إقتباس الرسالة الأصلية كتبت بواسطة سيناتور هلالي مساء الخير للجميع.. أهلا برائحة الكويت أهلا.. الحقيقة قرأت كلامك وسبحان الله دمعت عيني ولا أدري لماذا..؟!! لكني تيقنت أن العالم كله من شرقه إلى غربه يفيض ويقطر بالصالحين العادلين.. وأنتي وأنا أخوك نموذج للعادلين الصالحين.. مو لأنك دافعتي عن السعوديين ..لالالا .. وإنما لأنك تكلمتي بما رأيتيه هو الصواب والحق في نظرك.. أما عما يصوره الإعلام فهو -أي الإعلام- يحتاج للأمناء في كل مكان في العالم لأنه مرآة الشعوب.. عموما كلامك جعلني أعود إليه 3 مرات .. هنيئا للتسويق انضممامك إليه<< تحسين مالها دخل صح..ههههه كنت بتكلم عن دراسة أميركية عن الإعلام السلبي ولكن موضوعك كشف كل شيئ.. حفظك الله ومن يعز عليك والكويت وكل العالم.. ..سلام

حياك ربي شوق وجعل أيامك سعادة وسلام .

وأرجو أن تسمحي لي أن أرحب بالسيناتور الهلالي :


عوداً حميداً والحمدلله على السلامة ..


شوق الله يحفظك الإعلام صار له أثر على كل النواحي في العالم وكما ذكر أحد الأبناء ..أننا

كنا نأخذ فكرة عن بعض الشعب المصري أنه ما خذ الدنيا هزار وفهلوه ورقص ..

مع أن لنا زميلات مصريات قمة في الأخلاق والمحافظة على الدين ..والحمدلله أن ظهور القنوات المحافظة

جعلتنا نراجع أنفسنا ونحمدلله على هذه النعم الكثيرة لوجود هؤلاء الدعاة والشيوخ من مصر الطيبة

الله يحفظهم وينصر الإسلام بهم وبجميع الطيبين من الصالحين في جميع أنحاء العالم ..


أما نظرتي عن الكويت تراها غير نظرتك لنا والسبب أن لنا أقارب في الكويت ويحملون الجنسية


الكويتية وطباعهم رائعة ..والسبب الثاني كنا نتابع الشيخ أحمد القطان قبل أن نراه من خلال الأشرطة

الإجتماعية ونعم الرجل هو الله يثبته ..وكذلك العوضي ..(نبيل )....(ومحمد) .... أتابعهم من خلال الأشرطة ..

و أثرهم علينا أكبر من أثر المسلسلات الكويتية التي كانت في ذلك الزمن تعطي إنطباع جيد عن أهل


الكويت ..ومن فضل الله علي أنني من مدة لا أشاهد أي مسلسلات لأي دولة حتى أحافظ على الضغط والسكر

لا يصعد ...


كلمة أخيرة لانحكم على شعب كامل من خلال شخص واحد أو أشخاص سيئين حتى ولو


كان لهم كلمة في الإعلام وتغيب عن الإعلام الصالحين ..

إقتباس الرسالة الأصلية كتبت بواسطة شوق الكويت ياهلا وغلا بالهنوووف فهمتي قصدي غلط .. لان مافي انسان عاقل ولا غير عاقل يحكم على شعب من مسلسل او روايه لكن انا بحياتي ماعاشرت هذا الشعب ولا زرت السعوديه الا زيارات معدوده ومااعرفكم الا عن طريق المسلسلات والروايات .. ولو قعدت مع ناس من بلدان مختلفه يقولون نفس الكلام عن الشخص السعودي !! بعطيج مثال بسيط لو كنتي بتدخلين جامعه وقعدتي تسألين البنات عنها والكل قعد يذم فيها .. مع انج مقتنعه ان مافي جامعه كامله كل جامعه فيها سلبيات وايجابيات لكن لان عقلج مااستقبل الا الشي السلبي ماتقدرين تتخيلينها بالشكل الايجابي ..! نفس ماقال مرسال انا طول عمري انظر للمصريين نفس النظره مع اني ادري غلط اعمم على شعب بسبب فيلم او مسلسل لكن عيني وعقلي ماشاف شي ايجابي منهم .. ويوم شفت منهم ناس زينيين وصالحين اكيد تغيرت نظرتي لهم عمري ماقصدت شي بالتعميم لكن لما تسمعين غير لما تشوفين بعينج ! حياج ربي

هلا بك شوق
وانت مافهمتي ردي زين واعيد واكرر انا ماادافع عن الشعب السعودي
لان كل شعب فيه الصالح والطالح

انا اقصد الاعلام طبيعي فيه الشين والزين
يعني ليه حكمتي على الامور السلبيه اوكي ممكن الاعلام صور لنا الشعب السعوديه بصورة سيئه
مع اني اتوقع هالمسلسلات وهالخرابيط الي ذكرتيها بالمقدمه
ماطلعت الا مؤخرا يعني ماتتجاوز 6 سنوات

انا اقصد بالاعلام فيه برامج هادفه وضيوفها سعوديين ورجال دين ومثقفين وعينات مميزه
ليه ماحكمنا على الشعب السعودي مثلا منها ليه نظرنا للمسلسلات

وحتى لو مازرنا هالدوله وماتعرفنا على شعبها
مو معقوله بنحكم على شعوب تتعدى الملاييين من برامج تافه
يعني المسأله عقلانيه ومالها دخل لا بـ اعلام ولاغيره بس الناس تحب تصطاد بالماء العكر
خصوصا اننا ناس كبار وفاهمه يعني نعرف مقاصد الاعلام زين


عموما اتوقع المسأله غالبا توخذ من جانب شخصي وعاطفي نوعا ما
لاني اشوف نفسي ومو مثاليه فيني لاني اتوقع الكثير مثلي
ماقد حكمت على اي شعب سوا كويتي أو مصري ولاغيره
من مسلسل منحط ولا مذيعه متبرجه

\

/
عوافي لك
اختلاف الرأى لايفسد للود قضية

افضل موضوع لشهر اكتوبر

<--امزح امزح لا تصدقين

يَ هلا بشوق

/~

الهنوف عافتس الله ترجمتي كلآم
بداخلي ماقدرت اترجمه


/~

اي فكره عن اي مجتمع اساسها الاعلام

او حديث المجالس ( الديوانيات )

وللاسف ترسخ هذي الفكره بعقولنا الى ان يشاء الله

علي فكرة حتي في سعوديين وان اعرفهم شخصيا مأخذيين فكرة سئية جدا عن الكوتيين ولماسالتهم ليه انتو عاشرتوهم قالولا بس من خلال مسلسلاتهم يعني مش انتي لوحدك هذا تفكيرك للاسف اغلب الناس هيك تفكيرهم يعني مثلا في الخليج مأخذين فكرة سئية عن المغاربة انهم تبع سحر وشعوذه( وعارة) للاسف والمصريين انهم ( غير لائق التعامل معهم

واللبنانيات اخلاقهم سيئه وغير وغيرو عادي

مع الوقت تتجلي الحقائق

..
هلآ بريق

موب من العدل أننآ نحكمّ على شعبّ من خلآل فئه معينه من الأ شخآص
بكل مكآن تلقينّ نآس عآقله ونآس تآفهه اللي فيه الخيّر والليّ فيه
الشرالنآس المحآفظه والناس المنفتحه وكل شيء عندهم إيزيّ المشكله إن فيه
أشخآص وعقول يشرفون البلد وفيه أشخآص يسيئونّ للبلد ويفشلونه
وغير كذآ الإعلآم غآلبآ مايظهر إلآ الجانب السيء وحنآ ومانحآول
نتعرف على الجآنب المشرقّ .
وبالنهآيه عمركّ مارآح تلقين شعبّ ملآئكيّ يمشيّ على الأرضّ

والله وانا اخوك الي بيدور الشين بيلقاه والي بيدور الزين بيلقاه نفس الشي

مو كل الأعلام يتكلم عن السعودية بالسوء بالعكس كثيييييير من الأقلام تكتب عن المنجزات الي تحققت في السعودية وكيف التطور البنياني في السعوديه والي بأذن الله متى ما انتهت اتوقع راح توظف كثير من العاطلين عن العمل

كل مجتمع له مشاكله وكل مجتمع ودهـ يصير هو المجتمع الفاضل الي مافيه ولا عيب ومافيها شي لو الأعلام ركز على العيوب من اجل الأصلاح لكن لو تدورين الحسنات بتلقينها اكثر من العيوب

تقبلي مروري (F)

~~

** نواره **

ياهلا وغلا فيج اختي نواره

الحمدلله انج فهمتي المقصد من الموضوع بالشكل الصحيح

الله يجزاج خير وشاكره لج مرورج الكريم



am-20am


هلا بك اخوي

والله يجزاك خير على الكلام الطيب وصح لسانك

حياك ربي نوورت



عاشقة محمد

ياهلا وغلا فيج وبأهل الامارات

الحمدلله في احد غيري يقول نفس الكلام والله احس اني بصيح الحين

حياج نوررتي



قرقاص

ياهلا وغلا اخوي قرقاص

شاكره لك ايضا مشاعرك الطيبه


حياك ربي نوورت


the king yasseer


ياهلا فيك اخوي ياسر

بغض النظر عن الفئه اللي تخرب لان من كل الفئات في ناس صالحين وطالحين

الله يعطيك العافيه وحياك


~~

إقتباس الرسالة الأصلية كتبت بواسطة Msh3al_37 والله وانا اخوك الي بيدور الشين بيلقاه والي بيدور الزين بيلقاه نفس الشي مو كل الأعلام يتكلم عن السعودية بالسوء بالعكس كثيييييير من الأقلام تكتب عن المنجزات الي تحققت في السعودية وكيف التطور البنياني في السعوديه والي بأذن الله متى ما انتهت اتوقع راح توظف كثير من العاطلين عن العمل كل مجتمع له مشاكله وكل مجتمع ودهـ يصير هو المجتمع الفاضل الي مافيه ولا عيب ومافيها شي لو الأعلام ركز على العيوب من اجل الأصلاح لكن لو تدورين الحسنات بتلقينها اكثر من العيوب تقبلي مروري (F)

ياهلا بك اخوي مشعل

اكيد اللي يبي الزين يلقاه واللي يبي الشين بيلقاه بعد ..

لكن بقولك نقطه مهمه .. قبل كانت الكويت هي الدوله الوحيده بالخليج اللي عندها مسلسلاات واعلامها اقوى اعلام بين الدول الست ..

مابقولك الكل لكن الغالبيه من الخليجيين كانوا ينظرون لبنات الكويت انهم مثل سعاد عبدالله وحياة الفهد << اتكلم عن ذاك الوقت انا

وشبابنا مثل خالد النفيسي وحسين عبدالرضا والى التسعينات كانت هذه النظره من الغالبيه من مسلسلات فجر السعيد الهابطه


لكن لما بدا الاعلام عندكم يظهر وتشوفون اللي كنه نشووفه ( ان مسلسلاتكم تبالغ وماتظهر الا الفئه السيئه بالمجتلمع للدول الثانيه )) . بديتواا تحسون وتعرفون ان مسلسلاتنا لاتمثلنا كشعب كويتي

واحنا كذلك مع من سبقنا مثل مصر ولبنان

واللي بعدنا نفس الشي مثلا عمان الان ينظرون لنا بأن احنا نسخه من بنات وشباب المسلسلات لانهم يظنون ان الاعلام لا يظهر الا الحق لكن لو بدت المسلسلات عندهم تسلك نفس طريق مسلسلاتنا ومسلسلاتكم راح يفهموون الموضوع .!


اعلامكم لم يظهر لي الفئه الزينه بشكل كبير اذا شيوخ الدين مثل ماقالت الهنووف والنعم فيهم مليون مره لكنهم مايقدرون يمثلون كل قئات الشعب مايقدرون يمثلون الشباب الغير ملتزمين ولا البنات ولا الحريم !!



يمكن في عندكم اعلام زين لكني ماانتبهت عليه وهذا شي طبيعي



هذا الرد شامل للي يعارضون الفكرره وماراح اهذر مره ثانيه


حياك ربي اخوي مشعل نوورت