خاااااص للبنات..! - نادي الهلال السعودي - شبكة الزعيم

ღмόήὰღ · #1 16/12/2010, 11:01 PM

ماراح اتكلم بأسلوب وشسمه بأتكلم بأٍسلوبنـآ كـ بنـآت..

بنـآت..

مره رحت لمسجد صلاه القيام .. شفت بنات كثير بأعمارنا من 16 الى العشرينات واكبر ..

بنات لبسو عبايات كتف وبناطيل و و و لكن ايش..

تركو السوق والتلفزيون والاغاني وجو للمسجد ..

وش معنى هذا..!

مو معنى المسجد

يمكن صليتي في بيتك ورفعتي يدك ودعيتي من قلبك..

وبـ ذلك بكيتي والشيخ يدعي..

تسمعين الشيخ يقول ..{ يارب ندعوك دعاء المسكين من كثرت ذنوبه وقلت حسناته }

وتسمعين { سبحان من ستر القبيح واظهر الجميل },,

تسمعين يقول { سبحانك تطاع فـ تغفر وتعصى فـ تغفر }..

تبكين من قلبك او يعورك قلبك ..

تحسين انك صح كذا تحسين فجأه انك ولا شيL

يعني وش سوينا نحس ان حنا مغترين بأنفسنا..

تدرون في احاديث للرسول واقوال للصحابه
ان في زمن ان الرجل يصلي ستين سنه وماتقبل له سجده وحده K..

معقوووووول.!

ايه ولا سجده يعني تركعين وتقومين
وتسلمين ماتدرين كم صليتي وترقعينها بالسهو ..

بنات الى متى انا وانتو كذا..

قسم بالله مهيب حاله يعني يجيني حاله اقول ودي اني بعهد الصحابه L..

الى متى وحنا بغفلتنا,,

نصلي ونبكي و و..

يجي العيد وبعد العيد ونرجع لخنبقتنا وننسى ..

طيب انا وانتي خلينا نفكر بـ شي من الحين دام الهمه فيني وفيك الحين..

مثلا نسوي صندوق بالبيت او بغرفتك كل يوم حطي ريال ..

بدل هالشيبس اللي كل يوم نجيب 4 للشله..

نتبرع بريال للصندوق ...

وريال على الريال تصير 10..

تدرين ليه ريال عشان ماتثقل عليك واللي لها قدره الله يجزاها خير..

وعطيها مثلا هاللي ينظفون بالاسواق ولا سواقكم ولا شغالتكم ..

تراهم ماجو هنا الا للحاجه..

واذا كانت تتعنفق ولا تنافخ ..

خلي قلبك اكبر واكسبيها باجر ربي وماجوووووووووره,,

ولسانك ..

اللعن ..

زي العاده ..

شفتو ابله فلانه الله ..... تستهبل هي وواجباتها..

ولا الدكتور/هـ ودي اذبحها الله .........

ولا اخوي الحمـ.... فصل النت .الله .......

عودي نفسك تتركين العاده ..

اذا لعنتي فجأه عاقبي نفسك واستغفري 40 مره مثلا =)..

واحسني خلقك مع أي احد..

تدرين الابتسامه لها اجر..

تمر وحده من جنبك .. لاتمدين الكشره متر ..

لا ابتسمي..

انا مره رحت مكان ماعرف احد فيه وفيه بنت ابتسمت لي تمنيت اني هي..

الابتسامه لها دوووووووووووووووووور..

عبايتك ..

انتي عارفه خطأك اكيد بس خليني اقولك عن شي..

مره كانت فاطمه بنت النبي تبكي من قلب وتصييييييييييييييييييح..

جتها عائشه رضي الله عنهم جميع..

تقولها مابالك .!

اعلمك وش قالت ..؟!

قالت بمجمل كلامها .. الحين إذا انا مت وشالوني الرجال بييبن جسمي وبيبان خصري

يعني شكل جسمي بيبان..

اذا فاااااااااااااااطمه بنت الرسول كذا تفكيرها

وهي الحين ميته..

وحنا العبايه واسعه لكن مع الشنطه وشد العبايه مع الخصر يبان كل شي

بنات تكفون خلونا نتغير ..

وربي ماراح ينفعنا شي..

تدرون بس ان النار سوداء وكل شي مانشوف<~ توها سامعه المعلومـه..

واللي ابتليت بجوال مع الشباب ولا الماسن..

تأكدي هالشخص اذا انحطيتي بقبرك وجاءك ربي يقولك وسألك ليه سويتي كذا.ّ

وش ردك عليه..!

بنات والله ماينفعك..

تدرين ليه اقول كذا .. لاني اعرف كثير وعارفه هالشي صعب..

لكن احببببببببببببببببك
لاني احس انو شي صعب بس من ترك شي لله عوضه الله خير منـه..

اتركيه هالشخص

شي احسن من لاشي ..

صح علي..

حاولي و حاولي وحاولي..

وادعي لربك قولي يارب لاتعلق قلبي بأحد واهدني واني احذف اللي عندي وعطني قوه وعزيمـه..

بنات..

تكفون .. =)..

عدلي لو شي واحد وادعي ربك لنفسك دائم..

صح ولا انسى الاغاني والافلام الامريكي والكوري<~ يارب صبرنا وأعنا..

اذا انحطيتي بقبرك ماراح يٍسألو عنك ..

بتنحطين بقماش وذنوبك معك..

حاولي انك دايم تذكرين صحباتك بالجنه والاشياء ..

طولت عليكم..

بس وربي ضايق صدري ع حالنا هالبايخ..

تكفون خلينا نتحمس سواء ونتعدل مع بعض..

الله يخليكم..

فكــروووااا في

ناااااااااااار جهنم..

لا يقولك هالسخيف<~ تقصد ابليس

كلامه المعروف (العمر طويل قدامك..)

خلك اقوى منــه...

لاتنسووني من دعاءكم ..

بنآآآآآآآآآآآت ارتقوآآ بأأفكآآآآركم شووي كبروو
عقوولكم لآتهمكم المظآآآآهر وأستعينوآآ بآآلله

الموضوع للفائده للبنات ويشمل الشباب .....

"
والله ينفع به ويجزي كاتبته كل خيــر....

HILALYA ]~ · #2 16/12/2010, 11:12 PM

.

الا ع الطاري القيام ض1 ..
مره رحت مع جدتي للقيام ..
المهم يوم خلصنا وطلعت البس الوشسمه ..
لقيت شله بنات متاقبلين بالمسجد ..
كاشخين ومدري وش استغفر الله ..
موب لله رايحين , يا ربي لا تبلانا ض1..

هلاليه ذوق..! · #3 16/12/2010, 11:13 PM

إي والله صآدقه آختي بآلنهايه محد نآفعني من الاشيآء اللي بششوفها أو بسمعهاا بسس غزو الشيطآن علينآ أقوى ..

..

مششكورـه أختي ع النصيحه والله يجعلها بموآزين حسنآتك يآرب ..

ألوان الطيف · #4 16/12/2010, 11:14 PM

,,

يعطيكي العآفيه عزيزتي,,,
وجزاكِ الله خير,,
كفيتي و وفيتي ما تركتيلي شي أقوله,,
والله يهدي شباب و بنات المسلمين لما يحب و يرضى,,

,,

am-20am · #5 16/12/2010, 11:16 PM

يابنات ان كيدكن عظيم

جميل نصحيتك قلمك يستحق القراءة

معليش داخل عرض لكن ودي ارد

تقبلي مروري

هـمـسـ الهلاليهـ · #6 16/12/2010, 11:38 PM

والله صآدقه مـدري وشش بيستفدون لوآ سووا كـذآ..!!

الله لايبـلآنأ بسس

الله لايحرمك الآجر على ـآلنـ,ـصيحه

&لاتغرك ضحكتي& · #7 17/12/2010, 12:10 AM

لاحول ولاقوة الا بالله

صآدقه يآاقلبي حآالنآ أكثر من بآيخ

والي فيهآ خير لآتطلعه على صديقآتهآ بحركآت مآيعه ودآيخه وتتحدوني اجيب رآس هذآ ولآ هذآ

خل تحط همتهآ في العبآدة وتجنب مآيغب الله

يآويل قلبي الله يهدينآ ويهدي جميع المسلمين

يآرب نسألك الهدى والصلآح

يارب انك تستر علينآ وترزقنآ الجنه

سمانا هلاليه · #8 17/12/2010, 02:54 PM

صدقتي اختي ذكرتيني بموووقف يبكي العااااااام سااافرنااا مكه واخذنااااا عمرهـ ولله الحمد

المهم كااان فيه ناااس قليله جيناا اخر الليل وجلسنا لصلاه الفجر حتى نصليهااا بالحرم المهم شفت شي خلاني اوقف واتفرج

من الصدمه اللي شفتهااا تخيلووو شفت اللثماااات والعبااايه على الكتف مطرزهـ كاااني بسوووق تدروون وش سويت

جلست اتلفت واطالع بالكعبه اتاكد انا بالحرم ولا بسوووق ولا مدينه ملاهي شي محزن حتى فيه شيخ اعطى وحده منهم

كتيب والمصيبه مكيااااج اعراااس حااااطه وين عند الكعبه ولثمه وعبااايه ضيقه ششوي وتنشق وهي مليااانه مو نحيفه

لاحول ولا قوة الا بالله اللهم لاتؤاخذناااا بمااا فعل السفهااااء منااا >>للمعلوميه البنااات من دووول الخليج واكثرهم

كويتياااات وياليتهم قلائل عددهم كثير جدااااااا وكلهم على الوصف اللي وصفته<<<

mjno0onk_2003 · #9 17/12/2010, 04:09 PM

تبون الصراحه

حالنا بناااتنا مزررررررررررررررررررررررررررررررررررررررررررررري للغايه

الحمدلله انه باقي في بنات زيكم فيهم خير