بسم الله الرحمن الرحيم
قصة شباب في مستشفى عرقه المهجور
(قصتي في مستشفى عرقه المهجور و الجن)

يقول الشاب :
سمعنا ان فيه مستشفى في عرقه مهجور ويقولون العيال انه مهجور من حرب الخليج
جوه اخواننا الكويتيين وجلسو فيه وبعدها معد احد دخله
ويقولون فيه جن انا بس سمعت جن قلت له جايينه جايينه،،

مالكم بالطويله قلنا طيب تدله قال اييه قلنا خلاص تمام بكره نبي نروح له العصريه قالو الشباب تم
المهم على كلامنا تجمعنا العصريه ورحنا له
المستشفى كبير وفيه سكن اكبر منه مافيه ومهجور
من برى شكله احسن من مستشفى الشميسي
المهم قعدنا نحوس عليه من برى طبعا بالسياره مالقينا مدخل له
المهم قررنا ان احنا ننقز فوق السور طبعاً السور شوي عالي ومافيه صعوبه
لبقت السياره ونزلنا العيال في البدايه مسوين احنا الـ محنب خايفين من احد لكن من دخلنا ضاعت علومهم،،
المهم نقزنا وضبطنا امورنا جينا لـ باب مكسور نصه دخلنا معه
والمكان من داخل مغبر عليه اكوام تراب
المهم دخلنا والله بدا الظلام يجي طبعا مو الوقت لا المكان مظلم وموحش
دخلنا وكل واحد فاتح جواله وينور به طريقه
المهم قعدنا نحوس ونفرفر يمنتن ويسره طبعا هالحتسي كله بالدور الاول
المهم دخلنا الكافيتيريا وكان فيه درايش ومنور المكان
المصيبه اننا لقينا جريده الرياضيه محطوطه على وحده من من الطاولات ومفتوحه قرينا التاريخ لقيناه مايتعدى الثلاث اشهر
المهم سمعنا صوت قوووي في الدور الثاني العيال خاافو وكل واحد صفقته ام الركب
وماااتشوفون الا نعال تتطاير في السماء من النحشه
المهم طلعنا واحنا نشاهق من الخوف
ويوم طلعنا قابنا سيكورتي قال لنا : وش جابكم هنا بهالوقت .؟؟
قلنا لا والله بس واحد من العيال يقول ان هنا جن وحبينا نشوف
قال اهاا روحو ولعد اشوفكم هنا مرتن ثانيه قلنا ايه طيب
بس الي لاحظنا عليه اننا نذب ذبات نبي نلطف الجو هو مايضحك ولا يغير نظراته
المهم طلعنا وتونا جايين بنركب السياره جت ورانا كامري شرطه سريه قال كل واحد اثباته عطيناه اثباتاتنا
قال وش جايبكم قدام هالمستشفى قلنا له الي قلناه للسيكورتي
قلنا له بس السيكورتي واحنا داخلين ما قال لنا شي
قال اي سيكورتي .؟
قلنا السيكورتي الي هنا
قال والله مافيه سيكورتي هنا من 9 سنين
احنا تغيرت وجيهنا
اجل وشذا اللي كلمنا !!

وركبنا السياره ومشينا
قلت لهم داخله داخله الله لايعوق بشر بس مهوب معكم يا الزلايب <<< طالعن منها الاخو
الا ان كان بتجون معي قالو تمام بس نبي نصير مجموعه مو تسذا قليلين

الجزء الثاني
والعودة مرة أخرى إلى المستشفى

المهم جينا مره ثانيه وكان عددنا حول الـ 18 شخص <<<<< جمعنا كل الي نعرفهم
معنا كشافات عشان الليل ..
المهم وصلنا للمستشفى الساعه 2 ونص الليل <<< يقالك بنخربها
رحنا للموقع نفسه الي كنا فيه امس لقينا البوابه الي كانت مسكره صارت مفتوحه قلنا زين محنب ناقزين ولا شي <<< هذا الي هامكم يا مال الي منيب قايل
ورحنا للباب نفسه لقينا الباب كله مكسور امس كان نصه لا الحين كله مكسور
وقايلين العيال ان الدور الارضي والاول مافيه شي يخوف يقولون الادوار الي بعدها وثلاجه الموتى هي الي عليها الكلام
المهم واحد من الي جبناهم قد مره داخل المستشفى وشوي يعرف الي فيه
قلنا له وين ثلاجه الموتى
بقول لكم الوصف اول ما تدخل تمشي سيده بعدها تروح يسار تسيد شوي تروح يمين تجيك الثلاجه بـ وجهك <<< ومن قالك انهم بيدخلونه
المهم ماعلينا
رحنا لـ ثلاجه الموتى
ووالله على ما اقوله شهيد فيه دريشه على الباب
طليت انا وواحد من اخوياي لقينا منور شوي وفيه ظل على الجدار ناس يمشوون كثيرييين وربي كثيرين
انا وخويي ماصفقتنا ام الركب الا صفقتنا ام النخاع الشوكي المهم قلت للعيال قالو خلاص بنروح وبنشوف وش شفتو
راحو وشافو ومالقو شي بس نور ابيض المهم قالو الله يقلعكم هبلوتنا واخر شي مافيه احد
قالو خلاص بنرقى للدور الي بعده قلنا لا محنب جايين بنجلس هنا قالو
طيب بكيفكم
قلنا هااااه لا خلاص بنجي بنجي ماينمزح معكم انتو قالو خلاص طيب امشو ولا يكثر وجلست اتحلطم <<< يقالك معصب <<< يا حبني لي اذا عصبت
المهم رقينا للدور الي بعده ومالقينا فيه شي يجذب او يخوف
ورقينا الدور الثالث قالو الشباب احس ان شكلنا غلط
خلنا نروح نرقى للدور الي بعده واذا لقينا شي شيات عطنياكم رنه <<< على طريقه الافلام يقالك
قلنا اوكي المهم فتشنا كل شي ما لقينا شي المهم رحنا للدور الرابع والخامس والسادس كلها مافيها نور ومافيه شي
المهم وصلنا للدور السابع لقينا الباب حقه مقفول بس واضح ان لو تهف الباب طاح
المهم وجينا بنوخره طاح وانكسر ووالله الدور منوور كللله شي غرررريب
وفيه اثار رجول كأنها من شوي ماااره المهم رحنا ودخلنا غرفه العمليات وورب الي خلقكم اننا لقينا شاهي يطلع منه بخااار يعني توهم مسوينه
احنا طارت عيوننا
جلسنا ننادي يمكن يصير فيه احد ولاش
قلنا يمكن نصير متوهمين درنا في هالدور كله
المهم ثنين من اخويانا قالو والله انكم موسوسين احنا بنرقى الدور الي بعده وانتو دورو يا سبايك
المهم هم رقو واحنا قاعدين ندور
ما وعينا الا نسمع صراااخ اخويانا الثنين
وركضنا للدرج بنشوف وش فيهم شطفونا داااعسييين نازلين لـ تحت والله
وكلنا نلحقهم وواحد من العيال يقراء ايه الكرسي
قعدنا نلحقهم طولنا واحنا نركض وراهم الييين طلعنا
واحنا موب تعبانيين الا متقطعين من التعب المهم وقفناهم قلنا وش فيكم يا مال الوجع خرعتونا
واحد منهم طاقته ام الركب وساكت ما يتكلم رحنا للثاني قلنا وش فيك يالله بل يالله تكلم
المهم قال والله وبالله واقسم بالله اني صادق على كل كلمه اقولها قلنا عارفين بس قل
قال واحنا تونا داخلين الدور الثامن كان مظلم المهم وتعمقنا شوي بالدور
فجأه دخلنا غرفه فيها ثلاثه ماشفنا الاظلال او لابسين شين اسود
بس والله مافهمنا عليه من كلامه قاعد يتأتئ <<<< حاولو تقرونها
المهم يقول ركضو وسحبو يد خويي الي الحين ما يتكلم انا مسكت به وبعد جهد جهيد فكيته منهم
ووصلنا للدرج وقمنا نصارخ وعاد بعدها شفتونا
المهم قالو واحد من العيال يمكن انهم حراميه ولا شي ويوم شافوهم قمطو
قلنا خلاص نجي كلنا ونشوف
قالو الثنين والله مانروح لو على قص رقبتنا
وثلاثه بعد قالو كذا وركبو السياره
احنا رقينا للدور الثامن وتونا واصلين له الا والله العظيم تطلعنا ثلاثه قطاوه سوووود وتشطفنا رايحتن للسطح
واحنا والله جلسنا يمكن ربع دقيقه طاقتنا ام الركب فيها
بعدها ما تشوف الا قوه ركض صرنا ما شاء الله غزلان
المهم طلعنا وشفنا الدور الثامن يولع ويطفي قلنا لا ما بدهاش ارفع ثوبك يا ولد <<< تسذب كان لابس جينز وتيشيرت
ونفرك ذيك الفركه الي مابعدها
ولاعد عتبنا عليه مره ثانيه
بس الشي الغريب ان فيه اجهزه جدييييييييييييييده مررره بكراتينها
وبعد ماسويت بحث يقولون انه انه مبني من عام 1400 في عهد الملك خالد الله يرحمه
وصدق خويي انهم جو فيه الكويتيين ومن بعدها انهجر المستشفى
بس والله شي يقهر اجهزه من اعلى المستويات << متعوب عليها
واشياء من جد سابقه عصرها

^_^
منقول


انا شخصيا رحت مع احد اقاربي
وسمعنا صوت طلقت نار اول ما دخلنا
وقلنا ذا مهجور صدق وفركنا
رجعنا البيت الى جزمته انخفست من قدام
يعني اطلقوا عليه بس ما جاه شئ
سبحان الله
ترا كان فيه صور بس عشان اهل القلوب الضعيفه ما نقلتها
الي ما صدق يروح له
او يسأل الشيخ جوجل

بسم الله الرحمن الرحيم

حنا بعد عندنا بيت السفينة

ياخي مافيه شي يسوى انك تدخله بس هالقصص اللي اشغلت العالم

انا دخلته من 10 سنوات كانو يصلون بالمسجد الي فيه والظاهر فيه سيكورتي كان بس دخلناه وقت العصر ومافيه شي

مستشفى كامل متكامل بس انه مهجور فقط وطبيعي انه مهجور يسكنونه الجن بس سم بالرحمن ولافيه شي عادي ترى


والسالفة ان اللي بناها تركها لسبب مجهول ولا تم تشغيله ويقولون انه حق الهزاع بس ما ادري

المهم زي مايقولون ضاعت الطاسة فيه ووزارة الصحة رفضت تشغله رغم انه كامل متكامل بمعداته وبنائه وحتى اسرته وشراشف وبطانياته موجودة

وبعد له سكن خلفه وكامل باللي فيه

ناس قالو ان تطوير مدينة الرياض هي اللي قامت ببنائه كمستشفى نموذجي وناس قالو ارامكو وبعد ناس قالوان وزارة الدفاع شرته او الحكومة الامريكية عشان تسكن الامريكان فيه زي ما استاجرو مستشفى اسطون اللي بالدمام يوم كان حق الثميري بس بعد ما راحو الامريكان تركوه ووزارة الدفاع ما سوت فيه شي

كثرت اقاويل الناس حتى السيكورتي سألته قبل اسبوع تقريبا يقول ماعنده علم بالموضوع

بس وش السبب الرئيسي انه ما يشغل مجهول

إقتباس الرسالة الأصلية كتبت بواسطة سمانا هلاليه اول شششششي بسم الله علينااااااا اكيد المكاااان المهجوووور تسكنه الجن ذكرتني قبل سنه سكنااا بشقه في جده صاااااار لنااااا تقريباااا نفس الحدث بس الفرق ان العمااااااااره كلهااا شقق وفيهاااا نااااااااس الا هذي الشقه في الدووور الثااااالث والممر ظلام المهم كنااا نسمع صووت صراااااخ وبكى اطفااال ونحسبه في الشااااارع الا يوووم كنت ناااااايمه الا والخزاااانه تفتح لحااااالهاااا وماااكااان احد في الغرفه غيري اقسم بالله حسيت رجووولي تيبست ماااعرفت ايش اسوووي واسمع اصوووات بالخزااانه وابي اقووم مو قااااادره وخفت اشيل اللحاااااف من وجهي اشوووف احد قدااامي بس الحمدلله جلست اقرا ايه الكرسي وقررت اشرد من الغرفه وفعلا قمت ولقيت اهلي كلهم جالسين وخااااايفين واسئالهم وصااار لهم بلاووووووي يعني مو بس انااااا وطلعناااا منهااااا واستااجرنااا شقه غيرهاااا

نفس الشي صار معنا

لكن احنا بالخبر والشقه ع الكورنيس وجدا مميزه وهي شقق فندقيه ...ومرا مطله وفيها العاب ومراجيح جوا الشقه جدا مميزه وغرفها كثير

وب 500 خذيناها واحنا مغمضين

الا طلعت مسكونا لما نرجع للبيت فالليل نسمع اصوات قطاوه

شوي يشتغل نور زي الليزر الي يحطونه المحلات الي لسى افتتحوها

كذا بجزء من الغرفه

قالت اختي شكله مسكونه ملائكه موب جن تقول شلون نور يطلع فجأه كدا

بس سوينا مثلكم طلعنا على طول

إقتباس الرسالة الأصلية كتبت بواسطة Al Suwalih 9 ياخي مافيه شي يسوى انك تدخله بس هالقصص اللي اشغلت العالم انا دخلته من 10 سنوات كانو يصلون بالمسجد الي فيه والظاهر فيه سيكورتي كان بس دخلناه وقت العصر ومافيه شي مستشفى كامل متكامل بس انه مهجور فقط وطبيعي انه مهجور يسكنونه الجن بس سم بالرحمن ولافيه شي عادي ترى والسالفة ان اللي بناها تركها لسبب مجهول ولا تم تشغيله ويقولون انه حق الهزاع بس ما ادري المهم زي مايقولون ضاعت الطاسة فيه ووزارة الصحة رفضت تشغله رغم انه كامل متكامل بمعداته وبنائه وحتى اسرته وشراشف وبطانياته موجودة وبعد له سكن خلفه وكامل باللي فيه ناس قالو ان تطوير مدينة الرياض هي اللي قامت ببنائه كمستشفى نموذجي وناس قالو ارامكو وبعد ناس قالوان وزارة الدفاع شرته او الحكومة الامريكية عشان تسكن الامريكان فيه زي ما استاجرو مستشفى اسطون اللي بالدمام يوم كان حق الثميري بس بعد ما راحو الامريكان تركوه ووزارة الدفاع ما سوت فيه شي كثرت اقاويل الناس حتى السيكورتي سألته قبل اسبوع تقريبا يقول ماعنده علم بالموضوع بس وش السبب الرئيسي انه ما يشغل مجهول

يا اخي يا اخي انت ما قريت الموضوع كامل

اقول لك انا رايح له وشايفه بعيني

الله يلعن ابليسكم ماني راقد خلاص
قصصكم المفروض تقولونها للمخرجين يسوون افلام رعب
خخخخ

إقتباس الرسالة الأصلية كتبت بواسطة زورو20 الله يلعن ابليسكم ماني راقد خلاص قصصكم المفروض تقولونها للمخرجين يسوون افلام رعب خخخخ

هههههههههههههههههههههههههههههههههههههههههههههههه

اجل لو اني حاط الصور وش تبي تسوي؟

يمكن تلقا قلبك ينبض من اول غرفتك الى اخرها

YouTube - &#x202b;مستشفى عرقة&#x202c;&lrm;

هذى مستشفى عرقه ..

يقولون فى جنى .. امنا بالله

شوفه انت .. والله اشك فيهم انه فى جنى

اخوي عطني اسم المستشفو او وصفه...هو بالرياض صح؟

و الصور دزها لي عالخاص...انا خواف بس عندي حب استطلاع لهالاشياء...

يعني ما ودي اروح بس نفسي تسولي تقولي رووووووووووووووووح

بسم الله علي جعلي ماشوف هالاشياء اسمع عنهم وتصافق ركبي اجل لو اشوفهم كان اتجمد في مكاني وافطس بسم الله علي بعد عمرن صويل ان شاء الله هههههههه
بايعين عماركم يوم تروحون والله لو يعطوني مليوون واطل بس مارحت
سكنهم مساكنهم

إقتباس الرسالة الأصلية كتبت بواسطة zizo alazzaz يا اخي يا اخي انت ما قريت الموضوع كامل اقول لك انا رايح له وشايفه بعيني

وانا قلت انك كذاب؟


طبيعي يكون مسكون لأنه مهجور بس لما تدخل وتقول الاذكار ماراح يجيك شي ان شاء الله

يا قوة قلوبهم ذآ الشباب

شكله مستشفى للجن \ هع

الله يعطيك العافية ,,,