أسوء عادة في تاريخ الكرة الأرضية ، تطلع ورا الكاميرا تكلم جوال !! - نادي الهلال السعودي - شبكة الزعيم

كاتبكم · #1 02/12/2010, 10:10 PM

السلام عليكم

اول شي مبروك وألف ألف مبروك تأهل المنتخب !
لكن والله ما خرب علي هالفرحه الا ( البله ) الي يطلعون ورا أي كاميرا ، وتلقا كلهم ماسكين جوالاتهم ويكلمون !
قمه التخلف والغباء والمرض !!!!
أتمنى من المسؤولين واللاعبين انهم ينكرون عليهم هالتصرف ( الغبي ) ..
والي يمسكون الشلهوب ويسحبونه ويبوسونه قدام الكاميرا !!! مصيبه لو كان يحسب ان الناس بتحسبه صديق الشلهوب ولا شي !!!
الشهلوب عندك طول المبارة ما لقيت تحبه الا وهو يسوي لقاء ؟!

عذرا ممكن الموضوع ماهو مناسب لكن شي مستفز جدا جدا جدا !!!

ABU-WALED · #2 02/12/2010, 10:11 PM

أيه والله أنك صادق ..

..

قرقاص · #3 02/12/2010, 10:12 PM

مالهم حل الا مثل ماسوى الأمير عبدالرحمن بن مساعد مع الفريان يوم كرشه هو واللي معه

м̶я.źєźǿ»20» · #4 02/12/2010, 10:12 PM

موضوعك مدري وش يبي ههههههههههه شيء عاتي حبيبي اللي صار ..

وبعدين انت وش حارق رزك ولا تبي تبوووس زيهم ومنقهر ههههههههه ..

اهدااء حبيبي والف مبرووك الفووز وعقبال النهائي يارب ..

رادوي8_8 · #5 02/12/2010, 10:14 PM

محمد الشلهوب معروف بخلاقة ولايمكن يوم من اليام رايح يطرد احد يبي يصور معاة

والشلهوب يفرض احترامة على الجميع

وبنسبة لتصوير وراي الكيمرا ياخي يبون الشهره ولو بتشوف مين الي بتصور معاه يكون في حجم وخلاق الشلهوب

فهذا شرفه له وبنسبة للعادة معاك انها عادة سيئة

وجة نظر

@الاسم@ · #6 02/12/2010, 10:14 PM

معك بكل شي قلته
وكلامك شوي عليهم ناس والله ماتستحي على وجهها وليتهم يطلعون يفتحون النفس كل واحد فاتح خشته

العقل نعمه ومعلومه فقك هالشي يسما بالعاميه

ترزز يترززون قدام الكمره عشان يشوفونه العالم
يعطيك العافيه

كاتبكم · #7 02/12/2010, 10:15 PM

إقتباس

الرسالة الأصلية كتبت بواسطة ((زعيـم نصـف الارض))


	موضوعك مدري وش يبي ههههههههههه شيء عاتي حبيبي اللي صار .. وبعدين انت وش حارق رزك ولا تبي تبوووس زيهم ومنقهر ههههههههه .. اهدااء حبيبي والف مبرووك الفووز وعقبال النهائي يارب ..

شكلك قد سويتها

ياخي الواحد اذا شاف شي سيء لازم يقول انه سيء !
تحيا السعودية . .

@الاسم@ · #8 02/12/2010, 10:16 PM

إقتباس

الرسالة الأصلية كتبت بواسطة قرقاص


	مالهم حل الا مثل ماسوى الأمير عبدالرحمن بن مساعد مع الفريان يوم كرشه هو واللي معه

هههههههه والله اكبير ابو مساعد قالهم مالكم اي صلاحيه توقفون ههههه

HiLaLyMoon · #9 02/12/2010, 10:16 PM

ههههههههههههههه خلهم عند كل واحد منهم اي فون صيني ههههههههههههههه

لون المووج · #10 02/12/2010, 10:17 PM

الفريان عندنا دابلن تسبدنا ويالله حل المشكله بن مساعد

هذولا كلهم فريان وماظنتي لهم حل خخخخخخخخخخ

ويبدو لي انهم ماتعودوا ع الكاميرات عشان تسذا يترززون

تشكراتي ,,,

الــنــــــــــــورس · #11 02/12/2010, 10:22 PM

والله انها مصيبه هالحركات .. تدل على تخلف صاحبها ..

والمشكله انها بكل مكان ومن جمهيرنا للاسف ..

وتذكروا مبارة الهلال مع الغرافه بقطر وش سوى جماهيرنا ..

والله يا انا احتقرتهم مرررررررررررررررررره .. دلاخه وغباء ..

باسكن روبنز · #12 02/12/2010, 10:29 PM

اعتقد انك مكبر الموضوع

مافيها شي

الجماهير تحب الشلهوب

والكل عارف انو الشلهوب وبعض اللاعبين لهم شعبية

وماعتقد انو الشلهوب او غيره متأذي من الوضع بالعكس اللاعبين متواضعين

اتمنى تتقبل رايي