ويقولون ليه الشباب يغازلون.. انا اقولكم ليه...



العبايات:

شمغ .. ساري.. شك .. خرز.. طب وتنقى بس لا تكثرن يالبنيات..
نشوف ان العبايات بدت حبه حبه شوي شوي.. بزر بدا يخطي
كانت وسيعه==> بدو يضيقون===> فستان عزيمه===> بدلة رقص شريهان==> خلصنا صارت
فيفي عبدو..
والي يلفت انتباهي.. مره وانا عند خياط عبايات كان فيه ثنتين وحده عبايتها تقول وزرة يماني..
والثانيه قاعده تفصل عبايه.. عاد تقول للخياط ضيق من عند الخصر.. وخلها كلوش من تحت(يعني فرنسي) والخياط ماغير يضيق بهل العبايه لمين الخياط طلع من طوره وقال ماما هذا مافي عباه هذا صار فستان عروسه.. (مشالله الهندي مطوع)
عاد كانت البنت من ربع حبتين.. قالت وش دخل امك الحين انت ...الهندي تلايط
ولا يوم خلصت قالت خل فتحات من الجوانب وخلهن لمين الركبه.. عشان يطلع البنطلون الجينز.. (ماما لاحقني واحد بروح اعلم الهيئه)
خلونا الحين من ذولي قالتله عندك خرز احمر قال الهندي المسكين ايه قالت حطه بالعبات كله..
من حق عبات صارت..(بس اقول الله يستر عليهن بس)


الشيل والطرح..(القصمان الغدفه):

1- الفوطه:الي صايرتن تسنها فار مقرضه مافي جخر الي فيها.. الثانيه مشخالة رز..
2- الخيشه:-الي اذا حطيته على وجههك كنه بس متشعمط على وجههك ومخشوه.. وش حدكم على الشقى..
3- لوحة بيكاسيو:-الي مافي لون بالعالم الا رازتوه بالغطى حشى ماصرنا بنات الخليج(السودان وقفل الباب وراك)
4- غطى على غفله:-خله حرير بس يكون شفاف الله يرحم والدينك(طيب ليه تغطين)..(والله ماودي بس الوالد اجبرني)
5- مافي خيط هندي وخرزه الا بالغطى:-الي تصير كله شخابيط ..
هذي بعض الغدفات الي هابين فيها هل اليومين بنات ترى الموضه الحين الجنز لا يفوتكم.


الشنط:

1- اهم شي انها تكون صغيره( سندويشت ابو يمن..) وتلصق بالاباط وتكمله ضيق الكم بالله وشلون تمشي..
2- تلمع وتبلص:- ومره انا امشي واحد يلحق وحده وانا وراهم اتتبع الاحداث(CNN) ومستغربه البنت مابه شي يعني عشان يلحقها.. وبالاخير وقفها قالها من وين شنطتك انا ابي اتزوج وابي لزوجتي مثل ذي الشنطه لانها تلمع.. البنت دور خشمها طار للدور الثالث..
3- حقيبة المدرسه:- قال امريكان قال.. بعبايتك ومتغطيه ورازتن الشنطه وراتس(والله عيب)


الجزم (الله يكرمكم):

1- عماير المملكه والفيصليه والراشد معاهم:-(بالغصب طويله وعنقى) تلبسهن بس اويلاه من جاء ودفها (عاد مايقصرون الشباب انواع الحرش)
2- جزم االشباب العرابجه:-اكشخ من قدكم البنات بدوا يقلدونكم..


اللثمه:

1- النينجا:-الي تلثم وتحط فوقها ملكي .. بس ناقصها عجره وتكمخ الشباب فيها..(هذ هي النوعيه لا تمشي جنبها عربجيه)
2- فارس بلا جواد:-الي تسوي لثمه بس بدون ملكي ( لثمة الشجاعات وطويلات السان )
3- لثمة 2002:- الي تطلع كل شي الشعر والي تبي طب وتنقى ( لثمة الدلوعات والمايعات )
4- لثمه مع غطى خفيف:-الي تلثم وتجدع غطى( لثمة الي تبي تدين بس مهي قادره )


المكيــــــــــــــــــــــــــــــــــــــاج:

لطخي بوجهتس وكثري بالعيون وسوي زي كحل زينب العسكري.. وشوفي الشباب كيف يلاحقون..
(ابي امي .. ابي ابوي.. ابي الهيئه.. ليه الشباب يلاحقوني).. ( بنت يلاحقها عربجي)


منقوووول من ايميل واحد صايع :p :p :p

هلا العرفج
هذى الظاهره منتشره عند القليل من البنات الغير محافظات
وصدقنى ان اغلب البنات متحشمات ولبسهم يدل على انهم محافظات على دينهم ولله الحمد

يعنى لو اعطيت نسبه للى يلبسون هاللى العبايات المخصره وهالعطورات والبلاوى الثانيه

تجد النسبه 30 % هم اللى يلبسون هالشياء واذا مع هالنسبه الاجانب

فعلا اخو ابو الذهب ......


بس المشكله انه ما يطلع ولا يشاف غالبا الا قليلات الأدب فتحسب انه الأغلبيه .. بينما المحترمات

جالسات في بيوتهم ....

الله يستر على بنات المسلمين من هذه التقاليع...

قبل امس كنت في احد عيادات الاسنان كان عندي مراجعه المهم .. وانا توني بدخل على الدكتور الا والـقى وحده الظاهر تشجع الاتحاد .. لابسه عبايه سوداء ومخططه بلون ذهـبي ومخصر !!

صراحه انا ماادري هالاشكـال هذي وين اهلهم عنهم ؟! مايخفون الله يحاسبهم على اهمالهم ؟؟

قسم بالله هذا الواقع

وجزاك الله خيرا على التنبيه

للأسف هذا هو الواقع مثل ما سبقني إليه الإخوان
لكن ليش تلبس هاذي الأشكال وهي تعرف إنها حرام
وين امها عنها إن كانت ما تقدر تمسك اهواء نفسها
وين غيرة ابوها واخوها عليها

للأسف لقد وقعن في الفخ الذي نصبوه لها اعداء الأمه

ما اقول إلا الله يهدي بناتنا والله يعينكم يا شباب على الأشكال المغريه ;)

تحياتي..
الماسه الزرقاء

مراحب

اذا لم تستحي ماصنع ما شئت

تحياتي.

إقتباس إقتباس من مشاركة ابو الذهب هلا العرفج هذى الظاهره منتشره عند القليل من البنات الغير محافظات وصدقنى ان اغلب البنات متحشمات ولبسهم يدل على انهم محافظات على دينهم ولله الحمد يعنى لو اعطيت نسبه للى يلبسون هاللى العبايات المخصره وهالعطورات والبلاوى الثانيه تجد النسبه 30 % هم اللى يلبسون هالشياء واذا مع هالنسبه الاجانب

السلام عليكم,,

أنا مع بعض الأخوان انه هذيولي الي يسون كذا شويات

لكن الأعداد تزيد كل يوم اكثر من الي قبل

وراح تصل لأنه ماتلقى وحده متحشمه الا اذا كانت (((عجوز)))؟؟؟؟؟؟؟!!!!!!!!!!!!



.(TmgrmTmanT)