موبايلي لهفو علي 60 ريال .. وش الحل - نادي الهلال السعودي - شبكة الزعيم

عاشق (التميز) · #1 03/01/2011, 11:43 PM

هذي الحقيقة فقد شحنت اليوم ب60 ريال ومن المفترض ان يكون في رصيدي 120 ريال
لانني مشترك في باقة حلا بلس
ولكنني تفاجأت بوجود الرصيد الأصلي 0.00 اما الرصيد الاضافي فكان 60.00

اي ان الرصيد الاصلي طار ولم اعثر عليه حتى الان

ولكن نزلوا لي الرصيد الاضافي فقط!!

وش الحل يا اخوان اتصلت على 1100 ثلاث مرات وكل مرة انتظر اكثر من 8 دقائق

وفي الاخير يقول لي الموظف مابين معنا في النظام

مين يعوضني عن هذا المبلغ؟؟؟؟

عبوووود ينبع · #2 04/01/2011, 12:02 AM

وش مسوي اليوم انت

امزح لاتعصب
والعوض من رب العالمين ~> ترى اخوك فالله ~> رايحه عليه 350 ريال
شحنت الكنكت وسحبوا المبلغ كامل والنت ماشتغل ~> واتصلت عليهم قالي عندنا خلل فني بس انت خل رقمك وراح يتصل عليك الفني
وكل يوم وانا اتصل واسال عن ذا الفني
ولك الله ولا سمعت صوت الفني ولا رجع الكنكت الا عقب 16 يوم
~> على بالك اشتراكي خلوه شهر كامل قسمن عقب 14 يوم فصلوه

ألفتى ألذهبي · #3 04/01/2011, 01:55 AM

والله انا ماعترض علي اي مشاكل وكنت شغال في موبايلي
لكن الي شريحته بدون اسم او مسوي خدمات ولاعب لعب فيها
يتحمل هههههه بالمعنى العربي اذا تفكر بتلعب عليهم يلعبون عليك

عــا 8 شـــق · #4 04/01/2011, 11:46 PM

رووح إلى اقرب فرع أخوي واشرح لهم الموضوع وشكرا

عاشق (التميز) · #5 06/01/2011, 01:37 AM

الشريحة باسمي ومريت مكتب موبايلي وسوا لي الموظف طلب وارسلو لي رقم الطلب
ويقولو 24 ساعة ويتصلون علي ويحلون مشكلتي
انتظر وان شاء الله تنحل
بس بصراحة مستغربها من موبايلي
كانت الشركة زي الفل بس بدت مشاكلهم تكثر في الفترة الاخيرة

Rashed Zeid · #6 06/01/2011, 05:38 AM

يارب تنحل مشكلتك وخبرنا لا تنسى

عاشق (التميز) · #7 07/01/2011, 03:24 AM

ارسلت لي مويايلي رسالة يقولو فيها
عزيزي العميل تم التحقق من صحة المبلغ المستحق لخدمات الرسائل.

بعدها اتصلت عليهم وقال لي الموظف انت مشترك في خدمة (ماليزيا) وقميتها 60 ريال!!!!!

واتصلت مرة اخرى قال لي موظف ثاني انت مشترك في جوال سبق وتم خصم المبلغ لانك مشترك في الخدمة!!!!

وش رايكم بالله هذا الشي يدخل الراس

وش الحل معاهم ؟

والله موبايلي صارت مهزلة

هلاليه صميييم · #8 07/01/2011, 03:36 AM

الله يعييييييييييييينكـ
انا مايقهرني الاstc

Rashed Zeid · #9 07/01/2011, 07:08 AM

الظاهر راحت عليك الله يعوضك

بس لا تخلي حقك لو هو ريال

حارب لأجل دراهمك مو يا خذونها وعيونك مبققه طلعها لهم إخنقهم

روح للفرع الرئيسي وروح للإدارة وإدخل غصب عليهم

روووووووح والله وياك

ZoRo 8 · #10 07/01/2011, 09:32 AM

هههههههههه يا انت بتتعب معهاهم

انا دايم يروح على مبالغ اكبر من ال60 حقتك بس خليها على الله
نار موبايلي ولا جنة الاتصالات
بنتحمل ليما نشوف نهايتها
قسم بالله ان رقم الثاني فاتوره وتجيني مدبوله والسبب لاني مشترك في باقة الزعيم وعندهم استغلال كبير لمشتركي باقة الزعيم بسبب حبهم للزعيم ويريدون دعم الهلال باي طريقه وموبايلي مستغلين النقطه هذي فارجو الانتباه

عاشق (التميز) · #11 08/01/2011, 11:19 AM

والله طفشوني
مرة انت مشترك بخدمة رسائل اخبارية
ومرة سوينا لك طلب
ومرات بنحولك على المشرف
ولا فيه نتيجة
يعني شكلي بطلع من المولد بلاحمص

سواق تكسي · #12 19/01/2011, 02:50 PM

افا يا جماعه ..

والله خوفتوني .. انا مالي شهر توني شاري موبالي ومغير رقمي ..

قلت شكلها احسسن من الاتصالات ..

الله يسستر ..

نجم المرزم · #13 19/01/2011, 06:23 PM

انا اخوي ايفون ومشترك بالخدمه حقت الايفون
ودفع المبلغ ولا اشتغلت الخدمه
وحاول كم مره ومافي حل

:@

زِيْزُو المَسْعُودِي · #14 19/01/2011, 08:16 PM

لا يردك إلا اقرب فرع لهم
لا تتنازل عن حقك
هم لو باقي لهم هلله
ياخذونهااااااااا من عيوونك

هلاليك · #15 19/01/2011, 09:32 PM

ههههههههههههههههههههههههههاااااي لا مو قد كذا بس موبايلي والله الى الحين الافضل بصراحه

ونتم كبرتووو السالفه المهم انه انت لازم تصبر ما تعطي اوامر وتضغط على الموضف وكل شوي ادق على واحد وتخرب عليك وطول ونت ما سويت شي

انا عندي شريحه عام والله يا بلاش موو مدح لهم بس شي خيااالي موبايلي بس اذكر من زمان نصبو عليه بس اخر شي طلت انا الغلطان انت لازم تروح اقرب فرع اذا صرلك شي ومنت عارف اش تسوي عشان يفيدوك ونت مرتاح