إقتباس الرسالة الأصلية كتبت بواسطة _ALzaeem_ المشكلة أن في البعض مشت عليه الكذبه اللي هي روح الاتحاد ياخوي الهلال وفي الموسم الماضي وبالتحديد أمام النصر والاهلي اللي هي نصف النهائي والنهائي أنتهى الشوط الاول بهزيمة الهلال بهدف والاعبين دخلو الشوط الثاني ومرت مايقارب ربع ساعه ولم نسجل وبالرغم من ذالك استمرو في المحاولات حتى أستطاعو لاعبين الهلال تسجيل الهدف الاول ومن ثم الثاني وقلبنا الطاولة على الفريقين وايضا مباراتنا مع الغرافة بالدوحة خسرنا بالاربعه وفي اخر خمس دقائق أستطاعو الاعبين قلب الطاولة والتأهل وأيضا بما أنك ذكرت ياسر في مباراة الاهلي (النهائي ) من كان السبب في الهدفين ! والهدفين اللي في النصر في ( كاس الملك ) واللي كانت من أسباب تأهل الهلال والا هاذي ماتسميها قتاليه من ياسر هاذي بس كمثال ولكن للاسف دائما ينظر إلى أيجابيات الخصم ومقارنتها بسلبيات فريقنا !!

حرام عليك تسمي روح الاتحاد كذبه

ياليت يصير عند لعيبتنا زي روحهم بس

انا ماقلت ان لعيبتنا ماعندهم روح بس فرق بيننا وبين روح لعيبة الاتحاد

شف كيف يهاجمون ونتائجهم الكبيره اللي يسجلونها

وانا يوم تكلمت على ياسر ابيه يرجع ياسر ياسر اللي اذا حضر دفاع الخصم يرتجف منه

مو ياسر الحين تحس ثقته مهزوزه بنفسه مايبي يقدم شيء تحسه يلعب لنفسه

إقتباس الرسالة الأصلية كتبت بواسطة أبو عزوووز الوايلي حرام عليك تسمي روح الاتحاد كذبه ياليت يصير عند لعيبتنا زي روحهم بس انا ماقلت ان لعيبتنا ماعندهم روح بس فرق بيننا وبين روح لعيبة الاتحاد شف كيف يهاجمون ونتائجهم الكبيره اللي يسجلونها وانا يوم تكلمت على ياسر ابيه يرجع ياسر ياسر اللي اذا حضر دفاع الخصم يرتجف منه مو ياسر الحين تحس ثقته مهزوزه بنفسه مايبي يقدم شيء تحسه يلعب لنفسه

أنا سميتها كذبه لأنها اعطيت أكبر من حجمها

وش الفرق بين روح لاعبين الهلال وروح لاعبين الاتحاد!!
وبالنسبة لهجومهم والنتائج الكبير
أنت شف الهلال الموسم الماضي لأنه حضر مدرب هجومي
صكينا أكثر من فريق بالخمسة ومنهم الاتحاد والنصر
وكان الهلال يهاجم بشراسه ويفوز بنتائج كبيرة

وروح الاتحاد اللي تتكلم عنها وينها في مباراة بوهانج نهائي أسيا ومباراة الخمسة وأيضا مباراتهم مع اصفهان الايراني اللي في جده يوم تقدم الاتحاد بهدفين ومن ثم الفريق الايراني عدل النتيجة وايضا مع نفس الفريق في أيران !!

فالمقصود لا نركز على المباريات اللي حققو فيها نتائج أيجابيه ونقارنها بالمباريات اللي حققنا فيها نتائج سلبيه
لأننا نظلم الفريق في هالحاله

وبالنسبة لياسر انا لا أنكر أن ياسر عنده أفضل من مايقدمه حاليا لأننا نعرف مستوى ياسر الحقيقي


و باذن الله نشوف الفريق بأكمله في المباريات القادمة بمستوى افضل