إقتباس طيّب .. وكيف النّاس تابعت السبيرز .. الفيلانز وباقي الأندية اللي ذكرتها ؟! .. يوم ما المتابع لمسّ قوة .. منافسة في الأندية توبعت .. وطلع لها جمهور .. وما صارت قويّة إلا بسبب القوّة الشرائيّة .. حالياً الإقتصاد أهم مصادر القوة في وقت كرة القدم الحديثة .. لمّا أجي .. وأحرم أندية الليغا كلّها من حصّة "تواجه" من حقوق النّقل اللي تعتبر أهمّ مصادر برشلونة في الخمس سنوات الأخيرة .. كيف تنتظر منهم منافسة ؟! في كلّ الدّوريات مافيه ثوابت .. لو تشيلسي صار المركز الـ 15 بيُعطى حصّـة صاحب هذا المركز .. ممكن يزيد بسبب زيادة المتابعة له .. لكنّ في النهاية ما فيه ثوابت .. إحصل على مركز عالي في الدّوري = بتجيك حقوق نقل أكبر . لكن لو شفنا الليغا ؟! .. 50 % لبرشلونة وغريمه .. بحجّة إنهم الأندية اللي تشرّف أسبانيا خارجياً !! طيّب تقول إنّ الريال وبرشلونة الأكثر متابعة ؛ طيب ياخي حطّ 50 % من حقوق النّقل ثابت لكلّ نادي يلعب في الدرجة الأولى .. 25 % على مركزه .. 25 % على عدد متابعينه ! - هذا توزيع البريمير على فكرة .. للحقوق الداخلية .. أما الخارجية توزع بالتساوي - أما إنّه يكون فيه نسبة ثابته للبرسا والرّيال .. توزيع ظالم وقاصر ؛ ولا تنتظر من أندية الليغا منافسة دامك نحرتهم بيدّك .. على فكرة .. الدّوري الإنجليزي .. الألماني .. ما نشوفهم بهالقوة والتنافسيّة .. والقوة الشّرائية لأغلب الأندية .. إلا بسبب توزيع حقوق النّقل التلفزيوني بشكل عادل ومنطقي ! تخيّل لو المان وتشيلسي ياخذون 50 % من الموارد .. وش بيصير البريمير إلا دوري الفريقين ؟ أو توم وجيري - بحكم إنّ التسمية واصلتني - ؟! .. أنا الكورة عندي البريمير .. وبرشلونة ؛ لكنّ أستغرب من اللي منبرش واللي مطفي النور اللي جاي ياخذ من تصريح ديل نيدو اللي يبي .. ديل نيدو ما صرّح هالتصريح حب في البريمير ولا إعجاباً فيه .. بقدّ إنّه يبي يثبت كلامه للمسؤولين الدّبش في الإتحاد الأسباني .. حتّى يطلع بتوزيع عادل للجميع .. ولا لو إن قياس قوة الدوري بنتايجه الكبيرة ؛ ما شفنا توتينهام هتك عرض مادري مين الموسم اللي فات بـ 9

حبيبي أنا ما تكلمت عن شعبية للجماهير نفسه .. أنا تكلمت ان هالاندية و مهما كان السبب جذبت الناس لمشاهدتها .. مقصدي من كلامي كله ان اندية انجلترا اللي خلا المداخيل من النقل متقاربة هو انها مُتابعة .. بعيداً تماماً عن القوة الشرائية .. انا في الصين و اتابع مباراة بين نيوكاسل و ويجان و انا اشجع مانشستر < هذا مثال للي أنا أقصده .. ان الدوري متابع بشكل أكبر و لذلك تجد التوزيع المتقارب بين الأندية .. ممكن يكون السبب ان الاندية في انجلترا تحت نظام الخصخصة .. أو أي سبب ثاني .. و هو ع العموم كلامك أوافقك فيه بشكل كبير لكنه على فكرة يختلف تماماً عن الفكرة اللي انا كتبتها



و هالجدول يوضح ان مركز الفريق في الدوري ماله علاقة بالتوزيع

شخصياً أراه من المنطقي يكون فيه فرق كبير بين الريال و البرسا عن باقي الأندية لأنها هي فعلاً الاندية الأكثر متابعة في الدوري الاسباني و بفارق كبير جداً

لكم

:

فيه أمرين حبيت أتكلم عنها

تصريح الرئيس مهم ومنطقي من حقه يطالب بحقوق بث متساوية

ماهو 15 مليون بل 7 مليون تفرق

و15 مليون للي يقلل منها جلبت افضل صفقة اسبانية في الصيف الماضي

وعموما مثل أشبيلية الميزة الحقيقية في هالفريق إن صرفهم مقنن ومحسوب

وقيمتهم الحقيقية اكتشافات لللاعبين من برا أوروبا

النقطة الثانية

النتيجة ماهي معيار حقيقي لضعف المنافسة

الدوري الأسباني أضعف من الانجليزي بكثير والحديث في الايطالي

ولولا الكالتشيو بولي كان أصبح خلف الايطالي

شيء مفروغ منه وانتهت مسألة اثباته من زمان

×

مسئلة انو الدوري الانجليزي الافضل هاذي خالصين منها ..
الفريقين الي ينافسون على الهبوط تلقى مبارياتهم مولعه !!

الأفضل بلامناااااااااازع
يعطيك العااافية

الدوري الانجليزي هو الاقوى والافضل والامتع بدون منافس

يعطيك العافية

إقتباس الرسالة الأصلية كتبت بواسطة أسيــ الزعيم ــر و هالجدول يوضح ان مركز الفريق في الدوري ماله علاقة بالتوزيع شخصياً أراه من المنطقي يكون فيه فرق كبير بين الريال و البرسا عن باقي الأندية لأنها هي فعلاً الاندية الأكثر متابعة في الدوري الاسباني و بفارق كبير جداً لكم

أختلف معك عبدالله

مب عذر تقول إن التقسيم منطقي لأن الريال و البرشا اكثر متابعه
طيب على كذا بيصير الدوري بهالتقسيم الغير عادل إلى يوم يبعثون بحجة إن الغريمين هم الاكثر متابعه
طيب أنت عطهم تقسين عادل او حتى شبه عادل و شف وش بتسوي هالفرق اللي بتستفيد من هالدراهم
و شف بعدها هل فيه أحد بيتابعهم وإلا لا ..؟!

يعني إفرض توتنهام و السيتي و إيفرتون و الفيلانس عوائد الحقوق مهيب عادله لهم
و المانيو و تشيلسي يستلمون مثل ما يستلم الريال و البرشا حاليا
تتوقع فيه يوم بتقوم بتغيير القناة على مباريات السبيرز و الفيلانس اثناء بث مباراة تشيلسي ؟

شف عندك ويست بروميتش صعد و تلزخ و هبط للبريميرشيب
رجع مره ثانيه بشكل ثاني و نافس ولزخ الأرسنال و تعادل مع المان و قدم مباريات كبيره
ما أحد جاه و قال له لا يا حبيبي منيب معطيك نفس ما تستلم الأنديه الثانيه أنت جيت و تلزخت و فشلتنا
لا بالعكس الموضوع مشى طبيعي و قد مباريات كبيره بغض النظر عن المستوى و المتابعه

يبيلها دراهم شي أكيد
سوسيداد دعس في الليغا لأن معه لعيبه كويسين يوم نافس على اللقب
هيركوليس شف بالمبلغ اللبي معه عرف كيف يصرف وجاب تريزي و فالديز و درينثي و مدري مين
وشفنا كوره حلوه و مباراياتهم بطله و ما تتفوت و خصم صعب جدا ..

قل له لا يتحمس ، ترا ذا وشسمة مانيو 6 والدقيقة 66 قدام بلاك بيرن

ومانيو شكلهم ناوين على الـ 8 ، بس لو ما يستخفون دمهم < قلب مانشستراوي

بس يبقى رغم هـذي النتائج الشاطحة إلا إن الدوري الإنجليزي الأفضل في العالم بدون أي أدنى مقارنة

يالبى الدووري الانقليزي ماتدري من يفووز

اما الدوري الاسباني مافي الاالبرسا والريال

تحياتي

واضح من ال7 حقت مانشستر المنافسة

وغير كذا الدوري الاسباني قوي
لكن البرشا والريال فوووق

ولو واحد منهم جا الدوري الايطالي اخذه بالراحة
وبرشا لو راح الدوري الانجليزي اخذه

وشوفوا البرشا بالابطال
باسوأ حالاته دور الاربعه

عساكم على القوه ياابطال )