على بال مايجي محمد قلت أكتب موضوع - نادي الهلال السعودي - شبكة الزعيم

ابو طـــــلال · #1 02/11/2010, 12:42 PM

انا بالمكتب وإتصل علي محمد يبي يسير ... وكان عندي إبراهيم ( RDH ) ونتجاذب أطراف الحديث .. وقلت لإبراهيم مافيه أسهل من إنك تنزل موضوع في المجلس العام ..

ماصدق أبو خليل .. قلت الحين أكتب قبل مايجي محمد اللى يبي يمرني ..

خذ موضوع ... وياسهلها

الزحمة ..؟ لا قديم ومكرر

الإرهاب .؟ موضوع معقد ويخوف

الزواج .. ؟ يمكن يفتح لنا أبواب مسكره .. وإلا تجي سوالف ماصخه ماله داعي

التربيه .؟؟ موضوع يكثر فيه التفلسف .. لدرجة إنه حتى اللى مو متربي يفيدك ويتفسلف في هالموضوع .. لا مايصلح

الحب .. ؟ يفتح عمل الشيطان .. ناس ماتفرق بين الحب الطاهر .. وحب الشياطين .. وماودي يصير بذمتي شي قلت نلغي فكرة موضوع الحب ..

السعوده ..؟ بينشب في حلقي كم وانا والله منيب ناقص .. الرجال حروة الجيه .. يمكنه الحين يطق الباب .. وموضوع مثل السعوده يبيله وقت ..

عمل المراءه ... ؟ يبي يجيك مرسال ومن هم على شاكلته ويرتقي ويقول ( حراااااااااااااااااااااااااااااااااااام ) وانا مابعد كملت كلامي ... الصرامي حق المجلس العام

التسامح ...؟ يوم جيت اكتب وأتذكر إن أغلب أعضاء المجلس كاتبين عن هالموضوع بس ولا واحد راضي يسامح الثاني .. مجرد كتابه .. وإلا النوايا ( الله يعلم فيها )

...................

بعد أذنكم جاء محمد ...

احتيآج · #2 02/11/2010, 12:49 PM

مدري ليه احس الموضوع موب لنا

مجنون الزعيم(9) · #3 02/11/2010, 12:53 PM

مزل موضوع عـن الطبـخ

-------------

3ash8.alz3im · #4 02/11/2010, 12:53 PM

إقتباس

الرسالة الأصلية كتبت بواسطة احتيآج


	مدري ليه احس الموضوع موب لنا

سبحان الله نفس الشعور

الزعيم الحمري · #5 02/11/2010, 01:03 PM

ما شاء الله تبارك الله
علشان ما اعطيك عين على موضوعك الرائع والمفيد اضف الى ذلك النهم الشديد الذي نلقاه في قراءته

مَاهِينُورْ · #6 02/11/2010, 01:08 PM

أهلاً أبو طلآل

ماتعوق معك المواضيع ما شاء الله p:
ليتك تقدّم لنا دورات بكيفية أستخدآم أيقونة ( موضوع جديد )

المشكلة مو في الموضوع / الأهم يبقى وتخرج منه ولو بِفائدة >

بالنسبة لإبراهيم / عساه يكتب ردود في الشبكة مو مواضيع ><

إذنك معك

صـمـت · #7 02/11/2010, 01:17 PM

حياك بوطلي...

اقووول...فالك يجيك ابومقبل ويقولك..(الموضوع ركيك ولذلك سيتم حذفه)
^^
هذا النص قاله لي ابومقبل في اول موضوع انزله في الشبكه الى الحين مانسيته اول موضوع لي حذفه

عالعموم ابو مقبل انا مافهمت عادك بترجع اذا راح هالناشب محمد والا تقصد ان خلاص انتهى الموضوع ترا من جد مافهمت

HILALYA ]~ · #8 02/11/2010, 01:42 PM

.

ماشاء الله تبارك الله , دائما ما يبهرنا ابداعك ض1 ..
ض1 !!!!!!!!!!!!!!!!!

وينك يالزعيم · #9 02/11/2010, 01:57 PM

وششش دعوه كل هالتميز

كل التوفيق ’

فَيْلَـسُــ زَمَانَهُ ـــوفْ · #10 02/11/2010, 02:01 PM

أبو طلال .؟!

( شآت بس بعدين )

المشجع الوفي · #11 02/11/2010, 02:25 PM

ههههه

بصرااحه موضوع مميز...

أهنيك لأسلوبك الرائع

marsal · #12 02/11/2010, 02:56 PM

إقتباس

الرسالة الأصلية كتبت بواسطة ابو طـــــلال


	انا بالمكتب وإتصل علي محمد يبي يسير ... وكان عندي إبراهيم ( RDH ) ونتجاذب أطراف الحديث .. وقلت لإبراهيم مافيه أسهل من إنك تنزل موضوع في المجلس العام ..