مجمع في المنطقة الشرقية ..... - نادي الهلال السعودي - شبكة الزعيم

AHMED KHURAIDAH · #1 06/12/2010, 03:46 PM

بسم الله الرحمن الرحيم

اول شي احب امسي عليكم جميعا كأول مشاركة لي في منتدى الزعيم و أتشرف بالانظمام الى هذا الموقع من اجل هلال البطولات .

في موضوع بالصراحة صار في بالي حبيت اني اطرحة في البداية لا ننسى ان حكومتنا حكومة العدل والمساواة ، كنت ذاهبا يوم امس الى احد مجمعات المنطقة الشرقية المتواجد في مدينة الخبر كنت ذاهبا لوحدي بالسيارة وانتظر اهلي يأتون الى المجمع لندخل سويا ولاكن كنت اكرمكم الله محتاج الى دورة المياه فذهبت الى الموظف المتواجد على باب الدخول تحدثت معه بالكلمة الواحدة ( السلام عليكم اخوي ابغى ادخل دورة المياه بس اهلي لسى ما جوا معليش بدخل المجمع بروح دورة المياه وبطلع ) قال لي : معليش اخوي بس في اوامر بس دخول عوائل قلت له طيب بس انا ابغى اروح دورة المياه قال انا ودي ادخلك ولاكن ما اقدر

قلت له طيب شكرا ، اثناء حديثي معه اتت بنت تترواح عمرها بين 15 سنة ودخلت المجمع من غير التحدث لها استغربت من الامر الصراحة ولاكن ... ماذا أفعل .

وصلوا اهلي بالسلامة الى المجمع دخلت معاهم فورا ذهبت الى دورة المياه لاقضاء حاجتي بعدها ذهبت للتسوق في المجمع اثناء تسوقي شاهدت البنت التي دخلت من قبل الى المجمع من غير محرم فكانت تنظر لي وهي مبتسمه انا اندهشت ولاكن قلت يمكن مشبها ولا واحد تعرفه يقرب لها المهم كملت مسيري في اثناء ايضا التسوق شاهدتها ثانية قلت لي ( اخوي ممكن رقم جوالك ؟ ) جاوبتها ليش ؟ قلت حابه اتعرف ؟ قلت لها اختي معليش بس ما اقدر وكملت تسوقي وطلعت من المجمع .... )

الموضوع : سؤال / 1 - اذا ممنوع الشباب الدخول الى المجمعات بسبب العوائل لتخطي المشاكل التي نشاهدها في بلدان قريبة منا وانا اؤيد هذا الشي فلماذا فقط على الشباب ممنوع وعلى البنات عادي انا اقول يمكن من 100 شابة تدخل المجمع قد يكون واحدة منهم تسبب فتنة ؟

اتمنى تطبيق ممنوع دخول العزاب الى المجمع بالجنسين وهم الاناث و الذكور .

لا انسى قد اصيب في امنيتي وقد اخطا اتمنى منكم التفاعل

واحد من جمهور الزعيم · #2 06/12/2010, 04:15 PM

قضية دخول الشباب للمجمعات قضيه شائكه .. و الآن الخراب صار يجي من البنات

تصدق لو اني مكناك و جتني البنت تقول ممكن رقم جوالك .. لأشتكيها و اكلمها كلام يربيها

O.s.A.m.A · #3 06/12/2010, 04:32 PM

للأسف انت صادق بكل كلمة ..!

قرار منع الشباب دخول المولات هو عبارة عن إيقاف المشكلة وليس حلها وهناك فرق بينهم ..!

بالتوفيق للجميع

موديل توب · #4 06/12/2010, 06:38 PM

ياثقيل

اما الثقل شيء والسالفه شيء ثاني

يالبى قلبك

بس ملاحظة

تدري يوم انك تروح للعسكري وتقوله بدخل دورة المياه ماصدقك 100%

انا سجلت دخول لعيونك ولعيون الثقل بس

ازعاج · #5 06/12/2010, 06:57 PM

إقتباس

الرسالة الأصلية كتبت بواسطة واحد من جمهور الزعيم


	قضية دخول الشباب للمجمعات قضيه شائكه .. و الآن الخراب صار يجي من البنات تصدق لو اني مكانك و جتني البنت تقول ممكن رقم جوالك .. لأشتكيها و اكلمها كلام يربيها

اختصرتي كلامي

وازيد عليه

انه للاسف لو فرضنا ان كانت علاقه بين بنت وولد وانمسكوا للاسف الولد يعاقب والبنت يستر عليها

لين متى يستر عليها اذا انت ماعاقبتها بالدنيا راح تتعاقب بالاخره

واذكر الشيخ العريفي تطرق للموضوع

والف شكر لك

مولود وانا هلالي · #6 06/12/2010, 06:57 PM

بصراحه اعجبتني السالفه

حبيب الزعماء · #7 06/12/2010, 07:15 PM

إقتباس

الرسالة الأصلية كتبت بواسطة AHMED KHURAIDAH


	. اثناء تسوقي شاهدت البنت التي دخلت من قبل الى المجمع من غير محرم فكانت تنظر لي وهي مبتسمه انا اندهشت ولاكن .

هل البنت سعودية يومك تقول تبسمت يعني ( فاتشة ) عن وجهها والا كيف ؟؟

والله صادق البنات فالينها بالتمشي والتسحب واحنا مكبوتين ؟؟

المفروض تكون المعادلة مثل ما قلت المرأة مع محرمها ..

والعزاب خلوهم يتسدحون بالبيت ابرك لهم

AHMED KHURAIDAH · #8 06/12/2010, 07:34 PM

شكرا لكم جميعا على ردودكم الرائعة الله يخليكم جميعا ولا يزعلون البنات على موضوعي ولكن هاذي الحقيقة

طفلة الهلال · #9 06/12/2010, 08:10 PM

سؤال / 1 - اذا ممنوع الشباب الدخول الى المجمعات بسبب العوائل لتخطي المشاكل التي نشاهدها في بلدان قريبة منا وانا اؤيد هذا الشي فلماذا فقط على الشباب ممنوع وعلى البنات عادي انا اقول يمكن من 100 شابة تدخل المجمع قد يكون واحدة منهم تسبب فتنة ؟

اتمنى تطبيق ممنوع دخول العزاب الى المجمع بالجنسين وهم الاناث و الذكور .

مستحيل مكسب المجمعات من البنات

اذا تم منع الفتيات والشباب لمن سيكون المجمع
ليس جميع الفتيات تذهب للمجمع مع احد محارمها

تطبيق الاقتراح صعب جدا جدا

منع الشباب اتى نتيجة سوء تصرفات البعض منهم
الخير يخص والشر يعم >>> صح؟!
بالتاكيد يوجد بنات ( مش تمام) لكن بالمقارنة مع الشباب هم اقل بكثير

بالتوفيق

بهلوله الهلاليه · #10 07/12/2010, 06:36 PM

هههههههههههههههههههههههههههههههههههههههه مسكينه البزره كسحتها

والله العيال مساكين يكسرون خاطري حرام والله
عالاقل يخلونه بالعصر مفتوح وبالليل عوايل

سحر الزعامه · #11 07/12/2010, 07:50 PM

إقتباس

الرسالة الأصلية كتبت بواسطة واحد من جمهور الزعيم


	قضية دخول الشباب للمجمعات قضيه شائكه .. و الآن الخراب صار يجي من البنات تصدق لو اني مكناك و جتني البنت تقول ممكن رقم جوالك .. لأشتكيها و اكلمها كلام يربيها

على أي أساس تحكم
الخراب من الطرفين..

PRINCE.MU · #12 07/12/2010, 08:02 PM

صآآرت لي سوآآلف
نفس حآآلتك بصرآآحة
اللي ما يدري عن الموآآضيع هذي
و دخل المجمعآآت وشآف البنآت وش يسوون
رآآح ينصدم

للأسـف صورتي لبنــاتنا تغيرت كثيــر
البنــت صآآرت هي اللي تجيك ما يحتآج تلهث ورآآها
وشبآآبنا ما يقصروون بعد

محبة الرحمن · #13 07/12/2010, 09:58 PM

السلآم عليكم ورحمة الله وبركآتة

مو جميع بناتنا هاكذا ..
فالفتيات التي رايتهن يمثلون ربما 1% من الفيتآت السعوديآت ..
للاسف زمآننا زمن العجآئب ..

كل شئ عكس ..

هل يعقل فتاة مسلمة سعودية تذهب وتطلب الرقم ..
يارب ارحمنآ ..
ذهب زينت الفتاة ((الحياء))

للاسف بنات السعودية تاثرو تاثر كبير بالاجانب ..
الغزو الفكري انتشر واثر على طبقة من المجتمع ..

ومن اهم الاسبآب الفتنة والضياع ..
هو غياب المراقبة الاسرية للفتاة ..
او اعطها الحرية التامة بسبب الدلع ..

إقتباس


	تصدق لو اني مكناك و جتني البنت تقول ممكن رقم جوالك .. لأشتكيها و اكلمها كلام يربيها

ماراح يصدقونك وبيعاقبونك انت ..
نحن الان بعصر المرأة يعني المرأة يصدقونها أكثر من الرجل ..
لانه وبكل بساطة بتبكي وتصآرخ وكانك معتدي علية جد وبتاكلها ..
وعلى فكرة الخراب من الطرفين ..عندما يجمعو

المرأة بالسآبق تذهب للسوق لقضى حاجتها وتشتري ماتريد بكل ادب وحشمة ..
والان للاسف تذهب للتسلية واظهار مفاتنها وتكون فتنة للجميع ..

يآرب لاتخوذنا بمافعل السفهى منآ ..

ويآرب اهدي شبابنا وبنآتنآ ..

شكرا لك ..

وعذرا على الاطالة ..

بالتوفيق

أزرق والقلب أبيض · #14 07/12/2010, 11:20 PM

الله لايبلانا
وين الحياء ؟؟
داخله لحالها , اكيد لقطت 20 رقم
بنت ( رخيصه ) ماعليها شرهه

عــشــق الــكــتــابـه · #15 08/12/2010, 09:11 AM

السوالف هذي تصير كثير
خاصة ً من البنت اللي تشوفها توها داخله الثانوي ومسويه فيها انا الزاحفه

حلاص كبرت

هالنوعيات تشوفها كثير بالمجمعات , تجي مع السواق واول ماتوصل المجمع تفتح وجهها وفاتحه العبايه من النص , شوفوا الجنز حقي

انا مره بالراشد صارت لي مثل سالفتك , كنت داخل مع الاهل احد المحلات و واقف قدام احد الرفوف , توني مسكر من مكالمه وبحط الجوال في جيبي الا اشوف وحده لازقه فيني وتقول حط الرقم هنا (قصدها فالرف)
اللي مستغرب منه ان الوالده كانت على يساري والبنت مخربتها كذا
والاغرب ان الوالده ماسمعتها

اذا تبي اعلمك وش اللي صار بعدين ارسل لي رساله على الخاص