السلام عليكم ورحمة الله وبركاته..

أحبائي الكرام أسعدكم المولى أينما كنتم

بداية أود أن نعزي أنفسنا على منتخب بلادنا فوا آسفا على حالنا..

بصراحة تحز في النفس إنه منتخبنا رغم الإمكانيات الهائلة للاعبين

والفرق الواضح جدآ بين المنتخبين السعودي والسوري.,. ومع ذا فإن في وجهة نظري الخاصة..

أن الخلل الأكبر كان من المدرب.. فقد رأينا فريقا متباعد الخطوط ..! لا هجمات ..!

لا صناعة لعب..! ,, بصراحة كان المنتخب غائب فنيا تماما ولم يعرف طريقة للوصول الى مرمى المنافس,.,

ولكن الحمد لله على كل حال هذي حال الكورة..

وللأسف نحن لم نحترم المنتخب السوري وبات الجميع يتحدث عن أربعة أو خمس أهداف ستمطر بها شباك

السوريين.. ( إذ أعجبتكم كثرتكم فلم تغن عنكم شيئا)

وبرأيي المتواضع للغاية أن أنسب مدرب للمنخب في هذهـ الفترة هو الروماتي كوزمين أولاريو..

لمعرفته التامة باللاعبين السعوديين وقدرته التدريبية الهائلة.,

فهو مدرب ناجح جدآ وخصوصا في ( مباريات الكؤوس).. وتكتيكه يعقد دائما الفرق المنافسة ويضعهم تحت ضغط..

والنقطة الأخرى أنه في هذهـ الفترة متفرغ تماما..

أتمنى من الجميع إبداء وجهة نظرهم ولكم جزيل الشكر..

أخوكم : نايف

كوزمين ممتاز جداً ولا ننسى كالديرون وهو الافضل حالياً من وجهة نظري يكون مؤقت خلال هالبطولة وعند المنتخب يهون الهلال

وبعد البطولة يرجع يكمل مشواره مع الهلال.

والله يجيبون انجوس اسبوعين بس قسم بالله بتشوف فيه هجمات وتنظيم

انجوس يدرب نادي في الدوري الاماراتي صعب تجيبه , اللي فاضين هالحين هم باكيتا + كوزمين

انا اشوف الجوهر الافل الان

اه يا جريتيس ليتك دربت المنتخب وربي مدرب يقول للخصم(ابن امك اهجم)

مالهـاا الا كاليـدروون يرجـع للمنتخـب ليـن ماتخلص امم آسيـاا
وبعـدين يرجــع للهـلااال

اولا حسبي الله عليهم و على ادائهم و على بيسسيرو

ثانيا : كوزمين يبله شغلات حتى يدرب منتخب زي كذا متهالك لازم يمسكه من البداية

احلى خبر الاقاله الله لايرده خلانا حقل تجارب
واتمنى انه يتم التعاقد مع كوزمين بس صعبه
لان كوزمين مدرب محترم مايحب التدخلات
في عمله وحنا لازم نتدخل

تحياااااتي

الأفضل حاليا ناصر الجوهر لأن اللاعبين المتواجدين سبق ودربهم

في كأس الخليج 19 وجزء من تصفيات كأس العالم 2010

لكن هل ناصر الجوهر فالحاله النفسيه التي ستجعله يقدم شيء للمنتخب

بعد الإساءه له وتحميله مستويات المنتخب فالتصفيات ؟؟

لا أتوقع ذلك

اللي فاضين هالحين هم باكيتا + كوزمين

انا اشوف الجوهر افضل

لانه سبق وان درب المنتخب عدة مرات

ياليت يرجعون انجوس
وكوزمين حلو لو يدرب المنتخب بس سليطين موهب جايبه
وباكيتا مانبيه لانه بياخذ له وقت
وكالديرون بعد فاضي ماعنده شي يأخذونه لانا في فترة توقف يعني مراح يضر الهلال لو ياخذونه

تقبل مروري

من جدكم انتوا كوزمن !!

الحين على لسان سلطان بن فهد امس ... قال ( المنتخب لاتصلح له الطريقه الدفاعيه )

وكوزمن ابو الدفاع

مثل بيسيرو يكرم القاريء

الافضل

كالديرون اذا مافيه ضرر ع الهلال ... لانه بصراحه ماودي الهلال يدخل دوره دبي لكثرة الاصابات .. وش الفايده نروح ... نتعب زود ؟

وان مانفع ... ناصر الجوهر يلعب المباراتين الجايات ... بوجود مدرب جديد يتفرج على المنتخب من المدرجات

في حاله تأهلنا ... يستلم المدرب الجديد ويكمل

والا
ان خرجنا الله لايقوله

يستلم المدرب الجديد المنتخب من البدايه .. ويمديه يتابع الدوري وينقى لاعبين صح

عموما

اتمنى مدرب من امريكا الجنوبيه

افضل نتائج منتخبنا والكره السعوديه عموما مع مدربين امريكا الجنوبيه

وخاصه البرازيل

الاوروبي يحط خطه ... ويكيّف المنتخب كله على هالخطه حتى لو ماتصلح للمنتخب ... يخلي اللاعبين يتعودون غصب

البرازيلي لا

يلعب وفق الامكانات

يعني لو عندك مهاجمين سريعين وياسر معهم . عادي يلعب 4-3-3 ياسر في النص والمهاجمين الاثنين في الاطراف

البرازيلي يكيّف خطته وفق الامكانات المتوفره

يعني

البرازيلي عكس الاوروبي وافضل بصراحه

الاوروبي اما يجيك ممتاز ممتاز .. او صيخ سباك زي بيسيروو

مافيه نص

البرازيلي فيه ممتاز وفيه اقل منه وهكذا

والاوروبي الممتاز ماراح يجي عندنا مع احترامي

اقرب مثال قيريتس

خلونا على قدنا ... ونجيب البرازيليين لانه طموحهم اي بطوله مع اي فريق

الاوروبي لا

طموحه ابطال اوروبا .. اليورو .. كاس العالم !!؟ فتلقاه يمل من كاس اسيا ... لو ينظر لها نظره دونيه وعادي يجيب فيك العيد وانت في نص هالبطوله اللي ماملت عينه

اضافة على انه البرازيلي عموما خطته تعتمد على الامكانيات الفرديه بشكل كبير ... سرعه او مهاره او كنترول او دقه في الباصات اواواو

وانتوا ادرى بمهارات لاعبينا مايحتاج اتكلم لانه عيب

كوريا واليابان ماعندهم اللي عندك

ومستعد احلف

اقوى هجوم في الدوره واخطرها ... هو هجوم السعوديه .... هزازي وياسر ولايهون الشمراني


تحياتي

خلاص ناصر المدرب .. وبعد البطوله يحلها الف حلال ..