مدخل :

الموضوع من باب المزح والضحك , وأخترت الشخصيتين ( أبو الذهب و قرقاص ) بالجزء الأول لمعرفتي فيهم وسعة صدرهم
والميانه بيني وبينهم زايده عن حدها - ولا يهونون الباقين - , فلا احد يفهمها من باب السخريه ويفهمني غلط , الأرشيف الماضي
مليان بالمواضيع الحلوه اللي مثل هذي , وكانت الروح مابيننا أكبر من مسألة مزح . وما حبيت أكتب بأحد الأعضاء
الجدد علشان مايفهمني غلط ويزعل .. ومع الوقت أن شاء الله تتعودون على مواضيعي وأستقعد لكم واحد واحد


والحين نرجع لمحور حديثنا ,,,


كان يا مكان في قديم الزمان , خلونا نرجع للماضي بـ 35 سنه <------

اثنين مالهم ثالث وكل واحد فاهم الثاني بالاشاره

الاول الملقب بـ ( أبو الذهب ) <--- المعني الاول بالسالفه
والثاني الملقب بـ ( قرقاص ) <--- المهجول بالسالفه واللي خربها


ابو الذهب هالمسيكين الكل عارف بموضوع زواجه المسيار من حبيبة القلب ( سئيده )
بس ما اتوقع في احد عارف سالفة الخطبه الله لا يعيدها من خطبه

السالفه وما فيها ان ابو الذهب عقد النيه بالزواج على سنة الله ورسوله . والمشكله ان أهله رافضين
فكرة الزواج في الوقت الحالي لأن الولد يعتبر من أحلى شباب الحي وخايفين عليه من العين ( اللهم لا حسد )
وابو الذهب جلس فترة طويله يقنع أهله بأنه يتزوج , ولاكن مافيه فااايده ,,, لا يعني لا
المهم راح ابو الذهب لصديقه الصدوق اللي لامن ركض سبووق ( قرقاص ) , وشرح له الموضوع كامل
وعقبها طق على صدره قرقاص وقال ( عندي وانا ابو هندي )

طمر عليه ابو الذهب وقال وشهي تكفى .. ألحقني وانا اخوك ...
قال قرقاص : مسياااااااااااااااااااااااااااااار

رد عليه ابو الذهب : لابووك لابوو اللي يسمع منك .. الحين اقولك اهلي رافضين زواج علني تقولي مسيااار ...
محد قد وسّع لك عينك هالصغيره بمشرط

قال قرقاص وهو يضحك : يالهيس الاربد انا قايل لك تروح لاهلك وتشرح لهم ؟؟
ياثوور انت ولدي وانا ابوك

رد ابو الذهب وهو منفجر : كيف كيف كيف ؟؟؟ هذا اللي ناقص بعد .. من جدك أنت والا تستهبل ؟
قرقاص : اسمعني زين ولا تقاطعني وألا أقسم بالله كف واحد اطلع الاخطاء السبعه بوجهك

الخطه انك تروح تقول لاهلك انك بتروح معي لمكه نآخذ عمره وبنرجع بعد ما تشرق الشمس مرتين <-- مافيه ساعات أول , وبنروح انا وانت نخطب لك ونفهمهم اني انا ابوك وانت ولدي , ونطلب يد بنتهم زواج مسيار وبكذا محدن عارف انك متزوج ألين ربك يفرجها وتعلن زواجك

وبعد محاولات إقناع من قرقاص ( شوكة أبليس ) وافق ابو الذهب وتوكل على الله ,,

وهم بالطريق رايحين لأهل البنت ابو الذهب طالع من طووره وماقدر يمسك نفسه واعصابه متوتره , مايدري الخطه بتنجح وألا لا .. وقرقاص يحاول يهدي فيه لاكن الرجال مرررهـ متوتر .. ساكت ويهز رجليه وماسك الزقاره بيده ومثل ما يقولون ( زقاره ورى زقاره ) , وبعد 3 ساعات وصلوا لبيت أهل البنت وكانت طفاية السيارة بالشكل هذا ..












المهم نزلوا وطقوو الباب .

















فتح لهم ابو البنت .. هلا بالشباب .. يالله حيهم .. أي خدمه أقدر اساعدكم فيها ؟
قال قرقاص : اللي يسلمك ماتقصر ياولد الاجاويد . حنا من عربانن حواليكم وجايين نتقدم ليد بنتكم لولدنا .



















رد ابو البنت : يالله حيهم يالله حيهم .. هذي الساعة المباركه .. اقلطووو اقلطوووو

وبعد ما دخلوو وتقهوو .. قال ابو البنت : تفضل يابو الذهب طل من هالباب بتلاقي البنت جالسه .. شفها الشوفه الشرعيه وانا عمك ..
قال ابو الذهب وهو معصب : الحين ورى ما تجي هي .. اممزح خلااص .. بروح اشوفها ..
المهم طل ابو الذهب وشاف اللي ماينشااااااااف ...





















وصرخ بأعلى صوته يقووول ... وش ذاااااااااااااااااااااااااااا ؟!!
















طمر ابو البنت وقال : معليش يا ولدي .. اخطيت بالباب .. هذا باب يطل على الحووش .. شف الباب الثاني اللي بجمبه ... قال ابو الذهب : الله يستر لا يطلع لي بالباب الثاني غوريلا

طل ابو الذهب مع الباب وشااف اللي ما قد شافه بحياته آآآآآآآآآآآآآآآهـ يا سئيده ...























صرخ ابو الذهب بأعلى صوته وهو متشقق من الفرحه وقال : ابـيـهـاااااااااااااا .. ابـيـهـاااااااااااااااااااااااااااا

















جاء ابو البنت وصمخه على راسه ( طرااااااااااااااااااااخ ) اهجد يا ولد .. وش اللي تبيها ؟؟ حلاو بقر هي
خلنا نسأل البنت عن رايها ونرد لك . <----- ولك وجه تسألها
قال ابو الذهب : اصبر اصبر .. خلني اشووف .. قاعده تغمز لي
ويمسكه ابو البنت

المهم دخل ابو البنت يكلم بنته وقمز ابو الذهب من الفرحه وبالصدفه سوى دبل كيك على ورى وجلس جمب قرقاص .. ويقوم قرقاص وهو معصب ويمزع ابو الذهب على ظهره وكسب من هالحركه هجمه مرتده

قرقاص : ياخي اهجد .. عمرك ما شفت خير ؟؟
ابو الذهب : لا تلومني .. شفت القمر بعينه <--- أي قمر يابو الشباب

ويقوم ابو الذهب فوق الكرسي ويلوح بالبشت ويغني:نحمدالله جت على مانتمنا..وقرقاص يروس بالطاوله والسبحه بيده


ورجع أبو البنت وهو مبتسم ومتشقق من الفرحه .. ويبارك لأبو الذهب بموافقة البنت
وقام قرقاص وابو الذهب يسلمون على ابو البنت .. ولما جاء ابو الذهب يحب راس خاله
مسكه خاله مع يده وقال له : تعرف وش نسوي بالتيس اذا مصخها مع العنز؟

قال أبو الذهب : لا والله بس وش تبي تاصله.

.قال:نبي نسوي فيك زيه أن زعلتها ..


-----------------------------------------------------

مخرج :

:: ترقبوا الجزء الثاني ::

- الأحداث المرتقبة

ماذا حدث في ليلة الزواج ؟
وما علاقة JAJ بـ أبو الذهب ؟
وماهي الإشاعة التي سببت الإنفصال بين ابو الذهب وسئيدة ؟
وهل ما قيل عن ماجد مقبل صحيح ؟
ومن هم أخوان سئيده ؟
وماهي الجريمة التي أرتكبها صدى الأمس ؟


كل هذا وأكثر في الجزء الثاني ...









.....