رحلتي للقصيم بالصور - الدوري الإيطالي في ملعب المباراه !! - اول هدف لـ ياسر في بريده [ صور متنوعه لـ مباراة التعاون ] - نادي الهلال السعودي - شبكة الزعيم

عمر · #1 11/12/2010, 06:14 AM

يسعد لي أوقاتكم بكل خير ..

امممممممم مدري وش اقول صراحه ( هاردلك ولا وش ) شيء غريب جداً اللي صار بالمباراه ! .. لكن مالنا بالتحليل الفني وكذا فخلوني عالصور ازين لي وازين لكم بعد ..

وعلى فكره .. هدف ياسر اليوم هو اول هدف له في ملعب بريده ..

وش رايكم نغير الروتين كذا شوي عالخفيف و آخذكم معي من بداية الرحله الين نوصل القصيم ، مالها داعي اسافر مع نفسي

عاد قبل ما ادخل بالصور .. لعله كان فيه خلل تقني وماطلعت الصور الا بعد طلعة الروح ولما طلعت الصور بعد طلعة الروح اكتشفت ان فيه صور منحذفه وحاولت اتصل ببعض المختصين لكن يبدو انهم في سابع نومه ..

مالكم بالطويله .. ماقررت اروح القصيم الا بعد صلاة الجمعه ومادري وش الخطمه اللي خلتن اروح !

صوره للأجواء بداية الطريق ..

عاد وانا امشي شفت واحد واقف عالطريق الترابي و اشوف شيء يطلع من سيارته حسبتها محترقه .. ولكن لعل الاخ مغرز

، مدري وش اللي خلاه ينزل تحت عاد يقول انه كان يبي يصلي .. هع ، محاولاتنا لاخراجها احنا الاثنين باءت بالفشل ولكن جاء واحد راعي هايلوكس ماقصر و تراه موب صديق جاسر ابد ..

سبحان الله وانا رايح للقصيم كذا جاهم مطر

.. ماشاء الله علي كلي بركه

صوره للطريق بعد المطر ..

ماصدقت عالله اوصل الملعب لان كان فيه اشارات متعطله في بريده وكذا ..

ينقطع البث هنا وكل الصور اللي صورتها من وقت وصولي الى وصول الفريق لعلها راحت في خبر كان واخواتها ..

وصل الفريق الى الملعب الساعه ست ودقيقه وثلاثين ثانيه

ملعب بريده صراحه عليهم شطحات حلووووه .. مرات يجيبون دوري ابطال اوروبا ومرات مدري وشو .. لكن هالمره وقفت عالدوري الايطالي

اكيد نفنف الحين بيخق عالصوره عشان الـ ميلان بس ..

بعض الصور للجماهير الحاضره ..

الكعبي اللي سجلوه بالنادي ولا قد شفناه يلعب الا بالتمرين ..

صور لـ حركات احماء اللاعبين

كالديرون ينادي الحيدان .. تعال

يلتفت ..

يعطيه كف ..

يقول له الحيدان .. اوك اوك الامور طيبه واحنا بخير

عاد بعدها يروح كالديرون ويخليه ..

هوووع .. لاتصدقون بعد ، امززح شوووي بس

ياسر مع طفل معاق قبل بداية المباراه ..

صور للمباراه و للاعبين واعذروني على قلتها لاسباب تقنيه ..

هدف ياسر ..

قبل ما انهي الموضوع .. احب اشكر الرائد / نصار النصار اللي كان بصراحه واقف مع الفريق من وقت وصوله الى بعد المباراه ، الشكر موصول له من قبل اداريين الفريق الاول .

وهذي صوره له وهو يشيل عربية احد المعاقين ..

ـــــــــــــــــــــــ

اوما الحين لعلي اقول ( دوام تايم

) .. مع نفسي والله

اعذروني عالقصور .. نشوفكم على خير

غشاهم موج · #2 11/12/2010, 06:19 AM

شفت موضوعك وعلى طول سجلت دخول

والاحلى ردي الاول

يسلمو عمر على التغطيه المميزه

وهاردلك

ومعوضين ان شاءالله

.
,
.
,
غشاهم

موج

صلووعي · #3 11/12/2010, 06:24 AM

يعطيك العافيه اخوووي على التغطيه المميزه

فيه بعض التعليقات في خط والصوره في خط هاااااااااااااي

على العموم صار خير

واحلى تغطيه

لعيون أبوفيصل · #4 11/12/2010, 06:25 AM

مشكور على الصور وهاردلكـ .......

Ro7 Madrid · #5 11/12/2010, 06:26 AM

يسلمووووووووووووووووووو

على هيك صور

Abdullah Al-badrani · #6 11/12/2010, 06:28 AM

يوووووووووووه يااامحلاااااااك

ربي يحمييك من كل شر يااااااااقلبووه

نورة القصييييم بحظوورك

الف الف الف شكر لك ع الصوره

زعامتي سر سعادتي · #7 11/12/2010, 06:31 AM

يعطيك العافيه ياتوشيبا جهد تشكر عليه..

*تحياتي لأحلى زعيم* · #8 11/12/2010, 06:33 AM

يعطيك العاافية ع التغطية الرائعة والمتميزة
وهاردلك ع التعآآآآدل

taroooq · #9 11/12/2010, 06:34 AM

توشيبا ابدعت اخي بطرحك

جلعتنا في الصوره بل جعلتنا معك فالحدث

وهذا يعود الى ابداعك في احرتافية التصوير

انا من في الرحله وليس انت

ќ н α ι є ď ~ · #10 11/12/2010, 06:34 AM

مامنك قصور ، وتغطيه مميزة عمر ،
والحمدلله على كل حال ،
وبالتوفيق للزعيـم ،

ابوفهد الزعيم · #11 11/12/2010, 06:35 AM

شكراً ع الصور والتعليقات الجميله لاهنت

رادوي الغرابي · #12 11/12/2010, 06:40 AM

يعطيك العافيه اخوووي على التغطيه المميزه

هلالي القصيم 320 · #13 11/12/2010, 06:50 AM

يعطيك العافية
هاردلك التعادل
اتمنى من ادراة الهلال معاقبة حسن العتيبي

عصفوره هلاليه · #14 11/12/2010, 07:16 AM

يعطيكـ العافيه على التغطيه الرائعه
انت اللي والله عليكـ شطحات مو الملعب
الصور في جهه والتعليق في جهه ثانيه ههههه مشكوووووووور

فخـامة الهـلال · #15 11/12/2010, 07:23 AM

...

ألف شكر لك يالغالي على التغطية
وهاردلك لنا التعادل اللي بطعم الخسارة
وبالتوفيق لـ زعيمنا في القادم إن شاء الله
وننتظر منك المزيد يالغالي من التغطيات .

...