خير ما ابتدى به موضوعي هو القرأن الكريم..
قال تعالى: (عسى ان تكرهوا شياً وهو خير ولكم وعسى أن تحبوا شياً وهو شراً لكم)
وقال تعالى: ( ولئن شكرتم لأزيدنكم )...الحمد لله على كل حال حمدا ً كثيراً يليق بعظمته وجلالته.. اللهم اجعل تعادلنا امام التعاون خير لنا في ديننا ودنيانا من لاعبين وإدارة وجمهور يا ارحم الراحمين ووفق الهلال برحمتك وحكمتك يا ذا الجلال والاكرام اللهم آمين...

انتهت مباراة التعاون بخيرها وشرها والآن نحن مقبلين على مباراة البعض يظنها سهلة بسبب مستوى الحزم المتدني في الفترة السابقة لكن في الحقيقة اللاعبين صعبوها على انفسهم قبل ان تبدأ فبتعادلهم امام التعاون سترتفع معنويات لاعبين الحزم والادارة والجمهور وسيبذلون الغالي والنفيس كي يحققوا ما حققه التعاون وهذا حق مشروع لهم في المقابل لاعبي الزعيم يواجههم أنواع الضغط من كل جهة اولاً من الجمهور والادارة ثانياً رغبة بعض اللاعبين في العودة للانتصارات ثالثاً الرغبة في ان يثبت اللاعب نفسه في التشكيلة الأساسية وانه يقدم مستوى يرضي المدرب وجميع الهلاليين وهنا ارجوا تدخل الاسطورة سامي الجابر بخبرته ياليت يتكلم مع اللاعبين وهذا المتوقع اكيد وايضا من ياسر القحطاني ورادوي بالتحديد حتى لو كانت شارة الكابتنية ليست لديهم لكن عندهم من الحنكة والخبرة ولايهون باقي اللاعبين اللي يقدرهم على تحميس زملاءهم .. رابعاً أخطاء الحكام التي من الوارد أن تحدث أيضاَ من الممكن أن يقلل ذلك من تركيز اللاعبين في المباراة اللي كان واضح في المباراة السابقة ان بعضهم فقد التركيز على الاقل في الشوط الثاني والتراخي وعدم الاهتمام من البعض فلذلك أعتقد انه يجب الحزم على اللاعبين سواً من قدم مستوى جيد حيث تتم مطالبته بالاستمرار على هذا الجهد و زيادة ومن لم يقدم مستوى يجب انه يتاكد ان في بديله في الاحتياط يحترق حتى يلعب شوط فلا نريد ان نرى استهتار او رعونة او الانانية والبرود في اللعب وانهم حتى لو لعبوا في هذه المباراة ليس عن رضى عن مستواهم بل لإعطائهم الفرصة لعل وعسى انهم يراجعون حساباتهم ويحسون ان في بعض الجمهور من شدة حبه للنادي بعد المباراة اللي مايقدم الفريق فيها مستوى على الاقل وليس نتيجة لأن النتيجة بيد الله سبحانه ممكن انه يمرض بسبب انه حبهم وتعلق فيهم فقط يعني ياشباب حنا ما نطلب منكم فوق طاقتكم او شي ليس في امكانياتكم احنا عارفين امكانياتكم عشان كذا نغضب وننتقدكم بشدة لأن نبي نشوف كل اللي عندكم وهذا اعتقد انه حق مشروع لنا احنا ما نرضى ان توصفون من الغير بالضعف او التعالي على جمهوركم ياليت لو تَقدرون على الاقل جهودنا في الحضور للمبارايات والايام والساعات اللي نفكر فيها ونتخيل وش بتسوون في المباراة وكيف بتفروحون وكيف فرحة شبيه الريح جعله لنا ذخر وصدقوني حنا ما نمن عليكم بهالشي هذا واجبنا بس مثل ما لكم حق ترى لنا حقوق أنتم كريمين وإحنا نستاهل وحتى لا يزعل بعض الأعضاء وممكن يقال اني مندس واني اجرح في لاعبين الهلال لا والله كل اللي قلته من حبي لهم ورغبتي ورغبة جميع الزعماء أن نشوفهم في أعلى المنصات لأن هذا مكانهم الطبيعي اعتقد اني طولت عليكم لكن تحملوني شوي لأني حاب اذكر بعض النقاط الإيجابية والسلبية في مباراة التعاون واكتب رسائل للاعبين بالأسم...
الإيجابيات:-
1 – عودة ياسر للتسجيل بعد إصابة وغياب طويل عن اجواء المبارايات ولاحظنا حركة ياسر في جميع ارجاء الملعب في الشوط الأول وتوجيهه للاعبين وتحفيزهم عشان كذا حبيت لو يكون مع رادوي في تحميس اللاعبين في المباراة الجاية ولكن يا ياسر خليك على كذا و أفضل واضح انك اشتغلت على نفسك في فترة التوقف بشكل جيد تابع بذل المجهود اللي إن شاء الله مايروح هدر الله يعطيك العافية ويحفظك من العين أنت وزملاءك
2 – لاحظنا تحسن في لعب بعض العرضيات اللي خلقت فرص للأسف لم يتم التعامل معها بالشكل المطلوب أتمنى تكثيف التدريبات عليها
أيضاً في إيجابيات ثانية لكن ذاكرتي ما تسعفني على تذكرها كلها لذلك اعذروني واعتقد ان البعض طرح ايجابيات كثيرة

السلبيات :-
1 – بعض التمريرات الخاطئة اللي نتج عنها هجمة مرتدة تحصل بسببها التعاون على ضربة الجزاء الاولى
2- خطأ من المدرب في الإبقاء على محمد الشلهوب الذي كان واضح التعب عليه وغيابه عن المباراة

رسائل لبعض اللاعبين :-
1 – حسن العتيبي : طبعا الكلام عن الخطأ الغريب اللي صار منك كان كثير في الفترة الماضية والادارة بعد ماقصرت كلمة واحدة ياحسن أنت تلعب في نادي الهلال السعودي وأنت عارف وشو الهلال السعودي أتمنى لك التوفيق واحرص على ضبط اعصابك جزاك الله خير قال رسول الله صلى الله عليه وسلم: (ليس الشديد بالصرعة إنما الشديد من يملك نفسه عند الغضب)

2- لي يونق : ياكابتن لي تكفى ابتعد عن الفلسفة في حالة الضغط عليك وركز وحاول تذكر مستواك الموسم اللي فات وبالتوفيق إن شاء الله

3- ويلي : اعتقد ان حل مشكلتك الفنية أشياء بسيطة كنت تقوم فيها من قبل ياليت لو تركز عليها في مباراة الحزم وراح تشوف إن شاء الله ان مستواك راح يرضيك ويرضينا بإذن الله اول شي التحرك الدائم بدون كرة وليس أي تحرك بل التحرك في الأماكن الفارغة وخلف المدافعين ولعب الكرات البينية والسريعة بينك وبين اللاعبين وعدم الاحتفاظ الكثير بالكرة وقلل من محاولة المراوغة لأن بعض حركاتك باتت مكشوفة غير ان اللاعب اللي يراقبك يكون في اشد التركيز شوي شوي وراح ترجع لتوهجك من جديد بإذن الله

4- عبد العزيز الدوسري : مستواك في تطور واضح لا تمل ولا يقل حماسك يابعدي انت مستقبل الوسط في الهلال إذا طورت نفسك بدنياً وفنياً وإن شا الله تقدر تفرض نفسك في المستقبل على كالديرون وتكون من نجوم الدوري الله يوفقك ويحميك من العين والإصابات


وأخيراً أحس اني طولت عليكم يا جماعة لكن حبيت اني افضفض وما في مكان افضفض فيه افضل من منتدى الزعماء الرجاء تقبلوا فضفضتي بصدر رحب شدوا حيلكم يوم الاربعاء الملز مشتاق لكم بالحيل

مشكووووووووووور اخوي

موضووع راائع

تحيااتي لك

تقبل مروري

يعطيك العافيه


موضوع رائع

عوااااااااااااااااافي ياااااااااااااااملكـ

ون شاء الله تزين الاموووووووور