●● La Liga 12 || ديربي فالنسيا حبايب ، برشلونة يفوز بـ 8 وميسي يسجل هاتريك ، رونالدو يرد عليه بهاتريك والريال يتصدر بـ 5 || ●● - نادي الهلال السعودي - شبكة الزعيم

Valdano · #1 21/11/2010, 05:09 AM

وش ذا الحركات يا مستر عضلات

, متفلت الولد الله يديم عليه ذا المستوى
الشوط الأول المستوى ماكان قد التطلعات وكان فيه اخطاء فردية من وسطنا
ودفاعنا , اللي ساعد اتلتيك بلباو على الابداع الشوط الاول هو انخفاض مستوى
لعيبة الوسط عندنا لكن في الشوط الثاني يوم انتفضوا لعيبتنا شفنا كيف مسكنا
المباراة والشيء هذا يوضح فارق الامكانيات بيننا وبينهم وإن دل هذا على شيء
فـ هو يدل على قوة وسطنا ومتى ماكن خط الوسط عندنا في افضل حالاته ماراح
يوقف قدامنا إلا الميريا

كاسياس : دائماً وابدأ مبدع والدليل انه يقعد بالدقايق واحياناً يجلس شوط كامل ماتجيه ولا كورة
والشيء هذا يقلل من ردة فعل الحارس ومع ذلك نشوف كاسياس يبدع اذا تعرض لـ هجمات حقيقيه

قلوب الدفاع : الله يهديهم اليوم مرتبشين مدري ليه .. يمكن ضياع النص له دور في التوهان اللي شفناه الشوط الاول من السناتر
لكن اللي يريحك اكثر اننا عارفين مستواهم البطل وواثقين في قدراتهم واللي حصل اليوم يحصل مع اي خط دفاع في العالم
ومثل ماقال احمد اشوى ان الاخطاء حصلت قبل الكلاسيكو عشان يجلس معهم مورينهو ويوضح لهم الاخطاء اللي وقعوا فيها

راموس : مستواه غير عن بداية الموسم , الولد من تالي صاير يقفل جهته صح ويساند هجومياً بشكل ممتاز , هذا راموس اللي نعرفه

الوسط : كان الحلقة الاضعف في الشوط الأول وفي نفس الوقت كان الحلقة الاقوى في الشوط الثاني

هيقوين : عجبني اليوم صاير يلعب بواقعيه ويستخدم جسمه في الـ 18
وشفنا في اكثر من مرة يجنّح ويبتعد عن الرقابة ويفتح مساحات لـ اخوياه .

---

وش فيكم مستغربين ان هالمزيون شات البلنتي

ترى يوم كان في اشبيلية هو النمره واحد في تنفيذ الركلات الثابته , وشفناه سجل اكثر من فاول معهم
وإضاهر بعد انه قد شبك فاول على كاسياس يوم كان مع اشبيلية
وبعدين تراه يملك ثقة مايملكها كرستيانو حتى

والدليل شوفوا كيف نفّذ البلنتي

خلاص من اليوم ورايح ودي ان راموس هو اللي ينفذ < جاز له الوضع

--

إقتباس

الرسالة الأصلية كتبت بواسطة to0ofe