السلام عليكم ورحمة الله وبركاته . . !!

نبدا ع طول لاني مستعجل حييييل . . !!

النقطة الاولى :

راح نتكلم عن من يعتبر من افضل الاظهرة اليمين حاليا ( اقصد سعوديين لا يجي احد يقول لي يونج + قلت من ما قلت الافضل) ظهير عصري بكل ما يحمله المعنى سريع و رفعتاه ممتازه جدا ويرفع بالرجل اليمنى واليسرى بنفس المستوى + ظهير ايمين هداف
---
يجوني ناس يقولون لي يونج ونامي موجودين طيب لي يونج هل راح يجلس 5 سنين او 4 اكيد لا ومحمد نامي لاعب فنان وتطور مستواه جدا لكن راح لي يونج ونامي صار مصاب وش نسوي ؟ والدليل ان الحين نامي مصاب فـ مستحيل لاعب بالتاريخ ما يتعرض لاصابة لذا لاوم يكون فيه البديل الجاهز . . !!

+ فيه ميزه عالمية في مسعد هو مثل رادوي يلعب ظهير ايمين و محور بنفس المستوى ( يجي واحد يسوي يحجر يقول تقارنه براودي ما تجي انا ما قلت مثل لعبة انا قلت مثل مواصفاته ) والدليل شوفوا مباراة الاهلي والجزيرة اللي انتهب 5 للاهلي 3 او 4 اهداف ساهم فيها مسعد مساهمة فعّالة وكان في ذيك المباراة محور . . !!

+ محمد مسعد دخل فنرة الـ 6 اشهر لذا لو يقدم العرض الجيد له وليس الخيالي سيقبل دون الرجوع لنادية

+ محمد مسعد و راشد الرهيب و حسن معاذ دخلوا فترة ال 6 اشهر لذا نرجو جلب واحد منهم ويا حبذا لو كان محمد مسعد . . !!

ونختم هـ النقطة بذا الهدف

http://www.youtube.com/watch?v=DKXaIhVOKeA
----

النقطة الثانية

المهاجم الاجنبي صار اهم الاماكن كلها انا كنت سابقا اقول راح يرجع ياسر+ فيه المحياني وراح نجيب اسيا حتى لو صار ياسر في كامل مستواه يد وحدة ما تصفق فـ يصير مهاجم اجبني راس حربة و ياسر او المحياني وراهـ او ياسر او المحياني راس حبة والاجنبي وراه وفيه مهاجم تتوفر فيه هذا الميزهـ الا وهو سبستيان سوريا لاعب ما يحتاج نتكلم عندهـ لو اقول انه خورافي اعتبرها مسبة له باختصار هو ضالة الهجوم . . !!


-----------

ادري يا مشرفين راح تقولون مو وقته لكن فتة الانقالات الشتويه قربت + محمد مسعد و حسن معاذ و راشد الرهيب دخلوا فترة ال 6 اشهر لذا نرجو احضار واحد منهم وباليت يكون الاول . . !!

+ نرجو اعتماد الموضوع

+ اهم شي بالعالم يا ناس خلوا نظرتكم بعيدة لا تصير قريبة ادري الحين فيه لي يونج لكن لي بلغ من الكبر عتيا ومهب قاعد اكثر من سنه لذا شوفوا البعيد مو القريب . . !!

+ يا ناس انا ما قلت انا اما نبي نامي انا قلت لي يونج مو قاعد اكثر من سنة بالكثير بعد + لو صار بنامي اصابة وش راح نسوي . . !!

بعض الردود يقرا اللي يبي ويخلي اللي يبي وذا اللي لا يهينه ما نبي ردهـ / + انا قلت وجه نظر ما يحتاج تسبون الله لا يهينكم . . !!

+ انا الاحظ بعض الذين يسمون نفسهم هلاليين ما يبون لاعبين من الاندية المنافسة مقل الاهلي و الاتحاد والنصر والشباب هل هو حرام او عيب مثلا ؟ ؟

من اول ياخوي وانا ابي اللاعب هذا والله انه راح يغطي محل لي يونج

اتمنى جلبة ونجيب سبيستان سوريا للفريق

مشكووور ع وجهة النظر

هههههههههههه بصراحه لاتعليق

محمد مسعد ؟؟؟؟؟؟؟؟؟؟


محمد نامي افضل منه


اشكررك

من جدك
محمد مسعد
لاعب عادي جدا لا تغطيه ولا امريره ولا قتاليه
بالنسبه للمهاجم اجنبي
لي يونق محناجينه جدا
ويلي محتاجينه
نيفيز محتاجينه
رادوي نبيع عقد ونجيب مهاجم من طينه دروجبا او ايتو
وستحل مشكله الهجوم الهلالي في الاسيويه

لا وش ذاااا محمد ناااااااااامي افضل منه

كلااااام سليم وفي محله... والله تمنيت من زمان يكون محمد مسعد في الهلال...
حتى لو كانت مستوياته متذبذبة مع الاهلي... إلا أنه مع الهلال سيتمكن من تطوير مستواه للأفضل...
لأن الهلال ليس كما الأهلي.. وشكرااااااا........

والله ان النزهان من زمان احسن منه

والله ان نامي اصررف .. حرام عليك مسعد مافاد ناديه حطوه ظهير ايمن وايسر وسنتر دفاع ووسط وطفشو كل مرة في مكان ونكبببببببه عليهم

حسن معاذ لاعب مزاجي يعني مباراه في التوب والثانيه ياخذ لك كرت احمر ويخرب المباراه عليك .. وش ابي فيه ذا .. ؟؟

الرهيب يمكن هو احسنهم لكن نعرف تعامل ادارة الاتفاق ولذلك خله يسترييييح عندهم لين يعتزل الدوخي وياخذه الفقر بتراب الفلوس ..

ههههههههههههههههههههههههههههه يازينك

هذا الي ناقص المتردية والنطيحة والله وانا اخوك لامسعد ولا الرهيب ولامعاذ يستحقون اللعب للزعيم

محمد مسعد لاعب اقل من عاااادي

حسن معاذ لعبه خشن واناني في بعض الاوقات

راشد الرهيب بعد حادثة ياسر الموسم اللي راح مانبيييييييييييييه


بالنسبة لسبستيان اشوفه ثقيل مررررره مثل المحياني نبي لاعب خفيف طلقـــه يسجل من ارباع الفرص


دمت بود

اتمنى يجي الرهيب

واذا بالغ الاتفاق في قيمته

ناخذ معاذ

او نعطي اللاعب الصغير اللي شريناه من الطائي فرصة(اذا ماخاب ظني)

يا اخوي انا اتحدا اي لاعب من النصر او الاهلي يلعب اساسي في الهلال

اشباه لاعبين فقط وانت شايفه نجم لأنه في الاهلي