الله أكبر .. ليش مكبر الموضوع كلامك عادي جدا و لا يكمن أن تسحب عضويتك
على كلام مثل هذا .. أتفق معك فيما ذكرت عن كالديرون و زيادة على ذلك
فنيا هو مدرب عادي جدا و لا يمكن أن يضيف للهلال أي جديد ..

شكرا لك لكن لا تبالغ مرة ثانية

وليه فقدان العضويه
سامي ما اختار كالديرون الا عن دراية وخبرته في الملاعب تكفي عن هالكلام
كالديرون يعرف خفايا واسرار المنافس الوحيد لنادي الهلال
كالديرون سبق ودرب في السعوديه ومايحتاج للتأقلم ويعرف اللاعبين السعوديين
الجو العام بنادي الهلال يصعب على اي اجنبي انه يفكر بشي من اللي انت خايف منه
تبادل الاحترام والكرم والتقدير موجود لدى الهلالين ومهما كانت نفسه دنيئه راح تتغير
مع اني متأكد ان مافي باله اي شي من اللي انت تقوله لأننا بعصر الاحتراف وهذا عمل رسمي يمتهنه
وفوق هذا هو مدرب مرحله معينه لفترة وجيزه لو تمام اكمل المسيرة ولو في تذبذب في غيره وهذا اللي يفكر فيه سامي
اسف ع الاطاله وشكررررا

الله يعين !!

ياحليل ستامب ,, يااه لو يكمل ذا الموسم .. وان شاء الله نبدا الموسم الجاي مع اونيل او غروس ..!

انا ماأدري صراحه لكن
اتوقع اللي يصلح للهلال الروماني يوردانيسكو مهما كلف الأمر

صراحة احييك على وجهة نظرك وغيرتك على الزعيم.

وبصراحة نبهت على نقطة معينة وليست كل الاندية مثل نوايا الهلاليين فبعضهم ومنهم المخلوع الله يشفيه

استخدم ويستخدم وسوف يستخدم اي طريقة لوقف الزعيم وسياسته تعمل بشكل اضعاف المنافس قبل

تقوية فريقه ولكم في تصريحه في بداية رئاسته للأتحاد بأنه سوف يسعى الى تدمير الاهلي قبل العمل على

تطوير فريقه واعتقد انه نجح ومن ثم اتجه للهلال واتخذ جميع الوسائل بداية بانشاء صحيفة وجلب جميع

المتعصبين للنيل من الزعيم ومن ثم الى زعزعة لاعبين الهلال بأغرائهم بالمبالغ المادية ومفاوضات تحت الطاولات

واعتقد اللي خلاه يخطف لاعب ونية ارساله الى قطر يخليه يسوي اعظم من ذلك.

والباب اللي يجيك منه ريح سده واستريح يا ابوعبدالله . واعلم انه جماهير الزعيم لا تزايد في حب الزعيم .

تحياتي

هلالي لندناوي

سامي قال هو الانسب للاهلال ها الوقت


هو درب سامي في المنتخب كاس العالم 2006

وعارف تفكيره سامي اكيد

ولا ماتكلم عبث

إقتباس الرسالة الأصلية كتبت بواسطة crazy moon وليه فقدان العضويه سامي ما اختار كالديرون الا عن دراية وخبرته في الملاعب تكفي عن هالكلام كالديرون يعرف خفايا واسرار المنافس الوحيد لنادي الهلال كالديرون سبق ودرب في السعوديه ومايحتاج للتأقلم ويعرف اللاعبين السعوديين الجو العام بنادي الهلال يصعب على اي اجنبي انه يفكر بشي من اللي انت خايف منه تبادل الاحترام والكرم والتقدير موجود لدى الهلالين ومهما كانت نفسه دنيئه راح تتغير مع اني متأكد ان مافي باله اي شي من اللي انت تقوله لأننا بعصر الاحتراف وهذا عمل رسمي يمتهنه وفوق هذا هو مدرب مرحله معينه لفترة وجيزه لو تمام اكمل المسيرة ولو في تذبذب في غيره وهذا اللي يفكر فيه سامي اسف ع الاطاله وشكررررا

أخوي احييك على وجهة نظرك واتمنى انك تتقبل تعليقي بصدر رحب.

أليس احمد الدوخي وخميس العويران وعبدالله الجمعان من نفس البيئة من الاحترام والكرم التي ذكرتها وبالعكس

هؤلاء ترعرعوا في هذي البيئة وفي النهاية تمردوا بسبب الاغراءات المادية. انا ما الومهم بالعكس هذا رزقهم ولا

جا في يوم من الايام اني اطلق خائن او اي شي لكن طريقة المفاوضات والاسلوب الدنيء هو اللي يزرع الشك.

ثاني شي مدرب الفريق من السهولة انه يعمل بالفريق ما يشاء وبدون ملاحظة اي احد على سبيل المثال اذا وصلت

وصلت مباراة نهائية بأستطاعته عدم اشراك اي لاعب او محاولة افتعال مشكلة مع اي لاعب مهم او لاعبين او ثلاثة

بأي غرض كان وانا عارف انه هذي الاحتمالية طفيفة جدا ولكن يجب التنويه اليها.

اظافة الى ان كالديرون مدرب ضعيف الشخصية ولاحظ طول فترة تدريبه للأتحاد ماذا فعل به محمد نور من تمرد

وغيابات وتأخير وانتقادات وهو النجم الاوحد في فريقه . بعكس الهلال اللي تتواجد فيه كوكبة من النجوم

وما ينقصهم سوى مدرب قوي الشخصية بحيث انه يقدر يعمل كنترول على الفريق مثل قريتس. وانا على يقين تام

انه لاعبين ونجوم الهلال بأستطاعتهم انجاح اي مدرب بشرط يكون قوي شخصية .

وخذ هذي المعلومة في قوة الشخصية في جريتس:

اقسم بالله هذا الكلام على لسان لاعب هلالي حالي يقول انه في فترة كوزمين واللي احنا نشوفه قوي شخصية

كانوا المدرب اذا نزل وقت التدريب اللاعبين الكبار لسا برا الملعب واللي يربط حذاءه وانت والسامعين بكرامه ولكن

مع جريتس كل اللاعبين قبل التمرين بساعة كلهم جاهزين .

لاحظ الفرق اخوي يفرق في جميع الاشياء.

تقبل مروري

أخواني أعتقد أن احتمال تدريب كالديرون للهلال ضعيف..
والسبب أن في لقاء الامير عبدالرحمن على الرياضيه تحدث عن أن من أهم معايير أختيار المدرب
هو أن يكون ذا شخصيه قويه..وهذا الشيء غير موجود في كالديرون..
اذن استنتاج شخصي كالديرون لن يأتي..وهذا ماأتمناه..
شكرا لك أخوي