اهلين هلاليه
...
برد ع السريع ... واذا فيه وقت رجعت مرة اخرى واضفت <<< اخلصي
اذكر لما البنات طاحوا بالانمي
ماحبيتهن .. بس حسسوني اني ضبه <<< مؤنث الضب
لو ماحطيتهن خلفيه او بجهازي ..
و اذا كنتي بنت او ناعمه
حطيهم عاد انا مادخلن مزاجي
وكنت الاقي الاستغراب ليه ماتحبينهن
ماانكر ان فيهن صور تجنن ... لكن اللي يطبون فيه الناس اكرهه
وسبونج بوب يأنه رهيب
صورة بكل مكان دفاتر بلايز مخدات طبعا انا ماتابعته ع التيفي بس صورة تعجبني هالشين
يمكن لو تابعته بالتيفي كرهته
واحتمال اذا شفته قدامي واجد اكرهه
ومثل جوال N95 اول ماطلع كنت ناويه اشتريه بس تأخرت علشان الموني
فجأة لقيت العالم طابه به صرفت النظر عنه
وجلست 3 سنين على جوالي القديم لاني مالقيت جوال يرضي طموحي
التقليد مو بس بالاكل واللبس والاجهزة
ايضا بالكلام واللزمات اووووووف ياسبدي
خصوصا اذا اشتهرت مسلسل في رمضان لقيت كل الناس يرددون نفس الكلمه
اذكر زمان كلمه ( كلك نظر ) لمنى شداد مدري بأي مسلسل حتى مطعم عندنا سماه صاحبه بهالاسم
وكلمه ( هيااا ) لحليمه .. وكلمه ( اقوى شيء )
مدري كيف صابرين عليهن
وكلمه مستانسين .. وصدقني يعني .. ويعنني .. واوم الغباء << بس كلمه يعنني اعجبتني
انتشرت نفس انتشار قصيدة الفراعنه ... حتى الممثلين يتنافسون على ايجاد لزمه لهم ولو كانت سقيمه حتى ترتبط بذهن الجمهور
قصيدة الفراعنه .. كادت تسبب لدي اكتئاب لولا ستر الله .. الاطفال قايلينها قايلينها وهم يلعبون وهم ياكلون وهم نايمين ولو رفعنا حجرة لقينا تحتها طفل يكررها
كما ان التقليد بالشكل
هاللحين البنات صارن كلهن شوجي .. الله عاد من الزين
والا قصه الشعر .. لو هي حلوه كان نقول اعجبتها لكن .. الكوافير قصت لشجون خطأ
قالت خلني اقول موضه محد داري وبناتنا هبن بها
.. يقال كشخة
والشباب كلهم راب
... كلمه كلهم تعني عندي ( الاغلب )
علشان مانعمم
في اشياء في المجتمع تنتشر ليس مجرد الانتشار بل لانه يستحق ان ينتشر ويقلد ..
مثل ظاهرة التجمعات العائليه بالاستراحات اذا لم تأخذ مظاهر الاسراف <<< احسها نقطه جت بالغلط
اللي اقصده في اشياء تنتشر وهي حلوه مو كل ماقلد وانتشر فهو سيء ...
في شيء صار مثل الموضه عندنا ... بس مااقدر اقول
علشان مااساهم بنشرها
بس حبيتها وطبيت فيها
اذكر لما الناس طبوا بالسفر شهر عسل لماليزيا .. الكل راح شهر العسل هناك وكأن مافي غيرها .. وقبلها تركيا ..
اما بالنسبه لياسر للبنات نفس وضع حليمه للاولاد ...
هو تعلق البنات بالاعب خطأ ولكن يبقى تتبع اخبار الاعب افضل من ان تتعلق بمغني عربي او اجنبي وتتبع اخبارة واغانيه وحفلاته وصورة
الاعب وان تعلقت به عمره بالملاعب قصيرة وصورة لن تتعدى الملعب وكلها ممكن رؤيتها وحفظها عكس المغني خصوصا اذا كان غير سعودي .. وان كلا الامرين خطأ
اذكر بزمناتي << عجوز
البنات كلهم مع خالد عبد الرحمن صفوق التمياط وخالد التيماوي
وانا يوسف الثنيان وكالعادة الاقي علامات التعجب بالمدرسه وبالمحيط حولي
كنت اقول شفتوا لعبه
بس محد رد علي .. يحسسوني ان فيني شيء مو طبيعي
اذكر صور صفوق والتيماوي الله يذكرهم بالخير وخالد عبدالرحمن .. وانا ناقده عليهن مسويه عاقل
واقول مافي مثل ابو يعقوب
<<< القلب لذاك الزمن الجميل
ولما طبن البنات بياسر انا مع الشلهوب
احب امشي عكس التيار
لاوالله بس لان الشلهوب يستحق منا الكثير
يكفي انه من ذاك الزمن
والعشق دائماَ للزعيم فقط
ومن ثم لمن يخدم الزعيم اكثر
شكرا ياعسل
<<<< ماابي اقول ياحبوبه المنتشرة هاللحين لاني مدري وش معناتها