معآناة طالبة جآمعة سعودية - صفحة رقم 3 - نادي الهلال السعودي - شبكة الزعيم

متابعة بجنون · #31 02/11/2010, 06:22 PM

وعليكم السلام ورحمه الله وبركاته
أهلاً .. جوري الربيع
الله يعيينكم ويصبركم " بالله هذي جامعة !!
اللحين بس عرفت قيمة جامعتنا والنعمه اللي احنا فيها
جامعتنا أبوها للجنه بالنسبة لجامعتكم , أكبر عيب فيها وجود القطاوة
[ ي كثرهم كل يوم أشوف وحده جديدة " تقوليين على عدد البنات
تروعنا " الله يفكنا منها مدري متى يجي اليوم اللي أداوم ومااشوف قطوة
ماأبالغ والله انها تجيني بالأحلام

> وش ذا !! تقوليين ذيك دورات المياة " تكرمون " حقت الطرق " اللي لاسافرنا
شيء مو معقووول !!
لا بصراحه أنتم صبوريين " ماشاء الله عليكم
كيف قاعديين بهالشيء [ ي أختي أنطقوا لاتسكتون
هذا ابد مو جو دراسي أبداً , بالله كيف بتعطون وتنفتح نفسكم على الدراسه ؟! مدري
قسم شيء أقل مايقال عنه انه خرابه
صادقه اللي تقول داومي بلبس البيت لاتتشيكين > نسيت اسم هالعضوة عجزانه ارجع للردود وأشوف ..

ـ
أخيراً ارجع وأقول الله يعينكم ويزيدكم صبر

حتى ظلالي هلالي · #32 03/11/2010, 12:31 AM

إقتباس


	وبصراحة انصدمت من شيئين من الجامعات بالمانيا وكيف التنظيم والنظافة ومن إستغرابكم وصدمتكم يعني اهي الجامعه الوحيده اللي تسدّ النفس

ايه والله صادقه

يعني من جدكم منصدمين ؟!

< سؤال جدّي هذا ترا

اذا هذولا انتم وانتم تعرفون الوضع

انصدمتوا لما شفتوا الصور

أجل هاللي يلعبون علينا ومخيسيننا بهالمباني وش وضعهم ؟

تتوقعون ينصدمون مثلكم ؟ لانهم ماكانوا يعرفون مثلا ؟

ḾŎĤǍṀẠḊ · #33 03/11/2010, 01:01 AM

.
.

الله يكون بعونكم ..
اكتشفت انا مدلعين ..

بس كني سمعت انهم فتحوا مبنى جديد لجامعتكم << ترى مو متاكد

ع العموم ..
الله يوفقكم ويعينكم ..
وواصلي يابلادي ..

..

الهلالي بيانكو · #34 03/11/2010, 01:05 AM

الحال من بعضه أنا بالكليه هناك مدير للصاله الرياضيه لأني رياضي هناك ...

و طالبت لمدة سنه كامله لجل نضبط الصاله و الحمدلله ضبطناها بالقوه ....

و الحين الكليه مو زينه

♥ N E V E S ♥ · #35 03/11/2010, 03:12 AM

هههههههههههههههههههههههههه

والله شي يضحك من جد !!

وابشرك بعد

احنا كليتنا شقق واستآجروها وصارت كليه !!!!

جوري الربيع · #36 03/11/2010, 07:06 AM

إقتباس

الرسالة الأصلية كتبت بواسطة ḾŎĤǍṀẠḊ


	. . بس كني سمعت انهم فتحوا مبنى جديد لجامعتكم << ترى مو متاكد ..

صبحكم الله بالخير

..
يا حلات القعده بالبيت عندي اليوم اوف

،،

ياكم سمعنا إنهم بينقلونا وما صرنا نفرح علشان ما ننصدم لأن السنة اللي فاتت مدري اللي قبلها

قالوا بينقلوننا وللأسف طلع المبنى للأدبي

الهلالي دائماً · #37 03/11/2010, 07:47 AM

هلا بك اختي جوري الربيع ...

بصراحة عندنابالمملكة مشكلة عويصة في الخدمات ..

واعتقد ان مثل هذي الجامعه تدفع لها الدولة الملايين لكن السرقات والطمع والجشع

من قبل المقاولين او مؤسسات الخدمات هو من يجعلها بهذه الصورة ..

باختصار كل واحد يبي يسرق قدر ما يقدر لان ما في مسأله ولا متابعة !!!

كان الله في العون ..

ودمت بحفظ الله ورعايته ,

بطلة · #38 03/11/2010, 10:33 AM

صباح الخير
ترى أسلوبك حلو بالكتابة ماشاء الله ,, عجبني بداية الكلام
بستقعد لك إليييييييين اخليك تكتبين مواضيع

**
الله يعينكم ويسهل عليكم

,,
أول خطوة عملتوها إنكم نشرتوا الصور شي طيب

وماعليكم إلا إنكم تكلمون احد المسؤلين جوى الجامعة
اممم يعني العميدة مثلاً , تكونوا قروب كبير
او وقت اجتماعاتكم لما يكون في مسؤل وحده تتجرا وتتكلم

,,

حسبي الله ونعم الوكيل

شكر لك
بطلة

صِبآ نجّد · #39 03/11/2010, 01:20 PM

من شاف مصيبة غيره هانت عليه مصيبته
الله يعينكم مبنى غير مأهل حتى للحيوانات تسكنه

حسبي الله ونعم الوكيل بس !!!!

محمد سعود الزويد · #40 03/11/2010, 02:00 PM

عفواً أخواني أخواتي ..

حدثنا سواق تكسي عن سواق ليموزين عن سواق سطحه عن سواق شيول قال أن اللي يعرفه لازم يسقط المبنى على راس اللي فيه بعدين نجي نسوي من الحطام ردميه !!!!! ردمية أسم رمل بمعنى ساتر رملي ...
بعد كذا إذا طاح المبنى .... ممكن يناقشون الموضوع ..
لأنه إلى الآن ما في دليل واحد على وجود ضحايا ..

دمتم .. بخير ..

شلهوبيه موهوبه · #41 03/11/2010, 02:55 PM

انا عندي صور لقاعتنا المخيسه اذا فضيت بنزلها اللليله بااذن الله

....

**نــواره** · #42 04/11/2010, 12:26 PM

.

وعليكم السلآم و الرحمه

لآحول و لآقوة إلآ بآلله

وشو ذآ

مبنى سيء جداً جداً

ممكن بعد إذنس أتسلف الصور شوي

جد أمآنه أبي أعرضهآ بملتقى جآمعتنآ

بس يتذمرون من المبآآني

لآ من جهة العيآل و لآ من جهة البنآت

مع إني أشششوفهن أفضل منكم بوآآآآآآآآآآآآجد
و متأكدهـ مليون بآلميه لو شآفوهآآ بيحمدون ربهم وبيقفوون تذمرر

تذمرهم إنهم يدرسون بقصر أفرآح مستأجرته الجآمعه إلى مآيخلص الحرم الجآآمعي

بس القصر تووهـ جديد ،
* زوآج محمد العنبر كآن فيه

و دآيم أقولهم صبراً جميل والله المستعآن ،
و لآحولس أحد

حآطين رآسهم برآس سعود هآلخرآجآآ

مآيقدرون إن حنآ نآشئين

و من جهة البنآت كلية التربيه شفتهآ لمآآ اختبرت القدرآت ،
كوويسه ، و يوم شفت صوركم حسيتهآ عظييمه

و الكليه العلمييه نفس الشيء مرهـ أفضل بمليون مرهـ

||

آخر شيء الله يعيينكم و يفررج عليكم

و يبششركم بـ مبنى أفضضل منه

و ينظر في أمركم

جوري الربيع · #43 04/11/2010, 12:42 PM

إقتباس

الرسالة الأصلية كتبت بواسطة **نــواره**


	. ممكن بعد إذنس أتسلف الصور شوي جد أمآنه أبي أعرضهآ بملتقى جآمعتنآ آخر شيء الله يعيينكم و يفررج عليكم و يبششركم بـ مبنى أفضضل منه و ينظر في أمركم

حيّ الله نواره

عآآدي خذي راحتس واحفظي اللي تبين ولو تبين بعد توصلينها لحقوق الإنسان أكون شاكرة لتس

آميييييييييييين الله يسمع منتس

منورة يالغلا

alhilal-2007 · #44 04/11/2010, 01:06 PM

هههههههههههههههه
انا اقول بس عندنا في جامعة الباحة المعاناه والله ماتوقعتها توصل لأبها
وايضا الدكاتره المصارية اللي يتكلم في فشل التعليم السعودي واهانتهم لطلاب
ان لله وانا اليه راجعون

ان شاءالله الاسبوع القادم اذا استطعت اسوي تصوير انزلها هنا
عن المبنى وعدم وجود بوفيه نظطر لنروح لبوفيات بعيده وتجي زحام بالسيارة

classic 2010 · #45 04/11/2010, 01:11 PM

والله حاله يرثى لها بصراحه

يعني الفساد في كل مكان وعلى كل الاصعده

نسمع كل سنه ان مييزانية التعليم هي اعلى ميزانيه بالملياااااااااااارات ولا نشوف على ارض الواقع مشروع يثلج الصدر

للاسف نملك الماده ولكنها توضع بيد من لا يحسنون تدبيرها

انما يبدعون في تحويلها لخدمة مصالحهم الشخصيه

ضاربين بمصلح وسلامة وتقدم ورقى شباب وشابات بلدهم عرض الحائط

كان الخائن يخاف ان يفضح اما الان فلا ضير في ان يفتخر ويتبجح

وما التعليم الا نقطه في بحر

ياقلب لا تحزن

مالعائق في ان نمتلك جامعات بمسوى جامعات راقيه وعالميه

لا يوجد عائق سوى ضمير الموكل بحالنا

اسأل الله ان يجعل لنا من كل ضيق مخرجا و من كل هم فرجا وان يردكيد الخائنين وان يفضحهم في الدنيا والاخره

وان يصلح الحال انه قادر على تغيير المحال

ويا قلب لا تحزن