صح لساااااااانك يا الشاعر الزعيمي
أحد(ن) برمية فنيلـة غــــــــادر معاقـب
وأحد(ن) تعدّى على الشـرطي ولا همّـه
العسكـــري والحـــكم والثـالـث اللاعـب
كل(ن) يقول الحـــــذر لا يلحقـك سمّــه
مــادام هــذا النظـــام مشـــوّه وعـــايـب
لا رِحْـــــــمِ أبو ذا النظام اللي بـلا ذمّـة
واللجنة اللي علـى تصــــريحـه تراقـب
أما دخـــوله إلى الملعــب علـى الْـيِــمّــه
هذا ترى الظلم يا اللي تَعْرِفِ الــواجـب
يا اللي ذبحت النظـــام ولطّخــك دمّــــه
واستأنس مكحّل عيونه وهو ســــاكــب
يــوم القــرارات جته أبـرد مـن الجمّــة
قال استريحوا ترى ذا شيكــهــم زاهـب
قاعد علـى قلوبهـم والـــزمّــة الــزمّـــة
لا وا حسايف على اللي راح يا صاحب
اللـي بنى المجـــــد لكــن راح مـا تمّــه
فيصل عسى الله يجيره صالي اللاهـب
اللـــي بنـى للوطـن سمـعــــــة وهَيْلُمّـه
أنا أشــهـــد إنـه فـقـيــدة والله الواهـــب
الله يــرحــم فـقيـد ريــاضــــة الأمّـــــة
واليـوم نبكي علـى ذكـــراه ونطـــالـب
نقـــول هـاتـوا مثيلـه ترجـــــع الهمّـــة
هــاتوا لنا واحد(ن) يأمر بمــا يـاجَـــب
وخلّوا أسير الهوى يرتـــاح مـع عـمّــه
حسين السبيعي