استقالة جماعية ..!!! لييييييييييييه .. حرااام وقسسم بالله - نادي الهلال السعودي - شبكة الزعيم

هـــلاKSAلـــي · #1 20/10/2010, 11:09 PM

السلام عليكم ورحمة الله

اول شي قدر الله وماشاء فعل ...... لم يكتب لنا نصيب

الهلال خسر الأسيوية نعم خسرهـآآ ...

لكــن خسر من هو اكبر من آسيـآآآآ

خسر من احبه الجميـــــــع

الأمير الخلوق المحبوب صاحب النوايا البيضاء / الأمير عبدالرحمن بن مساعد بن عبدالعزيز آل سعود

كنت اتمنى أن يختم مسيرته الذهبية بآسيـآآ ليس لأجل غيرك

عبدالرحمن بن مساعد

كم من جماهير احببتك صغبرة وكبيرة هلالية وغيرهـآآ

عبدالرحمن بن مساعد

نعم أنت من جلبت اجانب مميزين بمبالغ طائلة

اذا السؤال لكم جمهور الهلال العزيز من اكثر حزن بالخروج المرير من اسيا انتم ام ابن مساعد ...؟؟

من اكثر مرارة انتم ام من دفع وجهز الفريق حتى وصل قبل النهآآئي ..؟؟

بعد المباراة سمعت تصريح ابن مساعد انه يتحمل المسئولية كاملة وهو لاذنب له

بعدهـآآ سمعته وليت اني لم اسمع

قال : اعلن تحملي كامل المسئولية .... واعلن تقديم استقالتي

السؤال هل سنملئ مدرجات الهلال في المباراة القادمة ليس الا لأجل ابن مساعد

تنبيه جماهير الجار مسنتره في منتدانا لزرع تفكيرهم الصغير

اترك لكم التعليق

هـــلاKSAلـــي · #2 21/10/2010, 02:03 PM

للرفــــــــــــع

...........

مجنون المتدور · #3 21/10/2010, 02:08 PM

اول شي مشكور على الموضوع

ثاني شي الامير طلع امس عبر قناة الرياضيه واعلن تراجعه بشرط ان اعضاء الشرف يدعمون النادي

باسل الزعيم · #4 21/10/2010, 02:09 PM

وها رد لكم يا جماهير سمـــاء الملاعــــب

اللي يبي يستقيل يستقيل

اهم شي رادوي امس شفنا وش سوى لعب باخلاص وروح عاليه

و الحق ينقااااااااااااااال وبالفـــم المليـــــــــــان والمليون والترليون

اقول هجوم الهلال انتهوا خلاص صاروا عجايز و صفر على الشمال

جيبوا لنا مهاجمين اجنبيين افريقيين وبرازيليين واضمن لكم بعد الله اسيا والعالمية المستعصيه وينهون المباراة لكم

شوفوا الفرق الكبيرة وشوفوا فرق اندية الخليج كلها مهاجمين اجانب

70 % البطولة بعد الله على الاجنبي

اما ياسر ماحرك بالمباراة ولا شعره

المحياني ركض على قلة فائده

وليد معهم معهم عليهم عليهم

نبي مهاجم فــــــــــــــذ يعرف المرمى

سرحوا ونيفيز وويلي

وهاتوا هجوم بدالهم

وسرحوا الفريدي جالس يتمطط كأنه فائز بالمباراة ويلعب على التعادل

اه اه اه لو كنت رئيساً للهلال الهجوم الهجوم الهجوم سلاح تحتذي به الفرق الكبار

اه يازمن اول

رامـبو الهلالي · #5 21/10/2010, 02:12 PM

لاترحل ياابن مساعد

وانا سمعت ان سامي قد يستقيل

الله يستر

لابد ان نفكر في القادم وننسى الماضي

اعجبتني هذه الجملة في توقيع احد الاعضاء

صحيح ان اسيآ ضآعت لكن مالفائدهـ من التباكي والغضب فلنرجع ابستامتنا ونطوي صفحة المآضي لأننآ عشاق لهذا الكيآن

جمهور الجار جالس عندنا ويسب ويشتم

حتى في منتداهم قلبوه منتدى الزعيم مو منتدى الفقر

كركر الباحه · #6 21/10/2010, 02:13 PM

الله يوفقه ماقصر روح الله يسعدك

رامـبو الهلالي · #7 21/10/2010, 02:15 PM

إقتباس


	اي مشجع هلالي رجل ولديه عزة نفس لايحضر المباراة القادمة امام النصر 68 الف مشجع يعني اكثر من الحضور للمنتخب وسودوا وجيهنا الله يسود وجيههم

رجال وغصب عنك وبنحضر ان شاء الله

واللاعبين لم يحالفهم التوفيق

اذا فزنا رفعتوا بالفريق فوق واذا خسرنا تسبون وتشتمون

بهلاليتي معجب · #8 21/10/2010, 02:20 PM

أولاً هاردلك للجميع
كبير ياابن مساعد على أي أساس يتحمل المسئوليه وهو اللي خسر حتى صحته من أجل الزعيم
وبالنسبه للحضور المباراه القادمه:
مهم ومهم جداً:
1- لعيون الرئيس حتى لا يرحل قبل نهاية الموسم
2- حتى لاتصيبنا انتكاسه بسبب الخروج
3- لأننا جماهير الوفاء
4- حتى نعيد الروح والثقة لللاعبين
5- حتى نغيض غيرنا
وبإذن الله (5) تعيد الزعيم لمستواه

هـــلاKSAلـــي · #9 21/10/2010, 02:22 PM

اشكركم اخواني على المشاركه

الصاعقة 999 : مع احترامي لك ردك غير محترم وراقي

حكمت على من سيأتي في المباراة القادمة ليس رجل وليس له عزة نفس ..!! يعني من كلامك نترك تشجيع الزعيم احسن ولا وش رايك ؟؟؟

Mr.Raed · #10 21/10/2010, 02:23 PM

اول شي مشكور على الموضوع

ثاني شي الامير طلع امس عبر قناة الرياضيه واعلن تراجعه بشرط ان اعضاء الشرف يدعمون النادي

abo aseil · #11 21/10/2010, 02:23 PM

لازم الحضور لان الجمهور يحضر علشان الهلال وليس لعيبه الهلال

هلالي عاشق بلادي · #12 21/10/2010, 02:23 PM

إقتباس

الرسالة الأصلية كتبت بواسطة الصاعقة 999


	انا اشوف الاستقالة سليمة لان الادارة لم تحقق ماكانت تخطط له الشي الثاني اي مشجع هلالي رجل ولديه عزة نفس لايحضر المباراة القادمة امام النصر 68 الف مشجع يعني اكثر من الحضور للمنتخب وسودوا وجيهنا الله يسود وجيههم

مع احترامي لك من انت حتى تمنع جمهور الهلال من حضور مباراة الهلال والنصر ؟

حتى ولو خرجنا من البطولة الآسيوية هل معناها نخسر باقي البطولات ؟؟؟؟

مع الأسف تفكيرك جدا محدود وسطحي والحمدلله منت مسؤول هلالي .

كيمو جلاجل · #13 21/10/2010, 02:28 PM

الحضور ثم الحضور ثم الحضور

انا اشتغل في الجنوب وبستاذن من المدير لعيون الهلال
ياجماهير الزعيم تكفون الحضور ثم الحضوووووووووور

وانا اولكم وبجيب الي اقدر عليه والي يبي افزع له بقيمة تذكره انا مستعد هذ1 الكيان الهلالي موب اي كيان

$هلالي والراس عالي$ · #14 21/10/2010, 02:34 PM

إقتباس

الرسالة الأصلية كتبت بواسطة الصاعقة 999


	انا اشوف الاستقالة سليمة لان الادارة لم تحقق ماكانت تخطط له الشي الثاني اي مشجع هلالي رجل ولديه عزة نفس لايحضر المباراة القادمة امام النصر 68 الف مشجع يعني اكثر من الحضور للمنتخب وسودوا وجيهنا الله يسود وجيههم

وش هالمنطق والنغمه الجديده ..مراجل .. وعزة نفس .. وكرامه ... وسواد وجه .

من متى كان جمهور الهلال عديم الوفاء حتى يقاطع !

حاضرين حاضرين الله لايعوق بشر وإبليس ملعووووون مدحووووووور .

الفا999 · #15 21/10/2010, 02:35 PM

إقتباس


	انا اشوف الاستقالة سليمة لان الادارة لم تحقق ماكانت تخطط له الشي الثاني اي مشجع هلالي رجل ولديه عزة نفس لايحضر المباراة القادمة امام النصر 68 الف مشجع يعني اكثر من الحضور للمنتخب وسودوا وجيهنا الله يسود وجيههم

مع أحترامي تفكيرك على قدك يعني بسبب الخرووج مانحضر
أول شيء هذا حال الكوره وثاني شيء رجال غصب من ورى خشمك وبنحضر ونساند الكيان
وأنقلع لمنتداك يامندس