يمسيكم/يصبحكم..بالخير والسعاده..
أول شي/ ان مبسوطه ع الروح والمستوى اللي ظهروا فيه اللاعبين..((وين كانت قبل3أيام؟؟؟!!!))
بس النتيجه لا.. رغم اني توقعتها
ثاني شي/ للجماهير الحاضره
((لا احد يقول ليش تتابعين المباراة وانتي قايله مراح تتابعينهم مره ثانيه؟؟!!..
بقوله ماقدرت قلبي ماطاوعني ))
........
ثالث شي ندخل بالموضوع ..((طرائـف أخوي النصراوي))..
هو أكبر مني بسنه فقط..
ولمّا كنا صغار كنا نلعب كوره مع بعض طول الوقت ألين صرنا ثالث متوسط وبعدين
بدى يسحب علي مسوي كبرت ..وياما كسرنا لمبات وتحف وانواااااع العقاب من امي
بس احيان كنّا نحطها براس ولد جيرانا((عمر كسّار))..لاعب منتخب الإحتياجات الخاصه كان ولد جيرانا وملقب بـ (عماري) ..
بس للامانه الولد كان طبيعي ومافيه شي يوحي بأنه متخلف عقلياً..بس الظاهر طلع عنده تخلف عقلي((بسيط)) بحيث انه مايأثر في حياته الإجتماعيه بس يأثر في دراسته ..
المهم مالكم بالطويله..
وكان دائماً مناقر انا وياه واخونا الكبير(العاشق الهلالي)) اللي سبق وتكلمت
عنه في احد مواضيعي قبل يومين تقريباً..ويحاول يغيضنا في ماجد ومحيسن بذاك الوقت واحنا طبعاً
كان فريقنا كله نجوم بوقته..سامي,يوسف,التيما..ابواثنين..عبدالله الدعيع..ليتانا ,وكثير كثير ..
المهم مشت السنين وقدّر الله ان اخوي الكبير ينقلونه في عمله إلى مدينه ثانيه واستفرد
فيني الأخ النصراوي بس ماعليكم كنت قدها وخاصة ان البيت كله هلالي بإستثناء ابوي اهلاوي
وشوي شوي بدى يهجد الولد ويطنش النصر وماعاد يتكلم عنه..!!! وش السالفه ياهووووه ؟؟
لا تعليق.. الولد بدا يهجد من بعد الثانويه العامه..!!!
وبعدها بسنتين خطب يبي يتزوج الأخ وفعلاً خطب وملّك>>طيب وش دخلنّا؟بتحكين قصة حياته
لا الصدق هذا هو لب الموضوع..
المهم وبعد الملكه طبيعي يكلم زوجته..وهنا الأخ نصب نصبة العمر وقال لها إنه هلالي..!!!خخخ
تخيلتوا؟؟؟؟هههههههههههههههههههههههههههههههه..
أكيد طبعاً يستحي يقولها انه نصراوي..إحرااااااااااااااااااااااااااااااااج
واحنا طول الفترة ذيك ماكنّا ندري لأن بصراحه ماكان بينا وبين زوجته تواصل كثير ولاقد فتحنا هالموضوع..
والغريب ان بذيك الفتره لمّا كان ينصك النصر اروح اتمسخر عليه وماكان يرد علي أبد
أثاري الرجال ناصب نصبة العمر..
لا والمصيبه بذيك الفتره لمّا كان يفوز الهلال كان يجيب لها هدايا وخرابيط واحنا طبعاً ماندري عن الموضوع نهائياً..
بعد الزواج كشفناه..لمّا كنّا قاعدين نسولف مره عن مباراة لنا والظاهر كنا خسرانين او متعادلين فيها..وبوجود زوجته وهوللأسف ماكان موجود وقالت انه
امس ضايق صدره عشان المباراة
احنا طبعاً انوااااع الإندهاش
معقوووووووووووله زعلان عشان الهلال...؟؟؟!!!!
وانا اقوله يابنت الحلال(فلان)نصراوي وقامت اسكتت وبعدين قالت لا يابنت الحلال هو
قايل لي من ايام الملكه انه هلالي حتى لمّا كان يفوز ينبسط واحيان يجيب لي هدايا
احنا مو مصدقين ..احنا قلنا اوكي ماعاد يهتم بالنصر وصار يهتم بالكره الأوربيه .
.بس معقوووله يحوّل هلالي؟؟!!!
هذا اللي ماخش مخنا ..وهي انهبلت وجلست تقول معقوله يلعب علي ..
واحنا قاعدين نضحك ونستهبل عليها ونقولها يابنت الحلال متفشل وش تبينه يقول..!!
/للمعلوميه هي ماتحب الكوره وماتشجع شي بس انها تقعد تناظر مع اخوانها..
وشوي طيب الذكر طب علينا وانا اقوله تعال يالنصراوي وش عندك تنصب على زوجتك
قال وش السالفه؟؟
قلت ليش تنصب وتقول إنك هلالي؟؟!!!
قم لف وجهه وسوى نفسه مستسخف الموضوع ووقال وش تبون عشا؟؟
ههههههههههههههههههههههههههههه..ومن عقبها ماعاد فاتحته بالموضوع ..احترمته عاد واستحيت افشله مره ثانيه وصرت أتعامل معاه على انه هلالي
على فكره هو الحين له 3سنوات ونص متزوج
بس وسلامتكم..
.....................................................................
نقاط من المباراة..
شراحيلي/ لم تختبر كثيراً..ولكن ماقصرّت<<مع انه كان اكثر واحد مخوفني..
هوساوي/بدعت اليوم..!!!!
المرشدي/خطأك فااااادح..وكررته لمّا خليت عباس يشوت براحته..
لي يونغ/غلطتك الوحيده مع المرشدي كلفتنا هدف
نامي/ بدّعت برضه اليوم..
رادوي/ لاتعليق زي العاده..
الغنام/برضه ماقصرت..
الشلهوب/ رغم انك سبب رئيسي في هدفنا إلاّ ان بطأك في تسليم الكوره احيان بوسط الملعب كاد ان يكلفنا كثير..
تياقو/نفس الشلهوب في البطء ..لكن بشكل عام لابأس..
ويلي/وينك من زماااان..؟!!!
عيسى/ سجلت الأصعب وأضعت الأسهل..!!!
...
جيرتس// الحمدلله أخييييييييييييييييييييراً باي باااااي..
.....
شبيه الريح/ فقدناااااااااااااااك
...............................................
شطحات<<وبعضها إنسانيه
1/فيصل بن تركي كان واضح إنه فرحااااااااان بالتعادل..
2/ عزيزي جمهور النصر..بما إنك جلست تصفر آخر ((5)) دقايق ..تحس إنك فايز مثلاً
3/ حارسهم رحمه لهم+الحظ اليوم معاهم بقووووووه..غير أخطاء الحكم..
4/(لإنسانيه) برضه حارسهم بغى يروح فيها قبل اسبوعين الظاهر لمّا بلع لسانه واللي يساعد
على هالشي هو مضغ العللك اثناء اللعب لإنه يسد مجرى التنفس في هذه الحاله
ويضاعف من خطورة لإصابه..لذلك لازم يبطل ياكل علك وقت المبارايات