قصيدة وين العرب ... - نادي الهلال السعودي - شبكة الزعيم

AHMED KHURAIDAH · #1 30/12/2010, 05:37 PM

بسم الله الرحمن الرحيم
السلام عليكم ورحمة الله وبركاته ..

قصيدة للشاعر مهند بن سعود ال خريدة قام بكتابة 3 قصائد تم نشرهم في شبكة الانترنت ثم توقف لضروف خاصة
اعلمها جيدا بسبب القرابة التي تجمعني بيني وبينه وهي الاخوه ...
سألت اخوي قبل ان يكتبها ما سبب كتابتها ؟ قال الامور التي نعلمها جيدا الظلم و الجور في العالم وعلى ناس ضعفاء ..
يقول :-
أطفالَنا تُذبح و حنا نقول هالواقع مرير
و الكل يردد شعبَنا ربك هو اللي ينصره
ونِعم َ بالله مير حنا نبغي السيف الشطير
ونبغا فزعات الرجال اللي تهيّج \\\" لغبَرَه \\\"
المسجد الاقصى يا يعرب قبل امس صُيّر أسير
والاقصى هو مسجد مُقدّس واللزوم انقدّره
بالأمس بابل شعبها صاير مثل ذاك الضرير
تمشي ورى كذب القرود امسيّره وامخيّره
واليوم لبنان النسا فيها تصرّخ تستجير
إرجالهن راحن ضحايا والصغار اموّذره
بكره يجينا موج عاتي موج هالبحر الغزير
بحر ٍ سببه اسكاتنا في مزن دم ٍ ممطره
الروح ودها تسألِك في هالعذارى ما تغير ؟!
والبندق اللي في يمينك ليه قلي ذاخره ؟!
ليه المذلّه وكل نفس ٍ تعرف اليوم الاخير
الموت حق ٍ كلنا لازم نروح المقبره
الناس تصلى نار وحنا عايشين الزمهرير
عين ٍ تناظر هالرياض وعين تبكي المجزره
والنوم لا داهم عيونك نمت بفراش الحرير
ما كن شايف هالعوايل في بيوت امكسره !!
فينا رجل مفتول صدره يخوّفه طفل ٍ صغير
سبحان ربي يوم سخّر فرخ ايخوّف قسوره !!
شطّار في قولة حسافه .. آه .. و ايدينا تشير
إلحادث ٍ طشر دما وإلصورة اشلا مبعثره
صرنا مخاديم ( آلمرت ) و ( بوش ) هالنذل الحقير
عفنا وجيه المرجله وصرنا وجيه المسخره
لما رضينا بالمذله صبح .. ممسا .. والهجير
استهدرو دم العرب حتى تفيّض مهدره
قد قالها ( الخطاب ) في قول ٍ لسيدنا شهير
بالدين نبقى هالرجال اللي تسمى موقره
وليا تخاذلنا في هال دين جاءنا العلم العسير
قول ٍ نشوفه واقع ٍ فأحداثنا المصوره
الشاهد الله إنَّ قلبي قد تفجر كالغدير
والعين مشتاقه لشوفة رجل آكُمَه مشمرّه
اتذكر ايام العرب و ايام حامي المستجير
واذكر صناديد الشجاعه والشجاعه ف ( عنتره )
والله يرحم قايد الحملات ( موسى بن نصير )
اللي رفع اعلامنا واجب علينا نذكره
يا هيه اصحى عزة الله انًّ واقعنا خطير
هالوضع هذا لازمه قرم ٍ يشوف إش آخره
يا هالعرب يا هالعرب حنا هل الجمع الغفير
ما هو كفو ( بوش ٍ ) علينا حنا أهل المقدّره
محدن يجاوب !! يا حسافه !! مير اسمع هالشخير
لا واحسافه رجل ينادي مير محدن عبرّه
ما حن عرب ما حن عرب يوم اغلبونا ( هل نظير)
دم العرب مره رخيص ابرخص حبر المحبره

لا تتردد في الرد

HILALYA ]~ · #2 30/12/2010, 06:16 PM

.

وعليكم السلام ورحمة الله بركاته ..
افا وراه وقف ؟! قله استمر واخلي جمهوري يتابعونك ض1 ..
لا جد قصيده رائعه ذذ , واحسه منفعل جدا وهو يكتبها ض1 ..
شكرا لك وله , بالتوفيق و1 ..

AHMED KHURAIDAH · #3 30/12/2010, 08:52 PM

شكراا يا خووي ولكن الظروف بس وين الردووود ؟ وشكراا لكل من يدخل ويرد