إقتباس الرسالة الأصلية كتبت بواسطة كان هنا بدري !! < بصراحة أنا شخص مصدوم .. طيب هل الصور معدلة بالفوتو تعديل كبير ولا لمسات خفيفة ..

تسمحون لي أعلق هالرد

بما انك مصمم يا كان .. أعتقد انك تعرف أن الصوره على طبيعتها ماتكون بنفس الجماليه اذا طلعت من الفوتوشوب , صح ؟

التصوير والتصميم لا ينفصلون عن بعض
الصور لابد نستخدم فيها المعالجه .. والمعالجه شي من أساسيات التصوير

فيه ناس تبالغ بإستخدام الفوتوشوب لكن بالنهايه هي حره بطريقة إخراج أعمالها
واحنا علينا نستمتع بهذا الفن سواء دخله الفوتوشوب أو ما دخله ..

على سبيل المثال المصور الكبير عبدالرحمن اليوسف انسان مبدع بشكل خيالي ..
ويواجه نقد كبير لأنه يستخدم الفوتوشوب بشكل مبالغ (مثل مايقول البعض) مع اني اشوف من حق المصور يعالج صوره بالشكل اللي يعجبه

1 ( قبل وبعد ( فن المعالجة | Flickr - Photo Sharing!

شوف الفن في استخدام المعالجه
يعني صنع من الـ لا شي شي مميز جداً جداً

* أيضاً تقنية الـ H D R أو الهدر .. تتطلب برامج مخصصه لتحويل الصوره
من صوره عاديه الى صوره خياليه من ناحية المعالجه
وكمان حالياً في كتب خصيصاً لتعلم فن معالجة الصور

الخلاصه // انا كتبت هالكلام الطويل العريض عشان اوضح شي بسيط ..
مافيه اي مشكله لو المصور استخدم الفوتوشوب بأعماله , وهذا حق مشروع له
وإحنا بدورنا كـ ذواقين للفن الفوتوغرافي علينا نستمتع بهذا الفن سواء دخل مرحلة المعالجه أو لم يدخلها ..


نجي لصوري
أنا استخدم الفوتوشوب بالقدر اللي تحتاجه الصوره .. من قص وشاربين وتشبيع ألوان والخ .
هذي حدود استخدامي لمعالجة الصور وحتى لو الصوره ماكانت تحتاج لتعديل
لابد اعدل عليها لأن المعالجه شي حلو وأساسي في نفس الوقت

ومن الطبيعي أن الصوره اذا نزلت من الكام الى الاب تكون جودة الألوان أقل
وتصير باهته .. فنحتاج نعدّل عليها سواء من ناحية الألوان أو من نواحي أخرى
وهالشي راجع للمصور نفسه