المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > المنتديات العامة > منتدى المجلس العام
   

منتدى المجلس العام لمناقشة المواضيع العامه التي لا تتعلق بالرياضة

إضافة رد
   
 
LinkBack أدوات الموضوع طريقة عرض الموضوع
  #31  
قديم 08/12/2010, 09:28 AM
زعيــم فعــال
تاريخ التسجيل: 01/12/2007
المكان: قلب الطايف والهلال
مشاركات: 458
والله انا مااذكر الا حاجات بسيطه

كنت ساكن في الديره

ماوصلتنا الكهرباء الا تقريبا قبل 10 سنوات وتعرف لارتفاع اسعار الوقود

كانوا الشيبان يطفون المواطير وتشتغل الفوانيس





والاتريك




لكن والله انها حياه حلوه مع الهدوء تطلع برا والله ولا احلى تشوف السماء صح مو

مثل المدينه ماتشوف لانجوم ولا شي

ملاحظة انا ماني شايب لكن ذكريات زمان

شكرا لك


اضافة رد مع اقتباس
  #32  
قديم 08/12/2010, 09:40 AM
الصورة الرمزية الخاصة بـ الملك راؤول
المستشار الفني
تاريخ التسجيل: 11/04/2007
المكان: A Walk To Remember
مشاركات: 2,054
راح أتكلم عن حرب الخليج ..

كوني كنت في يوم 2/8/1990 في الكويت !!

بحكم الجنسية و تواجد الأهل في الكويت ..

سمعنا من الفجر ان الدبابات العراقية دخلت الكويت .. في البداية الوضع كان مبهم !!

اذكر واحد من الجماعة صادف له جنود عراقيين على الطريق و سألهم وش السالفه

قالوا له مناورة عسكرية !! الصدمة كانت أولا في خروج الشيخ جابر الله يرحمه للطايف

و إستشهاد الأسد فهد الأحمد الله يرحمه .. طبعا الأخبار ما سمعناها إلا ثاني يوم الفجر ..

يومها حملنا كل العوايل و طلعنا للسعودية بر !! أذكر كان عمي يسوق و هو ما يدل زين

و معنا أمم يمشون ورانا يحسبونا دليله .. لما درينا أننا مضيعين ديورنا

وديورت 100سيارة ورانا ..

المهم الله ستر و دخلنا السعودية ..

طبعا نقطة تستحق الذكر ..

ترى العساكر العراقيين ماكانوا سيئين أبد .. يعني الله يشوفونه طالع ما يكلمونه أبد

أذكر مرة وقفنا واحد وقال تكفون عندكم ماي ( مويه ) ..

المهم بعدها بيومين رجعت أنا و الوالد و عمي للكويت لأنه كان يبي أوراق مهمة جدا

و قفنا عراقي واحد و شاف معنا راديو جديد و قال عطوني الراديو و عطيناه ..

و دخلنا الديره و رحنا البيت و اخذنا الاوراق و لقينا واحد من الجماعة ماخذين

العراقيين سيارته و كلم عمي الضابط العراقي و عدت على خير - بغو يأسرونه -

بس كان صغير وقتها عمره 21 سنه .. و اخذ السياره و رجعنا للسعودية ..

أنا ما أنكر ان العراقيين أجرموا .. بس ترى في ناس كثير قعدوا في بيوتهم

طول فترة الحرب و محد قالهم شي !! المشلكة الوحيدة اللي واجهتهم التموين ..

العراقيين كان أهم شي عندهم أنك ما تكون من المقاومة !!

و أكثر الجرايم اللي صارت في ذيك الفترة كانت جرائم مجرمين شوارع

من العراقيين اللي كانوا موجودين من قبل و الفلسطينيين اللي للاسف

ما قصرت الكويت معهم

( الفلسطيني المقيم في الكويت قبل الغزو كان له إمتيازات مثل المواطن الكويتي )


للإيضاح بس ترى عمري وقتها 7 سنين بس لحد يحسبني شايب
اضافة رد مع اقتباس
  #33  
قديم 08/12/2010, 09:49 AM
زعيــم نشيــط
تاريخ التسجيل: 30/10/2009
مشاركات: 980
صراحه احس وقت الاولين احسن من وقتنا

لكن اذكر اهلي يقولون لي موقف لاخوي الكبير يوم انه صغير فكانت امي تقوله بيجي عمك من كويت فهو كان

صغير ولا قد شاف عمه فطمر هو فرحان ويطامر وكان يقول بيجينا عم جديد بقرطاسه << لعنبوا ابليسك

مرسلينه بفيديكس يوم انه بيجي بكييسه


هذا الي في بالي حالياً .. وبانتظار قدماء المنتدى ليحكوا لنا عن الماضي الجميل
اضافة رد مع اقتباس
  #34  
قديم 08/12/2010, 11:59 AM
الصورة الرمزية الخاصة بـ hilalemooot
مشرف منتدى الرياضة العربية والعالمية
تاريخ التسجيل: 07/09/2003
المكان: جــــ الجــوفـ ــــوفـ
مشاركات: 20,208
.

ذكرياتي بسيطة جداً .. اذكر ايام الحرب كنا سارين من عند خوالي اعتقد تقريباً الساعة 1 وحنا بالسيارة اطلقت صفارات انذار و انواع القمطه رغم تطمينات ابوي .. ولا زلت اذكر خشه سليمان العيسى لما كان يطلع ويعطي تعليمات على القناة الأولى وكنا نطبقها حرفياً


بالنسبة للمصارعة .. انا واحد كنت اموت بـ سنوكا .. من قوه الخقه كنت اسوي الحركة حقته ذي لما يطلع على زاوية الحلبه وينقز على خصمه .. وكانوا الضحايا اخواني اللي اصغر مني .. اذكر المصارعه كانت تجي يوم الثلاثاء اذا ما خانتني ذاكرتي .. والمعلق كان ابراهيم الراشد الله يرحمه ويغفر له .. ذكريات كانت جميله صراحة .. طبعا ما انسى الدب الياباني .. يوكوزونا كنت اكرهه



شكراً لك
اضافة رد مع اقتباس
  #35  
قديم 08/12/2010, 12:16 PM
الصورة الرمزية الخاصة بـ Mr.Yasser Al-Jbeer
موقوف
تاريخ التسجيل: 27/05/2007
المكان: !,,’’= بيت الهلآل =,,’’!
مشاركات: 431
آنا ابغى اخونا الصغير ( ابو ) طلال يحكينا عن زمانهم ..

خخخخخخخخخخخخ

لآ تطقني
اضافة رد مع اقتباس
  #36  
قديم 08/12/2010, 05:35 PM
الصورة الرمزية الخاصة بـ ســـــ SMN2002 ـليمان
كاتب مخضرم بالمجلس العام
تاريخ التسجيل: 04/12/2001
المكان: الجوف
مشاركات: 3,853
السلام عليكم ورحمة الله وبركاتة
قبل كل شيء ااااه والف اااه على ذيك الايام
صدقوني مااا ادري كيف تحكي الاجياااال الحالية عن ماااااااضيها بعد عشرين سنة
صرااااحة زماااااانهم هذا مااافيه شيء يحليه
سرعة وتطور وغيررره وتباااعد بين الارحاااام
اللي اول الجاااار كاااااااان مثل اخوووك واكثر

معليش على المقدمة

بداية ذكريااااتي في حدود العااام 1402 وتقريبا اعلان وفاة الملك خالد الله يرحمه
كنت عند خااالتي كان عندهم تلفزيوون ملوووون<<<اكبرتطور في ذلك الوقت وشفت المذيع
وهو يلقى خبر الوفاة وكانت الخلفية زرقاء

طبعا توالات الاحداث المهم في نقلة نوعية في بيتنا قمت بعمل اجرامي خطير
حيث صبيت الماء على التلفزيون الاحمر اللي بس ابيض واسود

وقام الوالد الله يرحمه بشراء تلفزيون ملووون ماركة سوني احسن من التلفزيون اللي عند خالتي
اللي قنواتة تحطه بانك تضغط على ازرار وكانت على عدد القنوات
ماهو زي النظام القديم فرك
الوكاد تابعت اجمل فلم كرتوني وهو النسر الذهبي بيبيرو
بيبيرو " و كان يبحث عن ابوه اللي يسكن في مدينة الذهب اسمها على ما اظن " الالدورادو ".. وكان معه خيل ابيض رهيب يناديه بصفيره اسمه " جوبتير "
قصة حزينه ومبكية وعلى مااا اعتقد بس عرض مره واحده





وهذا بعد حلوو فارس الفتى الشجاع
انتقم لبوووه يوم كبر من اللي قتل ابوه بالضربة القاضية






وبسبب هذا الكرتون ومن ذلك الوقت وانا اخترت اسم فارس لولدي
حتى فيه واحد من الجماعة الا هذة اللحظة اذا سلمت عليه مااا يقول لي الا ابوفارس

طبعا فيه سناشيرو وقرانديزر وهايدي والسنافر وعدنان ولينا وغيرها
كان الالعاب في ذلك الاوقات اللي نلعبها
عنبر<<<سبع الحجر
عظيم ساري<<< لعبة تلعب بالليل
وهي عبارة عن عظم نعجه عنز المهم صاير لونه ابيض
حيث يقوم احد الشباب رمي العظم وهو متجه لهم
وجميع الاعبين متجهين اللي يرمي العظم
المهم بعد ذلك يقوم الشباب البحث عن العظم
واللي يلقى العظم هو الفايز وهو الذي سوف يقوم برمي العظم في المره القادمة
وفيه لعبه اسمها حبشه<<< اعتقد نفس لعبة جماد ماء
وفيه لعبة نزله
وفيه لعبة مكس
وكذلك لعبة المصاقيل
وغيرها
الوكاد دخلنا المدرسه
وكانوا اللي قبلنا بسنة دخلوا الابتدائي
اخر دفعة تسلمهم المدرسة ملابس رياضية واحذية<<< الله يرحم الملك خالد
وهي لها صور بكتاب العلوووم
واذكر يوم كنت في اول يجلس البوووت<<الحذاء في رجلي الله يكرمكم يمكن ثلاث ايام على الاقل
وبعض الاحيااااان انسى واروح للمدرسه حاااااافي
المدرسين في ذلك الوقت اردنيين وفلسطينين
وقليل تجد السعودي وان لقيت خريج معهد المعلمين
وبعد اذكر مدرس العلوم حسن رصاص تونسي الله يذكره بالخير
كانت السنة الاولى في الابتدائي اخر دفعة تستلم الشهادة اللي باللون الاخضر
واللي اشتهرت بالدوائر الحمراء للمكملين والراسبين
وكذلك بعد صف ثالث ابتدائي تغيرت المناهج القديمة وجت المناهج الجديدة
اللي مااا تغيرت الا قبل سنتين
الوكاد في صف خامس ابتدائي حدثت حرب الخليج
واحسن مااافيها كل شوي تأجيل للدراسة
وكنا وقتها ملصقين الشبابيك وعلامة الاكس على كل شباك
وبعد المناااشف المبلله تحت كل بااااب
وتوفير الاكل بكمياااات كبيرة خوفا من الكيماوي
اذكر وقتهاااااا اذا اطلق العراق صاروخ على السعودية
تقلب شاشة التلفزووون حمراء وصافرة انذار ويقولون
اطلق المعتدى صاااروخ باتجاة الرياض او الشرقية
وثم تصير الشاشة خضراء ويقولون زال الخطر
المهم وقتها بس نعد عدد الطائرات اللي نشوف
طائرة كبيرة ومعها حول 10 طائرات او 13
وطبعا بحكم اننا بالشمال وقريبن من العراااق
كل ماااا هبت << صار فيها هواء باااتجاة الجنوووب نقول بس رااح يطلق الكيماوي
على بالنا انها مثل الفليت ينتقل بس بالهواء
المهم تجاوزنا الحرب
اذكر كانت الشهادات في الابتدائي ورق مقوى وفي نهاية المرحلة الابتدائية توضع لك صوره
على شهادة اتمامها
وفي وقتنا واللي قبلنا كان اللي يجيب جيد او جيدحدا في المتوسط هذا دافور
لان صعب احد يجيب ممتاز وبعدين كانت شهادة الكفاة المتوسطة مهمه
لان اللي يحصلها يمكن يتوظف عسكري برتبة عريف او يدخل المعهد الصحي وثلاث سنوات ويتوظف
وكنا في ذلك الوقت نتاااابع المصارعة الحره اللي تجي يوم الثلاثاء
تقريبا حول الساعة11 ولكن ناااادرا ان نحضرهااااا تخبرررووون الساعة 10 بالكثيررر وراسك يرقل
يبي المخدة لان في ذلك الووووقت غالبية الناس بعد صلاة العشاء بساعة تهجد
الوكاد اهم المصارعين المحارب وهوج هوقين وسنوكا والاخوان الاثنين
اذكر شفنا مراه مع المصارعين قعدنا شهر نسولف بهاااااا
لان القناة السعودية متشدده في ذلك الوقت
واذكر التلفزيون اذا جت الساعة ثنعش ونص وحده يجطون علم المملكة وصورة الملك والسلام الوطني
ثم يشوش التلفزيون
وكان قبل اول مايبدى فيه التلفزيون القران الكريم ثم السلام الوطني بعدين تجي الرسوم المتحركة
وبعدها يجي الفلم الكرتوني وبعدين موجز الاهم الانباء
وكان قبل بعض المناطق ماااا تشتغل عندهم القناة الثانية ينقهرووون اذا فيه مباراة على القناة الاولى
وبسبب صلاة او احتفال ينقلونها على القناة الثانية
واللي ياخذ الثاااانوي في وقت اللي قبلنا هذا مااافيه احد زيه
لان بصراحه كانت الامور بسيطة والحياة ماهي معقدة
واذكر العروس في تلك الفترة
كان بيت شعر وزوالي اللي تجي متر في ثلاث امتار وكانت تجمع من جماعة المعرس ويكتب على
كل زوليه اسم صاحبها ونفس الحكاية مع الصواني
وكان المعرس يزفونه الرجال على رجليهم لان في غالب الاحوال بيت المعرس قريب من
حتى يدخلونه في غرفة النوووم وهم يمشون يرددون
عرب وليدك عربه بنت الردي لا تاااخذه
وسبحان الله تقريبا من عام 1419تغير الحال

على العمووم هذا اللي اذكره
تحيااااااااتي للجميع

اخر تعديل كان بواسطة » ســـــ SMN2002 ـليمان في يوم » 09/12/2010 عند الساعة » 10:14 AM
اضافة رد مع اقتباس
  #37  
قديم 08/12/2010, 05:51 PM
الصورة الرمزية الخاصة بـ قهوجية الهلال
زعيــم متألــق
تاريخ التسجيل: 26/04/2008
المكان: عند الدلال و الفناجيل
مشاركات: 1,336
ههههههههه
أنا ما أذكر شي
يوم حرب الخليج كنت ورعه بالمهاد
بس امي تعلمني انهم كانوا مجهزين غرفه مسكره تقولون سجن عشان انهم قالوا بيطلقون صاروخ كيماوي
يوم صفرت الإنذارات كلهم إندسوا بالغرفه إلا أنا نسوني ياحظي الأقشر
اضافة رد مع اقتباس
  #38  
قديم 08/12/2010, 07:14 PM
الصورة الرمزية الخاصة بـ 3ash8.alz3im
زعيــم مميــز
تاريخ التسجيل: 16/06/2010
المكان: آلقٌـصًـيًـمً ♥
مشاركات: 7,918
ههههههههههههههههههههههه ,
احلى يالصخره طلعت منهاا ,
انت كبيرنا الوحيد احكيلنا هع ,
ورط يامورط ,
صصدق ياليت احد من اللي اعمارهم 30 وفووق يقولنا المااضي ,
اضافة رد مع اقتباس
  #39  
قديم 09/12/2010, 09:37 AM
الصورة الرمزية الخاصة بـ فهد الفراعنة
زعيــم نشيــط
تاريخ التسجيل: 08/04/2009
مشاركات: 555
إقتباس
الرسالة الأصلية كتبت بواسطة FINAL10
والله يآ ولدي كنآ في بيت طين
وكآن العيال يتجمعون عندنآ ونلعب بلآسيتشن < نصآب

^
مجرد دعآبه

..


لو ودي كآن اتمنى اشوف شلون الرسول والصحآبه
كآنوآ يعيشون ابي فقط يومهم كآمل شلون يعيشونه
مجرد التخيل عجزت اتخيل !



//

ملآحظه : كلمة عجآيز تطلق على النسآء الكبآر فقط بحسب ما اعرف



هههههه
منوّر يا مبدع
اجل بيت من طين



لا تقاطع يا بطل
اضافة رد مع اقتباس
  #40  
قديم 09/12/2010, 09:40 AM
الصورة الرمزية الخاصة بـ فهد الفراعنة
زعيــم نشيــط
تاريخ التسجيل: 08/04/2009
مشاركات: 555
إقتباس
الرسالة الأصلية كتبت بواسطة صـمـت
المشكله تدري وشو..؟؟

ان الشيبان و العجاي في المنتدى يصغرون انفسهم موب رادين عليك...

عالعموم شكرااا لك


............................................................

الصخره مسوي طالع منها..؟؟




السالفة طال عمرك مو سالفة عجايز أو شيبان
بس نبي ذكريات قديمة
انا توي ما خلّصت ثانوي
بس اكيد سمعت ذكريات قديمة
و الموضوع لحاجةٍ في نفسي


اتوقّع اغلب الاعضاء عاشوا زمن احتلال الكويت




منوّر يا استاذ
اضافة رد مع اقتباس
  #41  
قديم 09/12/2010, 09:51 AM
الصورة الرمزية الخاصة بـ فهد الفراعنة
زعيــم نشيــط
تاريخ التسجيل: 08/04/2009
مشاركات: 555
إقتباس
الرسالة الأصلية كتبت بواسطة الحيران0
بودي لو طرحت اسئله معينه لكي نتمكن من الرد عليك وتكون محدده ومتجدده


الموضوع كلّه اسئلة

إقتباس
انا حقيقة ودّي اعرف كيف كانت الحياة زمان قبل 30 سنة ورى أو اكثر
ودّي اعرف كيف الناس عايشين

كيف كانت البيوت
و كيف كانت المواصلات
و الكورة
و تعامل الناس
و المدارس
و حتى الشِعر







منوّر اخوي
لا تقاطع
اضافة رد مع اقتباس
  #42  
قديم 09/12/2010, 09:53 AM
الصورة الرمزية الخاصة بـ فهد الفراعنة
زعيــم نشيــط
تاريخ التسجيل: 08/04/2009
مشاركات: 555
إقتباس
الرسالة الأصلية كتبت بواسطة أزرق والقلب أبيض
هههههههههههه شيبان المنتدى ماراح يردون
مسوين انهم صغار
لكن مالنا الا قرقاص




منوّر اخوي
اضافة رد مع اقتباس
  #43  
قديم 09/12/2010, 11:39 AM
الصورة الرمزية الخاصة بـ وينك يالزعيم
زعيــم مميــز
تاريخ التسجيل: 28/02/2004
المكان: بـ آحضُآنْ الرْيآضْ ♥
مشاركات: 14,092
, ,




صرآحه موضوع جميل
, آتمنى التفآعل بالشكل المطلوب ,
تحيآتي وتقديري لك, آخي صآحب الموضوع ,




اضافة رد مع اقتباس
  #44  
قديم 09/12/2010, 01:26 PM
الصورة الرمزية الخاصة بـ Fahad Al Sudais
مشرف سابق في منتدى الجمهور الهلالي
تاريخ التسجيل: 21/02/2008
المكان: مدريــدي / ارسنــالي
مشاركات: 13,119
ههههههههههههه فيه شايب اعرفه معنا بالمنتدى واسمه ( ذآيب ) يسولف لي ويقول :

قبل 35 سنة..

كنت طالع انا وجاري ( هلالي معالي زايد ) من المسجد وتوّنا مصلّين العصر

وكنّا نمشي على مهلنا راجعين لبيوتنا.. نحتري احد من اهل الحارة يقول لنا اقلطوا نتقهوى خصوصاً هالقصمنجي الصخرة نغديه جايب سكري من القصيم

بس ماش شفناه مجلعد للبقالة رايح يشري فطاير لوزين وسن توب قال اقلطوا وقلنا له : الخلا بس

ثم شفنا ابو مقبل مشغول ويركّب العفش بالدينالي حقه تلقفنا وقلنا وين تبي يابو مقبل ؟؟

قال لنا : والله معزوم على العشاء بـ مصر.. الليلة دخلة المحاسب حقنا ( طبعاً ذيك الايام كانت مصر قريبة ويسافرون لها بالسيارة )

قلنا له تروح وتجي بالسلامة.. وكملنا الطريق وشفنا مرسال كاشخ بالبانوراما حقته

سلمنا عليه وقلنا له : وين تبي يابوالمراسيل ؟؟

رد علينا : والله رايح للفيصلية اقزقز من هالبني.. تخاوون ؟؟

قلنا له : آسفين والله مايمدينا.. بس تكفى لا شفت شي زين ضبطنا معك

وفي الاخير قلطنا عند هلالي معالي وقعدنا نتقهوى كابتشينو مصنوع من حليب الخلفات

ونتفرج على التلفزيون.. كان فيه برنامج ( هو وهي ) بطولة احمد زكي وسعاد حسني.. مالغ هالبرنامج

ثم كل واحد اخذ اللاب توب حقه وقمنا نهكر على مواقع جهيمان وخوياه

وبث


<< مدري ليه احس ذآيب نصاب وقاعد يطقطق علينا
اضافة رد مع اقتباس
  #45  
قديم 09/12/2010, 01:37 PM
الصورة الرمزية الخاصة بـ فهد الفراعنة
زعيــم نشيــط
تاريخ التسجيل: 08/04/2009
مشاركات: 555
^^^^



ههههههههههههههههههههههههههههههههههههههههههـ
اضافة رد مع اقتباس
   


إضافة رد


قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 08:21 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube