب فلان وعلان وندفع فيهم مبالغ فلكيه وهم مايستاهلون ولا ريال

وبالنسبه للاعب المصري اتمنى ان يكون عقده اعاره لمدة سنه وليس 6 شهور

! دحـوم الهـلالـي ! · #14 15/01/2011, 11:27 AM

اخوي انت تطالب بـ احضآر لعيبه بمبالغ عاليه جدآ ومستويآت مع احتررامي لهم زي وجييهم .. مهنا مستوى ..

انا اشوف تصرف الاداره ممتاز .. ولكن اتمنى المعامله بالمثل من اداراة الهلال ..

اعارات مجانيه ومبالغ ضعيفه جدا هذي تنشآل من روس ادارة الهلال .. ويتم المعامله بالمثل ..

اللي متعاون ويانا ولا يكون طامع وحركآت مزايدات هذآ عطوه لعيبه اعارات بلاش مافيه مشآكل ..

اما اللي حركآت لف ودوران ويخلي فرق تدخل تزايد بالصفقه مثل الاتحاد والفرق الاخرى وبالاخير لا ياخذه لا اتحاد ولا غيره كلها طمع بالمبالغ الماليه من الاداراه الهلاليه فـ هذآ اتمنى عدم اعطاءه اي لاعب اعاره بالمجان وبمبالغ جيده جدا للهلال مو جيده فقط ..

وبالنسبه للاعب الاجنبي اتمنى انهاء سرعة التعاقد معاه حتى يشارك بالدوره ونكسب انسجامه مع الفريق من بدري

وع كلامك اذا مهاجم انه بيضر بالنص .. الحمدلله عندنا لعيبه وسط ممتازين ..

ولي - الشلهوب - الفريدي - العابد - الدوسري

والفرج يرجع للنص ان شاء الله بعد رجوع الزوري معافى ان شاء الله ..

ونصعد لاعب من الاولمبي مافيه مشكله ...

وفرصه للمدرب يجرب الكعبي في البطوله يسار وان شاء الله يقدم مستويآت كويسه ويحط الفرج بالنص من بعد البطوله الوديه والكعبي يكون بخانة الظهير الايسر ..

والاموال الطائله المبالغ فيها من الفرق الاخرى نحضر فيه 5 ولا 6 لعيبه للاولمبي فيها افضل ..

بس اللعيبه يكونون ذو مستوى ممتاز اللي يتم احضارهم وبإختيار دقيق ..

واتمنى التركيز ع القلوب والاظهره بالذآت .. و خانة الهجووم ..

(( نبي مهااجم ممتاز بـ ضربآت الرآس بالنسبه لـ الاعب الاجنبي اذا كان مهاجم .. وايضا باللي نتعاقد معاهم في الاولمبى والشبآب .. نبي مثل فهد الجهني واطوول بعد .. وصاحب تسديدآت ممتازه ))

مايكون الاختيار اي كلام ومهاجم جيد فقط ..

متعب بن محمد · #15 15/01/2011, 11:48 AM

نجوم الهلال كثااار فلاء خوف عليهم بأذن الله

مشكور على الجهد الرائع