بسم الله الرحمن الرحيم

مساء / صباح الخير لكل الزعماء

بصراحه والله ملينا من كثر المواضيع عن ياسر والسب فيه والتطبيل وانا اكثركم مل ..

لكن والله يشهد عل ما اقوول اني ادور عل مصلحة الهلال وياسر ..

كثير من الاعضاء اللي حاط توقيع واللي كاتب ( وينك يا ياسر 2007 ) .. او تصميم او ما شابه ذلك ..

هذي العبارة اصلا بالأساس غلط ..

ما فيه شيء اسمع ياسر 2007 او ياسر 2010 ..

لو عل كذا بقول وينك يا رونالدينو 2005 او وينك يا رونالدو 2007 اقصد كريستيانو ..

المعروف عند اكثر المهاجمين خصوصا بآسيا يبدع في اول مسيرته كلاعب ثمن تقل خطورته بشكل يخيف جمهوره

ثمن تعود خطورته وفنه كمهاجم بعد وقت احياننا يكون طويل واحيانا يجتاز المرحله ذي بسرعه ..

طيب محد سأل نفسه ليش المهاجمين العالميين ما يصير لهم نفس الشيء ..

المهاجم الجديد تكون طريقة لعبه غير معروفه عند الفرق علشان كذا بأي لحظه يسجلك هدف ..

واذا تابعه مدرب الفريق الخصم خلاص يعرف طريقة لعبه وهل هو يعتمد على المراوغه او السرعه او كل الميزتين

واذا كان يلعب بعقله مثل ياسر ويملك السرعه والمراوغه هذاما يعطيه المدرب فرصه ابد ..

علشان كذا المهاجمين بالدوريات الاوربيه صعب تتعرف على طريقة لعبه وبضرب لكم مثال لوكا توني لاعب روما

كل المدربين يعرفون انه يعتمد على طوله بالكرات العرضيه وغير كذا ما اظن عنده شيء .. وطبعا فيه كثير غيره

علشان كذا لازم المهاجم يغير طريقة لعبه بين فتره وفتره ..

انا اتوقع والله العالم لو ياسر يصير خلف المهاجمين ويصير قدامه مهاجم اجنبي والمحياني بتبدأ عقدة ياسر من جديد

بكل الفرق ,, انا اقولكم صعب تلقى مهاجم في اوروبا بالفرق الكبيره ما تغيرت طريقة لعبه من يوم بدا يلعب

فيه لكن قليل ..

وبعد فتره ما فيه مشلكه ياسر يلعب مهاجم صريح وكذا بنفس الطريقة ..

اتمنى تفكرون به بنفس الطريقه اللي فكرت به انا ..

ــــــــ ــــــــــــــــــــــــــــــــــــــــــــــــــــــــــــــــــــــــــــــــــــ
بيرجع امتاع القناص مع كالديرون بإذن الله خصوصا وانه يعرفه اكثر من اي مدرب بما إنه درب ياسر

بعز قوووة ياسر ..

* انا عندي ولد عمي كبير ما عنده الا يسب ياسر لأنه يموت بشء اسمه سامي ..

طيب ما قلنا شيء كلنا نحب الاسطوره لكن خلاص سامي اعتزل عندك لاعب يمسك منتخب ليش ما تقدره وتحترمه

وتسانده .. والله ثم والله ثم والله ان الفرق الثانيه تمناه لو 6 شهور اعاره بس ..

والدليل انكم تحبون ياسر ياللي تسبونه ما اشوف والله واحد قال بيعو عقد ياسر او اعيروه كلهم يقولون

خلوه احتياط .. ( عل فكره .. خلوه احتياط هذي قريبه لفكرتي اللي قلته فوق يصير مدرب الفريق الخصم

ما حسب حساب ياسر وينزل ولا يكون عليه رقابه وخذ يا زحف .. )

ياليت يكون فيه تنسيق بين ياسر وكالديرون على هذي الطريقه واللي يستطيع يوصله لياسر او اي واحد بالنادي

لا يبخل علينا تكفون ..

واخيراً ان كنت اصبت فمن الله وان اخطأت فمن نفسي ومن الشيطان ..

والسلام عليكم ورحمة الله وبركاته ..

ارجو من المشرفين الكرام الرفع ..

مشكورين وما قصرتوا .. يالغالين

منورين يالغالين ..

صدق الحين انا بسأل .. الى الحين جمهور الهلال ما يعرف ان كثير من اللي يكتبون بالشبكه موب هلاليين ..

كل شيء يقال يصدقونه ..

بس انا بسألك وش رايك بالفكره اللي هي تغيير مكان ياسر وخصوصا ان ياسر بعد يحب استعمال مهارته

وافضل مكان لها خلف المهاجمين .. ؟

( خل يجلدون بياسر والجمهور عاطفي ) ..

إقتباس الرسالة الأصلية كتبت بواسطة •●I| иƒşє 3źєźн والله ياخوي ما اظن ياسر بيرجع دام جمهورنا العاطفي يجلدون فيه ليل ونهار ..

كلااااااااامك سليم مليون بالمئة

يا رجال .. لنا سنتين ..
ياسر رجع ياسر ما رجع ، الله يعين بس ..
كإن الهلال ، واقف على لاعب واحد ، بس الغلط من الاداره ، وهي تتحمل المسؤليه ،

كلام سليم وانشاءلله يرجعون اللاعبين لمستوياتهم واحسن

^^^^

لا يالغالي موب السالفه ياسر ولا موب ياسر انا اقولك ياسر يمسكه بالمباراة اقل شيء لاعبين وش تبيه يسوي ولا معه صانع لعب

نيفيز اناني يبغى يسجل هو الاهداف وهذا شيء معروف والشلهوب ما يتقدم كثير ..

انا اسألك وش رايك بالفكره يلعب ورى المهاجمين ترى موب عيب اللاعب يغير مكانه ..

سبب انخفاض مستوى ياسر هو الأجهاد و الإصابات لا أكثر و لا أقل

هذي وجهة نظري

احترم وجهة نظرك وهي صحيحه لكن ما اتوقع الاجهاد سبب ..

اما من جهة الاصابات فالحمد لله ياسر من اقل اللاعبين اصابات ..

ياسر موجود ولازال على مستواه ونجوميته المعهودة بس حط وراه صانع لعب حقيقي0ورايح تشوف ابداعات ياسر0

إقتباس لوكا توني لاعب روما

تصحيح : لوكا توني لاعب جنوى مش روما !!