للاسف ماحصلي موقف مع اللاعبين ولا راح يحصل

لم يسبق لي ان حصل لي موقف مع اي لاعب حتى لو حصل ماني مطفوق لاسمعت شي جيت اعلمكم هذي طفقة والطفقه مالله حبها من زين وجهك انا حصلي وانا حصلي كبروو عقولكم اللاعيبه مو من كوكب اخر كلهم بشر وخصوصا فلاته وتكر

من ناحيتي والله ماعمري صافحت اي لاعب ولاشفتة من غريب

زين شفتهم على الطبيعه ونا على المدرج

ياحظكم

بس انشاء الله اجي لرياض الى ملعب نادي الهلال وسوي زحمة وصور مع كذا لاعب

إقتباس الرسالة الأصلية كتبت بواسطة هباله ازرق لم يسبق لي ان حصل لي موقف مع اي لاعب حتى لو حصل ماني مطفوق لاسمعت شي جيت اعلمكم هذي طفقة والطفقه مالله حبها من زين وجهك انا حصلي وانا حصلي كبروو عقولكم اللاعيبه مو من كوكب اخر كلهم بشر وخصوصا فلاته وتكر

ياااااااااااااااااااخي ايش هذااا التكبر الا ماااااااااااله اى داااعي ............والله عالم من جد غريبه

أناا قبل سنه تقريبا قابلت أحمد الفريدي في أرض مطار جده
كاان معي على نفس الرحله من الريااض وما انتبهت له إلا وحنا نازلين من الطياره
وكان لآبس الإحرام بيااخذ عمره فسلمت عليه وقلت له أحمد أنت لآعب موهوب وممتااز
بس لو تبطل العصبيه حقتك
ضحك وقالي إن شاء الله


وقد قاابلت أساامه المولد ونايف هزازي وعمااد متعب في مطار جده
وركبو معي بنفس الرحله كناا رايحين للرياض

بس أحلى المواقف الي مره علي

أياام الإبتداائي قابلت يوسف الثنيان عند مسجد الحمدان بحي الملك فهد
كنت توني طالع من المدرسه >> سناان الأسدي >> الله يقلعها من مدرسه ههههههه


والموقف الي ماا أنسااه
لماا قابلت المداافع الجباار (( ليتاانا )) في أسواق الجزيره

إييه صح

قبل فتره قابلت صالح النعيمه في ساكو الي بالتخصصي
وكاان معي ولد أختي الصغير

سلمت عليه وأقول لولد أختي هذا صالح النعيمه
قالي مين صالح النعيمه ؟
ههههههههه
ياا حليله صاالح جالس يضحك عليه

والله من الكلكـ >> على خفيف ياشباااب على خفيف

بعض الناس يتهم البعض بالكذب

طيب وقف شوي وفكر ليش تعتقد انهم يكذبون ووش مصلحتهم

عيب والله عيب

إقتباس الرسالة الأصلية كتبت بواسطة Yasser™ والله من الكلكـ >> على خفيف ياشباااب على خفيف

ههههههههههه خل الشباب يستانسون

وانا بعد ابستانس وابكلك عليكم

قبل كم سنه يعني تقريباً عام 1420 _ 1421 هجري لعب الهلال في كاس ولي العهد مع الحزم في مباراة اقيمت على ملعب الملك عبدالله في بريدة
المباراة ذيك لها قصه وهي انها كانت بعد ماتأكد تعاقد سامي الجابر مع ولفر هامبتون وقلت لازم اشوف سامي قبل مايروح لأوربا وفاز الهلال بالمبارة بهدف الجمعان

المهم كنت بالمنصه الرئيسية وكنت خلف نواف بن محمد بالضبط وكان على يساره الدهام الامين السابق للإتحادالسعودي المهم بعد ماانتهت المباراة
نزلت لأرض الملعب انتظر سامي يطلع اول ماطلع اخذه مذيع قناة بلقاء مصور قلت خلني ابعد شوي لين يخلص ولا اصير مثل اللي يترززون هاليومين باللقاءات

خلص المقابلة سلم عليه واحد قبلي وجيت والله واخمه ذيك الخمه سبحني ابوعبدالله بعرقه بس يمون الذيب وقلت له الله يوفقك ياسامي بالاحتراف ونبيك ترفع روسنا
وانشاء الله ترجع وانت اكثر خبرة وتفيد الهلال والسعودية قال انشاء الله وهو يطالع فيني بنظرة غريبه نظرة واحد كأنك كفشته في شي والظاهر ان سامي كان هذا تخطيطه وقتها
ذيب ومايهرول عبث ذيب عز الله انه ذيب آآآخ ياسامي يازينك وانت وسط الملعب آآآخ بس آآآخ . المهم بعدها دخلت غرفة تبديل الملابس ولاحد يسألني كيف

وسلمت على نواف التمياط والدعيع ومادري من بعد وجلست على طاولة التدليك وكان سيرجيو البرازيلي وقتها يطالع فيني بحقد وينافخ حسيت اني قاط صراحه

واللاعبين هذا رايح وهذا جاي واللي شرابه ضايع والا قطع حبل البوت واللي يدور شامبو يبي يتروش واللي سارق منشفت خويه واللي يدور احد يعبره واللي منسدح على الكراسي

المهم ذيك كانت اول مرة ادخل جو اللاعبين وانا بيني وبينكم ماني من النوع اللي يلاحق المشاهير عشان يسلم عليهم حتى لو كان شيخ مثل عائض القرني

مع اني صادفت لاعبين كثير من الهلال وغيرة حتى من المشايخ والفنانين في سفر او مطعم او اي مكان آخر ولا اهتم اني اروح واسلم عليه الا لو كان عظيم بالنسبه لي ويستحق

مثلاً لو قابلت الشيخ ابن عثيمين الله يرحمه غصب ابسلم عليه لو قابلت صالح النعيمه غصب ابسلم عليه ولو قابلت ماهر المعيقلي ويوسف الثنيان وسامي وياسر غصب اسلم عليهم

وسلامتكم





..






..





.

لي عودة ان شاء الله .................

أنا قآبلت فريق الشبآب كآمل

الموسم اللي رآح كنا طالعين المدينة وكان عندهم مباراة مع نادي الأنصار في كأس ولي العهد

بس ي كانو عاملين أزعاج بالطيارة خاصة وليد عبد الله وربي قروش أم أم المضيفات

إقتباس الرسالة الأصلية كتبت بواسطة هباله ازرق لم يسبق لي ان حصل لي موقف مع اي لاعب حتى لو حصل ماني مطفوق لاسمعت شي جيت اعلمكم هذي طفقة والطفقه مالله حبها من زين وجهك انا حصلي وانا حصلي كبروو عقولكم اللاعيبه مو من كوكب اخر كلهم بشر وخصوصا فلاته وتكر

وش فيها يعني أذا الواحد تكلم حرام عيب مثلا

موضوع جميل
انا صار لي موقف مع ياسر
قابلته عند الاشارة ومعاي ابوي
قعت ادق بوري علشان ينتبه لي بس ابوي قاعد يزاعق علي يقول ازعجت الناس
كنت اتمنى اني لوحدي
وتقبل مروري