السلام عليكم
الموضوع شوي متشعب وبأحاول اني اربطه بأقصر الطرق
انا اخوك في الميول نعم إذا كان هدفنا سامي ونبيل
اما اذا كان غير كذا (معليش اسمح لي)

اخوان من الأم والأب (صريحة وواضحة)

نعرف اخوان في الدين (وهذا الأهم)
اخوان في الوطنية (والحمدلله الجميع متفق على مبدأ واحد)
اذا بنبالغ نقول اخوان في العروبة (مقبولة ومهضومة)

اما اخوان لأنك تحب نفس النادي الي انا اشجعة ؟

==== صعبة مرة =====

ممكن نكون اصدقاء اكثر من الأخوان نتناقش ونتفاهم ونحاول
لكن لايمكن ان تصل للأخوة بمعنى الكلمة
اسوي معك اي شي بشرط لايتعارض مع المبدأ الأساسي لي
ديني - وطني - عروبتي
لأني سأفقد هويتي وقتها اذا خسرتهم
لادين ولا وطن ولا عروبة حتى (مجرد ميول) هذي مو أخوة
هذي اقدر اسميها (غسيل مخ)

طيب نرجع للموضوع الاساسي
الدين اموت دونه (شهيد)
الوطن اموت دونه (شهيد)
العروبة اموت دونها لو ولي أمري أمرني (شهيد)
لكن ميول شلون اموت ؟
منتحر مثلاُ
مثل البنات الي انتحرن بعد موت عبدالحليم حافظ ؟

والله الموضوع خطير جداُ
انا شفت جمهور شجعو فرق قطرية وايرانية لما كان الزعيم يلعب (اعتبرتها شباب مراهقين)
لكن اشوف ناس يشجعون منتخبات تلعب ضد منتخبنا ويسمون نفسهم بينهم وبين بعض اخوان ؟
(معليش فيه شي غلط)

والسالفة مو سالفة ميول ولا سالفة لاعب انا احبه ماضموه
ولا سالفة المنتخب استقصد نادينا
ولا سالفة الحكام مأمورين ويحولون النتائج على كيفهم
ولا سالفة الاتحاد السعودي يحاربنا

بإختصار إذا هذا الشخص لاديني ولا وطني ولا عربي يجب معرفة مابداخلة من افكار

مشكورين على التعليقات
الموضوع اكبر من المرض النفسي ونقص العقل او عدم وجود عقل اصلاً

الحقيقة انا ماكتبت هذا الكلام إلا بعد ماشفت بعيني تصاميم وشعارات وادعية ضد المنتخب
استغربت فعلا كيف وصلت هذه الفئة إلى هذا المستوى المتدني ؟
طيب بالعقل والمنطق والفطرة السليمة
زعلان من المنتخب (على عيني وراسي واحترم رأيك)
حتى انا عندي ملاحظات على المنتخب عادي كلاً يقيس الأمور حسب رأيه الشخصي

الحل بسيط (لاتتابع البطولة)

لكن تقلب ياباني وتتمنى فوزهم ومنتخب بلدك يطلع من البطولة
والي حواليك يطبلون لك ويؤيدون ويتخذون نفس المسار
هنا اقول وقف
ليش اليابان تحديداً ؟
ليش مو بعضكم يشجع العراق مثلاً بحكم انه البطل
ليش مو بعضكم يشجع قطر بحكم انه المستضيف
او البحرين او او او .....
هذا لو كانت السالفة مجرد نقمة وانتقام وحقد ومرض نفسي
لكن الاتفاق على منتخب واحد منافس يعني أن فيه كنترول
وسالفة الاعتداء على رجل الأمن خارج الملعب بعد الأعتداء على زميلة داخل الملعب
تعطينا مؤشر يخوف