مبروك منتخبنا ثاني المنتخبات خروجا من البطولة وليس الاول - نادي الهلال السعودي - شبكة الزعيم

هلالي رويلي · #1 14/01/2011, 05:06 AM

لنفرح قليلا بهذا الانجاز العظيم فمنتخبنا الموقر ثاني المنتخبات خروجا بعد الكويت وليس الاول
فالكويت كنا نحسب انها تملك فرصه ولو ضئيلة وهي الفوز على قطر 3-0 وخسارة الصين باي نتيجه ولكن بعد معرفة قوانين الاتحاد الاسيوي انكشف ان الكويت لو فازت على قطر 3 او 4 او 5 لن تفيدها حتى لو خسرت الصين فيصبح هنا تساوي بالنقاط بين الصين و قطر و الكويت بثلاث نقاط ففي قوانين البطولة اذا تساوى الاطراف بنقاط يرجع الى المواجهات فالصين فازت على الكويت وفارق الاهداف لايهم لانه ينظر اليه كحل ثاني اذا تساوى بالمواجهات يعني اقول لمنتخب الكويت لاتخربونها على قطر وتخرجوهم معاكم وخلوهم يفرحون شعبهم ويفرحونا
ايوه تذكرت يا منتخبنا العزيز اذا تبي تبيضها بالنهاية خسر اليابان وانشاء الله سوريا تفوز على الاردن ويتاهل عن المجموعة سوريا والاردن ونشيل معانا المرشح للبطولة يعني وحده بوحده

مهاجر بأحساس · #2 14/01/2011, 05:11 AM

ههههههههآآي

سوآء طلعنـآ اول شي ولآ ثآني شي .. يعتبر خروج هههههآآي

يعطيك العآآفيه ..

turky18 · #3 14/01/2011, 05:11 AM

الكويت لم تخرج ياعزيزي مازالت لها امال

صقر المدينة · #4 14/01/2011, 05:14 AM

يعني تقصد تتاهل الصين بثلاث نقاط

طيب قطر فازت على الصين

حلها ياحبيبي

الكويت مازال لها امل

TWiZZ-7 · #5 14/01/2011, 05:15 AM

فرقت يعني ؟؟؟
هي هي طالعين طالعين

لا يكون تعتبره انجاز بعد؟!

gtmo · #6 14/01/2011, 05:18 AM

اقل شي الكويت يلعبون بروح وحماس موب زي المنتخب لو يلعب 100 ما بيسجل

هلالي رويلي · #7 14/01/2011, 05:21 AM

إقتباس

الرسالة الأصلية كتبت بواسطة صقر المدينة


	يعني تقصد تتاهل الصين بثلاث نقاط طيب قطر فازت على الصين حلها ياحبيبي الكويت مازال لها امل

الكويت خسرت من الصين وفازت على قطر
قطر خسرت من الكويت وفازت على الصين
الصين خسرت من قطر وفازت على الكويت
تصدق كلامك صحيح حتى نبي ندور انجاز بفشله مالقينا

Man On Mars · #8 14/01/2011, 05:22 AM

إن شاء الله اليابان والأردن يتأهلون

اما صغار القوم السواريا شفنا كيف فرحتهم بفوزهم علينا كأنها نهاية العالم

صقر المدينة · #9 14/01/2011, 05:22 AM

إقتباس

الرسالة الأصلية كتبت بواسطة هلالي رويلي


	الكويت خسرت من الصين وفازت على قطر قطر خسرت من الكويت وفازت على الصين الصين خسرت من قطر وفازت على الكويت تصدق كلامك صحيح حتى نبي ندور انجاز بفشله مالقينا

مافي انجاز .... غير اننا نتحلى بالاخلاق السعوديه ونسكت

SaudiFalcon · #10 14/01/2011, 05:24 AM

الاحتراف هو مفقود... كان على حق

الزعامه للهلال · #11 14/01/2011, 05:35 AM

طيب ثاني منتخب يخرج من البطوله

الحين يعني صار خروجنا انجاز

اااااااااااااااااااخ بس ابوها دنيا مصخرونا وربي

الناس تطلع لفوق واحنا ننزل وياقلب لاتحزن

اْلسلمي · #12 14/01/2011, 05:42 AM

آآآهـ علـى المنتخـب اللي كـذا
الحيــن بتفــرق لو كنـا اول منتخـب طلـع ولا ثانــي

فارس الناصر · #13 14/01/2011, 05:44 AM

اللحين صرنا نتجادل من أول منتخب طلع إحنا والا فيه فريق غيرنا !!!!!!!!!

حسبي الله ونعم الوكيل

MiLAN LoVeR · #14 14/01/2011, 06:14 AM

لتصحيح المعلومه لا اكثر , منتخبنا اول المغادرين رسميا
حسابيا الكويت مازال لها امل بالتأهل " ضعيف "
شكرا وياقلب لاتحزن :/

المرعب بوحمود · #15 14/01/2011, 08:37 AM

الكويت للحين عندها امل

افرض ااوزباكستان فازت على الصين

والكويت فازت على قطر 3-0 الكويت راح تتاهل لا الكويت عندها هدف ولو دخلت ع الاقل 2-0 فازت