اللي بينكر ينكر .. بطولات الهلال مب قايمة على إعتراف الفيفا وطقته ..
السلام عليكم ورحمة الله وبركاته
أخباركم يازعمآء ؟ شلون الدراسة مع اللي يدرسون وخاصة اللي بثاني ثانوي
أولاً أبارك لكم الفوز على الرائد وهو فوز معتاد ، لكن الغير معتاد أننا نقول هاردلك
ع الهزيمة ، والحمدلله الزعيم أثبت للجميع أنه لا يتأثر بالخروج من الآسيوية كـ البعض
بل إن ضروف الزعيم كانت أشد من أنه يرجع لمستواه المعهود ، لكن الحمدلله اللاعبين
قالوا كلمتهم قدام العالم وأثبتوا للجميع أنهم لاعبين محترفين وإن الخروج من الآسيوية
كانت زلة منهم ، وإن شاء الله دوم هالإنتصارات ،ولو بقى الدوري كذا ما أعتقد أنه فيه
منافس لزعيم هذا الموسم << رأي شخصي
طيب أدخل بصلب الموضوع ..
يآجماعة أنا وبصراحة أمس واليوم ضايق صدري من تصرفات بعض الجماهير الهلالية
طبعاً تصرفاتهم كانت على غِرار موقع الفيفا الخايس اللي كل سنة طالع لنا بعدد بطولات
جديدة ، لكن بعض الجماهير الله يصلحهم كان يسب ويشتم ويلعن علشان موقع الفيفا أنكر
كذا بطولة للهلال ، بصرآحة أنا أنقهرت وأرتفع ضغطي منهم لكن يوم فكرت شوي قلت الحين
موقع الفيفا إذا ألغى كل بطولات الهلال من أولها لآخره بيضر الهلال شيء ؟ يعني لافيفا ولا
غيره يقدر يلغي أي بطولة كانت للهلال ، فـ مالها داعي ياشباب أننا نتفوه بكلمات مالها داعي .
وأنا وغيري عارفين أن جماهير الهلال أكبر من أنها تتكلم مثل هالكلام ، لكن نقول إن شاء الله
إنها زلة ..
والفيفا مثل ما أنكر النتيجة القاسية على برشلونة 11 - 1 ومثل ما أنكر كثير من الأشياء
أصبح عادي أنه ينكر بطولات نادي القرن وزعيم آسيا
بالأول والأخير بالتوفيق للهلال أينما حل وأرتحل ، وبإذن الله يكمل على درب الإنتصارات
ويفوز بجميع مؤجلاته
ولو تلاحظون الفرق بين الثاني والهلال نقطه وحده ونشوف أن الهلال له مؤجلات
الله لايبلانا ..
مشكورين على تحملكم لمصالة دمي شوي ، لكن شسوي منقهر
بالتوفيق للهلال
الوضع العادي
