لا تفضحني أرجووك .. استر علي الله يستر عليك ..!! ( صور من الفضيحة ) + نجيب الرحمن وإعلام الهلال ..! - نادي الهلال السعودي - شبكة الزعيم

أبـو زآيـد · #1 01/01/2011, 01:40 PM

السلام عليكم ورحمة الله

( لا تفضحني أرجوووك .. استر علي الله يستر عليك )

هذي الجملة أعلاه هي لسان حال كل هلالي درى إن كحيلان يبي يطلع في برنامج ( الراعي والقطيع )

لأنهم عارفين إن الرجال هذا قول وفعل ولا عنده مزح وإذا ضرب ضرب بالمليان

وهو عاد بيني وبينكم معه حق .. لأنه صبر عليهم من فترة وعطاهم تنبيهات

ولكن الهلاليين ما تابوا ولا عقلوا فأبى إلا أن يفضحهم ( وقد أعذر من أنذر )

للأسف ما فادتهم التوسلات ورسائل الرجاء لأنهم يتعاملون مع شخص لا تأخذه في الحق لومة لائم

لست متأكد لكن أتوقع والله أعلم إن جميع أعضاء شرف الهلال كبيرهم وصغيرهم

اتصلوا عليه قبل الحلقة وقالوا له تكفى ترا تكفى تهز الرجاجيل ..!!!

ولأنه هو مهتز خلقه فما حس بهزة تكفى ولا سمع كلامهم !! وخلاص ما عاد الحين ينفع الهلاليين الندم

طاح الفاس بالراس وطلّع فضايحهم ..!!

والحين خلاص الهلاليين ما عاد لهم وجه يتكلمون بعد ما ألغى كحيلان تاريخهم كامل بتصريح واحد

المفروض حتى يستحون يدخلون الملعب مره ثانية ويسكرون النادي ويشطبون اللعيبه ..!

( صورة الفضيحة )

هذي الصورة الفضيحة طبعا وهي يقولون والله أعلم إنها نتائج تحاليل لاعب كريكت بنقالي .. كان ذاك اليوم مكثّر من الفلفل

وطب للملعب وبدا يطامر من قوة النشاط لأنه زيادة الفلفل تعطيك جوانح ..! المهم عاد شافوه حقين المنشطات

ومسكوه متلبس وفحصوه وطلعت ذا المادة اللي يعرف ينطقها زين كحيلان لأنه مثقف ..!

وقبضوا على البنقالي عاد يوم سألوه بعدين من اللي فضحك قال هذا واحد نفر هو في صديق هو

وفضيحة البنقالي هذي طبعا هو القرار التاريخي اللي كانوا ينتظرونه جماهير الشمس من كحيلان زمانه والذي سيغير مسار التاريخ

في الكره السعودية ..!

( وهذي صورة للهلاليين بعد ما فضحهم صديق نفسه )

وش سويت بهم يا كحيلان

شف وشلون وجيههم مرتبكة واللي حاط يده على راسه

من هول الموقف واللي يصرخ واللي يبكي ولا حول ولا قوة إلا بالله

وكله منك يا كحيلان يا قاسي .. حرام عليك

يا جماعة الشخص هذا فيه كمية ( هياط ) عجيبة جدا .. الهياط = إن الواحد يستعرض قدام الناس إنه خطير وهو ما عندك أحد )

يعني تقدرون تقولون نفس شخصية ( اللمبي ) بالضبط ..! حتى يجتمع هو واللمبي إضافة إلى الهياط إنه شخصية مضحكه

يعني تقدرون تسمونه ( لمبي الكره السعودية )

بس يختلف عن اللمبي إنه هو يتحدث الانجليزية بطلاقة وإضافة إلى ذلك ( يتحدث اللغة العربية بطلاقة )

لكن اللمبي ما عنده العربية بطلاقة

هع .. أقول ما نقول والله إلا اللهم لك الحمد والشكر .. والحمد لله الذي عافانا مما ابتلاه به وفضلنا على كثير ممن خلق تفضيلا

وإلا هذا الشخص مسكين جدا والله .. واللي أشار عليه بالدخول للرياضة والتعامل مع الإعلام ما سوّى فيه خير

لأنه المسكين عقله صغير جدا ويتحدث كأنه طفل في المرحلة المتوسطة على أقصى تقدير ..!! الله لا يبتلينا ..!

( أما نجيب الرحمن )

فهو قصته معروفة وهي إنه هذا الشخص تقدر تقول في كل مكان ( غير مرغوب فيه ) فقد سبق وأن تم إبعاده عن الدوري العماني على ما أظن

كما طرد من الدوري السعودي لأنه شخص يحاول أن يصبح ملفت للنظر ومثير في برامجه والناس تتكلم عنه ..

فـ عشان كذا يطرح مواضيع تتركز على إثارة النزاع بين الأندية وإنشاء الخصومة وتؤدي في النهاية إلى أقصى درجات التعصب الرياضي ..!

ولما جاء إلى الدوري السعودي .. جاء وهو لا يعرف عن الدوري شيئا أبدا وطلب أن يكون في البرنامج أشد الأشخاص تعصب لأنديتهم

للسبب الذي ذكرناه .. لكن من سوء حظه أنه طلب اختيار الأشخاص من أحد أطفال النصر والذي يدعى سعيد الهلال وهو معد البرنامج حاليا ..!

وقام سعيد هذا وضحك عليه وجاب أكثر المتعصبين للنصر والاتحاد والأهلي وجاب الطريقي الغير هلالي وقال هذا أكبر متعصب هلالي .!

ونجيب الرحمن المسكين صدّق وبدأ البرنامج على هذا وعلى أنه برنامج محايد وهو كان يريد إنه يكون مقدم محايد لأنه جاب

أشد المتعصبين لأنديتهم فكل واحد يبي يدافع عن ناديه ..! لكن لما جاء قرار شبيه الريح بالمقاطعة انصدم الرجل وما توقع أبدا

وحاول يرقع ويلف ويدور ولكن فيه عقد مع الطريقي وسعيد الهلال مقنعه فيه ..

وبين الأخذ والرد جته الصدمه الثانية وهي انسحاب موبايلي من رعاية البرنامج ..! هنا الولد انهبل وبدا فعلا يحقد على الهلال

واكتمل الموضوع بأن تكفل برعاية البرنامج عضو شرف نصراوي ..!

وهنا خلاص ابتعد نجيب الرحمن عن محاولة الحياد وأصبح يوجه التعصب على المكشوف وصار يملي على ضيوفه وش يقولون

وكله ولا يزعل طويل العمر راعي البرنامج ..! ويؤكد ذلك ما سمعنا إنه بعد ما اشتد النقاش بينه وبين المتلون على قضية

تخص الهلال فهدده المتلون خلف الكواليس إنه سوف يذكر اسم راعي البرنامج ..!

هذي هي قصته باختصار لذلك لا تستغربون أي طرح ساذج أو ما له معنى أو ما له فائدة أو أي شيء ضد الهلال

ولا تنتظرون أبدا أن يكون محايد أو منصف للهلال ما دام إن راعي البرنامج ما تغير ..!

ولو قال شيء فيه مدح للهلال ترى فقط هي حركة قديمة جدا وغبية جدا في نفس الوقت عشان يقول شوفوا يعني إني محايد

وبعدها يرجع زي ما كان وعلى مزاج الراعي يمشي القطيع ..!

( إعــلام الــهــلال )

طبعا وللأسف الشديد أكثر ما يقهر الواحد والله ويضيق صدره إنه يشوف الهلاليين مالين البر والبحر ما شاء الله ولا يقارنون بجماهير أي نادي بالعدد

ومع ذلك تجي للفضاء اللي امتلأ بأكثر من ثمانية برامج وقنوات تنقل أخبار وتحلل أوضاع الدوري السعودي

وللأسف الشديد لا يوجد من بينهم ولا واحد هلالي ..!! تخيلوا كلهم بلا استثناء من ( اللوبي النصراوي ) ويعملون تحت مظلته

وإذا جيت للصحف وإذا جميعها باستثناء الجزيرة لا يوجد بها من يميل للهلال بل إن هناك جرائد كاملة للاتحاد وللنصر ..!!

السؤال اللي يطرح نفسه الآن .. أين عشاق الهلال ..!! أين رجال الأعمال الهلاليين وهم كثار ..! أين أعضاء شرف الهلال ..!

هل تعجزون كل هذي السنوات أن تفتحوا قناة واحده فقط تدافع عن زعيم آسيا ..؟! في المقابل النصراويين سيطروا على ثمانية قنوات حتى هذه اللحظة ..!

لا أحد يقول حنا علينا البطولات وتركنا لهم الكلام .. صحيح حنا نفعل أكثر مما نتكلم لكن يجب أن يكون هناك على الأقل منبر إعلامي فضائي واحد

يحفظ كرامة الجماهير ويدافع عن لاعبي الفريق اللي يتهمهم كل من هب ودب بأنواع التهم ...!!!

إساءات لياسر القحطاني من سنتين وحتى اليوم ولم يجد من يدافع عنه فضائيا أو يطالب بمعاقبة من يسيء إليه !!!!!

مرارة الظلم يذوقها أعظم كابتن في تاريخ المملكة صالح النعيمة لأنه فقط دخل الملعب ثم يأتي بعده النصراويين في هدف المشعل وينزل مجلس إدارة النصر كامل

ومعه بعض مجلس أعضاء الشرف للملعب وليس فقط واحد مشرف على الفريق ومع ذلك ولا عقوبة ولا هم يحزنون !! وإلى اليوم يتكرر هالمشهد

ولم نشاهد إعلامي هلالي واحد يدافع عن صالح ويذكر قصة إيقافه ويطالب بالعدل والمساواة بين النعيمة وهؤلاء ..!!!

وغيرها من الأحداث الكثيرة مثل إيقاف سامي بعد التصريح أربع مباريات والسكوت عن لاعبي النصر وغيرها !!

يا زعماء القرن ويا عشاق الهلال .. أرجوكم استيقظوا ..!!

( آخر بطولات النصر )

شوفوا كيف الفرحة بعد ما فازوا فقط في برنامج

ولا تستغربون بكره إنه يضيفها ( اللي ما يشجع إلا المنتخب ) إلى قائمة بطولات النصر المعتمدة

خخخ الله لا يبلانا ويقول نبارك لكحيلان

المعذرة عن الإطالة ،، تحياتي للجميع ،،

زورونا في ذا الموضوع

منتخب المستقبل !! نجوم المستقبل !! تكتيك المستقبل !! متى تنتهي ( صرفة ) المستقبل ..!!

أبوشمس · #2 01/01/2011, 01:42 PM

أووما لمبي السعودية

عليك أسلوب ساخر خطير نوافوه

أجل فضحوا البنقالي

أما الإعلام بصراحة مدري متى بيفتحون قناة الهلال !! من زمان ننتظرها

أقول سلم لي على بطولة البرنامج

التويجري4445 · #3 01/01/2011, 01:47 PM

هههههههه

أما مكثر الفلفل !!!

نكتفي كهلاليين بمقولة الدكتور صالح بن ناصر " بلاش فضايح يا سعوديين "

ياخي هالفريق " الأصفر " مفشلنا بكل مكان حتى الفيفا واصلهم ..

و المشكلة جمهورهم يبررون بأن حبهم للفريق هو اللي مصبرهم و الله ما اصبر على هالتخلف لو انه الهلال ...

N 8 · #4 01/01/2011, 01:51 PM

حلوه لمبي الكره السعوديه

والف الف مبروك بطولة النصر الثقافيه اجل يبشرون خبيلان بالتأهل خخخخخخخخخخخخخخخخخ

FIFTEEN · #5 01/01/2011, 01:54 PM

ياهو قاااسي ولا يرحم

فضح البنقالي امام جماهير النصر قاطبة

قالها والله ولا استحى

hmoodyy · #6 01/01/2011, 02:04 PM

هههههههههههههه
وش لون لو فازوا علينا ......؟
خخخخخخخخخخخخخخخخخخخخخخخخخخخخ

ملك السامبا · #7 01/01/2011, 02:04 PM

خبيلانكس تكفى تكفى تكفى لا تفضحنا يرحم امك

انا اعتقد ان خبيلانكس ما فرق بين ياسر وصديقة

(((سهم القناص))) · #8 01/01/2011, 02:08 PM

هههههههههههههههه

( لمبي الكره السعودية )
( لمبي الكره السعودية )

فتـــ الخبر ــى · #9 01/01/2011, 02:09 PM

خلاص طفشنا سب في الهلال

يبي لهم من يسكتهم

هلالي نجدي · #10 01/01/2011, 02:10 PM

اللهم لك الحمد على نعمة العقل ونعمة تشجيع الزعيم .................
تحياتي ،،،،،،،،،،،،،،

ابووائل · #11 01/01/2011, 02:12 PM

خبيلان ماعندة شي سوي الهروب رجل جبان

YASEER2011 · #12 01/01/2011, 02:14 PM

بس يختلف عن اللمبي إنه هو يتحدث الانجليزية بطلاقة وإضافة إلى ذلك ( يتحدث اللغة العربية بطلاقة )

لكن اللمبي ما عنده العربية بطلاقة

هههههههههههههههههههههههههههههههههههههههههههههههههههههههههههههماصديقي الا انا هههههههههههههههههههههههههههههههههههههههههه
قويه الله يسعدك

عبا111دي · #13 01/01/2011, 02:15 PM

هههههههه

أما مكثر الفلفل !!!

نكتفي كهلاليين بمقولة الدكتور صالح بن ناصر " بلاش فضايح يا سعوديين "

3bdulslam · #14 01/01/2011, 02:17 PM

الله يشفيهم
ياااااااااااااااااااارب
وخصوصا خبيلان

HILALI-_-MooT · #15 01/01/2011, 02:18 PM

هههههههههــآي ..
والله مسسسسـآكين شأدين حيلهم ..~