سلام عليكم

هارد لك و انشالله التعويض في كاس اسيا

بس فيه شي محيرني

مدري هو سؤال شوي ماله داعي

بس وش سبب الشد و هوشه الاخ مساعد ندا معنا ؟

اللي صارت بنص المباراه من ذاك اليوم و انا افكر ليه


اعذروني على السؤال العبيط بس ودي اعرف

اخوي لو متابع اللقطه


اخونا مهند عسيري الله يهدآه قط هو ومساعد بالارض ومحد غلطان لانهم كانوا قافزين للكره
ولما صاروا بجنب بعض مهند دف مسسااعد وكآنه صرخ


وبحكم اني سعودي

اشوف مهند هو الغلطان

وبالتوافيق

شوف حبيبي مساعد ندا مهايطي ,,,

خليه يتذكر انه كان يشحث عندنا قبل كم موسم

وبالتوفيق ,,,

بحكم مشاهدتي للقطه كامله ارى بأن مهند عسيري هو غلطان لانهم احتكو على الكرة وبعد ماطاحو على الارض ضرب مهند مساعد

شوف ارى ان الغلط من مهند لكن حركت مســااعد مارها داعي ضرب مهند وعدم مصافحته

مهند عسيري غلطان نطوا ع الكوره كلهم و طاحوا جنب بعض
جاك عسيري دف ندا
قلة حيا اقوله قم و الا انا أوخر ماتوصل ادفه
مشكلة البزران اللي توهم طالعين شايفين أنفسهم

غلطانين يا أمير الليل وعساف ندا كان معه حق يوم يرد على مهند
لأنه اخطأ عليه دفه يوم طاح جنبه وردة فعل ندا طبيعية..

إقتباس مساعد ندا بانت نواياه لعبه العنيف لماذا لانشاهده امام العراق أو اليمن !!!!!!!!! مساعد ندا <<<<<<<اذا أكرمت اللئيم تمردا .

وش لعب عنيف شكلك ماشاهدت اللقطه زين مهند هو البادي

وش دخل كريم ولئيم حتى الاخوان يتهاوشون ع طول تبالغون وتكبرون المواضيع


عموما هذا الفديو وشوفوا واحكموا

YouTube - ‫نهائي خليجي 20 مضاربة بين مساعد ندا ومهند عسيري‬‎

طبيعي من مساعد

لاتنسون ان الفقر جابوه فزعة قبل

إقتباس وش لعب عنيف شكلك ماشاهدت اللقطه زين مهند هو البادي وش دخل كريم ولئيم حتى الاخوان يتهاوشون ع طول تبالغون وتكبرون المواضيع

يا اخي الاعب مساعد ندا طايح على الاعب مهند ساعه طبيعي يقوم يدفه عشان يقوم يعني يتركه
انا لو جيت اشتركت معك وطايح عليك وانت بتقوم وش بتسوي بتقولي لو سمحت !!!!!!!
اللئيم قصدي واضح الاعب بانت نواياه اذا ماتبغى تفهم وش اسوي فيك !

إقتباس غلطانين يا أمير الليل وعساف ندا كان معه حق يوم يرد على مهند لأنه اخطأ عليه دفه يوم طاح جنبه وردة فعل ندا طبيعية..

اي رده فعل طبيعيه ياشيخ مهند دف مساعد عشان يقوم بالنهوض والأخ الكويتي ماصدق خبر قام شوي ويطقه
هذي الرده فعل بينت النوايا لهذا الاعب وحتى الاعب مهند قام بالاعتذار ومد يده ولم يصافحه هذا الاعب الكويتي
وهذي قويه بحد ذاتها ما ادري كيف تجاهلتوها !


الغلطان الاول والاخير مساعد ندا وهو اللي يبحث عن المشاكل ويدور الزله على اي أحد من لاعبي المنتخب السعودي ليه عشان أحنا طيبين ومحترمين !

لو تلاحظون هذا الاعب من بدايه المباراه لعبه عنيف وهذا اللعب العنيف ماشاهدته امام المنتخبات الثانيه ليه على المنتخب السعودي تكفي حركته للاعب محمد الشلهوب قبل مايلعب ركله الجزاء بيحاول يشتت تفكيرة !

إقتباس يا اخي الاعب مساعد ندا طايح على الاعب مهند ساعه طبيعي يقوم يدفه عشان يقوم يعني يتركه انا لو جيت اشتركت معك وطايح عليك وانت بتقوم وش بتسوي بتقولي لو سمحت !!!!!!!

اولا انا بنت .. ماعلينا /المهم :
في فرق بين تبعد شخص بادب وبين انك تدفه
لو هالحركه سواها مهند معك اتوقع ردة فعلك بتكون مثله "اقصد مثل مساعد"
لان مااظن راح تسمح لاحد يدفك بهالطريقه ../ والله واعلم بعد اذا ماصاحبها تلفظ لان باين مهند مشحون وانا مالومه
قلت بـ كثير من ردودي ان الاعداد النفسي للمباريات النهائيه سئ وهذا يتحمله المصيبيح
وحتى لو كان قصده يبعده لو لاحظت انها حتى بعد ماقام كان يحاول دفع مساعد دقق زين وبتلاقي انهم الاثنين مشحونين وصعب تلوم واحد وتترك الثاني..بس البادي كان مهند

ثانيا/ وش الهدف من طرح هالموضوع اثنين انفعلوا بمباراه ../عادي تحصل كثير حتى احيانا بين لاعبين من نفس الفريق.

إقتباس الرسالة الأصلية كتبت بواسطة عطر الشووق وش لعب عنيف شكلك ماشاهدت اللقطه زين مهند هو البادي وش دخل كريم ولئيم حتى الاخوان يتهاوشون ع طول تبالغون وتكبرون المواضيع عموما هذا الفديو وشوفوا واحكموا YouTube - ‫نهائي خليجي 20 مضاربة بين مساعد ندا ومهند عسيري‬‎

اخووي مساعد ندا كان حاط رجله على رجل العسيري والعسيري عصب ودفه بقووه وعلطول المهاايطي ذا الكويتي بدا بالهواش ,
شباب تابعو حركات العنزي والنمري تحقه ’

مشكورين على الردود و على التفسير بس كنت بحيره

عـــــــــــــــــــــــــــــــــــــــــــــــــــــــــــــــسيري ودك تقطه بالزباله