بسم الله الرحمن الرحيم
السلام عليكم ورحمة الله وبركاته
اسف للانقطاع الغير طويل >>>> واللي درا عنك اصلا <<<
نعود لمحور حديثا
هذه اللقصيده احدى قصائد الشاعر المرحوم بندر بن سرور واتوقع ان منكم من يعرفه والاخر لايعرفه وهذه القصيده موجهه لمن يعرف الشاعر المرحوم والذي لايعرفه

وبصراحه وبعيدا عن الفلسفه هذه القصيده من اروع ما قرأة لهذا الشاعر الفذ رحمة الله عليه
واليكم القصيده واترك لكم الحكم عليها وانشاء الله يكون عندي حس وذوق في الشعر وتكون القصيده كما توقعت

اليكم القصيده

[poet font="Simplified Arabic,4,white,normal,normal" bkcolor="transparent" bkimage="backgrounds/20.gif" border="none,4,gray" type=0 line=200% align=center use=ex length=0 char="" num="0,black" filter=" dropshadow(color=gray,offx=4,offy=4)"]
يامل قلب تله الود تلي = تل الرشا من فوق ملحا جلاله
في غربها تسعين فري ومشلي = وتجفل اليا سمعت ضريس المحاله
من واحد طرق عليه يهلي = جدد جروح القلب مع ما جرى له
برمش العيون اللي هدبهن مظلي = ضاف على بيض المحاجر ظلاله
يابنت عيفي واحد ما يصلي = تارك عمود الدين مالك وماله
عيفيه لو يفرش لك البيت زلي = من لايخاف الله حرام حلاله
خلي ملعن والدينه يولي = تلقين في نجد المسمى بداله
وعليك باللي للجماعه يهلي = اللي كما النبوة منارة دلاله
بالرجل ثنتين حداهن يدلي = ومن كبهن ماهوب وايا الرجاله
وان كان مابه دين مع زين دلي = جعله من الدنيا تقطع حباله
[/poet]

##################

وارجو ان تتقبلون عذري اذا كان في القصيده اي اخطاء او نقص


وادعوا كل من لديه قصائد او سيره ذاتيه لهذا الشاعر ان يعرضها في المنتدى لاني من احد واشد المعجبين بالشاعر بندر بن سرور العطاوي العتيبي

واتمنى ان تنال اعجابكم وان تتقبلون الطلب بسعة ورحابة صدر

اخوكم : تمياطو11

يسلمووووو أخوي تمياطو11

على الاختيار للقصيده الرائعه

مشكوره اختي اضواء الهلال هذا والله من ذوقك الراقي وحسك الادبيالمتميز

وين الناس منذ مبطي ما شفنا توقيعك بالمنتدى.
قصيده رائعه وانت رائع ايه الرائع
تحياتي لك وعودا حميدا انشاءالله ومن طول الغيبات جاب الغنايم

مرحبا بك أخوي تمياطو ، والحمد لله على السلامة..

فعلا هذا هو الشاعر الذي فقدناه في هذا العصر الذي عج بكل شيء ، والذي نثر علينا كل من هب ودب من الشعراء ، ولا حول ولا قوة إلا بالله....

رحمه الله رحمة واسعة، وغفر له ذنوبه..

أخي تمياطو11 ، هذه هي القصيدة ولكن مع تنسيقها وذلك في خيارات (( شعر )) والموجود في نافذة الرد أو كتابة موضوع جديد..

وإذا أردت أن أكتبها لك في نفس موضوعك ، فأرسل لي رسالة خاصة..
[poet font="Tahoma,4,black,normal,normal" bkcolor="transparent" bkimage="backgrounds/3.gif" border="solid,4,black" type=0 line=200% align=center use=ex length=0 char="" num="0,black" filter=""]
يامل قلب تله الود تلي = تل الرشا من فوق ملحا جلاله
في غربها تسعين فري ومشلي = وتجفل اليا سمعت ضريس المحاله
من واحد طرق عليه يهلي = جدد جروح القلب مع ما جرى له
برمش العيون اللي هدبهن مظلي = ضاف على بيض المحاجر ظلاله
يابنت عيفي واحد ما يصلي = تارك عمود الدين مالك وماله
عيفيه لو يفرش لك البيت زلي = من لايخاف الله حرام حلاله
خلي ملعن والدينه يولي = تلقين في نجد المسمى بداله
وعليك باللي للجماعه يهلي = اللي كما النبوة منارة دلاله
بالرجل ثنتين حداهن يدلي = ومن كبهن ماهوب وايا الرجاله
وان كان مابه دين مع زين دلي = جعله من الدنيا تقطع حباله

[/poet]

ولك وللجميع تحياتي ،،،،

أخوكم / البارق

أول شي الحمدالله على السلامة أخوي تمياطو11


وفعلا قصيدة جميلة


ألف شكر

مشـكوووور والله قصيده رائعه وانا من المعجبين بالشاعر

;)
[poet font="Simplified Arabic,5,white,bold,normal" bkcolor="transparent" bkimage="backgrounds/21.gif" border="ridge,5,indigo" type=2 line=350% align=center use=ex length=0 char="" num="0,black" filter=""]
ياسهيف الذرعان مانيب مـــــــــــرجوج
رجتني الأيام غدر وحـــــــــــــــــــيله
يابنت لولا اللي على تاسع الـــــــــفوج
تركت نجد وعزوة بالقـــــــــــــــبيلة
لاشك حاديني على نجد هـــــــــــادوج
مسقي الفيافي لين يدرج مسيله
تركي ليا من الليالي غدن عـــــــــــــوج
حملة عتيبة كلها ماتشــــــــــــيله
يرسي كما ترسي البواخر على الموج
ومنين ماصك البحر يرتــــــــــــكيله
مادام تركي حي مــــــــــــــــاودي أدوج
وإن غاب غبت من الرجوم الطويلة

بنـــــدر بن سرور
وسلامتكم
[/poet]

هذي ثانيه ;)
بس فيه بعض الفرق بين اللي يقوله ملقي القصيده والمكتوب الظاهر مختلفين العلماء فيها

[poet font="Tahoma,4,darkblue,normal,normal" bkcolor="transparent" bkimage="backgrounds/5.gif" border="ridge,4,indigo" type=2 line=200% align=center use=ex length=0 char="" num="0,black" filter=""]
يالله يا جال الامور المهمة
تجلا وهج قلب برا حال راعية
البر دجته والبحر رحت يمه
يقطعك يا حظ على الله مساعيه
يوم أن ولد اللاش رزقه على أمه
رزقي على اللي ميت القشع يحييه
يامل قلب كل ما مات همه
دارت دواليب الدهر لين تحييه
فراق شمل الناس عيا يلمه
وقت يشيب الراس من شاية فيه
أحد ينام وحط راسه بكمة
واحد تخم النوم عينه وتخطيه
واحد يحاول بالردى بنت عمه
واحد يحاول ستر عذراء عوانية
ماني وانا بندر ببياع دمه
يقطعك يا بياع دمه ومهفيه
اللي يبيع لا بسات الازمه
ثور يبابيض الرعابيب تغنيه
يزعل لياجت ليلة الدوريمه
يرضى بسوق المال فخوه و فابيه
خطو البخيل اللي يكبر معمه
يقرأ الكتاب وواجب الله يخليه
إمر هرج لك في رفيقه بنمه
والاعطا وامه تضيع هقاويه
أنشدك ياللي كل فرض تتمه
تقرا الكتاب وكل فرض تصليه
ويش القليب اللي غميق مجمه
ما فاد غرسه ماه . عطشى سوانيه
تخالف الانظار شرق ويمه
وكل هدف رآيه من الناس مرضيه
سم السبب يا عارف عنه سمعه
سم السبب يا عارفه قبل اسميه

بندر بن سرور

[/poet]
[sound]http://www.dwaihi.com/25nab196.ram[/sound]

يا الربع فيه موقع اقدؤ احمل منه القصائد

الحمد لله على السلامه أخوي تمياطو 11
وقصيده أكثر من رائعه تشكر عليها ..
وجهد ملحوظ لكل من مشرفنا العزيز البـــــــــــــــــــــارق والعضو المميز العـــــــــــــــرفج قصائد رائعه يعطيكم الف عافيه


تحياتي

أخوكم / أحمد

مشكووووووور وتسلم

وما زال رحيل ( متـنبي عتـيبة) مثاراً للجدل !!

رحل ورحيله مُبهم ..

لله درّك من شاعر .. ورحمك الله وغفر الله لك خطاياك ..

وألف شكر أخوي على هالموضوع والذكرى الجميلة لعملاق الشعر النبطي ..

اشكركم واقدر لكم حبكم لهذا الشاعر العملاق الكبير واشكر كل من ابدا رائيه في القصيده
****
اخوي الوافي الهلالي ياهلا فيك والله يخليك لنا حنا يالزعماء اعضاء المنتدى
وهذا السؤوال والاهتمام اعتز به وماهو غريب اذا جاء من اخ عزيز مثلك وشرواك

******
هلا اخوي البارق 2000
هذا والله من ذوقك للقصيد وانا بصراحه انشرح صدري لاني لقيت ناس تعرف هالشاعر
والله اني كنت متوقع انه غير معروف بهذا القدر الكبير اللي لقيته من رودوكم

وجزاك الله خير --- رحمه الله واسكنه فسيح جناته

*********
هلا اخوي yazeed_9
الله يسلمك ويخليك هذا والله من طيب اصلك يالغالي تسأل عنك العافيه
وانت اجمل

******
هلا اخوي العرفج وان اروع وذوقك اروع واروع بعد وش تبي اكثر
والله هذه القصيده ناقلها من كتاب اسمه ( شعراء عتيبه ) وهذه القصيده ناقلها حرفيا
مع ان الكاتب لك عليه في نقل بعض القصائد لكن هذا اللي لقيته للشاعر .
واعذرني اذا كنت مقصر في نقلي للقصيده او عدم التحري عن صدقها

******
هلا فيك يالساهر للابد
وطلبك تلقاه عند محررنا القدير ( العرفج )

******
هلا فيك اخوي احمد 15
الله يسلمك بس كنت في مهمه صعبه الا وهي اقتناص القصيده هههههههههههه
وردك اروع
وانا معك في الجهد اللي يشكر عليه كل من البارق 2000 & العرفج
وبصراحه يستهلون الشكر مربع على قولت اخواننا المصاريه سلام مربع

******
العفووو اختي ريانة العود وتسلمين

*****
هلا اخوي مخاوي البطولات
معك حق في ( وما زال رحيل ( متـنبي عتـيبة) مثاراً للجدل !! )
العفووووو اخوي مخاوي وياليت اذا عندك قصايد للشاعر بندر انك تضعها في المنتدى لاني اجمع
قصائده من فتره ليست بالطويله لكن لم اجد سوا عدد بسيط جدا من القصائد هذه احادها .


=#=#=#=#=#=#=#=#=#=#=#=
وختاما كل الشكر لكل من وضع ردا وشاركنا الموضوع
ولو بالشكر فقط

ولنا لقاء اخر مع قصائد جديده قديمه ( حسب التوفر )

يامرحبا اخي تمياطو 11

تسلللللللللللللللم يالغالي على الاختيار الجميل

تحياتي