<<<هذا الشخص فاطس على: ( تفادياً لرياضة الوطن ) - نادي الهلال السعودي - شبكة الزعيم

ابو طـــــلال · #1 29/12/2010, 08:29 AM

واحد بس يفسرها ..

بعد ماسمعتها قلت يمكن الكلمة لها علاقة بالموضوع أو تنقال على هالشكل ..

رحت لقوقل وقلت تكفى يابن قوقل شف هالكلمة قد إنقالت عندك .. حطيتها زي ماإنقالت ( تفادياً لرياضة ... ) ماامداني اكمل إلا وطلعت نتيجة البحث على هذا النحو

1 - ( خخخخخخخخخخخخخخخخخخخخخخخخخ )

2 - ( هع هع هع هع هع هع هع هع هع هع هع )

3 - ( تشااااااااااااع وااااااااااااااااااااوك )

4 - ( خبيلااااااااااااان ؟ )

5 - ( لاتعليق ههههههههههههههههههههههههه )

والغريبة كان يقولها بمنطق الواثق ويبتسم على جنب ( إني يعني فاهم كل كلمة أقولها )

والاحلى كلمة ( وانا اخوك يابو زايد ) هذي الحركه تنقال في المصارحات .. او الإعتراف بالخطيئه

فهوا يقولها ليش مدري !!

الأوراق مره يتهم .. ومره يطلب التحقيق ... يقوله ليش تقول للإعلام مرتزقه وهم ينقلون الحدث !!؟؟ يرد وكعادته ( لا أبداً <<< مالها سنع في السؤوال ولا الجواب .. بس وده يقولها .. والغريبه دايم يقولها

تقوله كيف حالك .. يقول : لا أبدا انا بخير

تقوله هلا بسمو الأمير .. يرد : لا أبداً صباح الخير وأحب أمسي على ضيوفك الكرام

يسألونه عن إشاعة إقالته او إبتعاده يقول .. لا أبداً كان فيه تصريح من اخوي سمو الأمير محمد بن فيصل

وراااااح ورجع للأمير عبدالرحمن بن مساعد ... صح نسيت أقول إنه بعد ذكر ( اخوي ) سمو الأمير عبد الرحمن بن مساعد ... ( على قولة المصريين : تلقيح جثث )

سمعت عن الفضايح الي تبي سيكشفها فيصل بن تركي .. وأزبط هاكا الزمزميه علشان أركز ... وإسمع .. وأدون .. وأحكم .. وأقرر .. ماطلعت إلا بكلمتين كانت تروح وتجي ( البيوزتف .. والنقتف ) تقول يتكلم عن نتايج حمل

وهالأبط كل شوي يحركه يمين .. ويرفعه .. وهذي الحركه يقوم بها من يقدم أدله دامغه ...

هو دارس الدور صح .. وضابط الشكل العام .. لكن على إيش ؟؟ وين أدلتك .. وين فضايحك ...؟؟ ياخي وش هالغيره على رياضه الوطن .. وآخرتها أوراق راح تكون إدانة ضدك .. وليتك ماتكلمت تفادياً

لما بقي من كرامة وحفظاً لماء وجه ناديك المسكين ....

التفادي يخليك تسافر وتترك ناديك يمر بأسوء الظروف ..!!

التفادي يخليك تتهكم على مشاكل نادي الهلال من خلال نومه المسرح وإنت لاعبينك مطالبين بالتحقيق في قسم شرطة الملز ..!!

التفادي يجعلك تتهم لاعب المنتخب ياسر القحطاني او حتى نواف العابد وهم مقبلون على مشاركة وطنية مهمة يابتاع التفادي ..!!

التفادي إنك ترجع لتصريح سمو الأمير محمد بن فيصل وتدور ورى تصاريح عبدالرحمن بن مساعد وبالأخير تقول ( اخوي ) الأمير محمد .. و( أخوي ) الأمير عبدالرحمن ... !!

التفادي إنك تتهم من طالب معاقبتك بالمرتزقه ... وأنت تطالب عقاب محمد بن فيصل وعبدالرحمن بن مساعد ( بأثر رجعي ) !!

كل مازاد حديثك .. زادت إدانتك ... وهذا شي معروف في حديث كل احمق

لكن الحكيم .. هو اللى يتكلم ساعات وأيام لكن مستحيل تمسك عليه أي كلمة او ممسك .. !

وأخيراً إنكشف الوجه الحقيقي للإعلام الأصفر ( البيبي ) يعني الصغير وهو النصر

من يصدق إن هاالهاله الإعلامية وهالنقّاد والمحللين والمذيعين المعروفه ميولهم للنصر ... وهالأحاديث كلها .. والاخبار والعناوين .. وهي عناوين كبيرة .. ومتابعات لكل ماهو أصفر صغير ..

والمقابلات ... والتقارير اليوميه ... والضيوف ... والمشاكل ... والاخطاء ... والعقوبات ... والتخريب ... والتجريح ... والعداوات ..والتصاريح ..والكثير .. الكثير ...

كل ذلك للفريق الأصفر ..

الفريق الذي لم يحصل على بطولة طيلة الـ 15 سنة الماضيه ... وقبل عدة مواسم كاد ان يهبط للدرجه الاولى وهو الفريق طيلة هذه السنوات لم يتجاوز المركز الرابع كاأعظم إنجاز .. الفريق الذي توقف منذ زمن بعيد بدعم المنتخبات الوطنية .. حتى إنه في إحدى السنوات لم يمثل أي لاعب نصراوي المنتخب ..

وبالاخير .. يقولون ماعندنا إعلام ... إعلام الهلال ضدنا وهو المتسيد .. القنوات ضدنا .. الفضائيات ضدنا .. الحكام ضدنا .. باراك أوباما ضدنا ..

إذا مع هالفشل في الفريق ونشوف النصر بكل مكان .. أجل لو يفوز في بطولة وش بيصير !!

لا أبد .. بناكل هوى

تفادياً لرياضة الوطن أنهى موضوعي ..

أخوكم الصغير ابو طلال

خـالـد بــن فـهـد · #2 29/12/2010, 08:42 AM

مشكووور والله ان النصر ومنسوبيه حثالة الرياضة وناس تعودوا الكذب وشوهوا الرياضة

غيـَث · #3 29/12/2010, 08:49 AM

.

يا ناس والله ما اعجبني في السالفه حقته كلها الا فكة الزرار ، والجل

رايح يقابل الخبل ! والا ما درى انه بيطلع في التلفزيون !

المششكله مسوي يصارح مع اخوه ابو زايد ، بنفس هالشبهات كلها

Z A I d · #4 29/12/2010, 08:58 AM

أتوقع ان الاوراق اللي معه
خريطة الكنز

وبعدين ش فيها بوزتف ونقتف وسورس
ترى معه بكالريوس وماجستير من أمريكا ( وأنا اخوك)

كآريزما الزعمآء · #5 29/12/2010, 08:58 AM

وربي انه بزر وعار على رياضة الوطن

والكلمتين اللي فرحان فيهم ( البيوزتف .. والنقتف )

شكل مو فاهم بالموضوع كله الا هالكلمتين

ذيب الزعامة 711 · #6 29/12/2010, 09:06 AM

هذا الحمد لله اللي عافانا مما ابتلاه

مريض وموصاحي ابد

FAISAL AL7RBY · #7 29/12/2010, 09:23 AM

الله يعطيك الف عافيه

خبيلان جاب العيد لنفسه

و بااذن الله سيعاقب

تبأ له

تحياتي لك

أمورة الزعيم · #8 29/12/2010, 09:24 AM

لا ابدآ حبيت اقولك شكرا على الموضوع الرآآآآآئع

ابو برووك · #9 29/12/2010, 09:33 AM

اضحك الله سنك
هههههههههههههههههههههههههههه
هههههههههههههههههههههههههههه
هههههههههههههههههههههههههههههه
تقوله هلا بسمو الأمير .. يرد : لا أبداً صباح الخير وأحب أمسي على ضيوفك الكرام

ابو الهزازيع · #10 29/12/2010, 10:24 AM

هههههههههههههههههههه من جد انه تحفه وربي هالمعتووووه

يااااخي اهو مايفكر مرتين بحياته

يعني الدلخ ليش ماتاكد من كلامه قبل يطلع

كل اللي جااا براسه انه يعرف ارقام حسام غالي واحمد عباس

وهالرقم اللي معه مو حقهم وموجود بملف حسام اجل اكيد للاعبي الهلال

ابو طـــــلال · #11 30/12/2010, 12:10 AM

إقتباس

الرسالة الأصلية كتبت بواسطة ابوجود الكويكبي


	مشكووور والله ان النصر ومنسوبيه حثالة الرياضة وناس تعودوا الكذب وشوهوا الرياضة

هلابك اخوي أبو جود .. شاكر لك حضورك ومرورك .. فيه أسعد .. ومنه يرفع موضوعي

7mo0o0di · #12 30/12/2010, 12:23 AM

إقتباس

الرسالة الأصلية كتبت بواسطة غيـَث


	. يا ناس والله ما اعجبني في السالفه حقته كلها الا فكة الزرار ، والجل رايح يقابل الخبل ! والا ما درى انه بيطلع في التلفزيون ! المششكله مسوي يصارح مع اخوه ابو زايد ، بنفس هالشبهات كلها

ههههههههههههههههاي تشووف يعني ام الرزه مسوووي

ابو طـــــلال · #13 30/12/2010, 12:43 AM

إقتباس

الرسالة الأصلية كتبت بواسطة غيـَث


	. يا ناس والله ما اعجبني في السالفه حقته كلها الا فكة الزرار ، والجل رايح يقابل الخبل ! والا ما درى انه بيطلع في التلفزيون ! المششكله مسوي يصارح مع اخوه ابو زايد ، بنفس هالشبهات كلها

وانا أخوك يابو زايد ... هع

يقاله يبي يفضح ويكشف الجميع !! وشكل أخوه أبو زايد يحفر له وهو مايدري المسكين ..!

وأتوقع الأيام الجايه في إدانه لشخص ماء .. ياالأمير فيصل او صديقه

شكرا لك

فتى العارض · #14 30/12/2010, 12:44 AM

لا ابدآ حبيت اقولك شكرا على الموضوع الرآآآآآئع

مليار الهلال · #15 30/12/2010, 01:03 AM

خبيلان متهي رياضيا وفكريا!!
وش ترجي اذا مستشارينه "الوليد بن بدر والصرامي والدويش ومحمد نجيب الرحمن والشعلان والسويد والهريفي (شله الفساد)
مشكور اخوي ابو طلال